^((وردة وردية))^ :

مساء الرشاقة :) شلونكم بنات ان شاء الله تمام تير وعقد لولو وزعلانة و ام ليث وساس ورغد باركو لي نزلت 2 كيلو وصرت 86 كلوووووووووووووووووووووووووووووووووووش >>>مع التخبيص وفيني الدورة بعد :27: واليوم مسوين حفلة نجاح اخواني وعيال اخواني ومجتمعين زخبصت على الخفيف مع اني ما كنت مشتهية كثير تغديت شوية برياني ودجاج كلت شويه بشميل وكيك وبسبوسه وبوب كورن مع اني اخبص اسوي ايام مفتوحة بس الحمدالله انزل وعندي ملاحظة اني لما بديت اسوي يوم مفتوح بدشتي صرت اخف اكثر واليوم اختي شافتني انصدمت وصارت هلون O_O لاني اسبو عين ما شفتها فلاحظت الفرق بقولكم اليوم وش صار اخواتي مسوين زينة في البيت حق الحفلة وبنت اختي الصغيرة كلت قطعة من الزينة اللي تجي ملونة زي البلاستيك ومحد درى ان بنت اختي كلت قطعة الزينة وهي عمرها سنة وشوي بعدين اختي جلست تاكل بنتها كيك وبنتها مو طبيعية ترجع ومثل اللي تختنق رجعت شوي و احنا مب عارفين انها كلت من الزينة اختي فكرت انها اختنقت من الكيك بعدها نامت ولما صحت البنية انا شفتها مش طبيعية احسها مخنوقة البنت وتسوي حركات غريبة بعيونها احسها تبي تبكي تبي تصرخ بس مو قادرة قمت انادي خواتي ما اهتموا شفتها زادت اكثر وخلاص وجها صار ازرق مو قادرة تتنفس قمت اصرخ في البيت خفت يصير لها شي وامي تحاول تدخل صبعها بحلق البنت تشوف وش فيه ما فيه فايدة وما كان عندنا سيارة في البيت اخواني وازواج خواتي كلهم برى قمت اتصلت بالاسعاف وانا ابكي واصرخ بعدها قامت اختي راحت للجيران تناديهم يودونها المستشفى لان الاسعاف بيتاخرون وبنت اختي للحين مو قادرة تتنفس وامي واخواني يقولون سكتي لا تصارخي انا ما قدرت امسك نفسي خفت بزيادة وامها هاااادية و انا بنجن والله حسيت انها بتموت :44:بعيد الشر عنها المهم بعدين اتصلت بزوجها وراحو المستشفى وسواو لها اشعة ما شافوا شي لكن بعدين طلعوا اللي بلحقها قطعة من زينة الحفلة اول ما رجعوا البيت ابوي عصب وشال كل الزينة :mad:

مساء الرشاقة :) شلونكم بنات ان شاء الله تمام تير وعقد لولو وزعلانة و ام ليث وساس ورغد ...

رومآنس :

صباح النور انا امس خلني اقول اعتبرته مفتوح لاني كنت ناويه اتركه اسبوع وارجع له بس الحين لا والف لا مواااصله ***** الله وبترك الحليب عشان يتحرك وزني انا من اول يومين نزلت كيلوين وبعدها ثبت ام ليث ماشاء الله عليك نازلة 3 كيلو ونص الف مبروك لكل الي نزلت اوزانهم على فكرة فاتحين تجمع لرجيم دشتي في قسم رشاقة ولياقة حواء شرايكم نتجمع هناك

صباح النور انا امس خلني اقول اعتبرته مفتوح لاني كنت ناويه اتركه اسبوع وارجع له بس الحين لا...

أم ليث ومارية :

وردية حبيبتي تستاهلون سلامتها ... خوفتيني والله عيشتيني اجواء رعب ... بس الحمدلله يارب انها جت سليمة انا بالضبط مثلك صار موقف مع بنت اختي وقعت وازرق وورم راسها وانا شبعت بكا عليها وامها تركت البنت واجت تهدي فيني خخخخخخخ والله يختي هالمواقف مرعبة عقد لولوي ووردية هذا حالي كل يوم يعني بس لما انام بدري يعجبكم تسهرون ): اصلا كل يوم اجي وانتظر ومافي حد صحيح وردية نسيت اعلق على وزنك ... اول شي مبروووك الكيلوين .. ثاني شي اذا خبصتي سوي رياضة وعدلي الموضوع ولاتستهيني بالتخبيص يضيع شغلك ويخليك تبدئين من اول وجديد اعتقد تير راح تساعدج بهالشي وتوضحلج اكثر يعني ديري بالك من التخبيص

وردية حبيبتي تستاهلون سلامتها ... خوفتيني والله عيشتيني اجواء رعب ... بس الحمدلله يارب انها جت...

