كوبونات الراقية تسجيل الدخول

aomroena
aomroena •
/
/
/
/
/
/
/
الســاعه التــاســعه مســاء بــقاعــه السيف كان العرض الافتتاحي لازياء ام رائد وكان كل شي ضخم وعلى مستوى راقي .. الصحفيات بكل مكان والتغطياات من اشهر الاعلاميين .. ام رائد كانت مستعده لـ هالعرض من شـهرين وتم كل شي بسـلام وبعد انتــهاء العرض توجـهوا الحضور لاختيار مايعجبهم من الازياء
ام رائد: بشـرى تعالي بسرعه
بشرى: شفيك ماما
ام رائد: انا بروح واحضر اللقاء الصحفي اللي هناك وبنشغل وانتي روحي للتلفزيون
بشرى: تلفزيون اي قناه
ام رائد: ام بي سي بقاعه الاجتماعات روحي انتي وسوي معاهم المقابله
بشرى: طيب ماماي شكلي اوكي
ام رائد: تهبلين وشحلاتك .. يلا روحي ترى تأخرنا عليهم
بشرى: مامااي احط حجاب
ام رائد: لا وين قاعدين
بشرى: بس اخواني
ام رائد: عادي ماعليك منهم روحي انتي الحين وتكلمي عن التنظيم والازياء بشكل مفصل ابيهم ينبهرون بثقافتك ولاتنسين تتكلمين عن المشروع الجديد وتمولينه
بشرى: طيب اخذ حد معاي
ام رائد: ماله داعي .. والا تدرين خذي معاك عارضه اذا حابه تطلع بالتلفزيون اوكي
بشرى : طيب عن اذنك .. وتروح وتسمع حد يناديهاا
ياحلــــووو
بشرى وتلتفت: الريم شتبين
الريم وتسلم عليها: مبروك على نجاح العرض
بشرى: اذا جايه تقدمين استقالتك الحين فهي مقبوله بعد ماتدفعين الشرط الجزائي
الريم: ههههه لا غيرت رايي ابي اطلع معاك بالتلفزيون اذا ماعندك مانع
بشرى: اوكي ماعندي مانع يلا امشي
الريم: ع فكره .. طالعه موووت اليوم(وتطالعها بنظره من فوق لتحت)
بشرى: مشـكوره من ذوقك امشي
(وبقاعه الاجتماعات)
المذيعه: اهلين اكيد انتي انسـه بشرى
بشرى: ايه .. وهذي العارضه الريم
المذيعه: مراحب الريم كيفك
الريم بنبره خنشه: تمااام
المذيعه: بدكن تعملوا رتوش ميك اب والا بنبلش تصوير
بشرى: لا مايحتاج .. بس المقابله كم مدتها
المذيعه: شي ربع سـاعه هيك
بشرى: حلــوو .. طيب الحين خلينا نبدء لان بعد ساعه رح نحط العشا ولازم تتعشون عندنا
المذيعه: ميغسي كل زوق .. طب بدء تقرى الاسئله
بشرى: مايحـتاج بس لاتنسين تتكلمين عن المشروع الجديد
المذيعه: مشروع مؤسسه المجوهرات ماتعتلي هم رح نحكي عنو
/
/
/
/
/
/
اليـــــــــــوم التــــــــــــــالـــــــــي .. بالمســتـــشــفــــى
فاطمه تتصل بزوجـها : الو هلا مشعل يلا حبيبي الحين بدخل عند الدكتوره وبشوف تحليل السوناار
مشعل: يلا حبيبتي الحين بجي والله اني متحمس حيل
فاطمه : وانا اكثر حبيبي
::
::
::
::
وعند الدكتوره
فاطمه: دكتوره انا الشهر اللي فات جيت لهنا وقلتي لي مابين شي وانتظرت شهر كامل شوفي شلون بطني كبر دكتوره انا الحين بالشهر الخامس
الدكتوره: هههههه طيب يامدام فاطمه تعالي معاي الحين عشان نكشف عليك بالسونار
فاطمه: اوكي .. مشعل بتجي
مشعل: لا حبيبتي انا بجلس هنا وبقعد اطالع فيك
(وانثاء التحليل)
فاطمه: هاااه دكتوره بشرى ولد والا بنت
الدكتوره: لحظه شوي موباين
فاطمه: طيب
الدكتوره: اوووه .. الف مبروك
فاطمه: هااه شنو ؟
الدكتوره: تؤام
فاطمه واستانست: وشنو جنسهم
الدكتوره: لحظه موبـاين .. اممم ولد و ..
مشعل : تؤام
الدكتوره: للأسف ولدك شقي ومومخلي فرصه لاخته او اخوه اننا نشوفه
مشعل: فاطمه عندي دوام قومي يلا انا سابقك (ويطلع)
الدكتوره: للأسف ماعرفنا جنس الطفل الثاني يمكن بالجلسـه الثانيه نعرف
فاطمه ولاحظت عصبيه زوجـها: اوكي دكتوره مشكوره ..(وتطلع)
::
::
::
::
وبالسيـــاره
فاطمه: مافي كلمـه مبروك
مشعل: ...................
فاطمه: مشعل وش فيك وشصاير
مشعل: اسـألي نفسك
فاطمه: مشعل شفيك
مشعل: فاطمه انا مضغوط بسبب العمل وحالتي حالـه .. وانتي حامل بتؤام احنا ومعانا جوري وموقادر اوفر بالمصاريف والحين تؤام كملت
فاطمه وعصبت من عقليه زوجـها: مشـــعل انت من جدك احنا موناقصنا شي انت نسيت انت ولد مين وانا بنت مين .. الناس العادين مايحاتون هم المصاريف كثرك انت ليش كذا يامشعل .. تشتغل وتجمع لمين .. اذا مااسمتعت بفلوسك بعز شبابك متى رح تستمتع فيها .. انا يوم كنت بنت ببيت اهلي كنت اصرف اكثر مما اصرف الحين وانا متزوجـه وام لبنت وحامل بعد .. مشعل انت لاتطاق بخلك خلاك تنعمي عن شوفه الحق .. حتى ماقلت لي مبروك موانا السبب بالتؤام اللي ببطني هذا كله مقدر ومكتوب اسمعني يامشعل اذا انت شايف اني انا واعيالي صرنا حمل ثقيل عليك خلاص انا رح اسوي اللي انت تبيه ورح اشتغل بشهادتي بس مومع امي بالحكومـه
مشعل: وهذا عين العقل ياحبيبتي
فاطمه وهي مقهوره منه قالت: طيب يامشعل .. بس نسكن بعيد عن بيت اهلك هذا شرطي الوحيد
مشعل وعصب: من جدك انتي وين نسكن .. من وين لنا ايجار وفواتير ومصاريف عالفاضي
فاطمه: مشعل انت موناقصك شي ليش هالبخل كلــه .. اووووف صرت ممل انا مارح اشتغل الا لمى نطلع ببيت لحالنا ان شاء الله شقه بغرفتين المهم نطلع وبس فاهمني
مشعل: بــــس
فاطمه وتصرخ: خلااااص خلاااص ماابي اسمع زياده مليت منك ومن بخلك .. تدري وصلني البيت مالي خلق اخذ واعطي معك اخاف اقول كلام بزعلك مني وصلني البيت
مشعل: زين خلاص الحين بوصلك بيت البيت خلاص
فاطمه وتبكي من تحت الغطا بصوت واطي بحيث مايسمعها زوجها قالت بخاطرها: الله يسامحك يامشعل حتى ماقلت لي مبروك
/
/
/
/
/
تـــوها قايمــه من النــوم وماقامت الا بالغصب بعد كثره الاتصالات بجوالها
هيفا: اوووف ماصدقت على الله يجي الخميس وانام مين متصل؟ (ويرن جوالها)
هيفا تبتسم وترد: الو هلا حبيبي
سعد: اهلين عاش مين سمع صوتك
هيفا: عاشت ايامك شلونك سعد.؟
سعد: الحمدلله انتي شلونك
هيفا: زينـه
سعد: واخبار الجامعه
هيفا: تمااام مع اني ماافهم شي
سعد: بذمتك هذي الجامعه رقم كم اللي تدخلينها
هيفا: الرابعه بس
سعد: ههههه .. بس انا من ملكت عليك غيرتي جامعتين
هيفا: جامعتين قبلك وثنتين بعدك
سعد: وان شاء الله هذي مسك الختام
هيفا: مااتوقع الدراسـه صعبه
سعد: من جدك
هيفا: اي والله
سعد: طيب وين المشكله بالضبط .. فيك والا بالمناهج
هيفا: انا بقولك اول ماتخرجت من الثانوي كان معدلي ضعيف والبنات قالوا لي مالك الا الجامعه العربيه تناسب معدلك وتدوامين متى ماحبيتي .. بس ماعجبني النظام مع اني درست اسهل تخصص ادراه اعمال .. درست سنه ورسبت بكل المواد وطلعت وبعدها كلمتني كم بنت وحمستني على كليه الاداب ودرست فيها اسهل تخصص دين ورسبت بعد وكان التخصص صعب وممل وبعدها فتحت جامعه الامير محمد بن فهد درست فيها محاسبه وماكملت من صعوبتها وفصلوني من كثر الغياب والحين انا بالفيصل
سعد: يعني انتي الحين سنه اولى والمفروض تكونين اخر سنـه راح عمرك بين هذا وهذا
هيفا: الحياه تجارب هههههه .. انا ابي اعرف شلون تحملت دراسه البزنس
سعد: لاني حبيت اكون تاجر مثل ابوي وكان ودي اكمل الماجستير بس الوالد مارضى ويبيني اكمل الشغل وياه .. تدرين حيــاتوو يمكن نسكن انا وانتي بدبي
هيفا: دبي ... ليــش ؟
سعد: فتحنا فرع جديد لشركتنا هـناك وانا بتسلم الادراه منها اكمل الماجستير بالجامعه الاميركيه ومنها اشتغل
هيفا: حلو .. تدرس وتشتغل وانا شلون .. او متى تتفرغ لي؟
سعد: انتي كل حيـاتي ياهيوفتي
هيفا وانحرجت: طيب درينا بس متى رح تتفرغ لي الصباح بالجامعه وبالليل بالشـركـه وانا ؟
سعد: لكل حادث حديث حبيبتي .. بس عادي تجين معاي لدبي
هيفا: اي عادي انت زوجي واروح معاك لاي مكان وبعدين دبي موبعيده فديتك
سعد: يابعد عمري انتي .. اوووه
هيفا: شفيك
سعد: الازعاجات مره ثانيه
هيفا: شدعوه مين هذي
سعد: ماادري والمشكله كل مااشتكي عليها رقمها مومسجل واقطع رقمها وترد تتصل من ارقام ثانيه
هيفا: هههههه ماعليك منها
سعد: ماتغارين ؟
هيفا: لا عادي انت اصلا زوجي وملك لي وهذي وحده تافهه ماعندها اي سالفه
سعد: والله يمكن هذا ثامن رقم تطلعه
هيفا: هههههه موقلت لك فاضيه وماعندها سالفه
سعد: المهم ياقلبي متى عرسنا
هيفا: ماادري ليه
سعد: لنا سنه ونص من ملكنا وللحين ماحددنا عرسنا
هيفا: طيب انت قول متى تبيه
سعد: بالاجازه هذي
هيفا وتفاجأت: اييييش موكأنه توا الناس
سعد: اي توا الناس والله لو تزوجنا من اول ماملكنا كان عندنا اعيال الحين
هيفا: هههههه لا بس ماادري
سعد: انتي فكري وردي علي
هيفا: خلاص بشوف
سعد: طيب حبيبتي انتي الحين قومي وفطري وروقي واكلمك زين
هيفا: طيب حياتوو اخليك الحين باي
(وتدخل عليها اختــها )
فرح: شدعوه للحين نايمـه
هيفا: ايه وشفيها نسيتي انو اليوم خميس
فرح: قومي الحين الساعه 12 الظهر
هيفا: وشفيها طيب عادي توا الناس
فرح: الحين بيحطون الغدا
هيفا: طيب .. فوفو
فرح: هلا
هيفا: وين بنسـافر هالصيف
فرح: ههههههههااااي موتيني ضحك .. ليش احنا كل صيفيه نسافر صيف نسافر وعشره لا
هيفا: اكيد برهوم رح يسرفرنا لان محد بهالبيت يعبرنا ويسرفرنا غيره ابوي مشغول بالشغل وامي ماتحب تسافر ومشيعيل خايف على فلوسه لاينقصون ..يعني اكيييد ابراهيم بيسرفنا
فرح: نسيتي انه اللعام سحب علينا وسافرنا اسبوع مع ابوي ويييع ابيخ سفره سريعه وملله
هيفا: طيب وين تبين تسافرين هالصيف
فرح: ماادري ماودي اعلق امااال عالهوا
هيفا: انا خاطري اروح اروروبا
فرح وتجلس عالتسريحه تسرح شعرها: هههههه انتي اليوم موطبيعيه نسيتي ان بابا مايرضى نسافر مع برهوم الا دول عربيه والا روحي مع عمي واعياله
هيفا: لا مع عمي ولا مع برهوم
فرح: اجل مع مين؟
هيفا: شهر العسـل .. مع زوجي
فرح وتلفت عليها قالت بصدمه: بتتزوجين هالصيف
هيفا: ايه ماوراي شي لافالحـه بدراسه ولا شي ومافيه شي ائجله عشان كذا بتزوج هالصيف
فرح قالت بحزن: وأنــــــــــــــــــــــا
هيفا: انتي وشفيك ؟
فرح: بتتركيني
هيفا: لا بــأخذك معي اكيد بتركك هنا
فرح: بس احنا تؤام
هيفا: فرح وشفيك اكيد وحده مننا رح تتزوج وتروح بحالها بيوم من الايام
فرح: شلون رح اقعد بالبيت بدونك انتي مثل نصي الثاني
هيفا: فوفو من جدك انتي .. اقول وشصاير لك اليوم جد موطبيعيه
فرح: الله يسامحك .. عموما مبروك
هيفا: من قلبك
فرح وهي زعلانه: ايـــــــه
هيفا:لا لا مو من قلبك .. وش رايك نهدي اعصابنا اليوم ونسوي بودكير ومنيكر وتنظيف لبشرتنا
فرح: اوكي بس بعد الغدا
هيفا: طيب الحين بتصل بهبه
/
/
/
/
وبـــأحـــد كــافيــهاات مدينــه الخبر
بسام: خير يابوريم وشتبي
بوريم: اووووه الظاهر جدولك مزحوم اليوم .. شدعوه صرت تعرف تجمع زباين من وراي
بسام: احترم نفسك
بوريم: هههههههههه .. وشفيك عصبت والا طلعت رجولتك المتخبيه
بسام: وشتبي تراني موفاضي لك
بوريم: اليوم عندنا سهره وابيك النجم فيها
بسام: تخسي الا انت .. مارح ارجع واحط ايدي بأيدك
بوريم: بسوي روحي ماسمعتك بس رح تجي يعني رح تجي فاهم
بسام وقام: ماعندك غير هالموضوع المهم .. عن اذنك انا استاذن
بوريم: لحظه لحظه يادلوعتي .. اذا ماجيت اليوم عندي لك بلوتوث مره روعه رح يتوزع بالشرقيه كلهـاا واول مكان عند خواتك
بسام عصب ورجع جلس: حقير
بوريم: هههههههههه .. هااه تجي اليوم
بسام: انا مسافر اليوم جدتي عندها موعد بالرياض خلها بعد بكره
بوريم: تدري ماعندي مانع مومشكـله .. عشان بس تعرف ان بوريم يعين ويعاون بعد بكره انتي نجمـه السهره ياحلوه
بسام: عن اذنك (ويروح)
بوريم: ههههههاااي محد يتحدى بوريم
/
/
/
/
/
وببيت بومشعل وتحديدا بغرفه هيفا وفرح جات عندهم الكوافيره هبــه وكانت توها مخلصه من بودكير ومنوكير فرح وهيفا وخلصت تنظيف بشره لفرح
هيفا: يلا الحين دوري
هبه: طيب معليه هيفا .. ابي اروح دوره المياه
هيفا: ادخلي حمام الغرفه
فرح: لااا .. خليهاا تروح حمام الصاله احسن
هيفا: طيب .. تعالي معي (وتوديهاا)
هيفا: مايضيع صح .. اخليك ترجعين لوحدك عادي
هبه: اوكي خلاص مشكوره
(وترجع هيفا لفرح)
هيفا: هييي لاتقومين الحين يخترب اللي بوجهك
فرح وهي تفتش باغراض هبه: صبري لقيت عندها كريم يجنن وببوقه
هيفا: بوطبيع مايجوز عن طبعه
فرح: افااا عليك عشان كذا صرفتهاا لحمام الصاله
::
::
::
توها طالعه من الحماام وبتروح لغرفــه البنات ويلمحـها بومشعل ويقزها من فوق لتحت
بومشعل: غريبه مين ذي المزيونه اكيد صديقه فرح وهيفا لازم مانفوتها
(وتجي ام مشعل)
ام مشعل: وشفيك واقف هنا
بومشعل: مافيني شي بس بروح عند بناتي
ام مشعل: لاتروح ولاشي عندهم الكوافيره بالغرفه
بومشعل: طيب خلاص انا طالع عن اذنك
ام مشعل: مع السلامـه وشفيه ذا اليوم ؟
::
::
::
::
" يــاترى ليش الاخصائيه امس قعدت تلح انو فيني شي .. هو صحيح فيه شي بس مااقدر اقولها .. لين متى رح اسكت لمرت عمي وليش انا اخدمهم انا مااشتغل عندهم انا ليش ساكته لهم انا لازم اتكلم وادافع عن حقي .. بس ياخوفي اذا تكلمت يقصون لسـاني خاصه ان عمي قالب علي هاليومين وماادري شفيه ااااااه بــس .. ياترى وشمسوين ياامي وابوي ياليتي كنت ولد كنت ع الاقل اقدر ادافع عن نفسـي .. الله كريم الله كريم .."
حطت نغم راسـها عالمخده وحطت بســباااات عميـــــــــق ..
/
/
/
/
/
ببيـــت بو رائد كانت ام رائـــد وبــشــرى قاعدين يطالعون التلفزيون ينتظرون المقابــله
بشرى: ياااي هذا انا ماما شوفي وشحلاتي
ام رائد: ماشاء الله عليك تجننين
(وقعدوا يتابعون بتأمل لين خلصت المقابـله)
بشرى: واوووو كنت اجنن بروح اتصل على كل صديقاتي بالجامعه واسألهم عن رايهم فيني (وقامت) (وتجيها رساله ع جوالها من رقم غريب)
طالعه مثل القمر فديــت عيونك نورتي شاشه التلفزيون
بشرى: غريبه مين ؟ مو مهم خلني اتصل بصديقاتي
وبالصــاله دخل رائد وتفاجـأ يوم شاف امـه جالسـه بالبيت
رائد: غريبه مدام فوزيه ام رائد جالسـه بالبيت
ام رائد: مالغريب الا الشيطان وشفيها يعني
رائد: غريبه اليوم خميس والعصـر وامي جالسـه بالبيت العاده حفله عند ام ضاري والا ام عبدالمجيد ..
ام رائد: خل عنك هالكلام واقعد ابيك بموضوع
رائد وهي يجلس عالصوفا: خير يمـه شسالفــهـ ؟
ام رائد: بصراحـه ياولدي انت اكبر اعيالي وودي افرح فيك مثل مافرحت بفطوم اختك
رائد وتوهق: ماما من جدك انتي خليني اتمتع بشبابي
ام رائد: انت موصغير يارائد عمرك الحين 23 سنه واللي كبرك متزوجـين وفاتحين بيت وعندهم اعيال بعد
رائد: ماما توا الناس الحين انتي ركزي على شغلك ومشاريعيك وانا خليني شوي
ام رائد: رائد حبيبي انت ولدي الكبير وخاطري افرح بعيالك
رائد: ياام رائد اجلي هالموضوع وانا بنفسي رح اجيك بيوم واقولك اخطبي لي بس موالحين زين مااما ... عن اذنك اخليك ماما (ويروح بسـرعه قبل لاتزيد امه بالاسئله)
/
/
/
/
/
وببيـــت اهــل شـــهد كانت هبه توها داخله وشهد جالسه بالصاله مع جدتها واعيال اختـهـا
شهد: هااي هبووش
اعيال هبه: ماما ماما
هبه: اهلين ياعيون ماما
راكان: ماما ليش ماتودينا الملاهي
هبه: بعدين حبيبي اوديكم الملاهي وكل مكان تبونه
ريان: ماما ايش جبتي لنا معاكي
هبه: جبت لكم حلاوه اللي تحبونها شوفوا
(وتعطيهم الحلويات اللي يحبونها)
هبه: هلا يمه
الجده طالعتها وابتسمت ورجعت نامت
هبه: شهود .. شـلونــك ؟
شهد: تمااام وشفيك تأخرتي
هبه: تعرفين بعد بيت الراسي لازم مانخلص بسرعه
شهد: بيت مين
هبه: الراسي تعرفينهم
شهد: ايه .. وحده منهم معانا بالمدرسـه عندهم ولد اسمه رائد
هبه: ماعندهم اولاد اتوقع عموما هالعايله فيه كثير منهم بالشرقيه
شهد: اهاا .. يمكـن
هبه: شهد لقيت حل بدل رميتنا بالشـارع
شهد: شنــو؟
هبه: شقه مفروشـه
شهد: من جدك انتي
هبه: ماعندي اي حل ثاني ع الاقل الشقه المفروشـه مانسـأل فيها عن فواتير كهرب وماي
شهد: وبكم سعرهم
هبه: على حسب اذا رح ناخذ غرفتين او ثلاث غرف مع صـاله
شهد: خلينا ناخذ غرفتين بس لين متى
هبه: على طول؟
شهد: من جدك انتي ؟
هبه: ماعندي اي حل ثاني
شهد: طيب اصبري لين نشوف يمكن نحصل حد يسلفنا
هبه: مارح نحصل وحتى لو حصلنا من وين نسد السلف الشقه المفروشـه احسـن
شهد( اوووف لهدرجـه وصلت حالتنا لازم اشوف حل ) عن اذنك هبووش
هبه: اذنك معك
وتروح شهد للحمام (وانتو بكرامـه) وتطلع الجوال وتكلم
شهد(يارب ماترد علي نوره): الو اهلين ميـن؟
افراح: هلا مين بغيتي انا افراح
شهد: هلا افراح انا شهد صديقه نوره عرفتيني
افراح: ايه اكيد عرفتك وهل يخفي القمر شلونك ياحلوه
شهد: تماام
افراح: دوم ان شاء الله .. ايش مااسمعك صوتك واطي
شهد وترفع صوتها شوي: سوري مااقدر ارفع صوتي اكثر وشصار عالوظيفه اللي قلتي لي عليها
افراح: موجوده للحين ليش؟
شهد: يعني انتي جاده يوم قلتي لي
افراح: اكيد جاده ولو مو جاده ماقلت لك
شهد: طيب شنو طبيعه العمل
افراح فيها الضحكه بس ساكـته: ماينفع اقولك بالتلفون لازم اقابلك واقولك
شهد: طيب انا مااقدر اطلع من البيت قولي لي بالتلفون
افراح: اسمعيني مااقدر اقولك كل شي بس اهم شي نوره ماتدري لانها ماتبيك تشتغلين بهالشي معااي
شهد: وليش ماتبي
افراح: تعرفين ترقصين؟
شهد: وشدخل
افراح: هذي طبيعه العمل
شهد: مافهمت
افراح(وشهالغباء) : شهد احـنا نروح لحفلات مختلطه ونرقص وناخذ الاجر
شهد: حفلات مختلطه وين بالسعوديه
افراح: ايه
شهد: وشلون حفلات مختلطه
افراح: بقولك شلون وانتي ردي لي خبر بعدين
::
::
::
::
::
هبه : يوووه وينها ذي (وتطق باب الحمام وانتوبكرامـه)
هبه: شهد شهد
شهد: اوكي باي باي (وتسكر وتحط جوالها بجيبها وتطلع)
شهد: وشفيك هبه
هبه: مافيني شي .. بس قومي نظفي المطبخ صاير يلوع الكبد حرام عليكم والله توني راجعه وتعبااانـه ومافيني حيل انظفه
شهد: خلاص خلاص الحين بروح انظفه(وتروح للمطبخ وتحس بجوالها هزاز وتطلعه وتشوف الاسم خــالد) وترسل له مسج
(انا مشغوله الحين مع اختي اكلمك بالليل)
/
/
/
/
/
دخل الشــقه بهمس خصوصا بعد ماتـأكد انو مافيه حد بالشـقـه
بسام: الحمدلله مافي حد خلني اروح لغرفه النـوم واخذ الاغراض واطلع قبل مايجي السوسه بوريم
(دخل غرفه النوم يدور الاشرطـه وللأسف مالقاهم بس لقى اللي اهم منهـم لقى شنطه ملينانه فلوس خذاها وطلع)
بسام: يلا رح اعتبره تعويض ولو انه تعويض سخيف بس يلا (وياخذ جواله ويتصل ببيتهم ويرد عليه ولد اختـه)
بسام: الو هلا ركون
راكان: اهلين خالي كيفك
بسام: الحمدلله وين ماما وخاله
راكان بصوته الطفولي: ماما بالغرفه وخاله تنظف المطبخ اناديهم
بسام: لا حبيبي ماله داعي المهم الحين انا بجي وبعطيك هديه لك ولاخوانك وبعطيك هديه لماما طيب
راكان : طيب خالي استناك عند الباب
(وبعد عشر دقايق جاء بسام وسلم على راكان وعطاه اغراض وراح)
بسام وهو بسيارته جاه اتصال رد بصوت ناعم وقال: هلا والله بطويل العمر .. ايه انا جاهز الحين بجي المطار عن ان شاء الله باي ..
/
/
/
/
/
" ســــــــــــــــــافـــــــــــــــــــــر "
هبه من بين دموعها: ايه سافر.. انا مقهوره شلون يسافر واحنا بهالحـال .. حتى ماودعنــا
شهد وهي تبكي قعدت وقالت: انـــــانـــــــــــي
هبه من بين دموعها: طيب ليه يسـافـر وشنو السبب ومع مين سـافـر ؟
شهد وهي لسى تبكي: ماني مصدقه بسـام يسـوي كذا
/
/
/
/
/
" لا صدق الكلام اللي قلته مارح اعيده طيب .. نطلع من البيت واشتغل من بكره لو تبي "
مشعل: من البيت ماني طالع
فاطمه: اجل خلاص ماني مشتغله
مشعل: انتي تعاندين مين؟
فاطمه: اعاند بخلك
مشعل: فاطمه ليش تكلميني كذا؟
فاطمه: لاني مليت من بخلك ومليت من كل هذا مشعل لي معك 5 سنين احاول اغيرك او اغير جزء صغير منك ماقدرت ماقدرت اغير فيك اي شي .. ليش طيب يامشعل.. ليش كل هالبخل ليش الله انعم عليك بكل شي انت غني من قبل ماتنولد لو كنت فقير ووصلت للي انت فيه بتعب كان قلنا معليه بس انت انولدت وبفمك ملعقه ذهب بخيل ليه ماادري
مشعل: انا موبخيل بس حريص ومو مبذر مثل اخوي برهوم اللي يصرف فلوسه عالفاضي والمليان
فاطمه: مالي دخل بأبراهيم انت زوجي وحبيبي وكل شي بالنسبه لي ... بس ليه ليــه يامشعل تحط الفلوس حاجز بيننا ليــه؟
مشعل: انا حريص على كل ريال قبل مااصرفـه .. الفلوس هذي اذا ماعرفنا شلون نكبرها ونستثمرها رح تضيع
فاطمه: اوووووووووه ... انت الكلام معاك ضايع انا انام احسـن والكلام اللي قلته مارح اعيده اذا طلعنا من هنا اشتغل(وتروح)
مشعل: كأنك قلتي لا بس بطريقه غير مباشـره
/
/
/
/
/
ببيت اهل شهد كان فيه حد يطق الباب بصوت عالي وراحت هبه تشوف مين
هبه من ورى الباب: ميــــــــــــــــــن
.....: الشرطـه
هبه: الشرطه خير ان شاء الله
الشرطـه: هذا بيت بســام عبدالوهاب
هبه: ايه نعم ليش..؟
الشرطـه: بسام مطلوب عندنا بالشـرطـه
هبه: بس بســام مســافر
الشرطـه: انتي متـأكده اختي
هبه: ايه متــأكده
الشرطـه: اوكي اختي مشكوره عن اذنك
هبه: ياترى وشصاير معك يابسام سافرت بدون ماتودع حد وماتركت لنا عنوانك والحين الشرطـه يدورنك ياترى شنو وراك من ســر ووين سافرت
/
/
/
/
" وبمــركز الشرطـه"
بوريم: سافر
الشرطي: ايه سافر .. شنو تحب تسوي الحين تبينا نكمل القضيه ونطلب حد من اهل بيته يسد المبلغ
بوريم: بس هو ماعنده الا خواتــه البنات
الشرطي: تبينا نستدعيهم يدفعون اللي خذاه اخوهم
بوريم: لا انا رح اتنازل عن الشكـوى ماله داعي ياخذون ذنب اخوهم (ويقول بخاطره)
طيب يالدلوعه اذا مافضحتــك مااكون بوريم
/
/
/
/
وببيت ام اريج كانت اريج جالســه بغرفتها وتكلم رائد
اريج: بتقول ايه؟
رائد: الله سمعتيه
اريج: انا مش مصدقه ماماتك بتتكلم جد
رائد: ايه
اريج ومسويه زعلانه: يعني حتتقوز
رائد: لا
اريج: امال ايه؟
رائد: للحين مالقيت المناسبه لي
اريج: ان شاء الله تلاقيها.. تصدق اشتقت اليوم ماكلمتك كثير
رائد: وانا بعد عشـاني ماشفتك وحشتيني موووووووووووووت .. وينك
اريج: بالبيت يعني وين؟
رائد: ايه يعني وين
اريج: بغرفتي
رائد: طيب طلي من شباك غرفتك ابي اشوفك
اريج : من جدك
رائد: ايه انا تحت يلا ابي اشوفك
اريج: اوكي (وتروح للمرايا تضبط شعرها وتطل عليه)
رائد: والله وشزينـك
اريج انحرجت وماعلقت
رائد: تتــزوجني
اريج بدون شعور قالت: شنو .. شتقول .. من جدك انت؟
رائد: قلت تتزوجيني
اريج: ماادري
رائد: شنو اللي ماتدرين
اريج: توا الناس انا لسى ادرس .. وبعدين وراي جامعه وزحمـه ماادري توا الناس على هالكلام
رائد: وانا اللي توقعتك تطيرين من الفرحـه وتوافقين
اريج: ماادري .. انا كنت ابي اسمع هالكلمـه منك بس ماني مستعده وماعندي اي رد انا توني ببدايه الطريق ولازم ابني مستقبلي
رائد: طيب ادرسي وانتي متزوجـه
اريج: انت من جـــــدك؟؟ شدعوه رائد
رائد: كيفك فكري بكلامي وردي لي خبــر
اريج وهي مومصدقه: ماادري والله مدري خلينا نغير الموضوع اوكي
رائد: براحـتك .. عموما حبيبتي ماقلتي لي بتدرسين هنا والا بمصر
اريج: مش عارفه .. يعني هنا ماادري شنو تخصصاتهم وبنات خالتي كلهم بجامعه القاهره وونااسـه وحريه اكثر وحتى عندنا شقتنا بالقاهره اقدر اسكن فيها
رائد: وانا
اريج: ايه موهالشي اللي معور قلبي ومخليني افكر اكمل هـنا والله ماادري اتخرج ويصير خير
رائد وهو يطالعها: تحبيـــنـــي ؟
اريج وهي تضحك قالت: اموووووووووووتـــ فيــــــكــ ... حبيبي
رائد: عيون حبيبي
اريج: روح البيت الحين الوقت متأخر
رائد: مليتي مني
اريج: مستــــــــحيــــــــــل امل منك
رائد: اجل
اريج: حبيبي بس موحلـوه وفقتك هـنا بهالحر
رائد: حلوه التصريفه
اريج: لا لا لاوالله لاتصريفه ولاشي اقعد لين الصبح ماعندي مانع
رائد: ههههههههههههه يحليلك وانتي متوهقه
اريج: لامتوهقه ولاشي (ويطق باب غرفتها)
اريج: زين زين .. رئودي ماماي تناديني بشوف وشفيها وبكلمك
رائد: اوكي حبيبتي وانا بروح البيت طيب
اريج: طيب حبيبي باااي (وتسكر .. وتفكر شوي) معقوله رائد يفكر فيني كزوجـه
وام لاولاده .. بــس توا الناس على هالكلام .. لكن اذا خذته رح اكون اسعد انسـانـه بالعالم فديت عيـــووونـــهـ
(انتــــــــــــهــى الجــــــــزء الـرابـــع )
aomroena
aomroena •

الجــــزء الخـــامــس
اليوم التـــالي بمؤسســه الازياء ... دخــلت مكتبها ولقت بوكيــه ورد وعجبها كثير لانها تموووت بشي اسمه ورد الجوري واستغربت
بشرى: غريبه مين اللي اهداني ايـاها وشنـو المـناســبــه؟
(وتفتح الكرت اللي معاها)
... اتمنى تقبلين هالهديـه المتواضعه مني لاني من جد حبيتك واحب اشوف ابتسامك وتأسرني نظرات عيونك .. مجنونتك
بشرى: مجنونتي .. شدعوه يعني البوكيه من بنت ههههه احس اني رجعت للثانويه وحركات البنات السخيفــه .. بس ياترى من مين ..؟
(وتروح لسكرتيرتها وتسألها)
بشرى: صباح الخير
السكرتيره: اهلين انسه بشرى
بشرى: هلا .. تعرفين مين اللي جاب لي بوكيـه الورد
السكرتيره: لا مابعرف .. بس البوكيه اجا من برى المؤسسه
بشرى: اوكي .. يسلمووا (وتروح)
السكرتيره: ولك انا اللي بعرفوا انو هيك شغلات الشباب هن اللي بيعطوا الصبايا بس من صبيه لصبيه .. كثير صعبه .. بهالمؤسسه كتير اشياء رح اتعجب مناا
(وتجي الريم)
الريم: صباح الخير
السكرتيره : اهليـــن
الريم: انسه بشرى موجوده
السكرتيره: اي .. بس مافيكي تفوتي عليها
الريم: ليش؟
السكرتيره: لانا مشغوله هلأ وهي دايما الصباح مابتستقبل حدا من غير موعد
الريم: طيب مشكوره
السكرتيره: بدك بلغا انك سألتي عنا
الريم: لا ماله داعي رح امر عليها بعدين .. تشاوو
السكرتيره: الله معك (وتروح الريم ) .. انا بس بدى اعرف هي ع شخصيتا وكركتيرا الرجولي كيف صارت موديلز مابعرف
/
/
/
/
/
/
/
قـــاعدين بالبيت .. جاسم ماعنده محاضرات هالوقت .. ورائد مارح يمر الشركـه الا متــأخر وقاعدين عالفطور لحــالهم
رائد: جســووم
جاسم: سم
رائد: سم الله عدوك .. بسـألك
جاسم: شنـو
رائد: تؤمن بالزواج عن حب
جاسم: ليه ناوي
رائد: بعض النظر اذا انا نويت والا لا .. بس بسألك تؤمن فيه والا لا
جاسم: ماادري ماجربت
رائد: يعني ماعندك راي
جاسم: لا موكذا .. بس لاني ماجربت الحب رح اجاوبك بعقلي موبقلبي
رائد: وشالفرق
جاسم: اذا جاوبتك بعقلي رح يكـون جوابي منطقي اكثر
رائد: واذا جاوبتني بقلبك
جاسم: جوابي مارح يكون منطقي ولا مقنع .. لان يمكن الشخص اللي احبــه فيه عيوب كثيره وانا رح اشوف عيوبــه مزايا ورح اغفل عنها اما اذا كنت احب بعقلي رح اشوف العيوب اللي موجوده بالشخص اللي احبه واحاول اغيرها .. او اغير جزء منها
رائد: واذا ماقدرت
جاسم: اغض النظر عن الموضوع كلــه
رائد: بهالسهــولــه
جاسم: ايه
رائد: هذا موحب
جاسم: مافي حد يحب بعقله يمكن يكون اقتناع او مجرد اعجاب بس الحب اكيد رح يكون من القلب للقــلــب ومافي شخص يخلى من العيوب وان كنت تحب بصدق مارح تشوف بمحبوبك اي عيب واحد
رائد: وشعندك صاير لي فوزيه الدريع
جاسم: هههههههههه .. لا بس احب الفلسفه كثير
رائد: ليش مادخلت علم النفس
جاسم: لاتقلب المواجع .. والا نسيت ان الوالد مارضى .. المهم ليش تسأل ناوي تسويــهاا
رائد: حاليـــاا .. افكر بالموضوع
جاسم واستغرب: من جدك
رائد: اي والله انا احبــها وهي تحبي ومافي شي يمنع زواجـنا
جاسم: تتوقع ابوي وامي يوافقوان
رائد: وليش مايوافقوان
جاسم: انا ماادري بس انا سألتك.. هي مين بنتــه
رائد: بنت ناس طيبين وسمعتهم زينــه
جاسم: والنعم فيها وبأهلــها .. بس قصدي هم من ثوبنا والا لا
رائد: احنا اغنياء ومومحتــاجين لهالمظاهر الكذابــه .. وبعدين حالتهم الماديه زينــه
جاسم: بس نسيت ان ابوي يبي حالتهم الاجتماعيه والماديه تكون فوق الممتازه
رائد: تتوقع ابوي مايوافق
جاسم: ماادري .. ابوها شنو يشتغل؟
رائد: ابوهــا الله يرحــمـــه
جاسم: الله يرحمه ويغفر له .. بس من مين رح تخطبها يعني عندها اخوان او اعمام او خوال
رائد: بخطبها من خوالــهاا ....لان ماعندها اعمام ابوها كان وحيد اهله
جاسم: وخالها شنو يشتغل ومين ولده
رائد: خالــها يشتغل بمصر.. وخوالها مو سعودين
جاسم: خليجين؟
رائد: لا
جاسم: ماابيك تتشائم بس املك ضعيف ان ابوي يوافق
رائد:عشـان خوالها موسعوديــن؟
جاسم: احد الاسباب .. ويمكن لو كانت حالتها الماديــه احســن كان وافق ....ابوي تفكيره مادي يارئود
رائد: شنو يعني مافي امل ولو 1%
جاسم: ماادري انا قلت اللي اعرفه عن ابوي ماادري يمـكــن تغيرت وجـهه نظره
رائد: كل شي جايــز .. بس لاتنسى ان الوالده رح تسـاعدني وتقنع الوالد
جاسم: الله يخليك .. اصلا امي اصعب من الوالد .. وبعدين امي من الحين تدور لك بنـات العوايل والحسب والنسب والمال والدلال
يقاطعه رائد: خلاص خلاص درينــا الظاهر اني رح ابدء مشــوار يعذب وطويـل .. والله يعيني
/
/
/
/
/
بــــالــــــــــــروضـــــــــــــــــــه
كانت ابــله هبــه قاعده مع طلابــها وبعدين رن جوالها
هبه بخاطرها(يوووه وانا اللي نسيت الموضوع) : يلا ياحبايبي انا بروح شوي وبرجع زين
الاطفال: زيــــن يـاابــله هــبـــه
هبه وتطلع من الفصل وتتصل: الو .. اهلين ايه اتصلت اسأل عن الشقق المفروشـه وحابه اعرف عن اسعارهـم
المتصل: اهلين اختي .. حابه تاخذين شقه بغرفتين والا ثلاث غرف
هبه: لا شقه بغرفتين
المتصل: انتي تبين ايجــار سنوي
هبه: ايه
المتصل: 15 الف بالســنــه
هبه: طيب كم ادفع يعني مقدم حق كم شهـر
المتصل: مقدم ست شــهور يعني 7500
هبه: يعني لازم مقدم ست شــهــور مايصير اقل
المتصل: تقدرين تدفعين مقدم 3شـهور بس كذا رح يكـون لك لازم كل ثلاث شهور تدفعين 4500 كل 3 شهور كذا رح يزيد لك الايجـار ويصير 18 الف
هبه: اففففف شدعوه
المتصل: يعني موكثير فرق 3 الاف
هبه: طيب والكهرب والماي علي والا عليكم
المتصل: لا علينــا .. بس التلفون تدفعين مبلغ رمزي كل شهر
هبه ومقهوره: وكم هالمبلغ الرمزي
المتصل: 500 ريال
هبه: اوووف واذا مكالمتنا اقل
المتصل: اذا ماتبين التلفون تقدرين تلغينـه
هبه: ايه بلغيــه
المتصل: مافي اشـكال.. تقدرين تلغيـنـه اي استفسار ثاني
هبه: ايه فيــه .. طيب بقولك شلون الشقه يعني شلون تصمميمهاا
المتصل: فيها غرفتين وصاله ومطبخ وحمام صغير الله يعزك
هبه: اهـاا .. طيب لو اجي بعد كم اسبــوع احصل لي شقـه
المتصل: والله مااضمن لك يعني خاصـه هالنوع من الشقق تخلص بسرعه احـنا عندنا الحين شقتين وواحد بيسلم شقته بعد كم اسبوع ومااضمن لك انهم يقعدون لبعدين يعني اول مايجينا زبون على طول رح تعطيه
هبه: شدعوه طيب انا حجزت .. اقصد ابي احجز شلون؟
المتصل: تقدرين تحجزين بس لازم تدفعين مقدم اذا تبين تحجزين
هبه: كم يعني
المتصل: يعتمد على انتي شنو حابه مقدم 6 شـهور او 3 شــهور
هبه: اممم .. مقدم 6شـهور
المتصل: طيب تقدرين تدفعين رسوم الحجز كمقدم بس اللي رح تدفعينه للحجز فقط ماينحسب مع الايجـار
هبه: شدعوه.. طيب كم ادفع
المتصل: 500 ريال حجز
هبه: طيب مشـكور اخوي انا ان اشاء الله امر اليوم واحجز الشقه واشوفها بعد
المتصل : اوكي خير اختي ..
هبه: طيب باي (وتسـكر ويجيــهاا اتصال من رقم دولي)
هبه: غريبه هذا رقم دولي ياترى مين اللي اتصل(وترد)
هبه: الو اهلين مين (وقالت بصدمه) بســـام
بسام: ياهلا هبه شلونك ؟
هبه: انت وينك ووين رحت وليش سافرت وخليتنا
بسام: اففف هبه تبيني اجاوبك عن كل هذا
هبه وعصبت: يابرود اعصابك يابسام
بسام: وشفيك ياهبه
هبه: ابي اعرف انت وينـك
بسام: مسـافر
هبه: وين مسافر وليش رحت وخليتنا بروحنـا
بسام: كنت مضطر
هبه: عشـان الشرطه اللي جاوا وسألوا عنك بالبيت
بسام: اي شرطـه؟
هبه: بنفس اليوم اللي سافرت فيه جاو الشرطـه للبيت يبونك
بسام: شرطه ليش
هبه: ماادري .. انت وحدك تقدر تجاوب عالهسؤال .. المهم متى بترجع
بسام: (سواها الحقير) انا مارح ارجع
هبه: ايـــــــــــــش من جدك انت وتترك خواتك وجدتك لحالهم
بسـام: اســـف هبـــه
هبه: يعني انت متصل عشان تقولي هالخبر
بسام: هبه انا
هبه: انت شنو طول عمرك ماتفكر الا بنفســك وبس والحين من جد اثبت لك انك من جد اناني
بسام: هبه وشفيك
هبه: انا اللي شفيني انت اللي شفيك يابسام انت موبسام اللي انا اعرفه انت واحد ثاني
بسام: اووووه الظاهر اني غلطان اني دقيت عليك
هبه: اجل صحح غلطتك ولاعاد تتصل مره ثانيه باي يللي كنت اخوي (وتسكر وكتمت دموعها ورجعت لطلابها للفصل عشــان ماتفضحها دموعها)
/
/
/
/
/
بـــمـــــــــــــدرســــــــــــــة البـــــــــنـــــــــــات
كانت سرحــانه بالحـصــه المعلمه تشرح والطالبات منصتين لها وهــي بعالم ثـاني
ابله شروق: مثل ماشفتوا مره سهله المعادله مين يحل لي اياها
الطالبات(انا استاذه .. انا استاذه)
ابله شروق: اريج
اريج:....................
ابله شروق: اريج اووووه الظاهر انك انتي مومعانا
اريج:.........
(وتهز زينه كتفها) زينه: جوجو
اريج: هاااه
زينه: ابله شروق تناديك
اريج وتلفت لمدرستها: نعم ابله
ابله شروق: صبــاح الخــيـــر
اريج: صـبــاح النور
الطالبات: ههههههههههه
ابله شروق وعصبت: بس يابنات .. وانتي يااخت اريج وين كنتي
اريج:معاكم
ابله شروق بأستـهزاء: اوووه معانا اذا معانا قومي وحلي هالمعادله
اريج وتوهقت: اي معادله
ابله شروق: وكم معادله عالسبوره
اريج وتبتسم لانها تذكرت رائد: وحده
ابله شروق: وليش تبتسمين؟
اريج: استاذه وشفيك
ابله شروق: ياسلام انا اللي وشفيني اقول يلا اطلعي برى وياليت لو تمرين عالاخصائيه بطريقك
اريج: استاذه ليش تكلميني بهالاسلوب وبعدين اذا تبيني اطلع بطلع وماله داعي للاخصائيه
زينه وتنقز اريج: جوجو
اريج وهي مطنشه: عن اذنك استاذه وسوري اذا خذت شي من وقتك الثمين
ابله شروق: اوووه الظاهر لسـانك صاير طويـل والا كنا مخدوعين فيك طول السنـه
اريج وانحرجت: استــاذه موقصدي
ابله شروق: روحي للاخصائيه الحين ولاعاد تدخلين حصتي الا بورقه منها
اريج: طيب
ابله شروق: انا مااثق فيك شهد روحي وصليها بنفسك
شهد واستانست : من عيوني استاذه لاتوصين
اريج: شدعوه بيبي انا .. ماله داعي اعرف اروح لــحالي
ابله شروق: طيب وياويلك ان كذبتي يااريج
طنشتها اريج وطلعت وهي طالعه شافت المراقبــه ماجــده
ابله ماجده: اريج وين رايحـه
اريج: عند الاخصائيه الاجتماعيه ابله شروق طردتني وقالت لي روحي لعندها
ابله ماجده: زين جبتي العذر الطبي
اريج: ايه اكيد بالشنطـه
ابله ماجده : انزين اذا خلصتي من الاخصائيه مريني وعطيني اياه
اريج: زين
::
::
::
::
::
وبغـــــرفه الاخصائيـــه الاجتــماعيـــه
اريج: هاي استاذه
الاخصائيه : اهلين اريج انا كنت بطلبك اصلا
اريج(كملت): وانا جيتك من نفسي ابله شروق طردتني من الحصه وقالت لي ماادخل الا بورقـه منــك
الاخصائيه: تفضلي اجلســي يااريـــج
اريج: اوكي ..(وجلست)
الاخصائيه: كيفك مع الدراسـه
اريج: الحمدلله زينـه
الاخصائيه: ومستواك الدراسي
اريج: زين
الاخصائيه: اذا زين ليش جيتي لهـنا
اريج(اووووف بدء التحقيق): لاني ماعرفت احل المعادله
الاخصائيه: بس اللي اعرفه انك متفوقه وشلون ماقدرتي تحلين معادله سهلـه مثل هذي
اريج(اللهم طولك ياروح): كنت سـرحـانه
الاخصائيه: مارح اتدخل واقولك بشنـو سرحـانه ؟ انا بس بسألك ليش كثره الغياب
اريج: كنت تعبانه وبعدين انا لمى اغيب اجيب عذر طبي(الله يخلي رائد)
الاخصائيه: ممكن اتكلم معك وبدون قيود
اريج: نتكلم بشنـو؟
الاخصائيــه: اعتبريني اختك صديقتك زميلتك اي شي بس فضفضي لك وقولي لي اللي بقلبك
اريج: استاذه مافي شي بقلبي
الاخصائيه: انتي الحين بمرحـله من اهم مراحل عمرك الثانويه العامـه مرحله تحديد المصير مثل مايقولون ... وانتي غيابك رح يأثر على مستـواك الدراسي
اريج: كنت تعبااانه
الاخصائيه: ماتشوفين شر يااريـج .. تدرين شنو اخطر شي بهالمرحـله اللي تمرين فيها
اريج: شنو
الاخصائيه: الفـــراغ
اريج وهي مستغربه(شدخل): الفراغ
الاخصائيه: ايه كثره اوقات الفراغ اللي تسبب لنا فراغ عاطفي
اريج: استاذه وش تلمحين له
الاخصائيه: ماالمح لشـي .. بس انا ابيك تبتعدين عن وقت الفراغ بكثره قراءه القران والاهتمام بدروسك والتقرب لربك
اريج(ليه وش شايفتني): استاذه بلا فراغ بلا هم انا هينا عشان ادرس وبس
الاخصائيه: وزارتنا اسمها وزاره التربيه والتعليم والتربيه قبل التعليم
اريج ووقفت: استاذه وش قصدك اهلي ربوني احسن تربيه واذا ماتبين تعطيني ورقـه عشان اقدر ادخل حصه ابله شروق لاتعطيني بس لاتقعدين تسمعيني كلام مثل السم
الاخصائيـه: اجلسي يااريج انا ماقصدت اللي انتي فهمتيه وعموما انا رح اخليك على راحتك ومتى ماحسيتي انك تبين تتكلمين مع حد انا اتمنى اني اكون اول وحده واي شي بيننا مارح يتعدى اسوار الغرفه هذي وتفضلي هالورقه عشان تقدرين تدخلين الحصه
اريج(وتاخذ الورقه) شــكرا استاذه عن اذنك (وتطلع وتروح للفصـل ويرن الجرس)
(وتقعد مكانـها)
زينه: وشفيك معصبه
اريج: من هالمدرسـه الخايسه
زينه: هههههههه .. وشصار مع الاخصائيه
اريج:قعدت تعطيني محاضره عن الفراغ العاطفي والزحمه وكلام المطاوعه اللي ماوراه فايده
زينه: هههههههههههههههههههه
اريج: ايه ضحكي الظاهر اني صرت مطنزه المهم انها عطتني الورقـه وعطيتها الزفت شروق
زينه: الله يقطع سوالفك .. المهم قولي لي اخبار اللي كنتي سرحـانـه فيـه
اريج: عندي لك خبر بمليون ريال
زينـه: وشنو هالخــبر
اريج: رائد
زينه: وشفيه
اريج وتبتسم: امس كلمني عن الزواج
زينه: كذاااااااااااااابه من جدك
اريج: اي والله
زينـه: وشنو كان ردك
اريج: مدري
زينه: وشنو اللي ماتدرين
اريج: يعني متردده
زينـه: وليش تترددين المفروض تستانسين لانكم تحبون بعض ولازم حبكم يتوج بالزواج
اريج: واووووو .. وناااااسه لو اخذ رائد فديت قلبه
زيــنــه: طيب تعالي بقولك
اريج: شنو
زينه: متى بتردين عليه
اريج: فيه مشكله
زينه: شنو
اريج: دراستي
زينه: وشفيها دراستك
اريج: ابي اكملها بمصر مو هناا
زينه: من جدك انتي ماعندك سالفه اقول شنو التخصصات اللي تلاقينها بمصر وموموجوده هنا وبعدين تعااالي .. تخيلي كذا تتخرجين من الثانوي وتتزوجين رئود وتجي السنه الجايه وتدرسين وانتي متزوجه وارقص بعرسك لين اقول بس
اريج واستانست: ههههههه والله ياليت بس
زينه: بس شنو
اريج: انا كنت اتمنى اني ادخل مع بنات خالتي الجامعه بمصر
زينه: طيب شنو احلا جامعه مختلطه ودجـه مع بنات خالتك بمصر والا جلستك كزوجـه وطالبه بنفس الوقت مع حبيبك رائد
اريج: والله الثانيه احلا .. جلستي مع رئودي وبعدين بنات خالتي لاحـقه عليهم
زينـه:ايه هذا الكلام
اريج: طيب هنا شنو ادرس وشسوي
زينـه: براحتك شوفي ميولك
اريج: والله ماادري
زينـه: اي حصه تحبيها اكثر
اريج: امممم الحــاسب والرياضيات
زينه: اجل ادخلي كليه العلوم
اريج: ووين هذي
زينه: هههههههههههه يحليلك كليه العلوم هنا بالدمام
اريج: اهااا ... وانتي شنو تبين
زينـه: خاطري ادرس رياضيات والا احيــاء
اريج: وفيه احياء بكليه العلوم
زينه: ايـــه
اريج: ونااااسه عشان ندخل هالكليه السنه الجايـه وندرس مع بعض عاد انا متزوجـه شي
زينه: هااه عجبتك الفكره
اريج: اي والله عجبتني الفكره ودخلت بالي بعد
::
::
::
::
تطالعها من بعيد بحقد وتقول بخاطرها(الله ياخذك انتي وحبيبك لانكم ورطتوني مع الهئيه والاتصالات)
نوره: شهد شهوود
شهد: هاااه شفيك
نوره: مافيني شي انتي اللي وينــك
شهد: قاعده اطالع هالشيفه ام الفول والطعميه شوفي شلون تضحك
نوره: وشعليك منها شليها من بالك
شهد: وييييع على قولتك
نوره: ذاكرتي للاختبار
شهد: اي اختبار
نوره: الحاسب
شهد: ايه سهل بس العملي موليهناااك
نوره: حرام عليك عاد اسهل شي العملي
شهد: مين قال .. وبعدين يمكن سهل بالنسـبه لك عشـان عندك كمبيوتر بالبيت اما انا مصطلحات اول مره اسمع فيها
نوره: وش بتسوين بالاختبار
شهد: مدري بشوف شنو يطلع معااي
نوره: من جدك ترى سهل
شهد: الله يستر
نوره: وليه ماتشترين كمبيوتر
شهد: مايحتاج اقولك اني اعلم بالحال .. الا بسألك
نوره: شنو
شهد: مين يصرف عليكم
نوره: اختي افراح
شهد(وشلون وهي ماتشتغل الظاهر من اللي الشغله الشينه اللي قالت لي عنها) : اهاا
نوره: غريبه ليش هالسؤال
شهد: بس كذا طرى على بالي
aomroena
aomroena •
؟؟؟؟؟؟؟؟

" وشـلــون طريت على بــالك هالمره"قالها لها وهو قاعد على مكتبه ويكلمها بالتلفون بعد مامل من اتصالاتــهـــاا
المتصله: انت دايما ببالي
سعد: انتي وش تبين مني يا.. صح مااعرف اسمك شلون اناديك
المتصله: تقدر تناديني عاشقه المستـحيـل
سعد بأستـهزاء: المستــحيــل مره وحــده وليه تتعبين نفسك وتعشقين شي وانتي عارفه انـه مستحيل
عاشقه المستحيل: لان عشقك بالنسبـه لي مستحيل
سعد: شنو تبين مني
عاشقه المستحيل: قلت لك بـأول اتصال لي
سعد: للأسف مااذكر
عاشقه المستحيل: وللأسـف مااعيد كلام قلــتــه
سعد: اوووووف
عاشقه المستحيل: اوف من شنـو؟
سعد: موشغلك انتي خلك بالمستـحيل اللي انتي عاشقته
عاشقه المستـحيـل: هههههههه يعني هالمستـحيل انت وابي اعرف كل صغيره وكبيره عنك
سعد: انتي تعرفين كل شي ماله داعي تعرفين اكثر
عاشقه المستـحيـل: بس مااعرف شنو اللي تفكر فيه
سعد: والله لو يحصل لك كان عرفتي
عاشقه المستحيل: طيب خلنا من هالجـو .. وهالتكبر والغرور اللي انت فيه وقولي
سعد: هلا
عاشقه المستـحيـل: وش قاعد تسوي الحين
سعد: قاعد بالمكتب وطفشــااان لان مافيه شغل الحين .. ماعندي شي اسويه
عاشقه: اجل شلون صرت رئيس مجلس الادراه
سعد: حتى هذي عرفتيهاا .. الا بسألك
عاشقه: انت تأمر موبس تـــســأل
سعد: شنو تبين مني
عاشقه المستحيل: اووووه مره ثانيه
سعد: ثانيه وثالثــه لين مااعرف انتي مين وشتبين
عاشقه المستحيل: بالعربي ابيك انت وانا عاشقه المستحيل
سعد: يعني مااقدر اخذ منك شي جديد
عاشقه المستحيل: لاتحاول ههههههههههههههههه
سعد: ههههههههههه
(واستــمرت السوالف والضحك لحــوالي نصف ســـاعه)
::
::
::
::
::
::
بالجـــــــــامـــــعـــــــــــــه
"بــس بصــراحـــه كانت شي حتى اسـلوبــها مقنع وانا مااعاتبها ابدا على طلعتها من الجامعه"
امجاد: وهذا وهي لسى توها بالبدايـه والله شي
هلا: بصراحــه بنت عمكم خطيرررره والله لو انـها بنت عمي لامشي بالجـامعه وافتخر فيها
فرح: موكـأنك تبالغين كلها الا مقابله ببرنامج عادي ومده المقابله ماتتعدى العشر دقايق
(وتجيهم وحده من البنات ومعاها مجله)
نجلا: بناااات شوفوا هالمجلـه يتكلمون عن مؤسسـه ام بشرى وحاطين مقابله وياهم
هلا: تدرون بنااات مامي كانت حاضره الحفل ومره عجبـها كل شي كان راقي ومنظم له عاد تحسفت انو مارحت مع ماماي لانو ماجات لها الا بطاقه دعوه وحـده
فرح وملت حبت تغير الموضوع: بنااات شفتوا البرنامج اللي جاء امس ع ام بي سي
هلا ومطنشتها: حتى فستانها كان روعـه بس شفتوا العارضه اللي طلعت معاها ترفع الضغط تتكلم من طرف خشمها
البنات: هههههههههههه
نجلا: انا بروح لهم اليوم وبـفصل عندهم كم فستان بصراحـه مصمماتهم ولا اروع
امجاد: انا سمعت انهم يستوردون اقمشتهم من اروروبـا
فرح: شدعوه بنات ترى الموضوع مايسوي
امجاد وتنقزها: وشفيك يافرح تغارين
فرح: وليش اغار
هلا: تبين تغيرين الموضوع بأي طريقه
نجلا وتغمز لهم : يمكن تغااار .. هههههه
البنات: هههههههههههههههههههه
فرح وعصبت: والله ماعندكم سـالفه الشرهه علي جالسـه معاكم(وتروح)
نجلا: ابصم لكم عالعشـره انـها غارت
هلا: اصلا هي ماتحب بشرى من زمان يعني موشي جديد عليها
امجاد: المهم ماعلينا مين حابه تجي معي اليوم
(قامت وهي مقهوره من شلتها الممله وكل ماراحت لبنت تلاقيها تتكلم عن بشرى ومقابلتها الظاهر بشرى صارت الشغل الشاغل بالجـامعه وراحت لاختـها اللي كانت واقفه وتتصل بالجوال)
فرح: وشفيك
هيفا: اتصل بسعد جواله كان مشغول والحين مقفل
فرح: من جدك انتي
هيفا: وش رايك يعني ليش يقفل جواله مالها داعي الحركـه
فرح: طيب يمكن كان عنده مكالمه خارجيـه والا شي
هيفا: ايه بس عالاقل يشغل waiting
فرح: طيب الحين الجوال مقفل ليش تدقين
هيفا: اقولك مقهوره اول مره يسـويـها
فرح: عادي انسي
هيفا: وشلــون انســى انتي لانك موبنفس حالتي فـ مارح تحسين فيني
فرح: براحتك تحبين تتعبين نفسـك
هيفا: المهم وشفيك
فرح: واخيرا سألتني .. مليت من الجامعه الشغل الشاغل هـنا بشرى ومؤسسه الازياء البايخـه حقتها ومقابله التلفزيون البايخـه هذا وهي طلعت ربع سـاعه سوت كل هذا وشلون لو جات حلقه كامله بالبرنامج الظاهر رح يسوون لها حفل تكريمـي
هيفا: وشعليك منـهم
فرح: المهم الحين دقي على السواق وخليه يجـي
هيفا: سياره السواق خربانه وتوني مكلمته وقال مايقدر يجي
فرح: حسبي الله عليه من سواق احنا ليش جايبينه صاير معزب موسواق يوم سيارته خربانه ويوم السياره مع برهوم ومن هالكلام ... طيب شوفي برهوم ويـنـه
هيفا: الحين بكلــمــه ..(وتتصل فيه) الو هلا برهوم شلونك المهم تعال لنا الجامعه
ابراهيم: من جدك انتي مااقدر
هيفا: ليش
ابراهيم: انا عالجـسر الحين شوفي مشعل
هيفا: انت لو تسكن بالبحرين وايد احسن
ابراهيم: والله موشغلك شوفي مشعل والا ردي مع بنت عمي بشرى
هيفا: شخباري .. بشرى انسحبت هالفصل من سنـه جدي
ابراهيم: والله مشكلتك انا الحين بجمارك البحرين مشغول باي(ويسكر)
هيفا: اووووف سكر بوجـهي الحيــوان
فرح: وشوفي مشعل
هيفا: ابصم لك عالعشره انه مارح يجي هالزطي
فرح: طيب دقي
هيفا: دقي انتي انا شكـو فكينا(وتروح)
فرح: الله ياخذك انتي بعد مالت عليك بس شاطره تلاحق ورى سعد مالت عليك انتي وياه.. والحين هالزطي ان دقيت عليه بيسوي لي سـالفه .. اممم شسوي الحين خلني ادق ع جويسم ولد عمي(وتتصل)
فرح: الو هلا جاسم .. انا فرح بنت عمك
جاسم: هلا بنت العم
فرح: هلا فيك .. اممم جاسم مشغول
جاسم: لا أمـري
فرح: والله ماادري شقولك .. بس اذا تقدر ياليت لو تمرنا الجامعه وتودينا البيت
جاسم: الحين
فرح: اذا ماعندك شغل
جاسم: اوكي ماعندي شي
فرح: مشكور ننتظرك .. باي(وتسكر وتروح لاخـتها)
فرح: هيووف خلك مستعده جاسم الحين بيمرنا
هيفا: من جدك انتي
فرح: ايه من جدي ليش
هيفا: تكفين فرح مالي خلقه
فرح: والله اذا مالك خلقه قعدي هنا
هيفا: طيب فوفو موفشـله تدقين عالولد الحين وش بيقول عنا
فرح: مارح يقول شي اصلا هو يبيها من الله عشـان يشوفك
هيفا: وش دعوى .. اصلا الولد خلاص نسـى السالفه من زمان
فرح: يمكن يشوفك ويتذكر .. والله ماعندك سالفه تبدين الغريب على ولد عمك
هيفا: من جدك انتي وقتها انا كان عمري 21 وهو 19 سنـه شي طبيعي مارح اوافق عليه كان بزر وفرق السما عن الارض بينه وبين سعد
فرح: المهم خلك مستعده الولد شوي ويجي (ويتصل) هذا هو (وترد) الو اوكي الحين بنجي
هيفا: وشدعوه قاعد عند الباب
فرح: حمدي ربك احد عبرنا وجاء انا طالعه
هيفا: انتظري الحين بلحقك
::
::
::
::
aomroena
aomroena •
وبــــــالســــــــيـــــــــاره كانوا قاعدين على اعصابهم فرح جالسه قدام وهيفا ورى
جاسم بخاطره: الله يسـامحـك يابنت العم يوم مافضلتي الغريب علي
فرح بخاطرها: الله ياخذك ياهيفا كل من شافت خطبك وانا طايحـه حظ مع اني اصغر منك واحلا منك بعد
هيفا بخاطرها: الله يهديك يافرح حطيتني بهالموقف المحرج
(ووصـــلــــوا)
فرح: مشكور جاسم تعبناك معانا
جاسم: ولو بنات عمي وتعبكم راحـه..
(وتنزل فرح بسرعه ومالها خلق وتجي تنزل هيفا ويناديها)
جاسم: هيفا
هيفا: نعم
جاسم: بســـألك وياليت تجاوبني بصراحـه
هيفا ومالها خلقه ومنحرجـه بنفس الوقت: نعم
جاسم: ليش رفضتيني؟
هيفا: سبق وتكلمنا بهالموضوع وماله داعي انـه
جاسم يقاطعها: ابي اسمع الجواب رفضك لي وبس
هيفا: لانك اصغر مني و
جاسم يقاطعها مره ثانيه: بس الرجاجيل بافعالهم مو اعمارهم وبعدين
هيفا وملت منه قالت: جاسم انا الحين متزوجـه وعلى ذمـه رجال ثاني وخلاص ياولد العم الله يعوضك بوحــده احسن مني ..(نزلت بسرعه وماتركت له مجال يتكلم)
جاسم: للأسـف جوابك مااقنعني يابنت العم
/
/
/
/
/
/
"واخيـــرا فضيتي لي " قالتها لمديرتها وهي تتأملها بنظرات جريئـه
بشـرى: فضيت لك وشتقصدين
الريم: ماقصدي شي ياسعاده المديره بس ودي اتكلم معك بموضوع من الصبح وسكرتيرتك تصرفني
بـشـرى: تعرفين اني كنت مشغوله من الصـبح .. المهم تقدرين تكلميني بموضوعك الحين
الريم: بس الحين انتـهى الدوام
بشـرى: ليه موضوعك لهدرجـه طويل
الريم: يعني يبيله قعده
بشرى: طيب خليه بعدين
الريم: لا تدرين الحين فتره غدا وش رايك اعزمك ع الغدا برى ونتكلم
بشرى: تعزميني ع الغدا وش المنـاسبــه
الريم: بمناسبه الموضوع اللي رح اكلمـك فيه
بشرى ترددت وقالت: ماله داعي ائجلي الكلام بهالموضوع لبكره
الريم وهي تترجاها: بليز لاتردين لي طلبي هالمره بليز
بشرى قالت بعد تردد: ليش تترجيني
الريم: تخلينها بخاطري
بشري: لهدرجـه اهمك
الريم: ايه .. ممكن تقلبين هالدعوه
بشرى وهي متردده: اوكي ماعندي مانع
::
::
::
::
وبالمطعـــم
الريم: ماني مصدقه اني معك
بشرى ومستغربه: عادي يعني ليش مومصدقـه؟
الريم: لا بس استانس لمى اكـون معك
بشرى: ان شاء الله دوم
الريم وتطالعها بأعجـاب : بشوره
بشرى وابتمست
الريم : وشفيك تبتسمين
بشرى: لانك قلتي بشوره وهالاسم اهلي ينادوني فيه
الريم: ســـوري
بشرى: على شنــو؟
الريم: على تصرفاتي معك ومعاملتي الجافه بأول مره شفتك فيها
بشرى وهي مبتسمه: يعني تقصدين يوم مارضيتي تحطين ميك اب
الريم: مااحب الميك اب
بشرى: ولامره بحياتك حطيتي ميك اب
الريم: شكلي حلو بدون الميك اب صح
بشرى: ايه
الريم وتمسك ايد بشرى: من قلبك
بشرى وتسحب يدها بسرعه: وشفيك الريم
الريم: مافيني شي ..عادي حرام امسك يدك
بشرى ونقزها قلبها من حركاتها: انتي اللي ارسلتي الورد الصبح
الريم: ان شاء الله عجبك
بشرى: وانتي اللي ارسلتي لي رسـاله يوم المقابله
الريم: الحمدلله انها وصلت بس ليش مارديتي
بشرى ووقفت: الحين عرفتك زين يالريم .. بس حركات الشاذات هذي انا مااحبها وماتمشي علي(وتروح)
الريم: بشـرى .. بشـرى .. اوووف راحت بس والله قمر مستحيل تفوتها من يدك يارامي
خلونا نتكلم عن الريم .. اسمها الريم وعمرها 22 سنـه ولقبها رامي وشاذه جنسيا و اللي يشوفها مايقول هذي بنت كـأنها ولد يعني صبيك طويله وضعيفه وبيضا نوعا ما شعرها قصير ودايما تسويه كدش ومشكلتها لاحطت حد براسها لازم تجيبه والحين حطت بشرى ببالـهاا **الله يعينك يابشـرى**
/
/
/
/
/
aomroena
aomroena •
عالـــــغـــــدا ببيـــت بومشــعل
ام مشعل: وين برهوم
فرح: بالبحـرين
مشعل: هالولد طول عمره مستهتر ويصرف بدون حسـاب
هيفا: وشدعوه روحـه البحرين فيه صرف كلها صد ورد
مشعل: انتي تقولين كذا لانك ماتدفعين شي من جيبك
فرح: ولا من جيبك
مشعل: احترمي نفسـك انتي وياها وتكلموا معي بأدب والا من وين بتعرفون الادب وفاقد الشي لايعطيه
بومشعل: انتو مسختوها مانجمتع على وجبه الا وانتو قالبيها نجره وقلق
فرح: الحمدلله شبعت(وتقوم)
مشعل: والله ماادري ليش تتعبون نفسكم وتطبخون هذا كلـه ومحد ياكل مصرف ع الفاضي
بومشعل: يعني ماناكل ياولدي الزياده ولا النقصان
(ويدخل ابــراهــيــم)
ابراهيم: السلام عليكم
الكل: وعليكم السلام
بومشعل: هـنهم
ابراهيم: وانت منهم يبه .. (ويقعد يتغدى)
مشعل: شرفت يااخ وينك للحين
ابراهيم: ابوي ماسألني تسـألني انت
هيفا: ايه موفاضي 24 ساعه بالبحـرين .. زين تذكرت ان عندك بيت وجـيت
ابراهيم: خير اخت هيفا الظاهر وليه امري وانا ماادري
ام مشعل: خلاص سكتــوا خلاص خلونا نتغدى بســلام
ابراهيم: الزبده يبــه ابي فلوس
بومشعل: توني الاسبوع اللي فــاات معطيك 5 الاف مسرع خلصتهـم
ابراهيم: يبه و5 الاف تسميهم فلوس الحين هالخمسـه زين لو يقعدون معي اسبوع الدنيا غاليه يبه
مشعل: ابراهيم انت
يقاطعه ابراهيم: مشعل واللي يعافيك انا قاعد اتكلم مع ابوي وماطلبت منك شي رجاء لاتتدخل
مشعل: لا والله وشلون ماتبيني اتدخل .. انت لو تشوفنا شلون نشتغل ونتعب ماقلت هالكلام
فاطمه: مشعل خلاص ماعلينا الموضوع بينه وبين عمي خلـهم براحــتــهم
(ويجــيــهم صــوت فرح تصرخ من بعيـــد)
فرح: لحـــقوا علي لحـــقوا علي
(الكل ارتعب من صوتها )
ام مشعل: خير ان شاء الله وشفيك
فرح: ماما طقم الالماس حقي مالقيتــه حست غرفتي كلــها عليـــه ومالقيــتـــه
مشعل: طقمك ضايع وانتي وينك عنه دوريه زين وياويلك ان ضيعته انتي وجـه الماس انتي
فاطمه: طيب استهدي بالله ودوريه زين وان شاء الله بتلاقينــه
ابراهيم: طيب هدي اعصابك ليش كل هذا الحين هالطقم اللي خابتنا عليه قيمـته ما تتعدى ال20 الف ومسويه لنــا ســالفه
مشعل: وعشرين الف شويه عندك
بومشعل: بس يااعيال مووقت هواشكم ونجرتكم
فرح: يبه يمـه هالطقم مره غالي انا ماخذته بـ 45الف .. الله يخليكم لازم تشوفون لي حل
ام مشعل: اقول قومي ودوري هالطقم لااوريك شغل الله .. وانا الحين بروح وبفتش الخدم
بومشعل: لاحول ولاقوه الا بالله .. هالخدم عندنا من عمر ومايمدون ايدهم على شي
ابراهيم: فتشــوهم وخلصونا
ام مشعل: والله مااخليهم الحين بفتشهم(وتفتش الخدم ومالقت شي عندهم)
فرح: هااه يمـه بشريني
ام مشعل: مالقيت شي اااااخ يالقهر
هيفا: احنا لازم نبلغ الشرطـه اللي انسرق موشويه
بومشعل: وليش ندخل الشرطـه بيتنا تبون سيرتنا تصير على كل لسان.. لازم تطلعينـه الحين وان ماطلعتيــه ماتلومين الا نفسك
فرح: وانا شدخلني الطقم يضيع مني وانا الملامه
ام مشعل: ايه انتي الملامه من قرادتك يالخبله لو محافظه على اغراضك ماضاعت منك موشاطره تفتحين غرفتك لكل من هب ودب
فرح وتفكر :اييييه صح انا عرفت وينـــه
مشعل: يعني ماضاع مسويه كل هالفليم عاالفاضي
فرح: انا ماسويت افلام بس الطقم حقي انسرق
فاطمـه: وشلون انسرق واحنا مفتشين عند الخدم ومالقينا شي
فرح: انا اعرف مين اللي سرقه؟
ام مشعل وهي معصبــه: قولي يافرح ولاتتلفين اعصابنا
فرح: اللي سرقتني هي نغم
(الكل شهــق)
بومشعل: احترمي نفسك يافرح بنت عمك عايشه معنا من عمر وعمرها مامدت يدها على شي
نغم: احترمي نفسك يافرح .. انا ما مديت يدي على اي شي لك
فرح: لاتكذبين انا شفتك كم مره وانتي عينك على هالطقم يالسراقه
فاطمـه: عيب عليك يافرح وشهالكلام.. نغم ماتحط عينها على شي مولها وبعدين نغم مومحـتاجـه لشي مثل هذا
فرح بوقاحـه: مومـحـتاجـه مين قالك مومحتاجـه اصلا هي عينـها على كل اغراضي
ابراهيم: احترمي نفسك يافرح وترى هالكلام ماله داعي ولاتقولين شي انتي مومتأكده منه
ام مشعل: وشفيكم عصبتوا على بنتي فتشوا بأغراضــها وشوفوا
نغم(وهي مقهوره منـها):ايه وانا موافقه فتشوا باغراضي بس ان مالقيتوه والله مارح اسـامحك يافرح
فرح: وان لقيناه
نغم: مستحيل تلقونـه
فرح: اوووه الظاهر انك مخبيته بمكان سري جدا
نغم ماسكه نفسها لاتصيح: انا مااســويــها
هيفا: خلصونا خلونا نروح لغرفتها وندور
فرح: والله ان لقيتـــه ماتلومين الا نفسك
ام مشعل: اذا لقينااه دواها عندي
بومشعل عصب وقال: خلوصا من هالسـالفه الحين
(وراحوا كلهم لغرفه نغم وقعدت ام مشعل .. وفرح يدورن والكل محتار من بين مصدق وغير مصدق.. ونغم ماسكـه نفسها ماتبي تبكي من القهر)
ام مشعل وتطلع علبه من الدولاب: هذا طقمك
فرح: اشوف ماما (وتفتحـه) اي هذا هــو هذا هو يمـه شوفتوا صدق كلامي
بومشعل وخاب ظنه ببنت اخوه اللي اعتبرها مثل بنتــه طالعها بأحـتـقار وقال: افاااااا .. هذي اخر تربيتي فيك يانغم للأسف خيبتي ظني(ويطلع)
هيفاوهي مصدومـه: شدعوه ليش يانغم ليش تسرقينـه ماتوقعتها منك
مشعل: والله طلعتي منتي ســهلــه يانغم تخططين وتسرقين
نغم من بين دموعها: والله والله ماسرقتــه
فاطمـه: انا مـتـأكده ان الموضوع فيه شي غلط
فرح: وشقصدك يافاطـمـه هي سرقته ومخبيــته ووين الغلط
ابراهيم: انا ماني مصدق احس ماني قادر اصدق معقوله يانغم
ام مشعل بقهر وعصبيه: والله وطلعتي منتي بهينه يالسـاكـته وانا اعرف شلون اطلع كل هذا من عيونك يالسراقــه(وتضربها بدون شفقه ولا رحمــه وفرح تطالعهم وتضحك وقامت فاطمه وتدخلت تبي تفك بينهم بس مشعل مسكـها وطلعها برى وطلعوا كلــهم وتركوا نغم تحت ايد ام مشعل عشـان تأدبها بدون اي رحــمــه)
/
/
/
" مظلومـــه.. والله مظلـــومـــه اهئ اهي هههههاااي" قالتها وهي قاعده مع اختها بغرفتها وتقلد بنت عمها وتضحك
هيفا: وشفيك تتطنزين على نغم
فرح: هههههههههههااااي
هيفا: بس ماتوقعتها منها نغم تســرق ليش
فرح: حتى انا ماتوقعتها منــهاا.. بس يلا مسكـينــه فقيره ومحتاجـه والطقم حلا بعينـها
هيفا: غريبه انا طول عمري اخلي مجواهرتي وهي موجوده وعادي ومابعمري شكيت فيها
فرح: ياما تحت السـواهـي دواهــي
هيفا: للحين ماني مصدقه ليش تسوي نغم كذا
فرح: اووووه ترى ازعجتينا ماني مصدقه وماني مصدقه صدق عبيطه
هيفا: وشفيك يافرح ليش تحطين حرتك فيني
فرح: لانك بقره
هيفا: احترمي نفسك انا اختك الكبيره والا نسيتي هالشي
فرح: اكبر مني بـ5 دقايق يعني ماتنحسـب شي فكينا بس والا دقي على زوجـك وسولفي وياه مالي خلق اسمع صوتك يجيب لي المرض
هيفا: الحمدلله والشــكــر انتي اليوم ماانتي بطبيعيه
فرح بدون شعور قالت بغضب: ايه ماني طبيعيه على كل هالتمثيليه اللي سويتها ابوي قهرني وماضربها ااااخ يالقهر
هيفا وانتبهت لها قالت: تمثيليه من جدك انتي
فرح: هاااه
هيفا وتقول من السرير وتروح لاختها اللي جالسـه عالتسريحـه: انتي كنتي تكذبين بكل اللي قلتيه
فرح: لا مااكذب صدق
هيفا: بس انتي قلتي على كل هالتمثيله ابوي ماضربها حرام عليك
فرح وتوهقت: هيوووف وشفيك وبــعــديـــن
هيفا: انتي ظلمتيها يافرح
فرح: انا ماظلمت احد .. واللي صار مقدر ومكتــوب
هيفا: حرام عليك .. انتي اتهمتيهاا وفشلتيها قدامهم كلـهم واحرجتيــها بعد الحين الكل بيظن فيها ظن السوء هذا غير امي اللي يمكن ذبحت البنت الحين
فرح: وشفيك ياهيفــا انااختك الصغيره وتؤام روحـك.. الله يسامحك
هيفا بصدمه: الله يسامحني .. الا الله يسامحك انتي يالظالمه انتي لازم تصلحين اللي سويته
فرح: لاوالله وشلون اصلحـه تبيني اروح لهم واعترف على نفسي عشان حشره مثل ذي الله يخليك بس .. وبعدين تستاهل كل اللي يجيها لاتنسين ذيك المره يوم طقينها شلون تكلمت علينا لازم تحقدين عليها لازم
هيفا وهي مدهوشـه من اختـها وحركاتــهاا اللي مالــها داعي: خلاص خلاص انا اخليك الحين لاني مااقدر اشوفك ولا اقدر اكلمك لانك ظلمتيــهاا.. نغم مظلمومه مظلــومــة
فرح(لاتفضحنا ذي): هيوف بتروحين تعلمينهم
هيفا: هذا اللي هامك .. تطمني مارح اعلمهم بس نغم رح تاخذ حقها منك بالاخره(وتطلع)
فرح: الله ياخذ انتي وياها قبل ماتاخذ حقها مني مالت عليكم
::
::
::
::
::