الصراحه نيوترشن كشخه انصحج فيه

هلا اختي مشكلتي دلوعه ..

اول شي مشكوره لانج نبهتيني لشي وايد مهم ...

بخصوص الغده فانا شايله جزء منها بس بصراحه ما سالني اي سؤال بخصوصها وسالت اخصائي تغذيه في منتدى ثاني قالي انها تاثر على الوزن ونوع الرجيم ... فمعزمه ارجع للمركز واخبره ...

شكل رجيمج اختي غير عن الرجيم اللي عطاني اياه ... بس الادويه اعتقد نفسها ... " طبعا من خلال وصفج"

ان شاء الله ارجع اراجع معاه واوصل للوزن المثالي ...

وخلونا نحمس بعض علشان نستمر... ونحط نسب النزول اللي حققناها ... انا من ارجع له خبركم ...


وارجع اشكرج مره ثانيه اختي مشكلتي دلوعه ...

والله يوفق الجميع ...

*** Emarateyah *** انا اول شي سالني عن الامراض وكل شي وخبرته طبعا عن كل شي

اعطاني ريجيم لمدة ثلاث ايام ونفس الريجيم اللي انتي حطيتي الرابط ماله وانا الحين صارلي رابع يوم في هالريجيم

وخلصت الثلاث ايام الاولى يعني صارلي 7 ايام والحمدلله وزني نزل 4كيلو ونص بس احس انه وقف عن النزوول الحين مادري ليش

بس في فرق بين الحين وقبل واحس اني خفيفه مب شرات قبل

ويلا انتي بعد رديله وخلينا نكمل مع بعض ونضعف وحطيلج شريط الوزن عشام نتحمس اكثر

حبيبتي " مشكلتي _ دلوعة " ممكن تنزلي ريجيم اول 3 ايام بس

شكرا

اكيد ممكن بنفسج2005
اليوم الاول ...
الافطار ... برتقاله او تفاحه + شاي او قهوه بدون سكر +معجنات من النوع الصغير ( بيتزا او جبن او زعتر )

الضحى .... نصف كوب حليب قليل الدسم

الغداء.... صدر دجاج منزوع الجلد مسلوق او مشوي + صحن سلطه كبير + 5 ملاعق ارز

المغرب... اي نوع من الخضار كميه مفتوحه + شاي او قهوه بدون سكر + تفاحه او برتقاله او 4 حبات مشمش او 8 حبات فراوله

العشاء... نصف كاس عصير برتقال غير محلى + 2 قطعه جبن قليلة الدسم + رغيف صغير من الخبز الاسمر

اليوم الثاني...

الفطور.. شاي او قهوه بدون سكر + 15 حبه زيتون اسود + شريحة مرتيدلا بقري + ربع رغيف اسمر

الضحى ... شاي او قهوه بدون سكر

الغداء... 5 ملاعق ارز برياني مع صالونه بدون زيت او دهن مكونه من صلصة طماطم و بصله ومشروم وكوسه وجزر وفلفل اخضر مع اللحم او الدجاج مسلوق او مشوي منزوع الجلد + صحن سلطه كبير

المغرب... اي نوع من الخضار كميه مفتوحه + شاي او قهوه من غير سكر + مشمش او فراوله 4 حبات + ملعقتين من اللوز

العشاء... بيضه مسلووقه + شاي او قهوه بدون سكر + ربع رغيف صغير اسمر + 5 قطع كبد

اليوم الثالث...

الفطوور... 5فراولات + بيضه مسلوقه + ثلاث ملاعق لبنه قليلة الدسم +شاي او قهوه مع حليب قليل الدسم بدون سكر

الضحى... شاي او قهوه بدون سكر + كميه مفتوحه من الخضار

الغداء... لحم محمر مع فليفله او ثلث كيلو تكا على الفحم + صحن سلطه صغير

المغرب... 2 كيوي

العشاء... 2 قطعه جبن قليلة الدسم + بيضه مسلوقه + 7 قطع مشروم معلب

لمدة ثلاث ايام وعقب في ريجيم البروتين لمدة 7 ايام

ويفضل عدم الاكثار من الملح والاكثار من شرب الماء

وبس :39: