الغالية شام انا جدا مسرورة ان زبطت معك والحمد لله انك اخيرا عملتيها واستمتعتي بطعمتها الي كنتي فاقدتيه

اي نعم يمكن لازم تنقعيها مشان تطرى .....يلا هلا انتي عرفتي الطريقة وممكن تصيري تغيري وتبدلي فيها على حسب راحتك وصحتين وميييييييييييييييييييية هنا يارب


اختي اسلام فور افر للاسف ما كتير بعرف طريقتهم بس دوري بالمنتدى وان شاء الله تلاقي وصفاتهم وان شاء الله الاخوات السوريات ما بقصروا معك اذا سالتي

كان عندي طريقة البسبوسة وكتبتها بالمنتدى من زمان بس هلا نسيتها وما عم لاقي الموضوع

اعتذر اني ما فدتك اختي

فرش ميلك مية اهلا وسهلا والله يعافيك يارب

الله يسرك دائما يا رب

على فكرة

بدي اسألك

هي طالعة حلوة زيادة شوي
ونا بحبها ادلع من هيك

أنا ماكترت قطر وأنا عم افردها يعني شي انه

بس ممكن نقصلها السكر بقلب العجينة

يمكن تخف حلاوتها شوي

الله يسلم ايديك يا رب ويعطيك العافية

ومشان الاخوات اللي سألوا عن الحوليات السورية

إن شاءا لله سأبحث عنها وأضع لكم بعضها

هلا شام ....الله يسلمك يارب

مشان السكر اعتقد اي فيكي تقلليه على راحتك ....انا مابحسها حلوة ابدا حتى بضطر احيانا حط لها قطر بعد ما بتصير .........يمكن نوع الجبنة له تاثير....

اسمحيلي اقول لك شي عزيزتي بالصورة مبين ان العجينة مايعة شوي ....اذا صح وهي بهالشي عزبتك معناها المرة الجاي خليها اكثر على النار.... ...يعني خليها تغلط وتسمك اكثر شوي ولا تخافي تطلع يابسة لان وانتي عم تفرديها بترجع بتطرى من القطر

وتسلمي على هالدعوات الحلوة ..............اجمعين ان شاء الله

صحيح كلامك عزيزتي طلعت مريقة العجينة وعزبتني شوي باللف

إن شاءا لله بخليها اكتر على النار

أنا خفت تبس شوي

وعندي سؤال كمان

معلش خليها تبرد شوي ولا لازم طبقها دغري

معلش تخليها تبرد شوي بس بس شوي مو كثير لان كل ما بردت كل ما يبست وصار مدها اصعب