يجنن شكل الحلا

مرحبا أخت فتاة سورية
اولا شكرا على طريقة حلاوة الجبن لاني كل ما بعملها بالعكاوي ما بتزبط معي والجبنه ما بتسيح
انشاء الله بدي اجرب طريقتك واكيد رح خبرك بالنتيجة بس عندي سؤالين عن الجبنة
اولا كم بالغرام وزن الكاسين ونص؟لانه احنا عنا الكياس الموزاريلا المبشورة بيكون عليها وزن مش بالكوب
السؤال التاني كم مرة بتغيري مية نقع الجبنة ؟وكل قديش من الوقت؟
عارفة رح اعزبك معي بس شو بدك تعملي ورطي حالك لاني عقدتي حلاوة الجبن
جربتها كتير بالعكاوي وما كانت تزبط معي بس اول ما شفت طريقتك قررت اعملها بس بدي اتاكد من المقادير بالاول
وشكرا مقدما على الرد

totoa

تسلمي على المرور وشكرا على الرد

اختي noga

2 كوب جبنة = 227 غرام

ولكوب سميد بدك كوبين ونص جبنة "احسبيها انتي وورجينا شطارتك بالرياضيات " :)

وبالنسبة للنقع ما بعرف كم مرة بالتحديد بتغيري الماء يعني يمكن شي 10 او 15 مرة بين كل مرة ومرة خلينا نقول 10 دقائق ...طبعا هاي هيك تقريبا من عندي ....او اذا بدك غسليها شي ثلاث مرات على السريع وبعدين انقعيها بالمي و اتركيها لتاني يوم

على كل حال انتي اذا بدك تعرفي انه صارت جاهزة ذوقي شوي منها اذا شفتيها مافيها ملح فبتكون جاهزة

واذا بتفضليها بالعكاوي فاعتقد ان الافضل تقطعيها شرائح رفيعة وبعدين تغلي ماء وتسكبيه فوق الشرائح وتتركيها شي نص ساعة لحتى تطرى وهيك بتصير بتذوب بسرعة ......انا ما جربتها بس استنتجت هالشي من تجربة الاخت شام ....

واهلا وسهلا اختي لا عذاب ولا شي خذي راحتك بالاسئلة ولا يهمك

ياعيني علئ الحلويات الشاميه انا اموت فيها ........

والله شكلها رهيب شميت ريحة الجبن لان المطبخ جنبي علي بالي طلعت الريحة من المنتدي هههههههه بس ما عليها كلام تسلمي .