انت الذهب مهما عـلا فوقـه غـبـار..
يبقـى مـدى الأيـام سلـعـه ثميـنـه..
ومثل المطر مهما المطر هل مدرار..
لو غاب عام صاحوا الـنــاس ويــنــه..
ومثل البحر غلطان من قــال غــدار..
وموجه يعـالـج كـل عبــره حزيــنـه..
مب الحين كل وحده منكم تتوهق وتحسب ذا الابيات لها!! لا ذي لبعد طوايف جداني (( الترفيهي )) من جد يابنات احبه ذا الكائن لدرجه اني ودي اتزوجه ونكون اسره سعيده >> ترى ذا الترفيهي حق حواء:07:
يعني مهما أبطينا عنك بالمواضيع والهبال فتأكد أن قلوبنا تبقى دوماً متعطشة لينابيعك الزاحفه >> لا احد يعلم اني سارقه ذا السطر من الادبي
ورغم ان عليك قوانين لك عليها شوي .. واحيانا تسوي حركات مالأمها داعي:biggrin: .. بس ولو تظل حبيب الشعب بلا منازع
^
^
السطور ذي كلها للواحة الترفيهيه يعني لا احد يدقق.. هي مجرد كلمة راس وهي بتفهمها ان شاء الله
أيه وش كنا نقول بعد >> برااا
ايه صح وقفنا عند كلمة المونديال :biggrin: ( تبي تشككم بارواحكم النذلة) عالبركه الفوز يالطليــان وحظ اوفر يابتاعين فرنسا >> شكلي دخلت بالسياسه
أنا بصراحه من حيني ابي ايطاليا تفوز بالكاس .. يستاهلون راعين البيتزاء >> والله من الشفاحه
ايه بعد أخاف يخسرون ويقطعون بيتزتهم عنا >> يعني بتفهميني انك ذايقتها منهم!
وعلى طاري السفر >> والله ماشربت شئ مستنكر .. بس البارح وانا اتعشى جغمت لي ميرندا فراولة والحق ينقال ان طعمها كان متغير شوي .. فماادري ان كان البلا منها عاد!! تصطفلون انتم والجميح >> وش دخله!
ايه اقولكم على طاري السفر .. هاللي حارسين ديرهم ماشاء الله ورى مايطسون أي مكان قبل لا يتفحمون!! >> علمي نفسك
ياعالم من جد !! أحس الرياض حامت كبدها مني .. عندي احساس انه بتطلع لي رجل وتشوتني عشان انقشع منها:biggrin:
أنا بصراحه فكرت أروح اصيف
بالخرجخصوصاً اني سمعت انهم فتحوا بحر هناك والجو فيذاك يالله من فضلك هواء يرد الروح أمطاااار ورعود وبروق وثلوج ( الاخيره قويه والا؟) حتى ان الاطفال اللطيفين هناك يتحاذفون بالثلج وهم لابسين قبعات وشالات ..رجل الثلج ملّ من كثر مايسوونه >> يازينه من يومني بزر وانا احلم أسويه واصور معه :
:
شكلكم الى الآن تتسائلون في بوتقه أنفسكم .. انا وش أبي؟؟ ولعلي أسمع بعضكم يهمس بـ عطوها ريال بالله وخلها تنطم .. وانا اقول وش دخلكم واحه ابوكم هي ؟؟:biggrin: انا حره اكتب اللي ابي >> ورعنه متأخرة هع هع
الزبدة .. اليوم عقل ماكوو >> بس اليوم !
وعشان ماتصير خسائر ببيتنا يعني قررت اني أحط ذا الموضوع وانصب فيه على كيف كيفي واللي مب عاجبه عنده بحر الشرقيه اقرب شئ يشفط منه لين يتفخ بطنه >> كل مقداماتها فاشله وعربجيه مع الأسف
:
:
المهـــم..
:
:
ذيك اليوم كنت شابكه وداخله اسعسع بالترفيهي .. فجأة حسيت اني جوعانه ومن حر البطن ماابي احتري لين أخلص من المنتدى واسكر وانزل ادور لي شئ ابلعه..
