هلا بنات...

شخباركم

انا اليوم شوي متضايجة.. لإني ما نزلت هالمرة وايد.. يعني وزني الحين 82.6 وكان الإسبوع الماضي نفس هاليوم 82.9 .. يعني بس 300 جرام .. معني والله التزم بالريجيم بالعكس أحذف وايد اشياء عشان اضعف اكثر والرياضة وأنط الحبل وكل شيء.. بس ما أعرف ليش جيه جسمي..

امتن بسرعة واموت لين ينزل وزني كم كيلو...
يالله الحمدلله .. اتمنى يكون مثل ما قالوا بعض البنات ان في الريجيم فترات ما ينزل الوزن بسرعة وبعدين يرد ينزل دبل..إن شاء الله ..:27:

اليوم آخر يوم لي فهالريجيم .. إن شاء الله من يوم الخميس ببدأ ريجيم الأخت عذاري وبستمر فيه لمدة 20-30 يوم على حسب النزول.. إذا ما نزل وزني فيه بغيره.. وأنا ناوية أغير فيه على كيفي وأسوي كل أسبوع يوم أو وجبة على الأقل راحة.. والله اييني اكتئاب لما أحس اني اسوي ريجيم ولا أقدر اكل شيء..

تعرفون بنات أنا دايمن أفكر ..إنه لو الحين ضعفت .. كلها كم شهر ويرد الوزن..لإن أنا جسمي جيه.. أتمنى هالمرة بعد ما أخلص اسوي نظام لتثبيت الوزن وبييب ميزان رقمي وبوزن كل يوم.. بس كل الدكاترة يقولون ان الإنسان بيرد لوزنه إذا ما غير عاداته الغذائية .. وهذا الشيء صعب وايد .. يعني معقوله كل الأهل يأكلون أكل معين وأنا أعتزل عنهم..وأكل أكل ثاني طول حياتي.. وإلا معقولة أعتمد عالأكل المسلوق والمشوي مدى العمر، وأقاطع الحلويات والشيبس والكولا والفاست فود..أحسه شيء صعب لأنه نحن نعيش وسط الناس ما نعيش رواحنا.. الله يعيننا .

ياررررررررررررررررررررررررررررررررب نضعف ويثبت وزننا طول العمر..آمين آمين آمين

يالله مع السلامة .. خلونا الحين في همنا (نضعف) ولاحقين على هم باجر ( نثبت الوزن).

فتاة القرآن:26: :27:

الصائمة
الصراحة آنا اليوم في قمت كآبتي
اليوم الصبح قست وزني عشان اشوف شكثر نزلت اليومين اللي طافوا
اوقف عالميزان واشوف وزني نازل نص كيلو ومو ثابت يعني قست كذا مرة
في الوقت الواحد القاه مرات يرد مثل ما كنت يوم السبت 73 يعني كأني ما
سويت شي طول هاليومين اللي حارني اني ما قعد آكل شي يعني الكمية غير محددة
في الريجيم ومع هذا آكل اقل من القليل
اول يوم اكلت بس علبتين زبادي وشربت قهوة وماي وايد
ثاني يوم اكلت بس بطاطتين مسلوقتين وشربت ماي وقهوة وشاي
اليوم اقيس وزني القاه مثل ما هو او نص كيلو والله منقهرة على حالي
قوليلي الصائمة اشرايج باللي اقوله ما يوقف العقل
انتي نزلتي وبعدين ثيت وزنج آنا مانزلت كلش ووزني ثابت
حطيت احتمال واحد ما كو غيره احتمال لأن الحين يقرب موعد الدورة وآنا سامعة
ان الدورة ما تخلي الوزن ينزل في الريجيم ، صح كلامي ولا لأ
قوليلي الله يخليج حاسه اني بموت من القهر
يوم اللي التزم بالريجيم ما ينزل وزني

هلااااااااااااا يا عسسسسسسسسسسسل


والله كلامك زي البلسم


وربي رما راح يخلي تعبنا يروح هدددددددددددددددددر

والشي اللي يجي بالساهل يروح بالساهل :22:

يعني لازم نتعب شوي عشششششششششان نحس بقيمة الرشاقه وما نفرط فيها أبدا :27:

ونظام الطامح انك تاكلين اللي تبين في النهار بس تصكين حلقك بعد الساعه 4 العصر

وتشربين شوربة الساليري بسسسسسسسسسسسسس

وشكلي أنا راح استفيد من نظامك من ناحية السعرات الحراريه وراح اخليها 1000 سعرة في اليوم والله يسر

وراح أكون معاكم عشان بس اتشجع لان مجموعتكم تووووووووووووووووووونس


:27:

بنات انا معاكم من بكره بسوي رجيم 5 كيلو في 5 أيام
لأني محتاجه انقص 6 كيلو
بس المشكله فيني اني من انقص ارجع الوزن اللي فقدته
وان شاء الله كل وحده منكم يصير وزنها 55 ونازل يارب
بس شجعوني لأن ارادتي صفر

مرحبااااااااااا
شكرا ؤعلى ردك حبيبتي لصائمه لله بس عندي كم سؤال بخصوص الريجيم بعرف ديقتلك خلقك مو
عصير التفاح ضروري ومافيني بدلو بشي تاني مثلا اكل تفاحه
الانناس نفس الشي والخوخ مافي بديل