مساء الخير على ام محمود
كيفك ؟بعتذر رديت على تفاصيل الماء قبلك.

اتفق معاك 100بالمية انه صاير في شوية كسل بين البنات والهمة مدري وين راحت .مع العلم انه فرحت كثير لما شفت الاسماء البقيانة بالمعسكر وهم نخبة النخبة والحمد الله . يعني البنات اللي من اول البرنامج ملتزمين وكلهم ارادة وهمة وحماس . وبدت هالارادة والحماس تخف واخر شي توقعته انه هيك يصير بالمعسكر ليش يا بنات ما كنتم متحمسين فعلا شو اللي صار؟. وانا اول وحدة والحمد لله وجه المعسكر حلو عليي كثير التزمت بالتمارين والمشي كمان .وغاب الحماس من اخر بنات توقعت يصير بيهم هيك من بنات كانوا مشعللين الفريق حماسهم وهمتهم .
كلامك ام محمود على العين والراس انا شخصيا ما بزعل منك .بالعكس مشكورة على خوفك على مصلحة الاخرين ورغبتك بمساعدتهم.وهالحال المايل ما بيعجب حدى ابدا . ومثل ما قلت بالاخر الامر راي شخصي وكل واحد يدور على مصلحتوا.

قبل ما تابع في نقطتين مهمين كثير حابة اوضحهم :

الكلام المكتوب مبارح ما اله علاقة لا من قريب ولا من بعيد باحلى الاوقات .صح هو اجى الرد قريب من كلامها بس الكلام مش موجه الها .
احلى الاوقات انسانة رائعة وقدمت الكثير للفريق وحكينا سوا وظروفها فعلا متعبة وهي بحاجة لدعمنا جميعا يا بنات يا ريت تبعتولها على الخاص وتشجعوها جميعا وما حدى يظلمها ويظن انها من البنات اللي باول البرنامج سجلوا اسمائهم اما لانهم تحمسوا شوي او ليتسلوا او على امل ينتظموا وهم غير جادات ونسوا انه الامر اله علاقة بيهم مش بالفريق لانه اذا انت مش حابة تتغيري ما في شي بغيرك لا مئة فريق ولا غيره.بالعكس هي انتظمت معانا وكلها رغبة وارادة بالنجاح وظروفها هي اللي حكمت وقالت انها مش منسحبة بس استراحة محارب.ومش ممكن ازعجها بوردة فكيف بكلام بس حبيت وضح هالنقطة عشان ما يصير سوء تفاهم.


وبالرجوع الى اول الكلام
بنشوف انه الكلام كان موجه الي الدرجة الاولى والى من يهمه الامر بالدرجة الثانية


وهون بنجي للنقطة الثانية :

