صباح الخير
اليوم فطوري كان ٧ تمرات وكوب كبير ماء
وع الريق شربت كوب ماء دافي
مشيت ٤٥ دقيقه
وبس
الغدا والعشاء بيكون نفس الشيء
وراح اكثر شرب الماء
صباح الخير
اليوم فطوري كان ٧ تمرات وكوب كبير ماء
وع الريق شربت كوب ماء دافي
مشيت ٤٥...
بنات حبيت اصبح عليكم
وابي افضفض
انا البارحه سويت رياضه لاني معاقبه وفادني هالشي وحمسني اليوم اسوي رياضة ان شاء الله
بس انا في داخلي كأننه يأس تعبت من شكل بطني الي يكبر كل يوم وينتفخ من اي وجبة
ماعرف شو اسوي !!
قررت استسلم لشكل جسمي ومدام اني خفيفه واحس بنوع من الخفه خلاص مايهمني دبه
لاني يوم حضرت حفلة العرس يوم الجمعة كان شكلي في المرايا وحده دبه مع اني مومن الاوزان الثقيله بس حالي من حال الاوزان الثقيله ومبين علي الدهون والمتن !!
كل الاعياد اتأسف على نفسي وحالي وجسمي الي كلما ألبس شي يبين متني حتى خصري ماشي من الدهون لني قصيره طولي 153ووزني الحين في حدود ال66 فرق وايد حتى لما كان وزني 61 كان مبين اني دبه
تعبت تعبت تعبت تعبت !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
انا محتاجه اروح الجم بس الانسداد الي عندي في الانف مخلني مكتفه ماقدر اشترك لانه يصير لي ضيق تنفس
حتى المشي وقفته لاني من شهر قبل مااشترك معاكم يابنات كان وزني ينزل مع المشي نزلت لل64 ورجع لل66لكن صار الجو حااااااااااااااار ورطوبه اختنقت وانا امشي ورجعت البيت مخنوقه لانه انفي جهة اليمين منسد هذا خلاني اوقف رياضه ويزيد وزني مع الاكل والجلسه في البيت
الاكل يا بحرم نفسي وبينزل وزني يا بفتح شهيتي عالاخر وبخرب اخر الليل !!
وبعد حبيت ابشركم بدت الدوخة تروح عني والحمدلله لاني بديت اكل وجبات متكامله
هذا الي في خاطري حبيتكم تعرفوه عني ..والي عندها حل تخبرني عشان اعرف انزل وزني
وعن نفسي بديت ادخل في برنامجي الاكلات الي تساعد على حرق الدهون:
التفاح
الشاي الاخضر
الخس
الزبادي
احاول اخليهم في برنامجي عشان احرق الدهون الي في جسمي !!
ومن اليوم ببدأ امشي ربع ساعه او 20د على مقدرتي
وياريت الي ماتسوي رياضه نعاقبها بالمشي نص ساعه شرايكم !!