بنات الحمايل والقبايل طالبه فزعتكم

اولا اﻷكلات الشعبية اسهل بكثير من اﻷكﻷت البرستيج على قولتك انا في تصوري والله اعلم ان زوجك خراط بس طلبات تعجيزية لا اكثر ولا اقل وكل زوج مع مرور الوقت يتعود على كل شئ تسويه زوجته اهم شئ خليك واثقة من نفسك ولا يهزك بكﻷمه ﻷن هذا حال اغلب الرجال ما يعجبهم العجب وانت اختلطي مع جاراتك وشوفي كيف يسوون ومعارفك اللي من طرف زوجك وتعلمي منهم واشتري كتب طبخ وانصحك بكتاب نخبة اﻷ طباق الجزء اﻷول لانه مرة كل اكﻷته متقنة وسهلة وبعدين اخذي الجزء بس بصراحة لو اتقنتي لك كم أكلة من الجزء اﻷول بتصيرين مبدعة طبخ الكتاب ﻷمل الجهيمي الله يضكرها بالخير اكيد تعرفينه او سمعت عنه واعيد المهم ثقتك في نفسك هي اهم عامل وﻷ تحسسينه ابدا انك حأسة بالنقص وتمنياتي لك بالتوفيق

الجزء اﻷول

المفروض يقولك ايش الاكلات الشعبيه الي يفضلها ويحبهاا
ماشوف فيها شي لو سألتي ام زوجك او خواته وقرايبهم عن اكلاتهم الشعبه وطريقتهاا عملهاا

وبالتوفيق ياقلبي

قلبي مثل ماقالوا لك البنات تكلموا بصراحه مع بعض ليه الرسميات والكلام اللي مو صريح خليه يقولك بالضبط وش يحب اكلات ع الفطور وع الفداء وع العشاء ووش قصده بسنع البدو ..وشوفي اهله كيف ضيافتهم واكلهم وقلديهم هههه

اهلين فيكم المصيبه ان خواته متحضرات جدا يعني اكلاتهم دلع وحركات حلوه وصواني وبشاميل وهومايحب هالامور يقول خرابيط وبخصوص امه فهي متوفيه من كان صغير وفاقدها كثير يمكن لذلك يحب الاكل اللي تسويه واذا سالت خواته يقولون اي شيء صلحيه هوطبعه كذا مايعجبه اكلنا ويقولون ان اكل امهم اغلبه شعبيات ومنوعات وكل يوم تطبخ لهم شيء جديد شعبي وهويبي مثلها وبخصوص الجارات ماعندي جارات كلهم كبار واجانب وحده سودانيه والثانيه مصريه ولاشفت منهم اي رغبه بالتعارف خاصه اني بسن بناتهم لذلك مااحتكوفيني وخايفه اجرب واتورط خاصه ان عائلتي صغيره 3اشخاص فقط فانا احيانا اخطىء في حجم المقدار
وزوجي من النوع الكتوم يعني موبالساهل يبدي رايه يقول الذكيه هي اللي تعرف لمزاج زوجها