تعبت كل يوم اقول رجيم ورجيم راح اجرب التخفيف وووووووووووووووووووبس

السلام عليكم ورحمه الله وبركاته
اليوم الأحد ٢٠ يونيو ١٠ ذو القعده
طبعا الكل عرفني في القسم اتوقع
اليوم جلست افكر بيني وبين نفسي لمتى بظل اقول بسوي وبسوي رجيم وأحط لي نظام ولااحب اتقيد وافشل في النهايه
فكرت اكل كل شي في الدنيا بس بحدود وبتخفيف
طبعا مو يعني كل ٢٤ ساعه حلويات ومقالي واكل كل شي بحد التخمه اكدس في بطني وبس
يعني باكل بعقل وبقوم من الأكل وانا ماخذه حاجتي فقط مو لازم اكدس لين مايطلع الأكل من خشمي
وراح اتحرك في البيت واسوي انشطه بدل النوم من ترتيب الملابس وغسل وتنظيف أعمال البيت بالاضافه الرياضه يوم مشي يوم حركات هوائيه يوم صعود درج وهروله بشوف جسمي وطاقته


ولا راح الزم نفسي بفطور او غداء او عشاء
بشوف روحي اذا جوعانه باكل وبحدود
لاني اوقات اكون نايمه في الصبح يروح علي الفطور
يعني مو اجباري
فكرتي استجيب حق عقلي في الأكل
وطاقتي في الرياضه بسوي رياضه في اليوم سواء صبح أو ليل أو عصر أو ظهر يعني مابجبر نفسي بوقت محدد بشوف نفسي اي وقت بحب اسوي
وهم يزيد نشاطي في البيت مو كله جالسه على الجوال على النت ٢٤ ساعه او نايمه بحاول اخلق لي شغله
وهم بشرب مشروب ساخن في اليوم مثل شاي اخضر او يانسون او ليمون او زنجبيل


وراح اقول لنفسي وعقلي انا مامحرومه انا فقط قاعده احسن عادتي في الأكل
لازم لهضم اكلي زين وراح اكثر شرب ماء
وماراح اوزن الا كل اسبوعين
وراح احط لي هدف انزل كيلوين بس خلال اسبوعين
اذا تحقق بفرح وإذا زاد خير وبركه
اليوم الأحد بجرب نفسي خلال اسبوعين ماراح اوزن الا يوم الاحد بعد اسبوعين
وراح اكتب لكم ويش حسيت من اتبعت نظام التخفيف


ماراح احرم نفسي من طلعه أو عزومه باكل الي ابي بس بحدود بعيش حياه طبيعيه من غير حرمان أو قيود
بس بحسن عقلي وتفكيري ويزيد نشاطي الزبده
انتظروني بعد اسبوعين يوم الاحد راح احكيلكم ويش تعلمت ويش غيرت من عاداتي وبإذن الله راح انزل
وزنت الحين وزني في ازدياد ١٤٠ و٧ غرام كيلوو
لازم اتغير
شجعوني أوقفوا بجانبي ويد بيد نظام حياه
وراح اتكل على الله واكسب قوتي منه