عدنا من جديد إليكم أعزائي المستمعين والمشاهدين بعد غفوة قصيرة :biggrin:ههههههه...
ههههههه خطيرة طرقتها فهمتِ حتى مغزاها ما شاء الله ...الجيم بالكلمات تنطق نفس الجيم اليمنية والجيم المصرية ...لأنها بالأصل قاف وينطقوها نفس لهجتكم السعودية مثل : قال يقولون جال ... بس البدو عندنا ينطقون الجيم العربية الفصيحة ياء ... مثل : جبل يقولون يبل وجيت يقولون ييت ... فأي جيم كتبتها في الردود السابقة باللهجة البدوية أصلها قاف وأي ياء أصلها جيم حتى المعنى يوصل مستقيم ههههههه ...
أما قصة الجنية لها نفس المغزى إللي تكلمتِ عنه هي كانت تغير شكلها كل مرة بهيئة عشان تحافظ على زوجها وما يشوف غيرها من الجنيات :biggrin:هههههههه حتى من كثرة هوس التغيير غيرت شكلها لناقة وشالوها وذبحوها وهو العاشق تعذب وتجنن من بعدها :buck:هههههههه...
كان يقول من ضمن القصة الشعرية الفكاهية باللهجة المحلية الظفارية :
وتعارضوا في الصحرا ... ظلوا وباتوا جبرة
وعلى الدخون والفخرة ... وتجنست بدوية
(تعارضوا : تقابلوا ... جبرة : معاً ... الفخرة : العطور ... ويمدح البدويات هنا يعني الزوج عجبته زوجته الجنية لما تحولت بدوية بطبايعها وترحيبها وكل شي ...)
وتقابلوا في الوادي ... على شجار الكاذي
ومحبته بالفاضي ... يومش مرة زنجية هههههه
( شجار : أشجار ...ومثل ما قلت لكم في لهجتنا المحلية كثير نحذف الألف ...وفي هذي الله يرحمه كان عنصري شوي مع أنه زنجي ! ومسكون بتعصب الأسياد والعبيد في الماضي :biggrin:)
قالت تعال يا روحي ... شوفك يداوي جروحي
خلك محب ونصوحي ...ومحبتك مخفية
( هنا يمدح محبتها ورقتها لما تجنست قبيلية وصارت رومنسية وما تظهر محبتها كلها وتتدلع وتتغلى عليه وهو يفهم محبتها المخفية له بدون ما تصرح حتى عشقها وهام فيها هههههههه عليهن حركات الجنيات :biggrinlo هههههه)
عاشق ولا له فاقة ... جالس على الحراقة
والناس شالوا الناقة ... مروا بها فوقية هههههه
( عاد من كثرة الفن عندها تحولت له ناقة وهو كان بيتحول جمل :twirl:هههههه وما أمهلوها العرب حتى تتغير وفكروها من نوقهم وشالوها وذبحوها وهو انحرق قلبه العاشق لها وما كان عنده القدرة ينقذها من الإنس إللي شالوها :icon36:ههههههه)
والمستفاد من القصة مثل ما قلتِ الزوجة تكون لزوجها 4 في 1 :biggrin:ههههههه أو مثل إعلان صابون كامي زمان اللي يقول في كل يوم أنتِ امرأة جديدة :27: هههههه لكن عاد ما تزودها لا تصير مثل الناقة وتنذبح بسبة هالتغييرات الغريبة ويتزوج عليها ناقة ثانية حقت سباق هجن ومزاينة ومحالبة :bkh:هههههههه
عشان كذا هذا الموضوع زين نتعلم لهجات البقية سواء عشان موضوعات التحذيرات من السفر هالأيام واستخدام اللهجة الأصلية هههههه وإلا عشان تغيير الروتين مثل الجنية والحفاظ على البناء المتجدد لعش الزوجية :biggrin:ههههههه....
إلا وين زهرة عن موضوعها ترى بيضيع معي إن ما جت تحرسه :redface:هههههه
عدنا من جديد إليكم أعزائي المستمعين والمشاهدين بعد غفوة قصيرة :biggrin:ههههههه...
ههههههه...
عليك موسوعه ثقافية
عاد ردودك اللي ما أمل منها بما انه مواضيعك قليل