شلون ما عندج اراده
وين الحرمان الله يخليج
و بعدين مع اصحاب الهمم الضعيفه اللى يعادون غيرهم


تدرين اليوم في كتاب اتكنز الاصلي قريت ان السبب في اكتأب
و قلق و بكاء الناس بدون سبب و قلة التركيز و الخمول و النعاس حتى بعد الاستيقاظ هو تذبذب السكر في الدم و الذي قد يهيا للبعض انهم مصابين بالسكر لكنهم ليسوا كذلك

اذا كنتي من هالنوع فهو الحل بالتاكيد لك


و قد كنت لا اصبر على الخبز و الكربوهيدرات و الرز و غيره و هناك هوس فيني لا يصدق بحيث ابحث عن الاكل بمجرد انتهائي منه ... مع بو عباس و الردكتيل و الاكل المفتوح ثبت اخيرا على نظام لا يشعرني بجوع قولوا ما شاء الله لا اله الا الله انا و غيري قد تغيرت حياتنا معاه و حتى نظرتنا لانفسنا و ثقتنا بنفسنا حتى اننا اصبحنا محط حديث و اهتمام من حولنا و اعجابهم و تركيزهم و نظراتهم المتلاحقه و حتى ملاطفتهم بعد ان كنا مهمشين حتى في اثناء ارتداء افضل ما لدينا و محاولاتنا فتح المواضيع و جذب الانتباه (( و هو ليس بالامر المستغرب فانت تعرفين مجتمع الحريم كم هو ضيق و يهوى المناظر و كذلك الرتابه التي تاتي بعد ان يتعود شخص على اخر لمده طويله و على شكله و اذا كنتي سمينه و فتحوا موضوع السمنه و الاكل حولك تبداين بالتصبب عرقا و تتمنين الانسحاب من الجلسه لحظات حتى يتم الفراغ من الحديث العادي جدا و لكنه مؤلم لك))
و السبب في ذلك انك من اول 5 ك ترمينها الى سلة المهملات التي لا عوده منها ستتغير مقاسات جسمك بسبب الدهون المتركزه في مناطق معينه هي اللى تذوب في الاول



سوي معاي الحميه اسبوعين و بعدين ردي قرري و سوف اتابع كل اسالتك و كل وحده تبي بس بشرط اخذ حبوب فيتامين و انا اتعهد بعدم ترككم بهالاسبوعين

الى متى ستتحججين بقلة الحيله هل تنتظرين ان تمرضي و تكبرين اكثر و تنساب سنوات حياتك الجميله من بين اصابعك

فبعد ان تطبقي النظام اسبوعين لا توجد حجه لك بالامتناع المطلق عنه

فقد اتقبل ان تخربطين فيه و ليس ان تقطعيه الا اذا حملتي او ترضعين؟؟؟؟؟؟؟؟؟؟؟

فما الذي ستخسرينه سوى بعض الكيلوات اللى مخربه عليج عيشتج؟

وزوجج!!؟؟!!

هو في النهايه...رجل

لن ينطق بكلمه واحده اذا اهملتي نفسك و لم تلبسي و لم تهتمي بجسمك و ان كان سمينا!!

و لكنه في النهايه قد يتركك او يكون رحيما بك و يتزوج عليك بالسر و العياذ بالله

و لست اتمنى لك ذلك و لكنى اريد ان اصل بدمك الى الفوران و الذي قد يكون قد سكن منذ مده لديك
هل ترضين لنفسك هذا؟

هل تقبلين على نفسك دور المراه المنهزمه التي ترضى بالخساره دائما لا بل و كيفت نفسها على ذلك
و في النهاية فانه اذا قال لك كلمه واحده طيبه فيها مدح لك و لجسمك فان ذلك سيكون غريبا جدا عليك .. تستغربين حتى انتباهه اليك ؟
و سيكون بمثابة الانتصار الذي ليس له طعم
مثل الحلاوه الحلوة المذاق و التي صار لك فتره ايام و شهور و سنين تتمنينها و تنظرين اليها من بعيد جدا و لكن بمجرد ان ذقتيها حتى نسيتي كم هي حلوه المذاق..!!!!

