هيا سألتنى عن نظامها فقلت انه كويس لكنى مش هطبقه للاسباب اللى قلتها ..وقلت انى اخاف لو عملت ريجيم فيه فواكه انى ارجع لحب الحلويات والسكريات تانى وافقد السيطرة على نفسى وبالتالى اسيب الريجيمات..
انا لازلت فى المرحلة الاولى وانا ناوية اطول شوية فيها لان نزولى بطىء (لانى للاسف مجربة ريجيمات كتيرة جدا قبل اتكنز)
فى رمضان :انا ناوية باذن الله افضل على اتكنز ..ممكن ادخل مثلا يوم مرحلة تانية لو اشتقت للفاكهة او اللبن (لانى زى زعولة مدمنة لبن)..وان شاء الله ممكن اعمل وجبة فطور راحة اربع مرات فى رمضان..!!
نظامى اليومى :امبارح مثلا
صحيت متأخر الساعة 12 (ودى عادة سيئة انا عارفة بس بحاول اتخلص منها)
فطرت: قطعة جبنة وشرايح من خضار شبيه بالخيار اسمه القثاء وبنقول عليه فى مصر (الآتة) بعشقهااااااااااااااا
اتغديت:حوالى 150 جرام كبدة ..(طبعا معاها اضافات تانية فيها كاربز عالى جدا وانا نفسى بعد ماكلتها حسيت بالحرارة اللى بحسها بعد اكل الوجبات الغنية بالنشويات)
بعد الغداء شربت شاى محلى بشوجر ماتش( سكر لاكتوز مع اسبارتام ..طعمه حلو لكنه فعلا بيحفز عندى الانسولين وبيجوعنى جدااااا)
الساعة 7 كلت بيتزا اتكنزية ..(قرص بيض عليه فلفل اخضر وشرايح طماطم مقلية وزيتون وجبنه وحطيت عليهم قطع قليلة هوت دوج)
بعدين شربت الساعة 11 بالليل كوب كاكاو (ومعاه تلات معالق لبن) محلى بالشوجر ماتش اللى بيموتنى من الجوع
وطبعا كنت هموت من الجوع الساعة واحدة بالليل وبدل ماانام قمت عملت لى سمانة
الطريقة :اتقطعت السمانة وحمرتها فى زيت زيتون وبعد كده حطيت معلقة بصل مقطع عليها وحمرتهم مع بعض بعد كده حطيت عليها قطعة جبنة كيرى واضفت ليها المية والملح والتوابل وبعد مااستوت اكلتها (اختراعاااات) طعمها كان حلو بصراحة بس كانت حادقة شوية
نمت بعدها بساعة ونصف بس!!!
شربت 2 لتر مية تقريبا..
اليوم مليان مخالفات:1
-صحيت ونمت متاخر
2-اتساهلت شوية فى الكاربز (مع انى متأكدة انى ماعدتش ال20 جرام)
3-شوجر مااااااااااااااتش
4-3 ملاعق لبن.
5-نمت بعد الاكل بساعة ونص بس
6-مااتحركتش كتير.
بس النهاردة هعوض باذن الله
هيا سألتنى عن نظامها فقلت انه كويس لكنى مش هطبقه للاسباب اللى قلتها ..وقلت انى اخاف لو عملت ريجيم...
يابنتي كلنا هنا اخوات بجد وبنفضفض مع بعض ومالناش غير بعض وانتي واحده مننا ووالله انك فعلا من يوم مدخلتي الموضوع وانا بحس انك قريبه جداا مني ومن كل البنات ماشاء الله عليكي
وطبعا معاكي الف حق مفيش حد ولا حاجه اهم من الصحه اممممممم بس متهيالي النفسيه قبل الصحه باين ربنا يسترها