بصراحه لخبطتوني كل ماقلت بسوي الريجيم افتح الصفحه الثانيه الاقيكم قلبتو على ريجيم ثاني

طيب اللي جربت اغلب هالريجيمات ايش افضل ريجيم لقته

انا ابي انحف بس 4 كيلو وبعدين 2 كيلو على راحتي انحفها

بس ابي 4 كيلو في اسبوعين

شو رايكم اتبع ريجيمكم ولا ريجيم الاخت جوليا تبع البروتينات بدون جبن ولا نشويات؟؟؟؟؟؟؟

عائشة-قطر

حياج الله عزيزتي ، صدقيني محد يحس بمعاناتج الا اللي عايشها
ليش متشائمة ، احم احم احم احنا هنا ونجحنا هو في تنزيل اكثر من 30 كيلوووووووو

لازم الارادة تكون توب ، تصدقي انا قبل النت وعمايلها وعالم حواء .... رحت لدكتور
ونقصت لين نزلت من هم الثمانين ،وتميت اسوي ريجيمات بروحي ، بس صراحة الاعشاب استمريت عليها!!!!!!!!! اي عشبه اسمع انها تنزل اركض وراها
وعالم حواء فيه الخير ، والبنات بعد ..... واحنا في هذا الموضوع الحمد لله مستمرين
طبعا العضوات المستمرات الى عالم الرشاقه حاليا : فتاة القرآن ، وpitza
وعندج اناغيم الامارات بس تراها ماتفضى الاآ خر الاسبوع؟؟؟؟؟

واعتقد وعن تجربه اللي تبي تسوي ريجيم لازم تلتزم وياحد ، وانا الحمد لله نقصت تقريبا
8 كيلو بس في هذا الموضوع .............. طبعا التشجيع له دور
طبعا فيه بنات وايد بدن ويانا وبعدين انسحبن ..........كل وحدة وظروفها واللي مايبينا ....
الله يحفظه
شونسوي ماتنجبر روح على روح*******************
المهم ترا ريجيم السعرات الحراريه وايد اوكي ، لانج اذا كان نفسج في شي كليه عادي
بس حاسبي باقي اليوم عشان لاتزيدين السعرات عن المقرر
والرياضه مهمه ، بس ترا العزيمه سبحان الله مثل الايمان تزيد وتنقص؟؟؟ الله يعين
من نقص ايمانه!!!!!!!!!!!
شوفي عزيزتي اذا استمريت صدق ،وبجد بعد فترة بتلاحظين ان وزنج ينزل بسهوله
طبعا من تدخلي حدود المعقول ، يعني التعب اول شي وبعدين خلاص بيتبرمج جسمج ومخج

بس حاولي ماتنقطعين ، استمري ويانا واذا صارت لج ظروف كملي بدونا ، المهم تنزلين
وياليت تقيسين اجزاء جسمج بالسانتي يعني محيط الخصر والصدر والفخذ والردف والزنود
يعني مع الريجيم والرياضه حتى ولوحسيتي ان الميزان ماينقصج بس بتلاقين المقاسات تصغر
جربي وشوفي ،،،،،،،،،،، شوخسرانه
انا الحين ماشيه على ريجيم السعرات ، لانه مسجل في مخي خلاص اذا كلت اليوم دسم
لا بكرة لازم انقص شوي ، واذا ثقلت بوجبه لازم اتبعها برياضه تحرق اللي كلته...
الله يوفقنا يارب وننزل بصحه ةسلامه

mona taher

مشكورة عزيزتي على الرابط

العزيزة بيتزا

شو مسويه بالريجيم ، لاتلخبطين ترانا نتريا النتيجه
شدي حيلج كلها كم يوم ونشوف ............. لازم اتنقصين بس لاتخافين الاجسام لها اسرار
يمكن تمسك الوزن اليوم وتنزل بكره ...
القهر كنت اروح للدكتور ويعطيني ويا اختي نظام لي ونظام ثاني لها ويقول بتنقصون 2 كيلو
بس كانت هي تنقص الكيلوين وانا لا
المهم استمريت وصار العكس الحمد لله بشوية التزام ....ينقص وزني ......
قولن مشاء الله]

ورده العمر

ورده العمر: مشكورة الغاليه للمرور ويارب نوصل لهدفنا
ونكون كلنا مستانسين.........يارب

كهرمان

ليش متلخبطه ، يعني الخيرات كل ماتعددت كان لصالح الريجيم يمكن ماتحبين واحد وتلاقين
غيره حلو ،،،،، اي ريجيم ينقص بس لازم التزام ورياضه واذا فيه طلبات خاصه بالريجيم التزمي فيها مثل ريجيم الاربع ايام لازم تمتنعين عن الغازات حت اللايت ، ولازم تشربين ماي وايد ،،،، ومتأكدة اذا ثنتين يسون نفس الريجيم وملتزمات بس وحدة تسوي رياضه ،وتشرب
لتر ونص ماي متأكدة انا بتنقص اكثر من الثانيه بوايد................
وترا الاعشاب لها دور ..... بس لازم تستمرين عليها.... عشان تبان النتيجه....
تصدقين الخلطه اللي استخدمها تلوع بالكبد ........ بس لانها تساعدني ماازيد اشربها وانا مغمضه ومسكرة خشمي بعد
المهم صارت عندي قناعه انها مثل اي دوا لازم اشربه وان شاء الله بستمر عليها...