الله يقومها بالسلامه

البنات ما قصرو يعطيهم العافيه

جزاكم الله خير حبايبي ماقصرتوا
ماراح انساكم من الدعاااء
اللي عندها اشياء تانية تكتبها

سوي مرق لحم مع جزر وفاصوليا وحطي عليها القرصان الجاهز الي عند القراص

اشتر حنيني المحمديه جاهز بس سخنيه وحطي عليه سمن وفلفل اسود

شربيها الصباح حليب ساخن مع ملعقه حلبه بودر تدر الحليب

التمر اشتري المعبوط وكل يوم سخني لها بالمكرويف منه وحطي عليه ملعقه شاي حبة رشاد +فلفل اسود +حبه سودا

سوي ليها ترمس قشر قهوه +زنجبيل +مسمار +نينخه

طول اليوم تشرب مغلي القرفه +الكمون

انقعي مره بعلبة مويه وخليها تشرب منها وهي مخففه زينه للشمم

واهم شئ خليها تتدفى

والله يجزاك خير

سويلها كل يوم الصباح عصيده وطريقتها سهله مررررره

حطي في الخلاط ربعه تقريبا تمر منزوع النوى وحطي مويه ثلاث ارباع الخلاط واخلطيه زين ثم حطيه على النار واعجني دقيق بر من القصيم افضل شيء تقريبا عجينه شبه سائله وحطيها على التمر واعصديها على جهه واحده عشان ماتتكتل معاك وحطي شوي فلفل اسود وبهارات اكل وملح وماجي وقصري على النار وغطيها واتركيها على نار هاديه ساعه وحركيها كل ربع ساعه قبل تطفين على النار بدقيقتين رشي ملعقه كبيره حلبه حب وملعقه كبيره حبه سوداء حب وبس حطيها في صحن وفوقها سمن وكثري منه اذا امك ماتعاني من امراض ورشي على الوجه فلفل اسود ناعم وبالهنا والعافيه

اتمنى فهمتي علي والله يخليلك امك ويرزقك برها ماشاء الله

اقول ياحبي لك انا اشهد ,,,الله يخلي لك امك ويخليها لك