zain^jordan :

بنات اعذروني على كلامي... شايفيتكم اليوم ما شاء الله الكل اعذار ومبررات عشان التمرين... بنات لا في سفر ولا ضيوف ولا تعب يمنعكم تتمرنو... هلا اوك لو يوم معليش... بس وبعدين... ليش هيك عزيمتكم بلشت تفتر؟؟!!!!:unhappy: يعني اللي شاكة انها حامل تجيب فحص من الصيدلية وتعملو وخلصت القصة.... اللي عندهم ضيوف تقدري تلاقي اي وقت اي وقت حتى لو من ساعات نومك لتعملي التمارين.... بنات ليش بتفكروني ما عندي شي لكل يوم اعمل التمارين... والله فحوصات ومستشفيات وولادي الله يهديهم وكل يوم يا بروح زيارات يا يكون عندي ضيوف وغير الطبخ وشغل البيت ومع هادا كلو اقنع نفسي واجبرها انها كلها تمارين ب 27 دقيقة بس!!!!! بنات حتى اني ما الي عاملة عملية ببطني شهرين لو الرياضة تأذي كان اذتني.... 27 دقيقة ما بتموتكم ولا بتخلّص وقتكم احسبوها من ضمن الشاور او الحمام اليومي... من ساعات نومكم.. ليش كل وخدة فينا كم دقيقة تقعد باليوم وهي تاكل؟؟ معليش شو من كان عددهم زيدو عليهم ال 27 دقيقة.... البنات اللي يجو يسألو عن يوم استراحة لو هالشي صحيح كان ذكرتو جيليان وقالت يا عمي هدول تمارين كل كم يوم خذو استراحة وهيك صار تحدي ال 50 يوم مع الاستراحات.... صحيح انا و i will كتبنا عن استراحة بس استراحة يكون فيها كارديو ولسه مش ناوية اطبقها هلا.. لما اعيد التمارين المرة الجاي يعني المرة الثالثة لإلي.... اللي عندها الم بمنطقة معينة وحاسة انو هالشي بزيد وبمنطقة ما الها علاقة بالتمارين تسأل طبيب لترتاح وتطمن وهو يقدر يحددلها اذا تستمر بالتمارين... سامحوني واعذروني عارفة اني زودتها بالكلام بس بجد قهرتوني توصلو لنص المسافة وتبدو تقنعو نفسكم بمبررات وكإنو الرياضة مرض وراح يأذيكم والله لو انو ريجيم كان اعذر لإنو بجد يمكن الريجيم يأثر عالنفسية ويتعب... بس حرام اضيعو على نفسكم مثل هالفرصة... واضيعو وقتكم عالفاضي كل يوم بمر من عمرك وانتي قادرة تتمتعي بصحة ونفسية وجسم رشيق واضيعيه حرام بحق نفسك.... والله ما كان الي هدف من هالتجمع غير افيدكم واشجعكم وتوصلو للنتيجة اللي وصلتلها... حرام اضيعو على نفسكم هالفرصة... كل شي الو حل... والمستويات كلها للأسهل بتصير والتغيير بيكبر مع الوقت... سامحوني واعذروني بس والله ما هدفي غير اني زعلانة على تعبكم يضيع.... الله يوفقكم جميعا ويقويكم ويسعدكم باحلى نتائج بعد التمرين

بنات اعذروني على كلامي... شايفيتكم اليوم ما شاء الله الكل اعذار ومبررات عشان التمرين... بنات لا...