و بعدين معاج يا اوراد ترى يننتيني و طلعتيلي قروووون

قوى بنات شلونكم....... أمولة الحلوة شلونج والله اشتقنالج ..... أختي اضم صوتي مع البنات لاتسوين عملية روحي تايت سنتر احسن شي يحطولج الي يناسبج وتابعج دكتورة ويمكن مكانة
بالمهلب أخر طابق كأني شايفتة هناك .... عاد مادري هو ولا لا

السلام عليكم
حبيبتي اوراد نصيحه مني لج لا سوين عمليات وتحورفين بعمرج
صدقنيني سكري حلجج وسوي رجيم دشتي او بوعباس وراح تنزلين
وعندج المساج
في وحده مصريه تسوي مساج صج تضعفج
صالونها بالسالميه
اهي صج تاخذ 5 دنانير باقل من ربع ساعه
بس عاد شوفي اشلون تنزلين عندها
وماعليج من زوجج صدقيني اذا لاعت جبده منج
ماراح يرده شي وحجته انج متينه ؟؟؟
حران اللي تسوينه بنفسج 150 كيلو يعني وزن شخصين ( انا بحبطج )
علشان ترحمين حالج حبوبه وتنزلين وزنج
انا مو من ضعفي ( انا مو سمبتيك ) بس الحمدالله انا ماشية برجيم دشتي ونزل وزني عليه وايد
وتغير شكلي والله انه ملامح الجمال طلعت فيني من اول
اعتبريني اختج الكبيره وانصحج وسمعي كلام البنات ترا والله نبي مصلحتج ماراح يدخل بجيوبنا شي
سواء سويتي العمليه او لا !!!
تحياتي للجميع

مشكورين يابنات مشكوره لكل وحده دشت وشجعتني اكنسل العميله والله انكم شلتوا الفكرة من بالي كلش ملش :39:
حبيبيتي الأخت غيم2000 بعد الكلام الحلو اليي كاتبته صديقيني راح مني الاحباط والصراحه كلامج شجعني حيييييييييييييييل اني اسوي رجيم وادعيليي من قلبج امانه

*القلب الحنون* مشكوره يالغاليه على النصيحه :angry:

خوش^^بنيه حبيبتي انا استعملت الردكتيل لما كنت اراجع عند طالب والله ما
فادوا معاي بس انا عندي نوع ثاني استعمله حبوب سد الشهيه من مصر انشالله برجع استعملهم :27:



الأخت مينوونه مشكوره حبيبتي على النصيحه :icon28:


الأخت AMAL-EL7EWA
انتي صج حلوه الصرحه انا فعلا ابكي مرات بدون سبب وعندي حالات اكتآب والصراحه الحل اللي عندج اقنعني وايد وايد وايد وانا قررت انشالله انشالله بحيل الله اسوي رجيم بو عباس انشالله اضعف واسد حلجي عدل بس ادعيلي :D



الأخت تينه المتينه مشكوره يا عمري على نصيحتج


BNT_KWT مشكوره حبيبتي على النصيحه
انشالله راح اسكر حلجي عدل عدل واسوي رجيم بوعباس ولا يهمج يالغاليه


الله يوفقكم كلكم وانشالله نضعف كلنا قولوا يارب :27:

انا اقول لا تضيعين وقت اكثر من اللي ضاع .. روحي لعيادة موسى خورشيد و خليه يسويلج تحزيم .. نص الكويت مسوينها و اصلا اهي الحل الوحيد للي بوزنج

كوني واقعيه .. بتسوين ريجيم شهرين و بتنزلين 20 كيلو و بعدين؟؟؟؟ بتمملين و وزنج للحين وايد 130 و يبيلج سنه ريجيم علشان تضعفين

يبا روحي سوي تحزيم و افتكي .. لا خطره ولا شي ..متى مابغيتي يشيلونها لج .. و اصلا لا تفكرين بشيلتها طول عمرج الا اذا لا قدر الله سوت لج مشاكل قرحه و هالسوالف شيليها وقتها بتكونين خاقه و منزله نص وزنج .. عاد حزتها سوي ريجيمات و تخفيف علشان تنزلين 10 و تزيدينهم مره ثانيه

هذا رايي .. اذا مو عاجبج قطيه بحر