هذى تجمع جديد للبنات اللى حابات يتبعون نظام الدكتور حسين دشتى ( حميه اكتنز )
والرجيم راح يبدى السبت تاريخ 8/5/2010
المرحله الاولى
وقبل لانبدى التجمع احب اذكر خواتى
انه من الضرورى جدا ... اخذ فيتامينات حبه يوميا وتكون Multivitamin
وعندكم فيتامين ممتاز وسعر العلبه اللى فيها 30 حبة تقريبا 11 ريال
اسمه centrum وهذى صورته
ولمتابعه استمرارنا على الرجيم واذا كنا نمشى صح فيه شرائط تنباع بالصيدليه لمتابعه احراق الجسم للدهون ... واسمها شرائط التحليل الكيتونى
وهذى صورتها وسعرها 28 ريال تقريبا
ومدامكم بتشرون للرجيم لاتنسون سكر الرجيم
وعندكم اختيارين ( سويت اند لو / سبلندا )
طبعا البنات اللى سنهم فوق ال35 يحتاجون يسوون كم تحليل للتأكد من صحتهم قبل البدايه بالدايت
ولمدمنات الكوفى اشترى نسكافيه ديكافين اللى غطوته لونها احمر < خالى من الكافيين مع كوفى ميت كامل الدسم
وهذى صور
وهذى النسكافيه مالقيت صورته ( اخذوا اللى غطوته حمرا )
سوى لك مايونيز بالبيت .. وللعجازات اشترى لك علبه مايونيز كامله الدسم اى نوع بس ملعقه يوميا
بالنسبه لكميه السلطه مسموح لنا بكاس كبير سلطه خضرا ونص طماطم مع ليمون وكمون وزيت زيتون وشوى ملح وتوابل
طبعا ممنوع ( الصوص والرانش ودبس الرمان والكاتشب)اللى اذا كان خالى من الكربوهيدرات
نفس الشى بالنسبه للخضروات الكميه كوب واحد من الخضروات المسموحه .. واغلبيه الخضروات الخضراء مسموحه .
تابع
طبعا هالرجيم يعتمد على اللحوم
بس اهم شى ماتكلين لحم اكثر من مرتين بالاسبوع علشان ماتعورك رجولك
يعنى نوعى .. سمك .. دجاج .. ( تونه ) < شيخ الرجيم
او بدلى لحم الغنم بلحم البعير لانه فات فرى .
وخلى البيض يوميا .. على الفطور .
واستبدلى زيت الطبخ بزيت زيتون .
وإذا حسيتى ان مافى نزول بالوزن قللى كميه الجبن < طبعا الجبن كامل الدسم .
هالرجيم يجيب امساك
لتجنبه .. اخذى 10 حبات زيتون / اخذى سلطه خضرا بزيت زيتون وليمون وكمون / واخذى كاسه ليمون بضرف سكر واحد / واخذى شاى اخضر .
وبالنسبه للسكر مسموح لك بس 3 اضرف سكر الرجيم باليوم .
(( الماء )) وما ادراك ما الماء
اشربوا ماى بكميه كبيره .. ماراح اقولكم 3 لتر باليوم لا .. بس كثر ماتقدرين علشان ماتتعب الكلى من الرجيم .
والرياضه مارسى لو مشى لمده نص ساعه يوميا .
اذا حسيتى بدوخه .. اخذى حبه تمره < انا سألت الدكتور وقال اوكى اذا حسيتى بس بدوخه .