هلا أم سعّودي

لا حبيبتي مب لازم تاخذين الحبوب.. اعرف بنات سوا الريجيم بروحهم بدون ما ايروحون عند الدكتور و بدون ما ياخذون حبوب و خفوا ما بين 8 إلى 9 كيلو..
بس امشي ف اليوم نص ساعه على الاقل او ساعه.. عشان تحرقين اكثر..

دلاااااااااااااااااال.. هلا والله هلا..

ها شخبار الرجيم.. بعدج صامده..؟؟؟

اقووول نصيحه خشي الميزان عشان ما تنحبطين اذا شفتي الوزن ثابت.. انا اذكر الدكتور ايقوللي آخر 3 ايام ( اليوم الخامس ، السادس ، السابع) هن اللي ينزل فيهن الوزن.. قاللي لا اتخبصين فهالثلاث ايام.. عشان ما ايوقف عندج الوزن..

و في اشياء ثانيه لازم تتبعينها عشان ينزل الوزن أكثر.. و الدكتور وايد أكد لي عليها.. وهي :

1. تنظيم و قت الوجبات :
الريوق 9 او 9 و نص

فترة الضحى : 11

الغدا : 2 او 2 ونص

المغرب : 5 او 6

العشا : 8 و نص او 9


2. ممنووووووووووع السهر.. قاللي آخر وقت اتنامين 11 او 11 و نص..

3. لا اتكثرين ملح.. عشان سالفة انحباس الماي

4. الماي اللي اتشربينه ايكون فاتر..

العز
هلا والله بالغاليه المختفيه
انا للحين تمام بس كثرت من حلاوتهم اليوم
كنت واايد يوعانه اليوم هو الخامس في الاسبوع الثاني
ماشاء الله شوفي الايام تركض
وعوده حميده للرجيم

العز
هلا والله بالغاليه المختفيه
انا للحين تمام بس كثرت من حلاوتهم اليوم
كنت واايد يوعانه اليوم هو الخامس في الاسبوع الثاني
ماشاء الله شوفي الايام تركض
وعوده حميده للرجيم

ومشكووره عالنصايح الحلووه

مساء الخير للكل

يييت و يبت لكم معاي الصوووور..

بسم الله نبدا

- هذي اول صوره و هي صورة الدوا اللي استخدمته بعد ما غير لي الدكتور الدوا اللي حطيت صورته قبل.. لأنه هذا فيه اكثر من خاصيه وهو انه ايسد الشهيه و يمنع امتصاص الدهون و يساعد على حرق السعرات الحراريه..





- صورة سكر الدايت( سبليندا ).. طعمه سكري وما فيه ولا سعره حراريه.. يعني قيمته الغذائيه زيرووو.. في منه سكر ناعم و مكعبات و اكياس.. انا استخدم الاكياس..

على فكره مره تكلم عنه الشيف اسامه (في برنامج مع اسامه اطيب على قناة دبي )يوم ياب حلقه عن الرجيم و كانت معاه اخصائيه تغذيه.. و قالوا انه ممتاز للرجيم.. و للي عندهم سكري.. حتى قالت الاخصائيه اذا كنتي بتسوين كيكه فيها كوب سكر عادي.. استبدليه بنص كوب سكر سبليندا.. لأنه وايد سكري وبالمقابل مافيه ولا سعره حراريه..






- هذي صورة العصير.. لكن مب أي عصيييير.. لا عصير دايت.. 5 كالوريز بس..!
طبعاً انتوا ملاحظين انه الرجيم مافيه اي عصائر او فواكه.. و انا من النوع اللي احب اشرب عصير مع كل وجبه.. حتى الصبح افضّل اني اشرب عصير برتقال على اني اشرب شاي.. وكنت اعاني من الرجيم لأنه حرمني من العصائر.. بس الدكتور قاللي استخدم هالبديل.. انا جربت نكهة الفراوله بالموز و البرتقال.. و نكهة الليمون.. بس عيبني الفراوله اكثر لأني من عشااااق الفراوله.. و عندهم بعد نكهات ثانيه..






و العلبه الوحده فيها علب اصغر فيهن بودره.. كل علبه صغيره بتسوي لج دبة عصير.. مالت الفراوله فيها 4 علب صغار ( يعني 4 دبيب عصير) و مالت الليمون فيها 6 علب صغار ( يعني 6 دبيب عصير).. فهمتوا علي...؟؟ :27:




هاتي دبة ماي ام لتر و نص.. و كبي منها شوية من الماي ( نفس مقدار الماي اللي اتشوفينه ف الصوره) و فرغي فيها علبه وحده من بودرة العصير.. و بعدين خظيها زين و خليها تبرد ف الثلاجه.. وكل ما كان العصير بااااااااارد كل ما حسيتي انه طعمه احلى..





- هذي الحلاوه اشتريتها من عندهم.. ومكتوب في الرجيم انج تاكلين نص حبة الحلاوه فترة الضحى او حسب ما موضح ف الرجيم.. طبعاً عندهم نكهات مختلفه.. و انواع ثانيه من الحلاوه.. استخدمت نوعين قبل شوكليت بالمكسرات و في نوع ثاني شوكليت مع عجينة الفول السوداني.. كانوا احلى بوايد عن هالكوكيز.. انا ما عيبني وايد.. لأني ما احب الكوكيز بس قلت اجربه..





- هذا الجبن اللي استخدمته في الرجيم.. ما عيبتني العكاوي ولا الحلوم و لا الموزاريلا و لا الشيدر ( لأني لازم اكل الجبن بدون خبز.. لو مع خبز كان عادي !!)..

انا من النوع اللي ما احب اتريق.. ف كنت اغصب نفسي اكله و احس اني بزوووع.. و اقترح علي الدكتور انواع ثانيه.. بس ما عيبتني.. و مره حصلت هالجبن.. و ايد طعمه حلوو.. و طبعاً قليل السعرات الحراريه..





- شاي الاعشاب.. ملين للبطن.. اذا ياج امساك من الرجيم لا سمح الله.. و طبعاً الدكتور اللي كتبه لي.. وايد زين.. اشربيه عادي مثل الشاي.. اذا امساك شديد مرتين ف اول يومين عقب مره ف اليوم لين ما اتحسين نفسج خلاص.. و اذا امساك خفيف مره ف اليوم..