هلا اختي
انا باديه رجيم تمر ولبن لين ماتتعود المعده على الاقل القليل وبعدها بسوي السعرات خايفه من الكيميائي يسببلي تساقط فالشعر
والله يعطيك العافيه

الف شكر لكم جميعا حمسوتوني وشجعتوني الله لايحرمكم الاجر

حبيبتي الغالية .. اول شي بالعكس الرجال لو كان فاضي ويهمه جسمج كان تعمد يسوي مشاكل ويتحجج عشان يفك الخطوبة ... بس هو يحاول معاج .. وهو مسكين يعني يحاول بطريقة حلوة مو جارحة بس لان الموضوع حساس بالنسبة لج تحسين انه جارح .. اااه لو تشوفين تعليقات زوجي صدقيني بتموتين تقولين كيف مستحملة وانا بس زايدة خمس او ست كيلوات عن وزني المثال ... حطي المثالي بين قوسين خخخخخ

بس انا بديت بأتكنز دايت .. الي هو معروف بالمنتدى ريجيم الدكتور دشتي وهذا اللينك ... صدقيني بيحسسج بالشبع وبس اول ايام متعبة وصددددقني لو ستمريتي عليه ودرستيه عدل وسويتي بالضبط النظام بتيين يوم العرس وانتي ارشق مما كنتي تتوقعين .. والتجارب تأكد هالشي حبيبتي .. لاتقوليله ابدا عن عيوبج ... بس قوليله بسويلك مفاجأة ز... وانتي سوي الريجيم بسكوووت لاتخبرينه ابدا .. عشان يتفاجأ وصدقيني بتكبرين بعينه وبيستانس ومابيندم انه اختارج ...

ان شاء الله يكون يستاهل هالتعب بس حتى لو مايستاهل انت تستاهلين تشوفين نفسج حلوة ورشيقة

بحطلج الرابط .. وانتي سويي ريسيرج .. واي مساعدة ولا يهمج انتظرج عالخاص ....

http://archive.hawaaworld.com/showthread.php?t=499216&highlight=%CF%D4%CA%ED

الحلو بالدايت انج ماتجوعين ... تاكلين لحم وحتى انج تقلينه قد ماتقدرين ... ومع الايام بتزيدين كمية الخضار شوووي شوووي وجي بتوصلين لمرحلة انج تاكلين كلشي وجسمج يحرق الدهون ... فان شاء الله يفيدج هالشي

الله يوفقج ويسعدج يارب

اختج
ام ليث ومارية

بصراحه يالغلا ما ألوم خطيبك لان الزمن تغير وانت شوفي بالقنوت كل وحده تتدلع بجسمها ولبسها بما أن خطيبك جسمه رشيق فالبعكس هذا يشجعك على الرشاقه ودائما خلي في بالك أنه المرأه هي صاحبة الدلع والغنج والجسم هو اللي راح يساعدك

تعريفي يالغلا افضل طريقه صوري نفسك بالجوال وشوفي جسمك وبكذا راح تقوى عزيمتك


شوفي حبيبتي سوي رجيم السعرات الحراريه 500 سعره وهو موجود هنا ررررررروووووووووووووووعه قليله بحقه

انا بديت فيه من يوم الاربعاء واحنا اليوم الجمعه ماشاء الله نزلت كيلو يعني نقول كل بعد يومين كيلو


بعدها تنزلي للوزن المطلوب

وبالتوفيق حبيبتي الله يتمم لك على خير وتكون احلى عروس في عيون خطيبك

اذا ماعندك اي لخبطة والا غدة خذي لك نظام غير
لو كنتي مش عامله
حبوبه اول ماتصحين كوب ماء دافي مع قطرات عصير ليمون وبعدها دايركت مشي بالفجر او اول الصبح افضل الاوقات نصف ساعه الى ساعه
وبعدها ارتاحي وافطري عندك الجريب فوت عصيره ينحف مع صحن سلطة مشكله او خس مثلا وكذا وعندك صحن صغيرون حلوو مره سوي فول واخذي منه 3 ملاعق او بيضتين مسلوقتين مع ربع رغيف اذا لاحظتي المطاعم كيف يقطعون الخبز كذا قصدي او اشربي برتقال يعطيك نظارة
خلصتي حبوبه اجلسي دقايق واستغفري وخذي شهيق وزفير
خلصتي الباقي من الوقت بعد الاكل بس مو مباشره تحركي او اشربي مويه كثير تراها تسد الشهيه بامكانك تشتري بدلة الساونا في هالوقت وتحطي على جسمك رشة من مخلوط عصير الزنجبيل الطازج وعصير التفاح الاخضر الطازج وموية ورد الاصليه تنحف كمان
جاك الظهريه اعملي لك كوب عصير تحبينه اول بعدين صحن كبير سلطه مع رشة زيت زيتون مع ملح وليمون اي باختصار تبولة فتوش وكذا مع 3 ملاعق رز او 4 مع سمك مشوي او دجاج مشوي او لحم مشوي
خلصتي وحمدتي الله بعد الاكل بس مو مباشره لا بفتره ساعه او كذا قومي يابعدهم وامشي نصف ساعه او اعملي تمارين شد كامله بس افضل المشي وان جعتي قطعي خضروات بشكل لطيف او فواكه وهاتي اكل فيها او عصيرات طبعا انتي بعد ماتحركتي وانتي حاطه الخلطة الزنجبيل وشلته بتتروشين بعد ساعتين او كذ
العشاء خذي لك جزر لانه بطيء في الهضم يعني بيعبي معدتك مع شيء خفيف من شوربة او سلطة او زبادي وتبلعين قبله نصف فص ثوم بلع ياقلبي مو اكل ا المهم اعملي تمارين شد بالليل وبالعافيه ياقلبي النحف