قمت نزلت انا وكمبيوتري تحت للمطبخ ابسوي لي اندومي:biggrin:
فجأه الا القى جهاز غريب بوسط المطبخ!! أستغربت وش جابه هنا!! ومن زود التناحه قمت الغوز واحبرش فيه !! أحسبه آله فيشار والا شئ >> همها البلع
قمت رصيت زر أحمر .. طلع لي صوت رجال يخوف يقول : مرحبا بك في آلة الزمن .. سيتم أعادتك الى الوراء ثلاثه قرون .. استعد سنبدأ الانطلاق( القرون هي جمع قرن .. ومهب القرن ذاك حق الثور جعل الثور ينطح بوش قولوا آمين لا القرن يعني 100 سنه ) >> أنا أدري انكم ذهينين بس أقصد كافي لاتيه ذا الفاهيه أجل أحد مايعرف وشو العقد!!
طبعا انا جتني ام الركب ودقتني النفاضه .. جيت بأنحاش ماقدرت .. كنت باصارخ بس مافيه فايده مااحد عندي!! يعني بينبح حلقي على الفاضي!!
استلمت وغمضت عيوني وذا الاخ بدا يعد العد التنازلي .. وكل ماله قلبي يرقع أكثر لين حسيت انه بيطلع من صدري ويوقف جنبي ومااستبعد انه يمسك يدي بعد >> ترى ذا قلبي:biggrin:
المهم يوم وصل لـ ثري تو ون .. هنا قلبي دقها سامري وحسيت ضلوعي شوي وتستنزل :biggrin: غمضت عيوني بقوه وتمسكت .. يوم قال زيرووو وافتح عيوني الاي في بر أشهب >> تبي بر برخام الظاهر!!
انا يوم شفت السالفه صدق بديت اخاف زياده والتفلفت ادور يمكن فيه سياره والا طيراه والا ان شاء الله سكوتر اقدر ارجع به لاهلي بس ماشفت شئ!! خنقتني العبره وبغيت اصيح .. الا وفجأة شفت كم بعير يتمشون قدامي
قلت بس!! اكيد ان هذي من الجمال السائبه اللي اسمعهم يقولون عنها!! يعني اكيد بتمر سياره والا شئ وتشقلني لأهلي >> انرحم
ويمر الوقت ولا شفت سياره ولا شئ .. الا شفت حرمه تمشي لحالها ..
رحت لها قلت لو سمحتي وين أنا فيه؟؟
قالت : لبيه؟؟ وشلون وين انتي فيه؟؟ انتي بارض الله وانا اختتس
قلت : ايه بس .. ماادري .. انا ضغطت زر بالمطبخ وجيت هنا .. ماادري وش السالفه .. ابي امي ابي ابوي ابي زوجي >> خير!:biggrin:
قالت: شكلتس مصخنه ياعميري !! تعالي معي لخيمة شيختنا وهي تشوف لتس صرفه
طبعا انا مابغيت الا ذي.. فرحت ورحت معها على الاقل ارتحت لها .. اشوى تحكي عربي بعد!! اشوى ان آله الزمن ذي طلعت بنت ناس اشوى انها مارمتني عند ذوليك اللي ويحك يافلان ثكلتك امك ياابن حلسه:biggrin: .. ذولي مير يحكون زيي يعني منب مبتلشه معهم >> طبعا كل ذا اقوله بنفسي وانا اطالع ذا اللي امشي معها
قلت لها : وش اسمتس انتي؟؟
قالت: معتس اختتس..مرت راعي غنم
يوم قالت كذا واطير من الفرحه
قلت انتي اللي بحواء اجل؟؟
قالت : لا والله شكلتس مصخنه ياقليبي .. بنجيب لتس مداد المشاعر تكويتس على علباتس
قلت ايه ايه مداد المشاعر بعد اعرفها .. كل ذولي بحواء
ومير تسفهني .. حسبتني خبله الظاهر
وتدخلني في خيمه كبيييييييييره فيها وحده منبطحه..
