zOOna :

أوكي، أنتي في المرحله الأولى كنتي تاخذين 20 جرام من الكربوهيدرات في اليوم، وهالعشرين جرام كنتي تاخذينها على هيئة خضراوات،، صح؟؟ الحين بتبتدين بالتدريج تزيدين مقدار الجرامات،، بتزيدين 5 كل أسبوع،، لكن هالخمسه مب على كيفنا،، لا،، الريجيم محدد لنا شلون ناخذهم الأسبوع الأول ما راح يتغير وايد عن المرحله الأولى،، بتاكلين نفس الأكل، بس بدال لا تاكلين 20 جرام من الكربوهيدرات في اليوم، بتاكلين 25 جرام وطبعا كلها من الخضراوات اللي كانت مسموحه في المرحله الأولى، ما راح تتغير النوعيه بعد الأسبوع وزني نفسك، اذا زدتي أو ما نقصتي، رجعي للمرحله الأولى لأنك بتكونين للحين تحتاجينها أما اذا شفتي وزنك مازال ينقص، يا أنك تستمرين على نفس الوضع لمدة أسبوع ثاني (وأعتقد هو الأفضل) أو اذا انتي مليتي من هالأكل وتبين تغيرين بسرعه، تنتقلين للأسبوع الثاني ،، اللي هو بتاكلين نفس الأكل اللي قبل، مع فرق انك بتزيدين أجبان كريميه (كانت شبه ممنوعه في المرحله الأولى) ، بتزيدينها بمقدار 5 جرامات من الكربوهيدرات فقط، في هذا الأسبوع، ما راح تقدرين تضيفين أي شي لريجيمك غير عن الأجبان الكريميه تجين بعد الأسبوع الثاني توزنين نفسك ،، اذا زدتي،، ترجعين لنظام الأسبوع اللي قبله (اللي هو تقريبا نفس المرحله الأولى بس بدال 20 جرام في اليوم تاكلين 25 جرام)،، واذا نقصتي،، تقدرين تواصلين للأسبوع الثالث من المرحله الثانيه (أو اذا حبيتي تستمرين أكثر من أسبوع ما يضر) اذا واصلتي للاسبوع الثالث، تبتدين تضيفين المكسرات والحبوب لريجيمك تراعين ان الكميه اللي تزيدينها ما يكون فيها مقدرا الكربوهيدرات أكثر من 5 جرامات في اليوم ومو أكثر،، يعني على هالأسبوع بيكون المجموع عندك تقريبا 30 جرام من الكربوهيدرات في اليوم، عباره عن أكل المرحله الأولى + الأجبان الكريميه + المكسرات والحبوب ونفس الشي، في نهاية الأسبوع توزنين، اذا زاد وزنك ترجعين لنظام الأسبوع اللي قبله (يعني تلغين المكسرات مره ثانيه) واذا استمر الوزن بالنقصان تواصلين للأسبوع اللي بعده واللي مسموح لك تضيفين لنظامك 5 جرامات من الكربوهيدرات تاخذينها من بعض أنواع الفواكه مثل الفراوله والتوت والبلوبيري بعد نهاية الاسبوع، اذا زدتي (أو اذا ما نقص وزنك) تلغين الفواكه اللي أضفتيها وترجعين للأسبوع اللي قبله اللي كنتي تاكلين فيه مكسرات،، واذا نقص وزنك، تقدرين تبتدين تضيفين 5 جرامات اضافيه من الكربوهيدرات تاكلينها عن طريق البقوليات ونفس الشي توزنين في نهاية الأسبوع، اذا استمر وزنك بالنزول، تضيفين 5 جرامات اضافيه في الأسبوع اللي بعده ، تاخذينها من أنواع الفواكه الثانيه (هنا تقدرين تاكلين التفاح!!) بس مو أكثر من 5 جرامات من الفواكه مثل التفاح والبرتقال والبطيخ والعنب بالاضافه طبعا للخمس جرامات اللي في التوت والفراوله.. الأسبوع اللي بعده تقدرين تضيفين 5 جرامات من الخضراوات النشويه اللي كانت ممنوعه علينا في المرحله الأولى مثل الجزر والبطاطس والذره ،، لاحظي ان احنا لازم نمر بكل المراحل اللي قبل بسلام واستمرار في نقصان الوزن عشان نقدر نبتدي نضيف البطاطس وغيره وأخيرا لما تعدين كل هالمراحل بسلام ونقصان في الوزن تقدرين تاكلين whole grains أتمنى اني شرحت بطريقه مفهومه... الفشار ممنوع - أكليه في يوم البريك ، اذا انتي ناويه تاخين بريك.. :) اللبن ممنوع التفاح مسموح ولكن بعد ما تكونين مريتي بكل مرحله من مراحل الأسبوع الثاني،، يعني بالتدريج تضيفينه مو على طول الرياضه دايما ضروريه طبعا حق الجسم ،، ولكن المفروض لو اتبعتي زيادة الجرامات بالتدريج الصحيح المفروض وزنك يستمر بالنزول حتى بدون رياضه

