( حربنا الآن حرب السمنة )..

كلنا عارفين إن الرشاقة ماتجي إلا بعد حمية ورياضة،.


بس في أخطاء أتبعوها بعض الناس للتنحيف.؟؟


انا كنت متينه وكنت أعاني من السمنه نفسيا قبل جسديا ،
كنت أحبس نفسي في البيت عشان لايشوفوني الناس ،
صرت بيتوتية ،
حتى ماعاد يأثر فيني قعدة البيت والوحدة..،
الكل يشتاق يجلس معي بس انا ما أتحمل المنظر ،
(هم نحيفات وانا سمينه،!!)


يقولون إن الدنيا ماتستاهل نجوع انفسنا عشانها ؟!؟؟!
( طيب تتوقعون الدنيا تستاهل نندم ونحزن على أجسامنا
بعد ما أنفرطنا بسبب الاكل وقلة الحركة ؟!؟!)
السمنة نفسية سواء كان لرجل أو إمرأه ،
وسواء كان متزوجين أو غير متزوجين،
السمنه تسبب الأكتئاب للصغار وللكبار ،


........ ....... آسفه طولت عليكم ....... .......
العناصر إللي تساعد على القضاء على السمنه :
1_ النظام الغذائي المتوازن .
(ليس الحرمان والا الرجيم الكيميائي والا رجيمات القوقل )
2_ التمارين والرياضات المناسبة .
( تريضوا وتحرّكوا لانها سريعه في نقصان الوزن وتعالج الترهلات )
3_ صور نفسك وعلقها بغرفتك .
( وععع الصورة لحالها تخليك تنحفين وإنتي مغمضة ، يعني قرفي نفسك بنفسك )
4_ شرب الماء لتنظيف الجسم.
( مو تشربين المويه إلين ينفقع راسك !! لا ، اشربي كوبين كل ساعتين أو كل ثلاث ساعات )
........................ :) ...................................
الحمدلله ، نحفت بسبب العناصر المهمه.
آكل وما أحرم نفسي و ما أشبع ،
طولي 160 و كان وزني 85 كيلو ، وصار وزني 53 كيلو،،
طبعا بعد أربع شهور .
( كلي أقل من حاجتك ) ولااااا تستعجلين عالرشاقة،
مثل ماصبرتي عالسمنه أصبري عالرشاقه إلين تجيك،
(( نحفت بعد تفكير وتمحيص.))
ليش لأني ركزت على الآية هذي :
قال الله تعالى ( والذين كفروا يتمتعون ويأكلون كما تأكل
الأَنْعَام والنار مثوى لهم ).
وفسرها ابن كثير : ان الكفار يتمتعون بالدنيا ويأكلون منها
كأكل الانعام خضما وقضما وليس لهم همة إلا في ذالك.
وقال صلى الله عليه وسلم :( المؤمن يأكل في معي واحد ،
والكافر يأكل في سبعة أمعاء).
فسبحان الله ، قلت ليش صرنا مثل الكفار !!
قل فيها عبادتنا وكثر فيها أكلنا .!!
صرنا مانطلع من المطبخ إلا وقت النوم هههههه.
الحمدلله نحفت بفضل من ربي ثم إجتهاد مني .
كنت امشي خمس دقايق وأهرول نص ساعه،
وصرت أشيل حديد عشان انحف بدون ترهل.
يعني أخض دهوني بالهروله خضا ،
وأعصر دهوني بالاثقال عصرا ،
و الجود في الموجود ، آكل اللي موجود بس مااشبع.
( أخفف أكل عشان الهروله والاثقال تنفعي.)
مايصير تعبين الكرشه وتجرين عالرياضه !!
، وبعدين تقولين مانحفت ؟!؟
التفكير والتمحيص لابد منه لازم تفكرون قبل الاكل
وقبل التمارين وخلوا عنكم الدفاشه ..


وسلامتكم..
لا تنسون الردود ،،
لان الموضوع ذا من مجهودي واّلله يشهد ..
وأتمنى لكم التوفيق .