مرت راعي غنم: السلااام عليكم .. صبحتتس بالخير يالشيخه
ام تأبط: وعليكم السلام والرحمه .. الله يصبحتتس بالرضا والعافيه .. اقلطي اقربي تقهوي معي بعد شوي بتجيني سعادة الدارين ولينا يفطرون معي .. الا من ذي اللي معتس ياوخيتي؟
مرت راعي غنم: هذي وحدتن مسيكينه لقيتها لحالها عند البعارين وهن يرعن .. وشكلها ضايعه والا منحاشه >> خير شغاله!
أم تأبط: الله يحييها .. لا تخافين وانا اختتس دام انك معنا ان شاء الله مب صاير لتس شئ!! الا ماقلتي لي من انتي ومن وين جايتنا!!
أنا: أنا عذبة الروح .. بيتنا بالرياض كنت في المطبخ ورصيت زر وجيت عندكم ماادري وشلون .. بس والله ماانحشت
أم تأبط: والنعم والله .. ولو اني ماقد سمعت عرب يقالهم الرياض بس مايخالف
مرت راعي غنم: ياعذبة الروح ترى هذي أم تأبط شيخه القبيله هنا
أنا : قولي والله؟!! والتفت على ام تأبط .. يعني انتي اللي بالمنتدى معنا؟؟
ام تأبط: وشو منتداه؟
انا: مب انتي ام تأبط شراً اللي معنا بالواحه .. وقبلتس تكتبين لنا معلقات!! وآخر انتاجك بنوته سميتيها اروني؟؟
أم تأبط كأنها رف قليبها يوم سمعت .. واحه .. معلقات .. أروني .. بس ماش عجزت تعترف انها هي اللي فيذاك
انا سمعت حس برا وخفت يكون رجال والا شئ .. قلت لام تابط: الله يعافيتس عطيني جلال اتغطى به لا يدخل ابوكم يشوفني .. ذا الآله جعلها الضربه ماخلتني اجيب عباتي معي
مرت راعي الغنم: لا من ذي الناحيه تطمني مافيه ولا رجال يعني خذي راحتس
أنا: وشلووون؟؟ يعني رجالكم كلهم فاطسين؟؟
أم تأبط : لا ياشيخه فال الله ولا فالتس.. بس القصه ومافيها اننا مجموعه قبايل تضم مجموعه من الاوادم >> أجل جنّ!
للأسف كللللل رجالنا مسافرين يدورون مكان زين ينقلون له ومابقى حس رجال في ذا القبايل ( ياكافي ) ماعاد فيه الا مبزره يعني ورعان اطفال صغونين يحترونهم يكبرون عشان يسلمونهم زمام أمور القبيله >> الزمام ترى مب ذاك اللي يحط بالخشم لا شئ ثاني اذا كبرتوا أعلمكم وشو:biggrin:
أنا : ايييييييه اشوى بعد احسبهم رايحين يكتتبون في الاسهم
ام تابط: لا من حنا عندنا بنادق الأسهم صارت قديمه الحين
أنا توهقت ماعرفت أرد عليها ..
أنا : فيني النوم ابي انام
مرت راعي الغنم : هو وش تنامين ذا الحزه!! انتي داريه ان الفجر مأذن وبعد شوي بيقومون العالم
أنا : ايه ادري توني مصليه ورجعت اشبك .. عادي انا منب انوم الا اذا طلعت الشمس
طبعا هم طارت بوهتهم .. متعودين ينامون ويقومون بدري واستنكروني انا الخبله
أم تأبط: ايه مايخالف .. دامها ذي اول ليله لتس هنا فخذي راحتس ونامي واشبعي نوم.. لكن انتبهي ترى عقب بتصيرين مثلنا تنامين وتقومين بدري
أنا : ايه هين
أم تأبط: وشو؟
أنا : لا ولا شئ .. بس الله لا يهينتس ابي قميص والا بجامه انام فيها .. ماتعودت انام بتنوره جينز
مرت راعي الغنم: والله اني مستنكره ذا اللبس اللي عليتس ولا بعد عرفت راسه من ساسه .. بس ياله شكله مهب الشي الوحيد اللي بنستنكره >> مهب سهله تدق