أوكي، أنتي في المرحله الأولى كنتي تاخذين 20 جرام من الكربوهيدرات في اليوم، وهالعشرين جرام كنتي...

zOOna :

المرحله الأولى من ريجيم اتكنز: مسموح لك 20 جرام من الكربوهيدرات اللي تاخذينها من الخضراوات الممنوعات في المرحله الاولى: - جميع انواع النشويات حتى لو بكميات بسيطه جدا مثل الخبز، الأرز، المعجنات، الباستا، السكريات، الطحين، وحتى البقسماط والنشا - الخضراوات اللي تحتوي على نسبه عاليه من الكربوهيدرات مثل البطاطس والجزر والذره والقرع - البقول مثل العدس وال beans والحمص والفول - منتجات الألبان كلها ما عدا الاجبان والكريمه الحليب المجفف والطازج ممنوعين، والروب واللبن واللبنه ممنوعين - البرغل والفلافل - أي شي يحتوي على السكر أو النشا أو البقسماط حتى لو بكميات بسيطه مثل العلك بالسكر ومثل الكاتشاب (يحتوي على السكر) بعض أنواع الأدويه تحتوي على السكر لازم نتأكد من مكونات كل شي نأكله .. المسموحات: - جميع أنواع البروتينات مثل اللحوم والدجاج والأسماك والروبيان والتونه والديك الرومي والطيور والبط - الاكل المقلي يفضل ان تحتوي كل وجبه على كميه من الدهون سواء كانت على شكل دهن القلاي أو مايونيز لأن الدهون مهمه في هذا الريجيم - الاجبان كاملة الدسم - المايونيز الخالي من السكر او النشا وبكميه غير محدوده تقريبا لأن ملعقة طعام واحده من المايونيز فيها 0.1 جرام من الكربوهيدرات ، وانتي مسموح لك 20 جرام من الكربوهيدرات في اليوم ولكن ما لقيت مايونيز خالي من السكر او النشا لحد الآن في البحرين اللي يتبعون ريجيم دشتي يقولون انه سمح لهم بملعقتين طعام من المايونيز في اليوم!! لكني انا ما أمشي على ريجيم دشتي.. - الكريمه الحامضه مسموحه وتقدرين تستعيضين فيها عن الروب - كريمة الخفق والقشطه مسموحين ،، تقدرين تسوين لك حلويات منهم مع سكر الريجيم.. - الكوفي ميت مسموح، وتحسب كل كلعقة طعام ب جرام واحد من الكربوهيدرات - الزبده والزيوت والمايونيز والماسترد وزبدة الفول السوداني الخاليه من السكر - المشروبات الدايت مسموحه - جيلي الدايت الخالي من السكر - الهمبرجر والنقانق مسموحين طالما ما فيهم نشا أو بقسماط - مسموح لك كوب من الخضراوات مثل الباذنجان والكوسه والبروكلي والقرنبيط + كوبين من خضراوات السلطه والخضراوات الورقيه مثل الخس والجرجير والخيار والماشروم والبصل أو - 3 اكواب من خضراوات السلطه الأفضل ما تمشين بقياسات الأكواب في حساب الكربوهيدرات، والأفضل تمشين على عداد الكربوهيدرات ،، تلقينه في موقع الدكتور أتكنز وايد راح يفيدك العداد، لأنك من خلاله راح تكتشفين ان بعض الخضراوات فيها وايد جرامات من الكربوهيدرات مثل البصل مثلا فيه تقريبا 9 جرامات، يعني لو أكلتي بصله وحده في المرحله الأولى، طيٌر لك نص العدد المسموح لك في اليووم من الكربوهيدرات!! في حين من الأفضل انك تبدلينه بالبصل الأخضر اللي فيه نسبه أقل... وهكذا في أشياء ينصح الدكتور أتكنز بتجنبها عشان نتعالج من الادمان عليها مثل الكافيين لذا فهو ينصح بتجنب القهوه والدايت كولا وأيضا ينصح بتجنب المحليات السكريه اللي تحتوي على مادة الاسبراتيم لأنها تحفز على الجوع.... وأيضا ينصح بتجنب اللحوم اللي تحتوي على مادة النيترات Nitrates على ما أعتقد لأنها أيضا تحفز على الجوع.. ما لازم تواصلين لأكثر من 6 ساعات يقظه في اليوم بدون اكل.. المرحله الثانيه من الريجيم تبتدين تضيفين 5 جرامات من النشويات بالتديج كل أسبوع وبالترتيب التالي: 1. كميه اكبر من السلطات والخضراوات المسموحه (يعني نفس المرحله الأولى بس بزياده 5 جرامات) 2. أجبان طازجه (أجبان كريميه مثلا أو اللي كربوهيدراتها أعلى نسبيا) 3. مكسرات وحبوب 4. berries أو الفواكه اللي من فصيلة الفراوله والتوت 5. البقوليات 6. الفواكه الثانيه غير عن ال berries 7. الخضراوات النشويه مثل البطاطس والجزر والذره 8. whole grains مثل الخبز الاسمر

المرحله الأولى من ريجيم اتكنز: مسموح لك 20 جرام من الكربوهيدرات اللي تاخذينها من...