لما كتبت مبارح كلامي عرفت انه قاسي ومستفز وعدائي كمان . وكان ممكن عدله وغيره وخاصة اني ما بحب احكي بهالطريقة اللي ممكن تكون جارحة .لكن البنات اللي وصلوا للمعسكر بنات نخبة , كم اجى بنات على هالفريق وراح بنات وانتوا اللي بقيتوا للاخر يعني انتو اللي عندكم الارادة والهمة والرغبة الصادقة بالنجاح انتو اللي قدرتو تتحدوا كل هالعقبات ومشاعر الاحباط ولحظات المغريات وتتغلبوا على كلشي وتستمروا . ولما صار المعسكر تحمستوا بالاول وبلش ينقص الحماس ليش ؟؟ من البرنامج ؟ الكل شكر ببرنامج المعسكر . وين راح حماسكم . بدي احكي كلام يا ريت محد يزعل منه : بس يا ترى نفسك ما الها حق عليك . او على الاقل الجهد اللي عملتيه والتمارين اللي هلكت وانتي عم تعمليها والاكل اللي انحرمت منه ما بتحبي تكملي وتشوفي النتيجة ولا اكتفيت بهاالكم كيلو يعني احلامك ما من حقها تصير حقيقة , استحلفك بالله ما من حقك اني تعيشي بصحة وعافية وتكوني حلوة ورشيقة يا اختي اذا مش حقك فهو واجب عليك انك تحرري جسمك من هالثقل والهم وما تكوني سبب مرض نفسك من قلة ارادتك . يعني الصراحة حكيت حكيي من غضبي ومن حنقي معقول بناتي يطلعوا مثل كل ينات الفرق الثانية عاديين وباول فرصة بيستسلموا وبيمشوا وشو خامس اسبوع وانا اللي كنت عم احلم ومخططة لمرحلة ثانية وثالثة من البرنامج .بجد زعلت من قلبي .
وقبل ما اكتب تصورات اليوم السابع والمحاضرة كنت حاسة حالي عم احكي مع الهوا .بجد ما كنت بدي اضيف شي وقف المحاضرات ما حسيت حدى مهتم بالموضوع .كل يوم عم اتعب واشتغل وترجم وجيب معلومات وحضر واضيف وعم يروح وقت مني احيان لدرجة على حساب تماريني ووقتي وبالاخر ادخل الموضوع حتى لاقي اثنين وثثلاثة بس متفاعلين او حالين الوظائف . معلش يا بنات من اول المعسكر حطيت البرنامج وقلت هيك هيك الخطوات اللي بدنا نعملها كل يوم وهذا الجدول شيكوا عليه . بلاقي بنات ما عملوا شي بالمرة وبنات ما كلفوا نفسهم وقروا المحاضرات حتى .شي محبط وما بدي اخذل حدى من الفريق او اللي عم يقروا الموضوع وعم يستفيدوا.
ولما الواحد ما بلاقي أي شي من تعبه – ما بنسى شكركم على العين والراس واحلى وسام والله – ولكن يا بنات انا بدي حس انكم استفدتم انكم عم تتغيروا ويتغير شي بحياتكم هذا كان هدفي من الاول وارجعوا لاول الموضوع .
ما بدي حس انه هذا فريق مثل أي فريق ثاني حميات وجبة وحدة او ولا شي كم تفاحة وتمارين كثير تعبنا من هالكلام اللي لا يجيب ولا يودي وكلنا بنعرف انه لو نحفنا هيك وفرحنا بمنظرنا اخرتها رح نرجع مثل الاول واكثر .
ما تعبتي من هالطلعة والنزلة ما بدك تتعبي مرة وحدة بس وخلص للابد تظلي رشيقة .استسلامك الان يعني انك تخليت عن نفسك وتخليت عن حلمك وحلمك امره ما بهم حدى غيرك .

تسلمين بيلي كت على مجهووووودك وتعبك معاانا وربي انك مثاال للاخت الوفيه الحريصه على اخوااتهاوحنا مقدررين تعبك معاانا واخلاصك لهذا القرووووووووب ...بس بصراااحه انا عن نفسي اغلب الوظاائف مااقدر احلهااا احسها تاخذ من وقتي وانا ماايمديني عليها ...وعموما انا اعتذر لك باسمي وباسم جميع البناات اللي في القروب عن تقصيرنا وان شاء الله تكون الاياااام الجااايه احسن وتكون الهمم اعلى ...

يا حبيبتي يا برتقالة

عارفة والله بس بجد احيان ازعل لما ما الاقي تقدير وما اقصد الشكر لا والله ماقصرتم ابدا واكثر مما استاهل بس اقصد نا تستفيد وتتفاعل .

هي تبان الوظائف هيك بس سهلة جدا وما بدا دقائئق وظيفة الهدف يمكن بدها 10 دقايق بس .

مبسوطة لانك رجعتي

ااااااسفه يابيلي لاني ماسويت شي من الوظائف

بس انا اخذت اللي يفيدني وهو جدول المعسكر بجد حلو وسهل ومرتب

وقاعده اضيف كل يوم ايش اسوي

معلش سامحيني واستحملينا انا مايمديني على الوظائف

راح اعمل اللي اقدر عليه حتى استمر معكم