شورايج شواخي تبدين معانا في ريجيم الدكتور نيوترشن ؟

أن شاء الله من اسير له بخبركن

السلام عليكم ورحمة الله وبركاته ...

خواتي انا بقولكم شي بخصوص مركز نيوترشن ... انا جربته واما ارتحت معاه موليه وبقولكم ليش.. بس قبل بخبركم كم نزلت ...انامان نزولي على حد قولهفي الدهون ... ومن بديت معاه رجيم اول اسبوع كان نزولي مثالي " 2كيلو " .. بس ثاني اسبوع ثبت وزني مال رضى ينزل ...وبصراحه التزمت اول شهر ... بس ما نزلت وايد مع حالات ثبات الوزن .... بس تغير شكل جسمي ..ولحد الحين نازله 6 كيلو بس بكم شهر انا بديت معاه من اخر سبعه ...

بقولكم شلي ما عجبني فيه ...

يسبب امساك بشكل فضيع .... لازم ملينات ... وكثر الملينات تاثر على الجسم ....

بعدين يسوي ريحه في الحلج ... قبل كان على بالي بس انا ... بس عقب يوم ربيعتي خذت الطريقه واتبعتها قالت لي نفس الكلام بس هي وقفته على طول من حست بالطعم في حلجها ... وانا يحليلي عانيت والله جتني حاله نفسيه حتى قمت ما اتكلم بس علشان لاحد يشم الريحه .... ماكنت اعرف ان السبب هو الرجيم ... عاد غير ريلي والقفطه جدامه ...

غير هذا صار لي مثل الحرقان في المثانه ويوم سويت فحوصات قالوا لي بروتينات في البول من كثر الاكل البروتيني ولما قلت له غير لى وعطاني اسبوع نباتي.. " طبعا مبمفيد "

خواتي اللي تبغي وصفاته عندي بس ما انصحكم فيها..... المنتدى فيها وايد انظمه رجيم خذو اللي يريحكم واتبعوه ...
واسمحو لي طولت ...

*** Emarateyah *** هلا حبووبه اول شي مبرووك النزوول

وثاني شي بلاج تبين تخوفيني منه بعد ماقررت اني ارووح له يوم الخميس ...انا الشي اللي حمسني انه ينزل الدهون وحرقها ويغير شكل الجسم .... ماعتقد ان في المنتدى شي ريجيم ينزل الدهوون ويحرقها ويغير في شكل الجسم ..زتعرفين لو حصلت ريجيم جي مابرووح له بس انا جربت اكثر من ريجيم ومانفع وياي وزاد وزني بدال مايضعفني ....عشان جيه انا تعقدت وكرهت عمري وقررت اني ارووح له


بليييييييييز بنات اي وحده تعرف ريجيم يحرق الدهون ويغير شكل جسم تقولي عنه

مشكلتي دلوعه

الصراحة انا شفت خالت ريلي جسمها منحوت نحات ما شاء الله جنها منيكان وانا الصراحه في اقرب فرصه بسير له هيه خفت في شهر 6 كيلو لكن باين عليها انها خافه 16 كيلو

هذا الي انا شفته