تجربتي في انقاص وزني

السلام عليكم


ازيكم جميعا

انا بقالي سنين وسنين بحاول انزل من وزني ومن غير فايدة دخلت منتديات وسجلت وجربت رجيمات

واشرب خلطات غير الحرب النفسية لبعيشها والتعب ومش ببقى طايقة حد

وبقول اشمعنى انا لكده بس برجع اقول استغفر الله العظيم وانزل تسع كيلو وارجعهم تاني وارجع لحياتي العادية اكل اكل المهم بعد معاناة خمس سنين واكتر قررت اروح لدكتورة واداتني نظام اول شهرين كانت بتغيرهولي كل اسبوع والشهر التالت بقت تغيره كل 15 بطلت اكل شيبسي وشكولاته وبسكوت وكل انواع الحلويات وبطلت اشرب بيبسي حتى لو دايت بس اكل فاكهة وخضار وممكن فراخ سمك لحمه زبادي عيش اسمر بس اي وجبة بتكون محسوبة على الميزان


وفي خلال تلات شهور من 130 الى 108 الحمد لله لسه مستمرة في الاول لما كنت اتبع رجيم لوحدي لو لخبطت يوم خلاص الايام لجاية كلها لخبطه وابطل دايت لكن مع الدكتوره لما بلخبط يوم تاني يوم احرم نفسي واكل كميات قليلة جدا عشان اليوم لقبليه اكتسبت سعرات اكتر احيانا احس بنفسيتي تعبت قوي بس لما احد يقلي خسيتي وبقيتي احلى بتحمس

ان شاء الله بوصل لستين ادعولي ولو اي حد عايز الرجيم انا بعطيه عادي