مشكورة ياصاحبة الموضوع والله اناعندي ازمة في هذا الموضوع اطفالي مزاجيين اليوم يعجبهم وبكرة لامع انهم صغارلكن عجزت فيهم البنت ثلاث سنوات والولد سنتين خاصة الولدمايحب المنتجات البيضاءالاالحليب يعني اللبن والزبادي والجبنة والقشطةكلها مايحبها ولا التونة الله يعين بس يكسلوني اسويلهم اي شي واذا سويت انااللي ارجع اكله وانااللي اسمن وبس

مساء الخير اخواتي جبت لكم بعض الأكلات الخفيفة والصحيه
1-هذه الأكله خفيفه وصحيه عباره عن خس مقطع شرائح رفيعه نرصه بطبق ونضع عليه دجاج مكشن مع بصل ومبهرومملح ونحطه عالخس بعد مايبرد ونحط عليه صلصة زبادي قليل الدسم مخلوط مع قليل من المايونيز وفص ثوم ونجيب توست محمص ومقطع ونضعه آخر طبقة ونزينه بشرائح الطماطم وجبه صحيه ومتوازنه وقليلة السعرات الحراريه عشان كمية التوست قليله مع عصير فريش وخلي عيالك يستمتعون بالطبق
2- كلوب ساندويتش
- توست بر وأبيض
- بيض أومليت أو مسلوق
- جبنه قليلة الدسم شرائح
شرائح خس
حطي شريحة توست بر وفوقها خس وبيض
وبعدين شريحة توست بيضاء
بعدين جبن شرائح وبعدين شريحة توست بر
وأنتي غيري بالمكونات حسب رغبتك بس حاولي تقليل الدهون
وقطعيها اربع أقسام وحطي عود أسنان مغروس عليه زيتونه
شكل حلو وطبق خفيف ودخلنا فيه التوست البر اللي موكل الأطفال يحبونه بس بطريقة تفتح أنفسهم مع كأس عصير طازج تصلح وجبة عشاء
3- عجينة بيتزا أفرديها بس لازم تكون رفيعه بحجم الخبز الشامي الصغير اللي يكفي شخص واحد وحطي طبقة الصلصه وقطع دجاج أوتونه وفلفل رومي مقطع شرائح وشوي زيتون وجيبي جبن قليل الدسم مبشور ورشيه أو جبن شرائح وقطعيه بالشكل اللي تحبيه
والنتيجه بيتزا صحيه قللنا فيها العجينه يعني كمية النشويات قلت وحطينا بدل الجبن اللي كله دهون جبنه قليلة الدسم ومن الأفضل تشاركيهم معك بالطبخ بيستمتعون وراح يحبون البيتزا لأنهم شاركوا فيها
4- صامولي بر نفرغ العجينه من داخل ونمسحه بطبقه من المايونيز أو الجبنه نحمر شرائح لحم البرجر في صينيه بدون زيت الين تنضج ونقطعها شرائح ونضعها باخل الساندوتش مع شرائح الخس والطماطم ونضع القليل من الكاتشب ساندوتش طعم ولذيذ وصحي عشان الخبز بر
الخبز البرصحي كله الياف فياريت كل ام تدخله بأكل عيالها حتى يتعودون و المعده تتعب من الأكل اللي مو صحي وكله بس نشاء ودهون
حبيباتي يديني تكسرت بعدين أرجع لكم بأطباق لذيه وشهيه وادعولي بظهر الغيب ربي يحقق اللي ببالي

بصراحه المفروض الموضوع يتثبت على شان الكل يستفيد
انا عندي ولدي عمره سبع سنوات مزاجي يحب الاكل السريع مايحب غير بطاطس وحلويات بصرحه طفشني
ماني قادره اسيطر عليه اذا انا منعته يروح عند جددته وياخذ الي يبي
ماني عرفه كيف اسوي معه وزنه ضعيف مره
والثاني ببغاء اخوه مره يقلده في كل شي لدرجة سويت له تحليل طلع عنده فقر دم
الله المستعان
بس انا بصراحه اسوي لهم احيان على الغداء رز مع العدس والبن
والفطور كورن فلكس سندوش جبن
والعشاء بطاطس
بس بصراحه احس اكلهم مره ماله داعي

تدرون أن أغلب السمنة تجي من كثرة تناول الأجبان والدجاج واللحوم المصنعة
بسبب كثرة الدهون فيها والدجاج مليان هرمونات

فلو كل وحدة تكتب لنا أكلة حلوة وخفيفة ومفيدة وتحتوي على جميع الماد الغذائية
ماتكون تعتمد على نوع واحد أو نوعين فقط

ياليت ولدي يسمن شوي وزنه مرررررررررررره ضعيف ولا فوق ذا اذا ناديته ابيه ياكل كاني اناديه على مصيبه

يعني الاكل عنده عقاااااااب واذا كان جوعان اتحمس وياكل لقمتين وخلااااااااص عجزت فيه مدري وش الحل ولاااا اي شي اسويه مو حلو اسوي حركات بالاكل هم مطنش

الله المستعان بس