هلا أختي ..
فرغي عمرج يوم بس حق التفريز .. تفريز البصل .. الطماط .. أي نوع ثاني من الخضروات وراح ترتاحين ان شاء الله على الاقل شهرين ثلاث ..
عن نفسي اقطع كميه تقريبا شوال صغير و افرمه بالخلاط و اكون مجهزة مقلاية .. احمس فيه البصل شوي بس يادوب يذبل
وبس يبرد اخزنه في علب البلاستك البيضاء .. يعني اسوي 6 او 5 علب بلاستيك صغيرة .. الي يكون لها غطااء ان شاء الله تكونين عرفتيه ..
احط واحد بالثلاجة يكفيني لاسبووع تقريبا و الباقين ارفعهم بالفريزر اجمده ومتى ماخلصت العلبة الي عندي قطيتها و نزلت علبه ثانية حطيتها بالثلاجة ..

ونفس الشي الثووم
انظف ثوم بنفس يوم تفريز البصل .. دام الريحه طالعه طالعه خليهااا تطلع بنفس اليوم هههههههه
جزء اخليه مثل ماهو ( فصوص ) احطه بكيس بلاستيك و احطه بالفريزر استخدمه للمرق أو لأاي شي احتاج يكون فيه الثوم فصوصه كاملة أماا باقي الثوم اهرسه بالخلاط و احطه بغرشه زجاجية و عشان ماتطلع ريحة الثوم و لا يخرب اصب عليه زيت شوي بس اغطي السطح العلوي للثوم مثل تغطيه الحمص .. الزيت بيمتص ريحة الثووم كلهااا ولا راح تطلع ريحته بالثلاجة ولاشي .. و هذا يكون تحت بالثلاجة جاهززز للاستخدااام ولا يتغيرررر لونه و لا طعمه ماشاء الله هالطريقه وايد احسن من تفريز الثوم المهروس

واي شي ثاني انا حاضرة

يعطيكم العافيه معلومات جدا مفيده

ياليت افرزن البصل وارتاح من التقطيع اليومي بس وين الطريقه الصحيحه

ياقلبي انا جربت طريقه الاخت مرة الدب المملوح وكانت اكثر من رائعه الله يسعدها وين ماكانت
الي هي قطعي بصل كبار وكشنيه اذا ذبل حطي عليه طماطم كبير بعد لحد مايذوب وبعد فصوص ثوم يعني كل شي كبير واذا برد حطيه كله بالخلاط الكاس وقسميه على اكياس حسب الحاجه وعلى الفريزر انا استخدمه لكلللللللللللللللللللللل شي كشنه للكبسه وللمرق وللمكرونه وللبيتزا تقريبا كل شي
وبعد البصل افرميه واحمسيه بشوي زيت زيتون بس شو ي واذا برد كيسيه انا اقصد الاكياس حقت الساندويش الي من فوق تنضغط وتتسكر عشان ماتطلع ريحته ولا يفسد
وحطيه بالفريزر وكل يوم طلعي كيسه
وبعد ممكن تحطين البصل بعد فرمه بالاكياس على طول مو لازم تحمسينه تحطينه ني


اتمنى اني افدتك واذا عندك اي سؤال اسالي على الخاص

انا مثل فروحه بااستثناء البصل الني :)