بنات حواء .... شوفوا تجربتي مع الريجيم ...

السلام عليكم يا بنات حواء
بصراحة حبيت اعرض لكم تجربتي مع الريجيم اللي سويته وبصراحة الكل انذهل لما شافني .... والله وبدون مبالغة ....




المهم ما ابغي اطول عليكم علشان ما تتمللون ....

شوفوا انا وزني كان 72 كيلو وطولي 156 سم اوكي وحملت وانا متينة وصار وزني لغاية الشهر التاسع تقربا 81 كيلو تخيلو
المهم انا اصلا قبل ما اتزوج وزني ما كان يتعدى ال55 كيلو ... اوكي والحين هذا ثالث حمل لي المهم قررت وصممت اني بعد هذي الولادة ما اهمل نفسي وخصوصا ان عمري 25 سنة تو الناس علي على الوزن الزايد .....:02:

اوكي المهم اني ولدت والحمدلله وبعدها على طول من ثاني يوم صرت ما آكل الا ربع الكمية اللي كنت آكلها قبل وامتنعت نهائيا عن المقالي و الحلويات بس قطعة كاكاو في الاسبوع يمكن .... تقدرون تقولون اني ما حرمت نفسي من شي بس قللت الكمية الى الربع واستمريت على هذا الشي لمدة 4 شهور متواصة وطبعا مع الرضاعة الطبيعية خسيت على الآخر وراحت الكرشة تقريبا والحمدلله ... تعرفون يا بنات علشان ما يصير معاي اي نقص كنت آكل تمر على الفطور والغداء والعشاء وكمية كبيرة وكنت اشرب 5 كاسات حليب قليل الدسم يوميا ...


والحين مشكلتي بعد ما مر علي 4 اشهر تقريبا ابغي اعرف طريقة أحافظ فيها على الوزن اللي وصلت له .... واتمنى ان ما يزيد وزني مرة ثانية ...



على فكرة صار لي شهر تقريبا امشي 3 كيلو متر في الاسبوع 3 مرات تعرفون علشان نحافظ شوي ...

كأني طولت عليكم ... اتمنى انكم اتكونون استفدتم من تجربتي .... واي سؤال أنا حاضرة ...