النوراا :

أهلين بنات كيف حالكم وحشتوني موت خصوصا تير و لا تهوني بنات أنا وصلت بالسلامه فجر الاثنين وانشغلت عنكم و ما قدرت اشبك بسبب الزيارات و مناسبات كثيره طبعا بيت اهلي ما فيه ميزان فتقريبا أخذت خمسة ايام من اخر وزن لي كان يوم الأحد الي فات علي ما شريت لي ميزان وكان وزني معلق اكثر من اسبوع علي بين و62 و 61، 7 يرتفع او ينزل او يثبت بس احمدك يارب لما وزنت يوم الجمعه وأخيرا واخيرا وأخيرا شفت الخمسينات بعيوني صار وزني 59،9 احمدك يارب مع الدوره قربت وخفت بعد من الطيران وخربطة الاكل يعني مثلا قدموا لنا فطور بيض بس كانت عليه صلصه حمرا علي جنب و قعدت انظف الصلصه بالمناديل وكان شكلي مقرف وانا امسح الصوص بس ما جبت خبر هههه واحيانا يجيبوا وجبات ما قدرت اكلها مثلا سمك بالكريمه البيضه او رز مخلوط مع لحم صغير ما اقدر اشيله وكنت اكل قطعت جبنه صغيره اذا جابوا مع الوجبه وفي رحله من الرحلات ما أكلت شي لمدة يمكن 8 ساعات بس كنت مصممه أني ما اخرب مهما حصل والحمد الله الكل لاحظ اني نحفانه حتي زوجت خالي تقولي كم وزنك الحين قلت لها تقريبا 61 هذا كان قبل ما أوزن امس قالت لي مستحيل وزنك مو اقل من 55 والله انبسط والبس مو عارفه البس ايش ولا ايش ومتشجعه اكمل تصوروا ان كانن في بيت خالتي علومه الأهل و صديقات العاله وان اع الاكل ورق عنب و مكرونه بشاميل و ساقوا و عصيده و سمبوسه وكل انواع الاكل الي أنا من زمان ما اكلته في الغربه وانا اقول لا وكل ما توزع شي أنا لا لا وهات مويه وما كان موجود اي نوع من المشاوي وامي وزوجي يقولوا لي خذي علي الاقل يوم يوم يومين فري و الأهل يقول ا لي خلاص جسمك يجنن وانا اقول لا خصوصا أن عندنا حفلة خطوبه في العاله وبعدها بااسبوعين زواج فخطوط كالتالي أني في حال وصلت 55 او 56 في الأسبوعين او الثلاثه الجايه أني أخذ فري يوم يومين وبعدها التزم بالرجيم اربع ايام وهكذا بس علشان بس أحافظ علي الوزن وفي نفس الوقت ما اتحسف أني ما أكلت لما ارجع أسافر مره ثانيه خصوصا الأكلات الشعبيه ، هذا في حال لو وصلت الي هذا الوزن مع أني ما اعتقد بس أتمني وبعدها علي طول لما ارجع أسافر أسافر ارجع رجيم المرحله الاولي أسبوعين او ثلاثه وبعدها ادخل المرحله الثانيه . ها ايش رأيكم ؟ المهم انا الحين متفرغ لكن لا دراسه ولا امتحانات اي صح يا بنات باركوا لي عديت هالترم و الجريد حقي بي ماينس تخيلوا شفت وزني وكان ناقص وبعدها بشويه شفت النتيجه فكنت متشققه من الفرحه والبيت يقولوا لي وين الكيك و العشا قلت لهم اعشيكم واجيب لكم كيك بس أنا لا لا مستحيل اكل معاكم و زوجي يقولي يوم بس نطلع ونحلي وتحتفل وانا اقول له لا لا يا بعد عمري ، والله انه متفاجا يقولي ما كنت متخيل انك بهالقوه و الإصرار و العزيمه و اليوم قضيت وقت وقرات كل الصفحات الي فاتتني فما تشوفي شر يا زعوله ولا تسكتي عن نفسك صحتك اهم من كل شي علي الاقل علشان أولادك ويا عقد لولو نزول حلو حبيبتي ومراحب لكل البنات الجدد وعندي استفسار الي تيرا ممكن وتشرحي لي كيف لما أزود الدهون ممكن يسرع عملية نزول الوزن ؟  

أهلين بنات كيف حالكم وحشتوني موت خصوصا تير و لا تهوني بنات أنا وصلت بالسلامه فجر الاثنين...