حبيبتي الله يسهل عليج..

انا مغتربه مثلج بس الفرق بيني وبينج أنه عندي خدامه..

أول شي .. اكيد في عاملات يجون للتنظيف بالساعه, خلي وحده تيجي عندج لو في الاسبوع ثلاث مرات تنظف وتغسل الثياب

بالنسبه لمشروبات النفاس. انا كنت أسوي لي ترمس حليب بالحلبه واشرب منه طوووول اليوم..

واسوي ترمس رشاد مع الدبس والفلفل الأسود ونفس الشي اشرب منه طول النهار..

بالنسبه للأكل بصراحه.. أكلي عااادي جدا.. ناكل عادي يوم دجاج ويوم لحم ويوم سمك كله مع رز طبعا ..وافطر بيض وخبز واجبان.. وتعشا خبز وجبن وحليب وفواكه وزبادي ..

بس نصيحتي النصووحه لج.. بالنسبه للبيبي الصغير .. ارضعيه طبيعي .. والله مافي اسهل ولا احسن عن الرضاعه الطبيعيه.. في الليل اذا قام من النوم يبكي جوعان على طول ترضعينه لاتسخنين ماي ولا رضاعات معقمه ولا تبريد ولا تسخين ولا اي شي.. الرضاعه الطبيعيه انا اعتمد عليها اعتماد كلي خلال اول ثلاث شهور من عمر كل بيبي رضيع.. فعلاً مريحه خصوصا تالي الليل..

الله يسهل عليج ويقومج بالسلامه.. ويسخر زوجج لج يساعدج ويعاونج على الاطفال وعلى شغل البيت ..

اختي الله يتم حملك علي خير ويسهل عليك ولادتك وانا اقولك علي تجربتي والحمد لله
انا كنت نفس ظروفك عندي بنتين نفس عمر اولادك ومعي زوجي ومافي اي حد من الاهل ولما قرب موعد ولادتي سويت الاتي
اولا رحت اشتريت كميه من الحم والدجاج والحم المفروم والخضار و كان عندي فريزر كبير قمت طبخت كميه الطعام اللي عندي كل يوم اطبخ كميه واقسمها وجبات تكفينا في اليوم الواح واعبيها في اكياس واكتب الاسم عليها يعني لحم او دجاج او لحم مفروم للمكرونه ومعها اطبخ الخضار وقسمها ايضا كميه لكل يوم واوزع كيس لحم مع كيس خضار وكمان سويت دجاج ومعه المرقه وعبيتها في اكياس يعني قبل الولاده كان عندي الفريزر ممتليئ طعام جاهز ومطبوخ والحمد لله بعد الولاده كنت اخذ من الفريزر الاكياس واسخن ومافي تعب او زوجي يسخن الاكل تقريبا اسبوعين بهالشكل صدقيني حسيت انو فكره حلوه يعني اسلق مكرونه واخذ كيس لحم من الفريزر اسخنه واضيفه للمكرونه جربي وان شاء الله تكون سهل عليك

ياااااربي حاسه فيكي والله الله يكون بعونك لاني مريت بنفس تجربتك وكنت حاسه بالوحده لاني كنت حساسه في هداك الوئت لاني كنت لوحدي واستعنت بالله وادعي ربي كتير ان ييسر لي اموري في حملي

بس بفضل من الله

ربي يسرلي وحده من صديقاتي وكان وئتها مافي موسم سفر وبئيت معايا كل يوم تجيني وكانت تتطبخ لي وتجهز لي اموري الله يجزيها الخير

وانتي ان شاء الله ربنا بيسر لك احد يئوم فيكي ، وتئومي بالسلامه يارب

عيالك ليه ما تدخلينهم دي كير لو تقدرين عشان على الاقل ترتاحين فتره ما هم خارج البيت
والبيبي الجديد خوذي لك سرير رفيع عن اخوانه عشان ما يزعجونك فيه
ولا تشلينه كثير عند اخونه عشان ما يغارون هو لسه مولود ما يفهم
اما الاكل والله انا مثلك حايسه مادري وش بزين

اهلين اختي الله يسهل عليك ولادتك ياقلبي الاخوات ماقصرو بس حابه اضيف شي مهم لازم تسوين لك مريسه تحطين في قدر كميه تمر ومل يدك حلبه ومل يدك حبه سوداء وغطيها بالمويه وخليها ع النار الين تغلي ويذوب التمر بعدين اشخليها واخذي مويتها واحفظيها بالثلاجه واشربي منها والله مفيده جدا للدم ومدره للحليب انا اخذها حتى اياام الدوره والايام الاولى ماشي امورك من المطعم الين تقدري توقفي ع رجولك ان شاء الله تقومي بالسلامه