بالنسبه حق جهاز البطن اللي بالصورة بنات الكرسي من ورا فيه حديده لازم ترفعينها مره فوق موب تحت لا فوق المستوا الاول وتلعبين مرتين فاليوم لمده اسبوعين بعدين الاسبوع اللي بعديه نزلي الحديده مستوا واحد اعتقد هو 4 مراحل او 5 المهم نزليه وحده بس واستمري نفس الشي هلاسبوعين مرتين فاليوم
كذا خلصنا شهر وشوفي تعليقات الناس عاد ماشاء الله شلون نحفتي ووجهك نحفان حتى ظهركك ماعنه ظهري مافي شي بس مادري ليش يقولون لي انه نحفان خخخخخخخخخ يلا زياده الخير خيرين
المهم نجي حق الشهر الجديد ننزل مستوا واحد بعد كذا حنا بالمرحله الثالثه معليش تحملوا هالشهر كامل على هالمستوا عشان خلاص مابقى شي علامستوا الاخير فنبي البطن ياخذ وضعه وهم بعد بتلاحظين نتيجه حلوة
وبعدين المرحله الرابعه والاخيره استمري عليها على طول 3 مرات باليوم وان قدرتي 4 خير وبركه بس حاولي تكون 3 حق اللي تبي نتيجه حلوة بوقت حلو ومره باليوم ماهي بشينه
اذا كان الكرسي 5 مراحل
بالمرحله الثالثه تمي اسبوعين ومرتين وخلي المستوى اللي قبل الاخير هو اللي تمين عليه شهر كامل
اتمنى اني افدتكم
وهذي الصورة للتذكير
الله يعطيكي العافيه على الموضوع الحلو
لو ممكن تساعديني انا طولي 160 ووزني 59 نفسي اوصل ال50 واثبت لاني دايما انزل لكن مايثبت الوزن
وبالنسبه للتمارين امارسها كل يوم مع المشي؟؟ واقدر ابدل المشي بالايروبيك؟
ومشكوره يا قلبي
لو ممكن تساعديني انا طولي 160 ووزني 59 نفسي اوصل ال50 واثبت لاني دايما انزل لكن مايثبت الوزن
وبالنسبه للتمارين امارسها كل يوم مع المشي؟؟ واقدر ابدل المشي بالايروبيك؟
ومشكوره يا قلبي
الصفحة الأخيرة
شلونكم حبوبات ودبدوبات وكرشات .... الخ ان شاء الله بس ماكون تأخرت عليكم قبل لارد علاسئله <<<<< حاسه نفسها ببرنامج
المهم خلني اول شي قبل لااستنفذ طاقتي اكتبلكم رمضان ومادراكم مارمضان اتحدا اي وحده تقدر تسوي رجيم برمضان وتجي عالفطور وتاكل نص دجاجه مشويه وتقوم عن الاكل خخخخخخخخخخخ الا بتاكلين الدجاجه وابوها بعد
اول شي خلينا على سنه نبينا عليه افضل صلاه وسلام اول مايأذن بنات لاتحطون الاكل عالسفره وصوا الخدامه او اتفقوا مع الاهل انه نبي نسوي شي جديد خلنا ناكل التمر ونشرب اللبن او كاسه المويه ونصلي يوم تردين عاد انت بتكونين جوعانه خلي صحن الفواكه اول صحن ينزل قبل الكل بتلاقينهم من الجوع نزلوا فيه وانت نفسك بتلاقين عمرك وانت تزهبين السفره قاعده تاكلين فواكه وكذا تنبهين الكبد والمعده والفاكهه سكرها طبيعي فاخف عالمعده من الدهن والزيت والرز وهالخرابيط ان كانو الاهل يتضايقون وهالشي صعب شويه اجل خلاص خلينا باللي نقدر نسوي لحالنا سوي شوربه من غيرها ماراح نقدر ننجح انا يابنات برمضان اللي فات كنت اسوي شورب الخضار اللذيذه موت واكلها وكنه مصلحين اول يوم ورق عنب وانا عند ورق العنب اذوب تخيلو والله العضيم يابنات يمكن كليت 7 حبات وابي اغصب نفسي اوصلهم 10 موب قادره لاني شاربه مويه وتمر وشوربه وحتى الرز كنت تلقائي من غير ماحسب الاقي اني يادوب اكل 5 ملاعق يعني الشوربه شي واجد مفيد بعدين خلاص نبي نقفل حلوجنا الحين الين تصير الساعه 10 او 9 بالنسبه للي يصلحون قطايف بس موب تشيز كيك وهالخرابيط كلو حبتين بالعدد ومعلش سوو (القطر_الشيره بسكر دايت) تلاقونا بالجمعيات مخصوص حق الدايت او القيمات اكلي 7 حبات بس كل حبه اكليها على مراحل موب تفتحين حلجك هوووووووب الا الحبه مختفيه ماندري وين راحت وبالنسبه للي ياحرام ماعندهم حلويات وش فيها الفواكه ماتاكلونها ولا عندكم الشوربه ولا تدرون يلا مايخالف اعتبري نفسك بتفطرين صلحيلك توست مع كاسه (كبتشينو ياسونا ) على قوله الاعلان المصري خلاص خلصنا وطبعا بين الوجبات معروف وش نظام الاكل بس الله يقلع ابليسك البطن مليانه وين يمديكم على السنيك ولا بين الوجبات صدق زطيات والسحوووور اعتبر نفسكم تفطرون او تتعشون وبنات الدكتور عادل عبد العال كان يمدح الفواكه عالسحور يقول انها تنشط الكبد مره وتخليكم مصحصحين طول اليوم بالنسبه للعصاير كاسه وحده فقط عالفطور لاغير اللي تقدر تمشي تمشي اللي ماتقدر احس قيام الليل والمجهود المبذول بهالشهر الفضيل كفايه بس انا اشوف انه انجاز نطلع من الشهر الفضيل من غير مانسمن علاقل والله يعين عالعزايم