بسم الله الرحمن الرحيم
السلام عليكم ورحمة الله وبركاته ,,
مرحبآ رشيقات ~
حبيت أفيدكم بتجربتي مع نظام دشتي الراااااائع بحق وحقيقي :41:
بس اول شي ودي أطلب منكم تذكرون الله علي لأن العين حق ، ولا أبي وحدة منكم تأخذ إثمي !
بفيدكم ببعض المعلومات قبل تجربتي عشان بعض الاسئلة وتكون اجاباتي لها واضحة ماتحتاجون تبحثون عن تساؤلاتكم بين الصفحات ,
عمري: 23
وزني قبل دشتي : 75
طولي : 157
فصيلتي : o+
نوع جسمي : كمثري نحيف من فوق وسمين تحت بالأوراك والأفخاذ
حالتي : غير متزوجة يعني لاسمنة حمل ولاولادة ولاشي سمنة من يوم ربي خلقني وأنا دبدوبة :07:
كم استمريت عالنظام : 20 يوماً خربتها يومين بسبب عزيمة ببيت جدتي /:
هل طبقته حرفياً : نعم طبقته بحذافيره من غير اي خربطة الا في اليومين الي قلتلكم ورجعت بعدها بانتظام ( وهذي أسوأ حركة اقترفتها لو ماسويتها كنت شفت نتيجة أفضل بكثيييييييير )
وكل العشرين يوم ماطبقت فيها الا المرحلة الأولى فقط والمفروض حتى تثبت النتجة استمر بالتدريج بالمراحل الأربع حتى اثبت النتيجة والا ماراح استفيد شي ..
وش استخدمت معه : لاحبوب ولا خرابيط ولاغيرها فقط مشروب زنجبيل طازج ( بدون سكر ) بحكم الشتاء وأحياناً اشتهي شاي أخضر ومو كل يوم عشان مايثبت الوزن ، وتناولت كبسولات فيتامين ( جلوفيت ) مكمل غذائي مهم جداً لمن يتبع دشتي والا ابشروا بدمار العظام ونقص الكالسيوم وتساقط الشعر .
بالنسبة للرياضة : المفروض أمشي يومياً بس بسبب البرد والدوام والضغط ماقدرت أمشي ابداً يعني طول فترة ال 20 يوم يمكن مامشيت الا 3 مرات وتمرنت ع الاوربت تراك أربع أيام فقط !!
ولو مشيت وتمرنت ع الدراجة كل الأيام كنت شفت نتيجة مبهرة بس وش نقول الا الحمد لله على فضله ..
أتوقع جاوبت ع كثير من تساؤلاتكم وفضلت انها تكون قبل الموضوع عشان الكل يركز فيها ومانحتاج نسأل ونجاوب وخاصة انه دخولي للمنتدى قليل وأخاف وحدة تحتاج تستفسر عن شي وأنا ما أرد عليها !
بالنسبة للنتيجة راح أفيدكم فيها الحين ونتكلم عن تجربتي :
طبعاً نظام دشتي أو أتكنز مرررررة معروف ومنتشر وأشر من علم على نار في مجال الدايت ومايتسع المجال اني أوضحه لكم لأن بكبسة زر ع قوقل تلاقين اجابة لكل ماتردين معرفته عنه ..
جربته مرتين السنة الي فاتت وماشفت نتيجة لأني مافهمته ولاطبقته صح وجاني نقص حاد بالكالسيوم ألم فضيع بالعظام نصيحة أقروا النظام وافهمو زن وطبقوه بحذافيره وماراح تندمون أبدا أبدا ود استمر عليه طول عمري بس مشكلتي طلعاتي كثيرة وبيت جدتي لو تسوين رجيم انت مسوية جريمة ولو استمريت عليه وكل خميس يوم مفتوح أكون خربت كل اللي أبنيه ويزيد وزني بدل ماينقص وممكن يسبب لي الخربطة فيه خمول للغدة الدرقية ومشاكل في الكلى فأعلنها لكل وحدة جالسة ببتها وماتطلع
لأحد او مسافرة اتركي عنك كل الرجيمات واتبعي دشت شهرين شهرين ونصف لتطلعين منيكان وجسم منحوت من غير تعب أنا ماقدرت استمر عليه لأني مااجلس ببيتنا أبداً لازم كل اسبوع طلعة واضطر اكذب ع جدتي اني مااشتهي وتزعل علي والا اضطر آكل وانا متحسرة وخفت امرض بسبب انه كل خميس يوم مفتوح عشانها ماتزعل علي وارجع يوم الجمعة الاقي وزني راجع وكأني ماسويت شي !
من الحن أقولكم اليتشوف نفسها قادرة تثبت وتستمر حتى النهاية تبدأ فه من غير خوف أو قلق والا اللي بتلعب فيه وتحوس ترا ماراح يصلح لك أبداً لن بتتدمر نفسيتك وصحتك !