المهم عطوني دراعه عليها الوان مدري وش تبي.. حتى اني وانا لابستها حسيت اني لو باجيب عشره زيي قدرنا ندخل فيها كلنا من وسعها:biggrin:
لبست ودخلوني خيمه فيها فرااش ولحاف بس .. بغيت اقول ابي سرير بس خفت اتصفق .. وسكت وخمدت
وماش ماارتحت في النومه قمت واحس ظهري متكسر .. بعدين المكان مستنكر علي
طلعت من الخيمه وعلى طول رحت خيمه ام تأبط >> دلت الطريق
دخلت ولقيت عندها كم بنت .. سلمت وقعدت .. طبعا هم يعرفوني أكيد ام تأبط مسولفه لهم عني .. شكلها حشت فيني لين قالت بس
لينا: هلا عذبه .. عساك نمتي زين؟؟ لا تستحين من شئ ترانا كلنا ربعك .. معك اختك لينا وتأشر على سعادة.. وهذي خويتي سعادة الدارين
أنا: ايه ايه عرفتكم عرفتكم .. انتي اللي دايم احارشها بالواحه صح؟؟ ماتذكريني أنا عذيب ؟؟ القشراااا؟؟ الروحوفيتش ماتذكرينها؟؟
لينا( تلتفت على ام تأبط) وش بها ذي وش تقول ؟؟ وش واحته؟
أم تأبط: الضعيفه شكلها من الروعه قامت تخبط .. من امس وهي تهذري بذا الواحه!! شكلها القبيله اللي هي جايتن منهم
سعادة: تعالي وانا اختتس .. اقربي افطري
أنا : وش ذا الله يكرم النعمه؟؟ حليب؟؟؟ لا وطازج بعد!! انا حليب جالكسي مااحبه تبيني اشرب ذا االله يكرم النعمه؟؟ وين امي تسمعتس بس وتضحك خخخخخخخ.. أنا ابي توست الله يسلمتس
سعاده: افااا وشذا بعد توست؟؟ انس والا جن ذا؟؟
انا عرفت اني لو باهذر منا للصبح شكله مهب فاهمين وش ابي
قلت خلني اقرب واكل لي من ذا التمر لين اقول بس ..
لينا : الا اقول ياام تأبط البارح وانتي نايمه جتنا وحده من عرب ام العيال وتقول انهم بيجونا اليوم على العشاء .. ماادري عندتس علم والا لاء؟
أم تأبط: ايييييييه الصبح اسمع البنات يقولونه .. الله يحييهم ويبقيهم والله اني فرحت بالحيل مبطين عنهم ماشفناهم
شموخ : ايييييه الله المستعان من عقب زواج ريماس ماعاد رحنا لهم ولا جونا
أنا غصيت بالتمره : ريماس اعرست؟؟ احلىىىى يالطقاقه منتب سهله .. اوريها الدبه متواعدين مانعرس الا سوى.. جحدتني الشينه
شموخ ( وهي مستغربه) ليه انتي تعرفين ريماس؟؟ وش عرفتتس بها؟؟
أنا :: اييييييييييه اعرفها .. مب هي ريماس الخبله .. الطقاقه .. نسميها وضحى الدلاله بعض الاحيان او ام مطلق :biggrin: .. معنا بالواحه هي
الا من انتي؟؟ أحس الصوت مهب غريب علي >> كني سامعته الحين
شموخ : أنا شموخ ..
انا : هلاااااااا والله شموخ .. اكيد انتي بتعرفيني .. انا عذيب وش دعوه ماتذكريني؟؟ نسيتي بربره تالي الليول
والعصابه والريسه شوشه .. وهبالنا بالواحه
لينا : لا حول ولا قوة الا بالله رجعت تقولي لي الواحه..
أنا : الا ياام تأبط وش صار على مداويه الجرحى ولدت والا توها؟
أم تأبط زهي طايرتن عيونها : لا مابعد ولدت .. وش عرفتس بمداويه بعد انتي ؟؟ لاتقولين لي الواحه بعد!!
انا .. الا الواحه .. اجل اسمعي تكفين دامها مابعد ولدت ارسلي لها مسج خلها تجي مع اللي بيجون اليوم .. مشتاقين لها
أم تـأبط: أرسل وشو؟؟
أنا .. توني باقول مسج مير ذكرت انهم قديمين ذولي ولا عندهم جوالات واكلت تبن هع