السلام عليكم ورحمة الله وبركاته

انا معاكم ان شاءالله. جربت الرجيم دا قبل سنة ونزل وزني الحمدلله. وبعدين خبصت وصرت ارجع له اسبوعين وابطل ماقدرت اكمل. بس دحين بدات فيه وانا مقتنعة 100%100 ان مافي غيرو يفيد معايا. وادخلو على الانستغرام فيه وجبات كثيييييييييير وافكار للسناك .


اليوم انا في اليوم الخامس بس مابدات بالبروتين الصافي بس ابدا اتعود عليه ابداء في البروتين الصافي.

اليوم فطوري:
جبنة ادام فيها 0 كارب مع ربع خيارة وسط ربع فلفل رومي صغيرة
الغدا بإذن الله شيش طاووق او شي يشبهه (: مع صوص ملعقة مايونيز فيه 1 كارب وملعقة ماسترد. مع سلطة جرجير وخيار وفلفل رومي>>>>مالقيت طماطم.
العشا لسا ماقررت بس اتوقع كفتة لحم جاهزة من مريكانا.

انا موظفة والسبب في ماكنت اكمل في الرجيم...الطبخ.. ارجع البيت الساعة6 مرهقة وتعبانة بس دحين سويت اشياء سهلت عليا موضوع الطبخ.
اشتريت كفتة امريكانا جاهزة. كباب دجاج. قبل فترة سويت خلطة للشيش طاووق وتقعت فيها قطع دجاج مربعة. وصوص للشاورما وقطعت معاها صدور شرايح رفيعة. وفرزنتها. واطلع الي احتاجو للغدا او العشا. وبكذا اكون وفرت وقت.
قبل امس سويت الغدا صينية دجاج مع بادنجان مقلي وكانت الكمية كبييييرة الحمدلله وقسمتها نص استخدمتو والنص الثاني في الفريزر.


المهم سوي الي تقدري عليه عشان مايروح وقتك في الطبخ عشان اذا كنتي زيي ماتطفشي.


وفالنا الرشاقة.

اهلين بك معانا يااه
فكرتك روعة للفرزنة وانا كمان راح اعمل مثلك لانو ماعندي وقت نهائي
ان شاء الله يكون هذا القرووووووووووووووووب خير علينا يارب

فين الباقيين؟؟؟؟؟

الظاهر مافي الا انا وانتي

مساء الخير
عواافي عليكم 
من شروط نجاح الرجيم ما تبقي اكثر من 5 ساعات بدون اكل عشان يستمر الجسم في الحرق فلا حد يطوف وجبة من الوجبات خصوصا اننا في البداية 

وفكرت التفريز جيدة جدا حتى لغير الموظفات احيانا الغدا او العشا ما بيناسب الرجيم فبيكون في بديل جاهز