الله يخليكم لي حبيباتي , و الله إنكم ونستوني بعمري , و عسى ربي ينولكم إلّي في بالكم سواء كان ( حلم الرشاقة ) ولاّ غيره , و بالنسبة للإرادة و الله أنا كان حالي حالكم كل ما أبي أسوي ريجيم ألاقي روحي منفجعة على الأكل و بحكم إني كنت طالبة في الثانوية ما كان أبد عندي شي يشجعني خصوصا و إن كل إلي في البيت مثل حالتي , لكن من دخلت الجامعة وشفت البنات رشيقات و شحلاتهم صراحة صابني إحباط ما بعده إحباط , و يأست من حالي لكن لمّا شفت جدول السعرات حسيت غن هاذي الطريقة راح تضبط معاي لأن مو معقولة بعد الفجاعة إلي كنت فيها راح أسوي ريجيم قاسي , لأنه شي طبيعي راح تزهقين من الريجيم من ثاني يوم و تقطينه ورا ظهرج , و مثل ما انتو عارفين حجم معدتنا لا اله الا الله كبر التريله , فلازم في البداية تأهلينها بأن تخففين أكلج تدريجيا ليما تصغر و بعدها تسوين اي ريجيم في بالج , علشان جذي انا في البداية كنت آكل إلي ابيه بحيث ما تتعدى السعرات إلي آكلها 1000سعرة , و ما كنت أوزن كلّش علشان ما أتحطم و أيأس لأن حنّا ما شاء الله بروفيسورات في اليأس , بس كنت بصراحة اقوس خصري و حوضي بالمتر و كنت في بعض الاحيان اقص على روحي و اشد على المتر و اقول ان قياسي صغر , و لما وزنت و لقيت وزني صار 62كغ عرفت ان الامل موجود في اني اضعف و انه مو طبيعتي يكون شكل جسمي جذي مثل ما قالوا لي اهلي , فيوم قريت ريجيم بنت الكويت (الله يعطيها العافية ) حسيت انه سهل و كل اكله متوفر عندي فبلّشت فيه و استمريت عليه , بس هذا ما كان يعني اني كنت ماشية بالضبط عليه مثل ما انتو عارفين النفس هيصة و لازم تمر عليج اوقات تخربينها فيها بس كنت احاول قد ما اقدر اني امشي على الريجيم ليما (الحمد لله) وصلت 49كغ , و ازيدكم من الشعر بيت انا ودي اوصل 47كغ بس ما أدري ليش وزني ثبت و مو راضي ينزل , بس ان شاء الله بحاول ازيد من الرياضة علشان انزل هالكيلوين ( يا انا يا هم ) .
و سلامتكم .............,:27:

أوه بنات نسيت ............
بالنسبة لريجيم بنت الكويت , هذا هو الرابط :
http://forum.hawaaworld.com/showthread.php?threadid=87959

ما شاء الله مبرررررررررروك النزووووول
الله يحفظك

بس ما قلتي لي وشلوووووووون تعرفين للسعرااااااااااااات

يعني بالتخمين او كاااان عندك مرجع كتاااااااب
الله يوفقك

مبروك وعقبالي وعقبال كل متختخه:27:

والحين انا باديه في رجيم من اسبوع ونزل وزني 2 كيلو

وانا مثلج الله يخلي عالم حواء والخوات اللي فيه مايقصرووون مع الرجيمات اللي عندهم

اي رجيم يعيبني اطبقه طبعا مخربط:44:

كان وزني 121 والحين 112:21:

والحمد لله

وعقبال ال تسعين:o

والله حمستينا

وان شاء الله اجرب رجيم بنت الكويت

جزاكم الله خير

ورزقكم على قد نياتكم