تجربتي مع خلطة زيت الزيتون والزنجبيل للكرش...شوفوا النتائج

السلام عليكم

اولا اخواتي جزاكم الله خير لاني الكل يكتب للفائده ان شاء الله

لكن نتمنى امر واحد فقط وهو عدم المبالغه او توهم شئ وكتابته وهو غير صحيح


يعني كثير نشوف مواضيع ان بنات نحفوا في يومين او يومين وللامانه هذي ماتدخل العقل واسمحوا لي لكن الواقع يقول غير مرررره :44:



الله يوفقكم لما تكتبون شئ اكتبوه بعد تجربه على الاقل شهر علشان يكون الحكم صحيح


يمكن فيه بعضكم يعرف معاناتي مع الكرش :44:


سويت امور كثيره سواء تمارين او خلطات شرب او كريمات للدهن او جلسات و و و و سبحان الله مافادني شئ ابد

وبذكر تجاربي بشكل مفصل


سويت خلطات منها خل التفاح مع لسان البحر يشد بس من يوم اتركه فورا كل شئ يرجع مثل ماكان

كريم نيفيا باي سولولايت جربته للكرش والافخاذ والسيقان وماشفت تغيير مره

سويت جلسات lbg وللاسف ما حركت ساكن في الكرش ولا استفدت منها بشئ

سويت ابر الميزوثيرابي للكرش وبرضه ماحركت ساكن

مع استخدام كريم والله بـ 300 ريال لان الطبيبه تقول يساعد مع الابر ولاشفت نتيجه ابد

اشرب شاهي اخضر بعد كل وجبه ويحسسني اني خفيفه واهضم الاكل بسرعه لكن مانفع مع الكرش ولاتحركت


والان مشيت على نظام زيت الزيتون والزنجبيل


دار حوله كلام كثير ومنها نتائج البنات هنا وتشجعت وسويته وبديت فيه من اكثر من شهر تقريبا

وسبحان الله ماشفت نتيجه ابد ابد ابد


قمت وزودت عليه خل تفاح وزنجبيل زياده والف بلاستيك وامشي وافرك وماشفت نتيجه :icon33::icon33::icon33:




هذي تجاربي ومازلت افحط واحاول انا وهالكرش ومالقيت حل وشفط الدهون غالي واخاف منه


مشكلتي سمنتي متركزه بكرشتي من يوم يزيد وزني على طول بهالكرش


ليته يروح ورى شوي :mad:



حبيت اشارككم بتجاربي علشان الكل يستفيد ولعل وعسى نستفيد من بعض بهالموضوع :27:




اقرؤا توقيعي وادعوا :44:





اتمنى الصحه والعافيه لي وللجميع يارب :27: