كوبونات الراقية تسجيل الدخول

aomroena
aomroena •
/
اما نغم كانت محبوســه بغرفتها وتبكي بحراره ماهي فاهمه شنو قصه الجوال وليش ابراهيم عصب عليها بس كل اللي فاهمته انها تكرههم اكثر من اي وقت مضى
نغم: ياربي ياربي انا شسويت حق هذا كلــــهـ ياربي ساعدني ياربي
(وتدخل ام مشعل)
ام مشعل: اسمعيني يالصايعه من اليوم ورايح مافي مدرسه فاهمه وكل كتبك انا بأخذهم وبرميهم
نغم من بين دموعها: لالاااا عمتي الله يخليك كل شي الا المدرسه الله يخليك
ام مشعل: عمت عينك ولك عين تتكلمين بعد .. تبيننا نخليك تسرحين وتمرحين بالمدرسه لين مايقص عليك هالكلب اللي متعرفه عليه وتنحاشين وياه وتفضحيننا
نغم: والله انتوا ضالمينني
ام مشعل: انطمي طمك الله وتتكلمين عن الظلم بعد ياام الرجاجيل (وتضربها لين تقول بس وتاخذ شنطتها وكل كتبها ترميها بكيس الزباله اللي معاها)
ام مشعل: شفتي هالكيس هذا برميه بزباله الشارع وانتي قعدي هنا معفنه تحت رحمتي ومالك الا وجبه وحده باليوم ياتاكلينها والا سوي اضراب عن الطعام احسن توفرين يالخايسه لكن صدق من قال الحب يطلع على بذره طلعتي على امك الانجليزيه الوسخه
نغم: احترمي نفسك ولاتتكلمين عن امي امي اشرف منكم كلكم
ام مشعل: وااااضح الشرف والدليل انتي ياام الشرف كلــهـ طلعتي على امك اللي تقولين عنها شريفه امك اللي ابوك كان على علاقه فيها وبعدين خذاها
نغم: قلت لك امي اشرف منك ومنكم كلكم
ام مشعل: اقول بس انطمي لااخلي هالنعال(الجزمه) ترقص على ظهرك حتى وجهك مالي خلق اشوفه تلوعين الكبد اسمعيني يالصايعه انا بطلع الحين لكن برجع لك متى مامليت وحبيت اضربك ياحيوانـــهـ (وتطلع)
/
/
/
/
/
/
/
ببيت بورائد كان مشعل بنتظر فاطمه بالصـالـــهـ وتجي فاطمه
فاطمه: اهلين مشعل
مشعل: شلونك حبيبتي
فاطمه: حبيبتي وشطاري عليك
مشعل: وحشتيني بيتنا يضيق الخلق
فاطمـه: وهو من متى يوسع الصدر
مشعل: .................
فاطمه وحست بالذنب: كلــها كم شهر يمرون بسـرعه وخلاص
مشعل: ماني طايق ارجع البيت
فاطمه: ليه؟
مشعل: البيت بدونك ولاشي ... فاطمه ارجعي
فاطمه: ماني براجعه يامشعل مو سالفه هذي كل ماجيت قلت لي رجعي وبعدين مارح ارجع الا اذا سويت لي اللي ابيه
مشعل: العين بصيره واليد قصيره
فاطمه: من جدك انت والله اللي يسمعك يقول تتكلم جد مشعل ممكن اسألك سؤال؟
مشعل: سؤال والا كالعاده بتتمسخرين علي
فاطمه: لاجد بودي اسألك سؤال
مشعل: قولي
فاطمه: كم رصيدك بالبنك
مشعل انصدم ماتوقع سؤالها:........................
فاطمه: وشفيك انصدمت لهدرجـه السؤال صعب
(ويدخل رائد البيت ويسلم)
مشعل (الحمدلله جاء رائد وانقذ الموقف): اهلين شلونك يالنسيب
رائد: تماااام انت اخبارك
مشعل: الحمدلله نســـأل عنك
رائد: امممم ليكون قاطعتكم
فاطمه: على شنو ياحسره لا قاطعتنا ولاشي اصلا مشعل كان ماشي الحين
مشعل وانحرج حس ان زوجـته مالها خلقه: صح كنت ماشي عن اذنك رائد
رائد: شدعوه يالنسيب اقعد وتغد ويانا
مشعل: لا الحمدلله تغديت كلام حلو من المدام مع السلامه(ويطلع)
رائد: بيييييه شكله معصب
فاطمه: ماعليك منه وهو من متى كان هادي من يسمع طاري الفلوس احس تجيه جلطه
رائد: شدعوه انتي تتكلمين هالكلام مااصدق
فاطمه: مليييييت ملييييت منه ومن بخله رح يجنني هالرجال تخيل حتى رصيده بالبنك مايبي يقولي كم
رائد: يعني اذا عرفتي كم رصيده بترتاحين
فاطمه: لااا مارح ارتاح بس ع الاقل اهدى شوي على كثر مايدعي الفقر صدقته
رائد: طيب ليش معصبه اخاااف تدرين زوجك كم رصيده وتجنين
فاطمه: ليه انت تعرف كم
رائد: وانا وشدراني بس اكيد فوق المليون ريال
فاطمه: لامااتوقع
رائد: الا توقعي ترى زوجك مليونير بس بخييييييل وبعدين عمي مايقصر عليه بالفلوس انا مدري شلون هو وبرهوم اخوان متناقضين واحد بخيل وواحد مبذر
فاطمه: الله يهديه ويفكه من هالعاده الشينه
رائد: خلينا من زوجك الحين ووقعي هالاوراق
فاطمه: وحق شنو هالاوراق
رائد: هذي ملكيه البيت حقك وقعي الاوراق عشان نوديها المحكمه ونصدقها
فاطمه: ماشاء الله عليك تبي تخلص الموضوع بسرعه
رائد: افااا عليك انا بيتي خلصــته من الحين والملكيه عندي
فاطمه: وشفيك مستعجل
رائد: بقولك بعدين انتي الحين وقعي خليني اخلص شغلك بسرعه
فاطمه وتوقع : مشكور رائد
رائد: وشدعوه انا وشسويت المفروض تشكرين الوالد .. بس ماتبين تشوفين البيت
فاطمه: انا واثقه بذوقك
رائد: ولو خذي هذا الكاتلوج فيه تصميم الفيلا حقتي وحقتك خبرك بعد دبلوكسات ونفس التصميم
فاطمه: طيب خله عندي وبشوفه بعدين
رائد: اجل انا بروح الشركــه وقبل بمر المحكمه واصدق العقد واعطيك اياه
فاطمه: مارح تتغدى بالبيت
رائد: فطوم حبيبتي انتي الظاهر للحين ماعرفتي نظام هالبيت احنا نظام اروروبي كل واحد يتغدى لحاله يعني محد رح يجي عالغدا امي الحين مسافره
فاطمه: مسافره
رائد: ايه بدبي تبي تخلص مشروعها تبع مؤسسه المجوهرات وبشرى تتغدى بالمؤسسه وجسوم يتغدى مع ربعه وانا وابوي ناكل لنا شي سريع بالشركـه يعني تغدى انتي وعليك بالعافيه
فاطمه: صدق نظام اروروبي كل واحد مسؤول عن نفسه
رائد: شفتي شلون مافي احسن من كذا عن اذنك بروح اكمل اشغالي (ويطلع وجلست فاطمه تطالع بالكاتلوج وتشوف الفيلا)
ببيت بومشعل ابراهيم كان مقهور للحين ويبي يوصل لراعي الموستنج بأي طريقه ويروح عند امه
ابراهيم: يمه عطيني المفتاح بروح لنغم
ام مشعل: ليكون يحن قلبك عليها
ابراهيم: تخسي الا هي بس فيه كلمتين بخاطري ولازم اقولها
ام مشعل: اذا كذا اوكي برد لي حرتي وياليت لو تطقها بعد تراها مثل القطو اللي بسبع ارواح
ابراهيم: انا لازم اعرف وشسالفه خويها
::
::
::
::
" مااعرفه"
ابراهيم: نغم لاتتمسكنين وتسوين روحك ترى هالحركات مولايقه عليك لاننا عرفناك على حقيقتك
نغم وتتكلم بصعوبه: ابراهيم ابراهيم الله يخليك عطني فرصه اتكلم واقولك اللي عندي
ابراهيم: وش بتقولين اكثر من اللي شفته
نغم: انا من جيت هالبيت انت الوحيد اللي كنت تحن علي ليش صرت مثلهم ياابراهيم .. انا الله حرمني امي وابوي بس عوضني بناس اعتمد عليهم وقت الشده مثل فاطمه بنت عمي وانت ليش انقلبت علي ياابراهيم وبعدين انا هالجوال اول مره اشوفه بحياتي والله العظيم اول مره اشوفه
ابراهيم: نغم طلعي من هالابواب اول مره تشوفينه هاااه لاتحلفين احسن لك والا شكلك متعوده تحلفين كذب
نغم: ورحمه اهلي يابرهوم اول مره اشوفه وشفيك علي وبعدين حتى هاللي اتصل ماادري عنه شي
ابراهيم: نغم انتي تبين تجننيني شلون ماتعرفين عنه شي والرسايل المرسله والصادره كل وحده اردى من الثانيه بعمري ماتصورت انك تنزلين لهالمستوى الواطي حتى الموستنج انتي اللي اقترحتي انه يشتريها وشراها لعيونك ياجعل عيونك وعيونه البط
نغم من بين دموعها: حسبي الله عللي كان السبب
ابراهيم : اقول اعترفي وقولي لي شسمه ومن وين تعرفتي عليه
نغم: والله مااعرفه والله
ابراهيم: كذاااابه والف كذابه ماتعرفينه وانا شايفك نازله من سيارته اليوم
نغم: انا جيت مع صديقتي حنين واخوها حتى اخوها ماشفته عدل ومااذكر ملامحه
ابراهيم: اووووه الظاهر العاشقه الولهانه زعلانه عشان ماتمقلت بوجـه الحبيب اليوم وانا اشوف الروج والكحله مولله
نغم: انا حاطتهم عشانك عشان تحس اني متغيره رغم كل الكلام اللي قلته عني ضليت احبك وانت ماكنت تحس فيني قلت خلني اتغير واحطهم عشانك حتى يوم سألتني ليش هالتأخير فكرتك تغار علي وطلعت تشك فيني
ابراهيم منصدم: تحبيني؟
نغم: .........................
ابراهيم ماتوقعها ابدا بس تماسك نفسه وقال: للأسف يانغم كلامك هذا ماعاد له فايده خاصه الحين انا من الاول ماكنت افكر فيك اما الحين مستحيل افكر فيك انا من يوم ورايح رح انسى ان عندي بنت عم اسمها نغم وياليت تنسين هالشي انتي بعد(وطلع اما نغم هالكلام كان بالنسبه لها مثل الصدمه تمنت انها تموت ولاتسمعه وتأكدت انها خسرت ابراهيم للأبـــــد لذنب هي مااقترفته)
نغم بخاطرها: يارب يارب تطلع حقي قدامي كلهم انا مظلومه ياربي مظلومـهـ
/
/
/
/
/
/
aomroena
aomroena •
ببيت اهل شهد كانت شهد جالسه تلبس عبابتها وتنتظر نوره وتجيها هبه
هبه: شهووود
شهد: هلا
هبه: نوره تحت تنتظرك
شهد: طيب الحين بطلع .. اممم هبووش
هبه: هلا
شهد: اذا خلصنا من المدرسـهـ الخصوصيه بنروح للسوق انا ونوره
هبه: وشعندك بالسوق
شهد: بنشتري فستاين لعرس بنت جيران نوره وعرسها بعد اسبوع وودي اروح اذا ماعندك مانع طبعا
هبه: روحي عادي بس من وين لك فستان للعرس انا ولابعمرك رحتي لعرس
شهد: ايه مونوره تعرف محل رخيص حيييل وفستاينه حلوه وقصيره وناعمه ومسوي تخفيضات يعني الفساتين عنده على 100 و200
هبه: ومن وين لك هالمبلغ ؟
شهد:ايه موانا الفتره الاخيره كنت اجمع ومعاي 155 ونوره تقول فيه فساتين روعه بهالسعر
هبه: ووين الفلوس
شهد: ايييه موانا لعابه عشان كذا مااحب اجمع الفلوس عندي جمعتهم عند نورا وهي جابتهم الحين تحبين تسألينها وتتأكدين
هبه: لا ماله داعي بس رح تتأخرين؟
شهد: مااتوقع يعني ان شاء الله ع 8 انا هنا .. خاصه اننا بندخل محل واحد وبنطلع
هبه: طيب اوكي بس ياويلك اذا جات 8 ودقيقه وانتي موبالبيت
شهد: خلاص ولايهمك ان شاء الله 7 و59 دقيقه انا عندك
هبه: بنشـــــوف
aomroena
aomroena •
ببيت اريج اتصلت كانت قاعده بغرفتها واتصلت برائد
اريج: هااي
رائد: ياسبحان الله كنت توني بتصل فيك
اريج: قلوبنا عند بعض ... وينك
رائد: توني مخلص من المحكمه وبروح الشركــهـ
اريج: عندك شي مهم بالشركــهـ
رائد: بخلص شويه شغل ليه
اريج: خســاره كان ودي اشوفك واتغدى معاك
رائد: الحين
اريج: ايه بس دامك مشغول ماله داعي
رائد: لا ويييين مشغول مين قالك مشغول خمس دقايق وانا عندك
اريج: والشركـه
رائد: انتي عندي اهم من الشــركـه
اريج: ههههههههههه خلاص بعطيك عشر دقايق على ماالبس واعطي ماما خبر اوكي
رائد: حلو بعد مانتغدى عندي لك مفاجئه
اريج: واااااوووو انا احب المفاجئات .. طيب حبيبي قولي شنو المفاجئه
رائد: اذا قلت لك مارح تصير مفاجأه
اريج: طيب ماله داعي نتغدى اول مااشوفك قولي شنو المفاجأه
رائد: حرام عليك انا ماتغديت اليوم
اريج: طيب اوكي بس لاتتأخر ... باي (وتبوس الجوال وتروح لأمها)
اريج: ماما
الام: ايوه مالك
اريج: ماماي ممكن اخرج مع زينـه حروح لها البيت اتغدى معاها ونزاكر سوى
الام: طب خليها تيجي هنا
اريج: ماماي انا عاوزه اغير جو مش عاوزه اعد بالبيت مليت ياماماي
الام: حادر ياست وانا ائدر ائولك لاءه روحي
اريج وتبوس امها: الله يخليك يااحلا ام بالدنيا كلها بروح البس واتصل بزينـه تمر مع السواق اوكي (وتطلع)
::
::
::
::
::
::
::
وبـــــالســــــيـــــــــاره
اريج: رئود شنو المفاجـأه قولي ترى قاعده افكر فيها
رائد: اريج وشفيك صايره حناانه ماتوقعت تحنين هالقد .. اخاف على هالحنه ماتعجبك المفاجـأه
اريج: ياويلك اذا ماعجبتني المفاجأه بس انا حاسه انها رح تعجبني
رائد: ان شاء الله المهم كم معك وقت
اريج: اممم كم الساعه الحين
رائد: الحين 4 ونص
اريج: خلاص برجع تسع يكفي
رائد: ايه يكفي وين حابه تتغدين
اريج: مدري انت وش رايك
رائد: شرايك نروح السنبوك
اريج: اوكي يلا
/
/
/
/
/
وبالمطعم تغدوا اريج ورائد وبعد ماخلصوا غدا قام رائد
رائد: عن اذنك بروح التوليت
اريج: اوكي لاتتأخر رح توحشني
رائد: وانا اقدر اتأخر عليك
(ويطلع وهو راجع يشوف اخته بشرى بوجـهه ويتبلعم)
بشرى: رائئئئد
رائد وهو متوهق: شتسوين هنا
بشرى: لحظه لحظه المفروض انا اللي اوجـه لك هالسؤال
رائد: هذا مطعم يعني شسوي اكيد اتغدى
بشرى: انا ادري انك تتغدى بس هذا قسم عائلات شتسوي لحالك ...
رائد: هااه لا انا بس
بشرى وتبسم: اريج معاك
رائد: هاااه
بشرى: وشفيك تبلعمت قولي انا اختك بتخبي علي
رائد: ايه معاي
بشرى واستانست : انا جايه مع فطوم وجسوم عرفنا عليها
رائد: لا والله تبيني اخليها تقعد مع جسوم وبعدين يمكن ماتوافق
بشرى: طيب خلها تتحجب مثلي كذا وبعدين انا لازم اشوفها اللي ماخذه عقل اخوي.. لحظه لحظه انتو متى تصالحتوا
رائد: شوي شوي ليش تتكلمين بسرعهـ
بشرى: ههههههه لاني مستانسه هاااه عرفنا عليها
رائد: لحظه بسألها اول
بشرى: بروح معاك
رائد: وين تجين معاي
بشرى: مارح ادخل معاك عندها بنتظرك عند مكانكم عشان اضمن انكم ماتروحون
رائد: الا عشان تتسمعين
بشرى: وليش لا
رائد: امشي انا شللي خلاني اطلع بس
بشرى: من حسن حظي
(ويروح لاريج)
اريج: تأخرت
رائد: سوري حبيبتي موقصدي
اريج: طيب يلا نطلع عشان تقولي عالمفاجأه
رائد: اووووه انتي مانسيتي
اريج: لا مانسيت
رائد: لحظه قبل المفأجاه فيه شي
اريج بيأس: اووووه شنو بعد
رائد: موانتي تبين تتعرفين على اخواني
اريج واستانست: هذي المفـأجاه
رائد: لا بس قبل شوي وانا طالع شفت بشوره وجايه هي وفطوم وجسوم وقالت تبي تتعرف عليك وتشوفك
اريج: اوكي ماعندي مانع يلا نروح لهم
رائد: من جدك انتي
اريج: ايه عادي وشفيها المهم انت موافق
رائد: ايه بس توقعت ترفضين
اريج: لا ليش ارفض بالعكس انا ودي اتعرف على اخوانك من زمان
رائد: طيب اول ماتطلعين بتشوفين بشرى بوجهك بس تحجبي اول
اريج: طيب (وتتحجب)يلا نطلع
رائد: يلا (ويطلعون وتشوف بشرى
اريج: بشرى
بشرى: ايه انتي اكيد اريج
اريج: ايه(ويسلمون على بعض)
بشرى(والله وعرفت تختار يارائد من عذر ماتنام الليل لزعلت عليك تستاهل): واخيرا شفناك
اريج: والله انا اللي من حظي انك طلعتي بوجـه رائد(ويضحكون)
رائد: ياسلام بتقعدون تسولفون هـنا انتو روحوا عند جسوم وفطوم
اريج: مارح تجي ويانا
رائد: حبيبتي بدفع الحساب وبجي
بشرى: احم احم نحن هنا
اريج حمرت خدودها من الاحراج وقالت: سوري
رائد: بشوره بلا حركاتك الحين ناقصينك يلا روحوا
(ويروحون عند فاطمه وجاسم)
جاسم جاء بيقوم
بشرى: جاسم اقعد عادي
جاسم: شلون اقعد وانتي مع صديقتك انا بطلع عشان تاخذون راحتكم
بشرى: اقول اقعد البنت محجبه عادي تفضلي
اريج: زاد فضلك (وتجلس جنب فاطمه وبشرى)
بشرى: اقدم لكم اريج وهذا جاسم وهذي فاطمه
فاطمه: بشرى وشفيك وشلون تجلسين صديقتك وجاسم معنا جاسم لازم يروح
اريج: لاعادي انا خطيبه رائد
جاسم: انتي اريج
اريج: ايه
فاطمه: مين اريج
اريج: خطيبه رائد
فاطمه: ورائد متى خطب وليش محد قالي
اريج وتبتسم : بصراحـه رائد خطبني من نفسي وانا وافقت
بشرى: فاطمه هذي البنت اللي يحبها رائد
فاطمه وعرفتها وقالت بخاطرها(هذي قويه عين): ورائد وينــهـ
اريج: انا ورائد كنا نتغدى هنا وشاف بشرى بالصدفه واصرت تتعرف علي ورئودي راح يدفع الحساب وبيجي
فاطمه(رئودي بعد هذي وحده بايعتها): كم عمرك
اريج: بعد كم يوم ادخل 18
جاسم: اجل كل عام وانتي بخير من الحين
اريج: وانت بخير
بشرى: بصراحـه اخوي عرف يختار
اريج: مشكوره من ذوقك
فاطمه(شالفايده حلوه وعينها قويه): بأي سنه تدرسين
اريج: ثانويه عامه علمي (ويجي رائد
رائد: بشرى قومي خليني اجلس جنب اريج
اريج حمرت خدودها من الخجل
بشرى: لا مب قايمه من بصير نحيسه
رائد: طول عمرك نحيسه موشي جديد اقول قومي بس
بشرى: يووووه رائد وشفيك
رائد: ابي اقعد جنب خطيبتي
جاسم : بشرى قومي البنت راحت فيها من الحيا وانت جالسه
رائد: ياسلام وانت قاعد تتمقل بخطيبتي اقول وشرايك تقوم تقعد بمكان جوجو وهي تقعد مكانك احسن من هالنحيسه اللي ماتبي تقوم
جاسم : اوكي
(ويبدلون بالاماكن جاسم واريج)
فاطمه بخاطرها(طالع شلون صارت طماطه من الحيا زين تعرف تستحي بعد
رائد: هااه وش رايكم بأختياري
بشرى: توني اقولهم انك عرفت تختار
رائد: افااا عليك
اريج بصوت واطي: رائئئئد خلاااص
جاسم وحب يغير الجو شوي عشان اريج منحرجـه: اريج شنو ناويه تسوين بعد الثانوي
اريج وتطالع الارض: اتزوج رائد
فاطمه بخاطرها: هذي صدق عينها قويه واخوي مفهي عليها ويييه شوفوا شلون يطالعها خاق من قلب شكلها لاخذته بتغيره
جاسم : الف مبروك
فاطمه: وش بتسوين بدراستك
اريج: يمكن كليه العلوم وادرس حاسب الي
بشرى: بالتوفيق
اريج: اجمعيييين
رائد: طيب ياجماعه نخليكم الحين انا وجوجو ماشين
فاطمه: تطلع معها لحالكم
رائد: وشفيها خطيبتي
اريج: ايه عادي خطيبي
بشرى: الله يهينكم
رائد واريج : اميييين
رائد: اجل نستأذن الحين (ويطلعون)
بشرى: وش رايكم فيها
فاطمه: قويه عين قاعده بكل وقاحه تتكلم وواثقه من نفسها بعد
بشرى: حرام البنت حبوبه
جاسم: اي والله فطوم حرام وبعدين رائد يحبها
فاطمه: والله انتو امركم عجيب كل شي عندكم عادي وشلون تجلس ويانا عيييييب ولا جاسم معانا بعد
جاسم: عادي البنت متحجبه
فاطمه: انتو من جد نظامكم اروروبي شفيكم نسيتوا اننا بالسعوديه .. وبعدين انا كلش هالبنت ماحبيتها جريئه زياده عن اللزوم وقهرتني يوم قالت بخلص ثانوي وبتزوج رائد
جاسم: حرام والله البنت من جلست تطالع بالارض ومستحيه
فاطمه: لو مستحيه ماجلست معانا من الاصل
بشرى: عاد فطوم لاتكبرين الموضوع وبعدين المهم ان رائد يحبها وياليت لو ياخذها
جاسم: اي والله احنا لازم نقنع ابوي وامي انهم يوافقون
فاطمه: وليش مايوافقون البنت مومن ثوبنا
جاسم توهق وصرف الموضوع وقال: ان شاء الله يوافقون واذا الله ماراد وماوافقوا لازم نقنعهم
بشرى: انا معاك بكلامك ياجسوم قلبا وقالبا
فاطمه: انا البنت ماحبيتها ومالي دخل
جاسم: ان شاء الله الله يهديك
فاطمه: الا الله يهديكم انتو واخوكم
::
::
::
::
::
::
aomroena
aomroena •
وبســـيـــــاره رائــــــــــــــــد
اريج: واوووو من جد اخوانك كووول خاصه بشوره احس اني رح اصير معها مره فرند
رائد: يعني استانستي على اخواني
اريج: اكثر مما تتصور بس فطوم ماتكلمت كثير
رائد: فطوم بطبعها هاديه
اريج: اهاا باين عليها .. بس تدرين رئود ان قلتي تغطي مره ثانيه مارح اسمع كلامك
رائد: ليش
اريج: اختك كاشفه
رائد: ماعليك منها وبعدين انا حتى امي تكشف وفطوم بعد قبل الزواج بس ياعمري انا مااحب اتدخل دام ابوي ماقال شي ترى احنا عايله فرى بس انتي ماابي احد يشوفك غيري
اريج: ياسلام من جد انت مااقنعتني اختك تكشف وخطيبتك تتغطى وين قاعدين
رائد: اختي عندها ابوها بس خطيبتي انا امها وابوها وكل دنيتها صح
اريج: يمه منك انت محد يغلبك بالكلام الحلو ... شفيك وقفت
رائد: وشفيك نسيتي المفاجأه
اريج: ههههه تصدق راحت عن بالي بس وش عندنا واقفين عند محل الاثاث
رائد: بنشترى اثاث بيتنا
اريج: من الحين
رائد: موكلـــهـ نصـــهـ ع الاقل يكون فيه شي نجلس عليه يوم ميلادك وابيك انتي تختارين
اريج وابتسمت : طيب اذا خلصنا بنروح البيت نشوفه
رائد : اكيييييد
/
/
/
/
/
" تـــــذكرين كلمتك اللي قلتيها لي ذاك اليوم ودعوتك علي وعلى امي اعتقد الحين انك دفعتي ثمنهم غالي صح ... للأمــانــهـ انا ماكان ودي يصير فيك هذا كلــهـ بس صار فيك بس هذا من ربي تستاهلين كل اللي يصير لك"
نغم اللي تتكلم بصعوبه وتشوف بصعوبه بسبب الظلام قالت بصوت مخنوق: فـــرح
فرح: ايه فرح ياجعلك ماتشوفين الفرح بحياتك قولي امين
نغم: مااقول الا حسبي الله ونعم الوكيل فيك
فرح: هههههههههههههههههههههههههههه لو دعواتك هذي بتنفع كان نفعت من زمان شوفي شكلك تلوعين الكبد وخسرت الكل وحتى المدرسه خسرتيها خليه درس بالنسبــهـ لك عشـــان مره ثانيه تحاسبين على كلامك قبل ماتقولينــهـ
نغم: ليه سويتي فيني كذا انا ماسويت لك شي
فرح : انا ماسويت لك شي هذا حبيبك اللي مخزنته بعدهم كلهم هو اللي فضحك الظاهر انه مشتاق لك موت ياجعل الموت ياخذك ويفكنا منك
نغم: انتي مريضه نفسيا
فرح بأستهزاء : هههههههههههه الله اعلم مين المريض فينا يانغووومه
نغم: انا مدري ليش انتي وامك تكرهونني انا مدري وشسويت لكم عشان الكراهيه هذي كلـــهـا
فرح: ماتدرين وش سويتي لنا ... انتي شوهتي اسم العايله وحطيته بالارض الحين خويتك هذا مارح يسكت وبيفضحك عند الشباب والله يستر لاتكونين معطيته صورتك (وتجلس مقابلتها) يمكن بيفضحك صووت وصوره
نغم تتفل بوجــهـ فرح اما فرح فعصبت وشدتها من شعرها
فرح: انتي كفوا تتفلين بوجهي ياحشره تستاهلين اللي انتي فيه عساك بهالحاله واردى (وتترك شعرها وتدفها برجولها اما نغم ماقدرت تتحرك من كثر الضرب اللي جاها وتطلع فرح وتسكر الباب بالمفتاح اما نغم فجلست تصيح وتقول: حسبي الله ونعم الوكيل فيكم حسبي الله ونعم الوكيل)
اليوم التالي بمدرســـهـ البنات كانت اريج وزينـــهـ جالسين مع بعض الصباح قبل الطابور
زينه: والله وناااسه عرفك على اخوانه شكله ماخذ الموضوع جد
اريج: اكيد ماخذ الموضوع جد اجل تفكرينه يلعب فيني رائد يحبني وانا احبه واحسن شي سويتـــهـ اني رجعت له فديت عيونــــهـ
زينــهـ : طيب وشرايك باخوانه
اريج: جاسم حبوب وحتى بشرى بس فطوم ماخذت منها لاحق ولاباطل يعني ماتكلمت كثير
زينه: اوووه جسوم وفطوم شكلك تمونين عليهم
اريج: افاااا عليك صرت من العايله وماقلت لك لمى شفت فيلاتنا الجديده وشريت لها الاثاث انا ورائد تقولين متزوجين
زينه: اي فيلا واي اثاث
اريج: رئود ابوه شاري لكل واحد منهم فيلا وامس سوي لي سبرايز ورحنا محل اثاث وخذنا اثاث لغرفه النوم وغرفه الطعام والصالون اللي فوق
زينـه: لحظه لحظه يعني رحتي معاه لفلته
اريج: تقصدين فيلاتنا ياالله يازينه الفيلا اكثر من حلوه وفيها مسبح وكبيره يطرد فيها الخيل
زينــه: جوجو وشلون تروحين معاه لمكان خاص
اريج: زينه بلا عقد وبعدين رئود ثقه
زينـه: مااجتمع رجل بأمراه الا والشيطان ثالثهما
اريج: بلا حركات عاد من عمر وانا اجتمع معاها وكان حبنا بس ثالثنا
زينه: جوجو تستهبلين طلعاتك معاه اول كانت لاماكن عامه مو اماكن مغلقه
اريج: اقوووول هي ترى معاك سبع وبعدين اماكن عامه والا مغلقه انا ورائد لايمكن نغلط لو ايييش
زينه: اتمنى بس ليش بديتوا تأثثون البيت من الحين
اريج: عشان بنسوي عيدميلادي ببيتنا الجديد
زينــهـ : من جدك انت انهبلتي
اريج: زيييييينننه انا ابي تفرحين لي مااحب نصايح وعقد
زينه: انت الظاهر يوم عرفك على اهله فكرتي نفسك ملكتي عليه
اريج: اووووه زينـــه بلا مساخه الحين انا مستانسه وابيك تعطيني افكار وانتي تحبطيني وبعدين انا اللي اقترحت عليه اننا نسوي عيدميلادي ببيتنا وبعدها قالي خلنا نشتري اثاث نجلس عليه
زينـه: طيب اثاث تجلسون عليه ليش غرفه النوم؟
اريج: تفكيرك راح لبعيد احنا اصلا ماكنا مقررين نشتري غرفه نوم بس شفنها وعجبتنا وخفنا تروح علينا بس
زينـــه: المهم كل عام وانتي بخير
اريج: بعد مانشفتي ريقي
زينــه: شسوي بعد احبك ولازم اتطمن عليك وازلع لك ببعض الاحيان المهم قومي نروح للفصل عشان اعطيك هديتك
اريج: مشكوره ياعمري بس والله مقدر اخذها عشان بقول لماما انك بتسوي لي حفله عيدميلاد عندك بالبيت فــ مايصير اخذ الهديه الحين
زينــه: لا والله موبكيفك بتاخذينها الحين ومري علي قبل ماتروحين للحفله وبعطيك هديتك الثانيه
اريج: يابعد عمري انتي بس ياليت تكملين جميلك وتروحين معاي للسوق
زينه: لا اليوم مااقدر تعرفين بعد اليوم اربعا وجايننا ضيوف من الرياض
اريج: طيب اوكي مومشكــله خلاص بروح بروحي
زينه: ومتى بتمريني
اريج: الساعه 8 حلو
زينـه: اوكي انتظرك
/
/
/
/
/
وبالجـــامعــــــــــهـ
نجلا: اوووف كل هذا صار فيها
فرح: والله ماادري وشلون اشكرك يانجول انتي وماجد وحنين بنت خالتك وحتى خويه برهوم ايناس اللي شغلته
نجلا: اشكريننا بالفلوس وع طاري ايناس البنت تعلقت بأخوك وماوده تتركــه اخوك طلع داهيه
فرح: انا قايله هالولد هذا راعي بنات بس مع ايناس صدقت
نجلا: المهم وين الفلوس
فرح وتطلع من شنطتها10الاف: تقاسموها كلكم حلال عليكم
نجلا: حاضرين للطيبين اي خدمات ثانيه
فرح: الوقت الحالي لا
نجلا: متى مايخطر على بالك خطط من هالنوع عطيني كول بس واكون بالخدمه
/
/
/
/
/
/
" كان يمشي بطريق فاضي ... يمكن صحراء بس مافي رمل بس حراره كبيره حراره مايقدر يتحملها ...طريق مثل الصحراء بس بدون الرمال يمشي لحـــالــــهـ ومحــتار تعب من المشي وجلس عالارض كأنه ينتظر احد بس مايدري اذا فيه حد بيجي والا لا ... ويلمح طيف اخوه بس اخوه ميت بس كـأنه يشوف طيفه
سامي: بومشعل بومشعل
بومشعل: سامي انت ميت والا حي؟
سامي: انا ميت بس ضميري للحين حي انت ضميرك للحين حي؟
بومشعل: ........................
سامي: فيه ناس ماتوا بس ضمايرهم ماماتت وفيه ناس احياء وماتت ضمايرهم
بومشعل: وشقصدك ياسامي
سامي: خذ هذي الالماسه الوحيده بحياتي اللي ما ماتت خلها عندك امانه امانه يابومشعل ورح اسـألك عنــها يوم القيــامــه قدام الله وقدام النــاس كلـــها (ويروح)
بومشعل: ســـامي ســــامي ...وسامي مايرد عليه
(تدخل ام مشعل غرفتها وتشوف بومشعل نايم ويتصبب عرق وتصحيه)
ام مشعل: بومشعل .. بومشعل
بومشعل قام وهو مفزوع ويقول: سامي سامي
ام مشعل: بومشعل شفيك من نمت بعد الغدا ماقمت وبعدين مين سامي هذا اللي تناديه
بومشعل: سامي اخوي
ام مشعل وتغيرت ملامح وجهها للأسوأ: الله يرحمه
بومشعل: وين نغم
ام مشعل: هاااه وشفيك حنيت لبنت اخوك
بومشعل: ابوها وصاني عليها بالحلم وقالي هذي امانه ورح يسألني عنها يوم القيامه
ام مشعل: ماقال شي جديد انت من زمان تدري انها امانه عندك وبعدين لانها امانه انت فعلا لازم تحافظ عليها مثل ماوصاك اخوك بنت اخوك غلطت وانت قاعد تربيها ولازم تسوي كذا لانك لو ماسويت كذا اخوك رح يسألك يوم القيامه ويقولك ليش مارديت بنتي
بومشعل: ايه بس انا قسيت عليها
ام مشعل: لازم تقســـى عليها الحين خاصه بهالفتره وبهالسن سن المراهقه اقسى عليها الحين احسن من انها تفلت وتضيع منــك وبعدها تضيع نصيبها ونصيب بناتك ووقتها مو بس اخوك رح يسألك عنها حتى ربك رح يسألك عنها
بومشعل: ع الاقل بخليلها تروح للمدرسه
ام مشعل: والبنت مافلتت الا من هالمدرسـه البنت ماتطلع ولاتروح ولاعندها صديقات خلها هالسنه تقعد بالبيت وتتأدب والسنه الجايه غير لها مدرستها
بومشعل: وليه ماانقلها هالسنه حرام مابقى غير شهرين
ام مشعل: والله ماخلى البنت تفلت غير هالطيبه الزايده وبعدين النقل الحين بنص السنه صعب واصلا انا رميت كل كتبها اقول بس خلها هالسنه بالبيت عشان تتأدب وتبطل اللي سوته ولاتنسى انها الحين بثوره غضب ولو رجعنا لها الحريه الحين يمكن بلحظه غضب تتصرف غلط وتضيع نفسها وتضيعنا معاها وانت ان شاء الله مارح تقصر عنها بس لازم تحس بغطلتها والسنــه الجايه تدرس بمدرسه ثانيه وتكون تعلمت من غلطتها وماتعيدها وبعدين انت موقلت لي اربيها لك هذا انا بربيها من جد وجديد عالاخلاق والقيم العاليه
بومشعل: معك حق شورك وهدايه الله
/
/
/
/
/
/
ببيت اريج كانت اريج واقفه عند المرايه وكاشخـــه من قلب لابسه فستان احمر قصيييير جدا يوصل لين فخذها تقريبا والظهر نصه مكشوف وكذا الصدر يعني ولا كأنها لابسه شي وشعرها مسويته بف وفاتحته مع غره وميك اب خفيف وصاير شكلها كيوووت وبنوته ولبست عبايتها وكلمت رائـــــد
اريج/ الو اهلين وينك اوكي الحين بنزل(وتسكر )
وتمر على امـها
اريج: ماماي انا طالعه زين
ام اريج: طيب وانا اليوم عندي مناوبه بالمستشفى ومش حاجي الا الصبح
اريج: انا ان شاء الله ماما انا الساعه 12 بكون بالبيت
ام اريج: طيب ياماما لانو اخوك محمد حيرجع كمان 12 خارج مع صحابو ماتتأخريش والنبي وكلمني لمى توصلي وترجعي طيب
اريج: طيب
ام اريج: لااله الا الله
اريج: محمد رسول الله
::
::
::
::
وبالسيـــــاره
اريج: تأخرت
رائد: لا عادي
اريج: طيب مرني لبيت زينـــه اول وبعدين نروح لبيتنا
رائد: حاضر على امرك
(وببيت زينــــه )
زينــه : اشوف لبسك
اريج وتوريها : وشرايك
زينـه: اوووف قصير حيل من جدك انتي امك شافتك
اريج: لا ماشافتني بس شسوي عجبني ولبسته
زينـــه: اريج انتبهي لنفسك
(وخذت الهديه من عند زينــه وراحت لبيت رائد او بيت العمر مثل ماتقول هي ورائد ... هذي ثاني مره يجتمعون بمكان مغلق المره الاولى كان ببيت اريج والله ستر وماصار شي وهالمره كان ببيتهم بيت العمر ومااجتمع رجل بأمراه الا والشيطان ثالثهم وفعلا هالمره خابت حسابتهم كلهم وكان الشيطان ثالثهم مو حبهم ثالثهم مثل مايقولون ... وصار اللي كانت زينـــهـ خايفه منـــهــ )
اريـــج من بين دموعــها: رائد وشسويت؟
رائد وهو خايف ومومصدق نفسه شلون غلط هالغلطه حط يده على راســـهـ وماقال شي
اريج وهي تصيح قالت: ياربي ياربي انا وشسويت رائد ليش سويت اللي سويتــه؟
رائد وهو خايف ومرتبك: اريج اناا انااا انااا
اريج من بين دموعها: انت حطمت حيــــاااتـــي .. حرام عليك اللي سويته فيني يارائد انا احبك صح بس موبهالطريقه
رائد: انا مدري شلون انا سويت كذا انااااا
اريج نزلت راسها بين رجولها وتبكي وجلست تتذكر كلام زينه انتبهي لنفسك وكلام امها لااله الا الله
اما رائد كان مذهول وخانته الكلمات ومالقى اي تعبير او كلمـه مناسبـــه يبرر فيها اللي صار
(انتـــــهـــى الجــــــزء الثــــامـــــــــــــــــن )
aomroena
aomroena •
( الجزء التاسع)
part9

بـمنـــزل اريـــج كانت توها واصــلـــهـ البيت والساعه 11 ونــص ومافي حد بالبيت وراحت لغرفتها وسكرت ع نفســها الباب وجلست تصيح بحراره
اريج: ياربي انا وشسويت ؟ ضيعت مستقبلي بيدي .. انا انتهيـــت انتـــهيــت (وتنتبه للوقت) خلني اغير ملابسي قبل مايجي محمد (ويتصل رائد )
اريج من بين دموعها: ماني قادره اكلمــه بعد اللي صار ماني قادره اصدق ان هذا الانسان اللي حبيته... والمشكله مااقدر اتكلم مع حد بهالشي ومين عندي اتكلم معاه امــي لودرت يمكن تروح فيها والا حتى تذبحني وزينــه رح تقولي انتي الغلطانه وفعلا انا الغلطانه وبوسي بنت خالتي ماتدري اصلا اني رجعت له ... ياليتي مارجعت له ولا صار اللي صار ياليتني مارجعت له
اما ببيت رائد كان توه ماخذ شور وطالع من الحمام ...وجالس بغرفته مهموم ويفكر
رائد: انا بصلح غلطتي اصلا لازم اصلح غلطتي واتزوجــها .. الله يلعن الشيطان اللي خلاني بلحظه ضعف .. استغفر الله العظيم .. اريج الحين رح تكرهني اكيد رح تكرهني بعد اللي صار بس والله ماكان قصدي احنا الاثنين ماكان قصدنا .. الشيطان كان اشطر منـــنـــا بس لازم اصلح غلطتي
/
/
/
/
/
اليـــــوم التالي
بمنزل اريج كانت نايمه بغرفتها وتدخل عليها امها تصحيها وقامت اريج تصيح وضمت امها
ام اريج: ايه ياحبيبتي مالك تبكي؟
اريج تضم امها وتبكي وماعلقت
ام اريج: اريج ردي عليا مالك
اريج من بين دموعها: يمه انا اشتقت لابوي .. ياليت كان عايش ويانا يمكن لو ابوي كان عايش ويانا كان اشياء كثيره تغيرت يمــه
ام اريج وهي ماسكه الصيحه: لاحول ولاقوه الابالله .. استهدي بالله يابت وادعي لابوكي بالرحمه ابوكي مات اه لكن جاب ولاد يشلوا اسموا بالدنيا ويشرفوه
اريج حزت بخاطرها الكلمـه الاخيره وقامت تبكي بحراره
ام اريج: اومي دي الوقتي وصلي ركعتين لربنا وادعيلي لابوكي ماهو محتاج لدعاكي دي الوقتي وكل يوم ازا عاوزه تفرحي ابوكي ادعيلوا ياحبيبتي
اريج بخاطرها: والله انا يبي لي مين يدعي لي
ام اريج: اريج ياحبيبتي احنا رايحين اليوم للبحرين عن خالتك وحنرجع بالليل تيجي معانا
اريج بصوت مخنوق: يمه تعبانه وابي انام مالي خلق
ام اريج: خلاص يابت اعدي هنا والا اخرجي وتفسحي مع زينـه احنا مش حنتأخر
اريج: يمه ممكن اسألك
ام اريج: ايه مالك
اريج: يمه ليه لمى اقولك شي ماتقولين لي لا ماتشدين علي بعمري ماسمعت منك كلمـه لا
ام اريج: ياحبيبتي ربنا اداني انتي واخوكي بس وانتو كل حياتي وبعدين انا واسئه بتربيتي ليكي (حزت هالكلمه بخاطر اريج لانها حست انها موقد الثقه) فــ أئول ليكو لاءه ليه ؟ ربنا يئدرني واسعدكو وان شاء الله نرجع قبل المغرب من البحرين
اريج اؤمت راسها بالايجاب ورجعت لفراشــهـا
/
/
/
/
ببيت بو مشعل كان ابراهيم جالس بغرفته وطفشـان وتتصل فيه ايناس
ابراهيم: اووووه وشهالنشبه ذي .. خلني ارد عليــهــا اغير الجو اللي انا فيه شوي (ويرد)
ابراهيم: الو هلا ايناس شفيك ؟
ايناس: مافيني شي بس وحشتني
ابراهيم: معليه حبيبتي انا هاليومين حدي مشغول مع الاهل
ايناس قالت بخبث: مع الاهل خير ان شاء الله فيه شي
ابراهيم: لا مافيه شي بس مشغول مع اهلي حرام الواحد ينشغل مع اهله يعني
ايناس: زين زين ماقلنا براحتك شكلك معصب الحين اخليك
ابراهيم(احسن شي بتسوينه): طيب اوكي بااي(ويسكر) اوووف والله فاضيــــهـ ..(وتتصل شهد ويرد)
ابراهيم: هلا شهد وينك من زمان مابينتي
شهد: والله شغلتنا الدنيا
ابراهيم: طيب اسئلي تطمني علينا ولو برسالـــه
شهد: خالد انا مااحب احد يتشره علي المهم اني اسأل
ابراهيم: لا والله فضلتي علي
شهد: خالد وشفيك
ابراهيم: شوفي يابنت الناس اذا ماودك تكلميني لاتكلميني براحتك بس لاتكلميني بهاللهجـه
شهد وتوهقت: شدعوه خلود وشفيك(يقال لها تلطف الجو)
ابراهيم: مافيني شي بس تراك مسختيها
شهد: طيب انا اســـفـــهـ
ابراهيم واستانس: انا ماابيك تعتذرين انا ابيك تغيرين اسلوبك بالكلام معاي زين
شهد: اوكي صـــار
ابراهيم: ايه خلينا كذا احســن (ويسمع صوت فرح تصارخ من غرفه نغم) شهود شوي وكلمك زين باي
(ويروح لغرفه نغم ويشوف فرح واقفه مع الخدامـه اللي شايله بيدها صينه الغدا)
فرح بصراخ: ياسلام يعني اذا ماكليتي تفكرين قلوبنا بتحن عليك يالصايعه
ابراهيم: وش صاير فرح ليه صوتك واصل لسابع جار
فرح: بنتك عمك هالصايعه موراضيه تاكل بروح امي مسويه لها وجـبه وحده باليوم وتتكبر عليها بعد
ابراهيم: طيب ماله داعي تصارخين صوتك واصل لبرى
فرح: الحين بدال ماتشوف بنت عمك هالصايعه ليش ماتاكل قاعد تهاوشني عشان صوتك عالي
ابراهيم: انا ماهاوشتك انا بس قلت
تقاطعه فرح: وفر كلامك لهالصايعه احســن وخلك مني والا انت تبي تتهاوش وخلاص
ابراهيم: اوووه انتي الكلام معاك ضايع (ويروح)
فرح: والحين بتاكلين غداك والا لا
نغم اللي تتكلم بالموت: قلت لك ماابي شنو هو غصب
فرح بصراخ: والله لو علينا كان خليناك بالطقاق بس ابوي قلبه طيب وحنون ومن كثر حنيته يحن علينا ويبيك تاكلين غصب عشان ماتموتين ونبتلش فيك
نغم: عطي نفسك العافيه مارح اكل
فرح: وانا ليش اخذ واعطي معاك بتـأكلين غصب يعني بتأكلين غصب
(وتروح لها فرح وتأكلها والخدامـه ماسكه يدها عشان ماتتحرك اما نغم فكانت تبكي وتأكل غصب)
/
/
/
/
/
بــــــعـــــــد عـــــــــــدة أيــــام
بمدرسـهـ البنات الثانويه وتحديدا بفصل اريج وبحـصه الانجليزي كانت المعلمه جالسه وتعطي البنات درجات الاختبار
المعلمـه: شهد عبدالوهاب
شهد: هاه بشري ياابله
المعلمه : ماشاء الله عليك الدرجـه الكامله
شهد: الحمدلله والله كنت متوقعه (وتروح تاخذ ورقتها)
المعلمـه: زينه محمد تعالي خذي ورقتك وورقه اريج وللأسف توقعت مستوى احسن من اريج ماتوقعت مستواها ينزل كذا
زينـه: طيب انا ياابله شلون
المعلمه: ناقصتك نص درجـه بس معليه تنجبر
اما اريج كانت بعالم ثاني(وراحت زينه للمعلمه وخذت اوراقهم ورجعت)
زينـه: اوووف شنو هذا
اريج كانت سرحانه وحالتها حاله وتحت عيونها سواد واللي يشوفها يقول ميت عندها احد
زينه: اريج اريج
اريج:................
زينـه: ارييييج
اريج: هاااه
زينـه: وشفيك بالانجليزي ماخذه نص من عشره
اريج: مومهم
زينـه: جوجو وشفيك بصراحه لك كم يوم حالك موعاجبني مستواك نازل بشكل ملحوظ اغلب اختبارتك ماخذه فيهم 1 و2 من عشره وش صاير لك
اريج: موصاير لي شي
زينـه: بصراحه انا ماحبيت اتكلم من الاول بس الموضوع ماينسكت عليه
اريج: اي موضوع
زينـه: مستواك النازل وبعدين حتى شكلك ماصرتي تهتمين فيه شوفي شلون الهالات اللي تحت عيونك
اريج: من السهر
زينـه: وليش تسهرين
اريج: اوووه زينـه مالي خلقك
زينـه: وانا كل ماكلمتك بهالموضوع قلتي مالك خلقي اريج وشصاير لك انا صديقتك من زمااان واقرب الناس لك قولي لي وشفيك لاتخبين علي
اريج(بس هالمره اللي فيني مااقدر اقوله لحـد): ..............
زينـه: متهاوشه انتي ورائد
اريج: ايه وهالمره خلاص افترقنا
زينـه وهي متفاجئه: اييييش ... انتي من جدك وليش شنو السبب
اريج: بدون سبب
زينه: مافي شي بدون سبب
اريج: مانصلح لبعض
زينه: شنو ماتصلحون لبعض اريج من جدك انتي ورائد ماتقدرون تعيشون بدون بعض
اريج: ليس كل مايتمناه المرى يدركـه
زينــه: لااا ماني مصدقه ان اللي قدامي هي اريج صديقتي تغيرتي خلال هالاسبوعين 180 درجــه
اريج: ............
زينه: طيب حرام رائد الحين اكيد حالته حاله
اريج قالت بقله حيله : رائد يازينـه كـأنه يبيها من الله من تركته لي اسبوعين وخلال هالاسبوعين مااتصل الا 4 مرات بس تخيلي رائد اللي ماكان يقدر يمر عليه يوم بدون مايسمع صوتي الحين عادي ولاكأني موجوده
زينـه: شدعوه وش صار لهذا كلــه وبعدين انتي قلتي له ان اللي بينكم انتهى
اريج: لا احنا تهاوشنا وبعدين انا ماكلمته وهو دق علي اول يومين وبعدها ماعاد اتصل
زينـه: طيب انتي اتصلي ترى عادي ولاتقولين لي كرامه وماادري ايش هالسوالف مالها داعي بينكم صح
اريج وخانقتها العبره: زينـــهـ .. انا ماغلطت عليه رائد هو اللي غلط او بالاحرى كلنا غلطنا بحق بعض واللي صار صار .. انا من بعد اللي صار ماكلمته وهو كان يتصل اول يومين وبعدها سحب علي انا احس اني بعمري ماعرفت رائد
زينـه: طيب انتي كلميه مافيها شي انتي تحبيه ومافيها شي لو كلمتيه
اريج(انتي موعارفه شسالفه يازينـه )(وتضم صديقتها وتبكي)
زينـه:وشدعوه جوجو هدى اعصابك ان شاء الله بيكلمك ويراضيك هدي اعصابك خلاص انا بكلمه
اريج: لاااا لاااا يازينــه لاتكلمينه خليه يولي مرده يتصل وان مااتصل براحته بس لاتكلمينه انا ماابيه يحس اني قاطه نفسي علي
(ومن بعيد تخزهم شهد)
شهد: نوره شوفي اريج قاعده تصيح
نوره وهي ماسكه الكتاب: وش عليك منها خليها تولي
شهد: ياسلام وشلون اخليها تولي انا لازم اعرف السالفه
نوره: ماعليك منها وركزي بأختبار التوحيد اللي علينا بعد هالحصه ترى الحصه مابقى لها شي وتخلص
شهد: ع طارى الاختبار مالاحظتي ان اريج مستواها نازل بالاختبارات
نوره: والله ماهمتني عشان الاحظ والا لا وبعدين خليها تولي وذاكري احسن لك
شهد: هدي اعصابك ترى كله الاتوحيد سهل وبعدين انا ذاكرك بالبيت .. تدرين بروح اغث اريج بكلمتين تجين وياي
نوره: لا والله مالها خلقها بقعد اذاكر انا ماذاكرت زين بالبيت
شهد: براحتــــك بااي (وتروح لاريج)
شهد بأستهزاء: ايه مالك ياختي بتعيطي ليه؟
اريج:.....................
زينه: شهد لو سمحتي ممكن تروحين من هنا
شهد: وانتي مالك يختي دي انا بتكلم مع الدلعدي... جوجو ليكون امك كنسلوا اقامتها ترى بكفلها عادي يعني
اريج وتمسح دموعها بمنديلها قالت: شهد ترى والله موناقصتك الحين خليني بحالي
شهد: شدعوه انا جايه اشوفك وشفيك مافيك اتطمن يعني
اريج: مافيني شي وحتى لو فيني شي انتي مالك دخل
شهد: ويييه هدي اعصابك شوي شوي على عمرك لايطق لك عرق وبعدين نبتلش فيك مين بيوديك للقصر العين بتاعكو اللي بالقاهره (هنا بنات الفصل قاموا يضحكون واريج رجعت تبكي بحضن زينه اما شهد مابطلت تعليقات سخيفه ورغم سخافتها اريج مااهتمت لها او بالاحرى الهم اللي هي شايلته اكبر واهم من شهد وسخافتها)
أما بفصل اخر من فصول ثالث علمي جات عندهم الاخصائيه الاجتماعيه
الاخصائيه دقت الباب وفتحته وكلمت المعلمه: السلام عليكم
المعلمه: وعليكم السلام اهلين
الاخصائيه: ممكن شوي الطالبه نجود
المعلمه: ايه اوكي عاد
نجود(وييييه شسويت وتطلع تكلم الاخصائيه)
الاخصائيه: اهلين نجود
نجود: هلا ابله خير انا سويت شي
الاخصائيه: خير ان شاء الله بس انا حبيت اسألك عن صديقتك نغم لها اسبوعين غايبه عسى ماشر
نجود: والله مدري ياابله انا اتصل فيها محد يرد وان ردوا صرفوني
الاخصائيه: طيب ممكن تعطيني رقم تلفونها
نجود: ايه اوكي عادي
الاخصائيه : وياليت بعد لوتعطيني عنوان بيتهم اذا تدلينه
(وبمكتب الاخصائيه اتصلت ببيت نغم بس محد يرد وبعد 3 محاوله ردوا)
الاخصائيه: الو
ام مشعل: نعم
الاخصائيه: هذا بيت نغم سامي الراسي
ام مشعل: لا والله غطانه هذا بيت عمها ونغم ساكنه وضيفه ببيت عمها
الاخصائيه(اكيد هذي ام مشعل): طيب انتي مين؟
ام مشعل: وانتي وشدخلك وبعدين ليش تسألين عن نغم
الاخصائيه: انا ابله نوير الاخصائيه الاجتماعيه بمدرسـه نغم حابه استفسر عن سبب غيابها لاسبوعين عسى ماشر وبعدين الغياب ترى يضرها لانها لوتغيب 14 يوم تتعرض للفصل ونغم بنت متفوقه واحنا مانبيها تضرر
ام مشعل: بس احنا نبيها تتضرر
الاخصائيه: ايش؟
ام مشعل: اقول انا موناقصه كثره كلام البنت مالها تدوام فـ ياليت تفصلونها من الحين احسن لكم
الاخصائيه: خير ان شاء الله عسى ماشر
ام مشعل: وانتي وش دخلك ليكون من بقايا اهلها عشان تستفسرين البنت ماحبت المدرسه لاعت كبدها منها مو شغلك المهم الحين انها مارح تدوام فـ وفري على نفسك التعب والسؤال وفصليها من الحين (وتسكر بوجهها)
الاخصائيه : بــل شفيها ذي صدق همجيه انا مدري شلون نغم مستحملتها لكن انا مارح اسكت لازم اروح لها واقابلها واعرف السالفه من نغم شخصيا
اما ببيت بومشعل راحت ام مشعل عند نغم اللي كانت نايمه ع السرير راحت لها مع الخدم وفتحت الانوار
ام مشعل: يلا يلا شيلوا كل هالاثاث حتى السرير شيلوه وخلوا لها بس فراش تنام عليه والملابس الموجوده حلال عليكم
نغم قامت من النوم من الازعاج وقالت: وشــصايــر؟
ام مشعل: موشغلك انتي ياام الرجاجيل وبعدين وحده مثلك ماتستاهل يكون عندها غرفه حدك فراش تنامين عليه وبس
نغم : حسبي الله عليك حسبي الله عليك
ام مشعل وتروح لها وتشدها من شعرها: ولك عين تتكلمين بعد يالصايعه لكن جد طالعه قويه عين على امك (وتضربها والخدم يشلون اثاث الغرفه اما نغم فـ ماعندها غير البكاء تبكي ومحد يسمعها)
/
/
/
/