بدأت فيه منذ 20 يوم بالتحديد يوم الجمعة تاريخ 1/16 وحتى اليوم وفيه يومين خربتها بسبب العزيمة الي قلت لكم في أول يومين راح تتعبن شوي وتصدعين وتحسين بآلام بسيطة في العضلات بسبب التحولات اللي قاعدة تصير بجسمك في معامل الحرق من حرق السكريات والكربوهيدرات الى حرق الدهون وبتحسين بدوخة ولوعة كبد وقلة شهية وتجلسين طول اليوم صايمة ولا انك تأكلين أكلات الدايت و كلها 3 أيام وتتلاشى كل هالأعراض في أول اسبوع راح تنبهرين من نقصان وزنك السريع ممكن تنقصين مابين 3 إلى 5 كيلو والاسبوع الثاني راح يخف نزول الوزن لكن راح تنبهرين بالتغيرات الجميلة في مقاسات جسمك واتساع ملابسك !
نظام دشتي يشتغل ع المقاسات أكثر من ما يشتغل ع أرقام الميزان وهذا دليل أن يشتغل صح في حرق كتل الدهون مو كتل الماء والعضلات !
والدليل شوفي لما توزنين كيلو لحم وكيلو شحم كلو الشحم كبير لكن وزنه خفيف وكيلو اللحم ثقيل لكن شكله صغير !
واللي يهمنا في جسمنا تغير الشكل مو تغير الرقم !
فتنقصين بدشتي 5 كيلو ويبين ع المرآية كأنك ناقصة 10 كيلو !
نظام رااااائع بمعنى الكلمة مهما أكلتي وكثرتي ماتحسين بثقل أو تخمة ويعودك ع الشبع وقلة الأكل ، يقلل رغبتك القوية لأكل الحلويات والسكريات والنشويات بشكل كبير حتى لو تتركينه تلاحظين ان شهيتك متوازنة أو معدومة اتجاه الرز والمعكرونة والخبز والحلا ..
نتيجة تجربت بعد 20 يوم :
صار وزني : 68 مررررة فرحاااااانة صار لي سنتين أتمنى أطب عالم الستين :icon30: عن نحفت 8 كيلو بفضل الله
مقاساتي : صغررررت كثيييييير مرررررة وخاصة الخصر وشحوم الظهر والبطن والفخذ احس الشحوم المستعصية الي مابين عليها مرة هي الذراعين والأوراك يبيلها زيادة استمرار :ohplease:
صرت ألبس ملابسي وتنانيري قبل سنتين بحمد الله وكنت ألبس تنانير مقاس 44 والحين 40 يعني تقريباً صغرت مقاسين والمفروض أكثر بس مثل ماقلت لكم ان شحوم الأرداف عندي مستعصية :cool:
وخف شكل التعرجات الي بجلدي مدري وش اسم علميا بس شكله يشبه جلد البرتقالة خف هذا المظهر بجسمي نوعاً ما لكنه مااختفى !
بإختصااار نظام دشتي ينحت الجسم نححححت والي يتستمر عليه شهرين فقط وتلتزم بمراحله الثلاث راح تتغير تغيير جذري وتتفوق به عاللي مسوين عمليات تكميم وتحوير وغيرها ..
هذي نتائج تجربتي بفضل الله وتوفيقه والله اني مستعجلة مرررة وبالي مشغول بس قلت لخاطر عيونكم ورغبة ف دعواتكم الصادقة أجبرت نفسي اجلس واكتب لكم تجربتي وعارفة نفسي لو ماكتبتها الحين بأجل لين أنسى الموضوع :icon29::icon29:
حاولت أحصر فيها كل ما أقدر أفيدكم به مو بالضرورة تجربتي تناسب كل إنسانة ،
نصيحة :
أي وحدة حابة تبتدي فيه تستخير ربي قبل كل شيء وتشتري من الصيدلية أي مكمل غذائي ولو رحتي سويتي تحاليل شاملة لصحتك أفضل لنه لايناسب مرضى السكر ولا القلب ولا الحوامل ومن تجربتي أي وحدة عندها نقص الكالسوم بختصرها عليها من الحين ترا ماراح تنقصين ولا كيلو عدلي نسبة الكالسيوم بعدين أبدأي فيه شهر كامل وانا منتظمة فيه ومانقصت الا زدت كيلوين ..
بالنهاية .. ارجع أذكركم تذكرون الله وتبركون لي وتدعون لي ربي يشفني من الحسد وينصرني على من ظلمني ويكفيني شر الحسدة والظلمة ويتمم علي وعلى زوجي زواجنا الي مو راضي يتم لين الحين بسبب الحسد ويجمع بيننا بالخير ويوفقنا ويسعدنا بالدنيا والآخرة ~
وأي سؤال يا حبايبي أنا حاضرة بس اعذروني لو مالقيتوا جواب بكون مادخلت =)
آلف مبروووك آستمري وآلله يحميكي يارب