اما انا من يوم عرفت روحي وانا سمينه وكل شهر ريجيم غير
بس ماامسك نفسي وارجع اكل
المهم يوم انخطبت كان وزني 100 والخاطب كان ناوي يهون بس اهله اقنعوه يتزوجني
وقالوله البنت اخلاق...حرام نخسرها عشان الوزن...بعد الزواج قلها تسوي ريجيم
بصراحه انا على طول بديت بريجيم ونقصت 20 كيلو قبل الزواج وبعد الزواج نقصت 5 كيلو وصلت 75
بعدين قالي وقفي خلاص لاتموتين....وشوي شوي بديت اسمن وخلال سنتين وصلت 100
بس انواع الاكتئاب...والسبب اللي مجبرني على الريجيم اني بصراحه مررره غيوره على زوجي
وابغى اكون بعينه ارشق وانحف وحده...عشان مايكون له عذر يقز احد غيري
ادعولي انحف

الله يقدرنا جميعا ونوصل الوزن اللى نبيه من غير شر

اختى وردة عشق كيف ماشاء الله نزلتى 20 كيلو هل اتبعتى رجيم معين وفكم المده وهل كنتى تسوى رياضه؟ ومشكوره اختى الله يوفقك

خسرت أشياء وايد وأهم شي صحتي :( مع إني صغيرة تقريبا من شهر دشيت الـ20 بس كله آلام في جسمي وظهري وبين فترة وفترة آلام المعدة اللي تكسر الجسم
آخر مرة أذكر إني كنت فيها رشيقة يوم في الإبتدائي بس على ضخامة فكان الكل يعلق
ما حرمت نفسي من البديات بس أستحي ألبسها " دبة ولابسة بدي مرصص خخخخخ فشلة "
يوم وصلت الثانوي في أول سنة في حصة الرياضة كانت المعلمة تاخذ الطول والوزن " وزني كان 120 كيلو " قالتها بصوت مرتفع " أول مرة أشوف هالوزن " :( حسيت بالإحراج ساعتها اللي يسوى واللي مايسوى يعلق على جسمي ..
اختي اللي أكبر مني أضعف مني بواااااااايد فدائما ماتصير مقارنة بيني وبينها وهاتك تجريح وكل من يشوفني اضعفي واضعفي ، حتى ساعات من كثر ما أحس بالألم النفسي أرد عليهم وأقول عسى اللي يعيب على جسمي الله يعطيه أولاد أمتن مني :30: صح أرد عليهم بس بعد ما ينكسر شي في داخلي بسبب كلامهم الجارح الله لا يسامحهم ..
أيام العيد كنت أدور السوق كااااامل ما أحصل ثياب قدي ومرة من المرات :( ما لبست لأن مافي شي قدي ..

بديت أسوي رجيم ودعيت ربي إنه يعيني ويكرهني في الاكل والحمدلله الله استجاب دعائي وإن شاء الله أوصل للرشاقة قريباً

على فكرة ترى الدبدوبات كلهم خفيفات دم وحساسات <<< وأنا منهم هههههههههه ..

بصرااااحة الموضوووع مؤلم لأن بنتذكر آلمانااا
بس بنفس الوقت مشجع ويحسسني أني مو الوحيده اللي اعاني من هذي الحاجات
آآآآآآآآآآآآآآآآآآآآآآآآآآه تعب هذي الدنيا

بالنسبة لي نفس الحالة من يوم أنا صغيره متينه عمري ما فرحت بلبس دايما يكون فيه أن ..واضطر البسه لأن هو الوحيد اللي موجود ..واتذكر لما كنت في المدرسة يصير مقارنات بيني وبين صديقاتي
لما اوقف جنبهم في المرايا أصير كأني أمهم ..ياربي على الفشله كنت اتألم من داخل بقوووة
وصل عمري 18 سنه ووزني 116 وقدرت انزل وزني على كم سنه إلى 92..بس الحين زدت كم كيلو بس بعون الله راح يوصل 92 وأقل إن شاء الله ..

بالنسبة للخساره مهما تكلمت عنها ما راح أقدر اوصل للشعور اللي فيني الحين عمري 22 لما أمشي مع ابوي يفتكروا إني زوجته ..ما حسيت بعمري أصلا ودي أحس إني بنت وأصغر من عمري بعد
مو دايماً يعطوني أكبر ..واللي يقهر أن جمال الوجه ما يفيد ..وأن الرجال إذا بيأخذ له وحده أول شئ يفكر فيها رشيقه ..ترى حتى الجمال مو مهم ..لأن الرشيقه تقدر تغير في حالها وتصير حلوة ..الجسم هو اللي يحلي ..

خسرت الزواج ..لدرجة من شدة إني متعقدة اسمي نفسي عانس مع إني صغيره ادري بس ما احد تقدم لي إلى الحين مع إني بنظر الناس جميله وأخلاقي مافيها شئ ..بس الجمال مو كاااااااافي
واصبر نفسي واقول يمكن إذا صرت رشيقة بتزوج ..يمكن هذا العائق!!
صديقاتي كلهم انخطبوا وبنات عماتي اللي أصغر مني كمان انخطبوا ..الله يسعدهم يارب بالعكس أنا ما احقد عليهم
أتمنى لهم السعاده من كل قلبي والله الشاهد عليّ ..بس ودي استقر حالي حال البنات الثانيه ودي أصير أم وأشوف عيالي ..وأعيش احساس الأمومه ..

والسووووووووووق حدث ولا حرج أشوف ثياب ودي البسها وما اقدر بحكم جسمي ..واللي يقهر أكثر في الأعراس البس لبس أنا مو حابته ..اروح مجرد اسم حتى مالي نفس من جسمي ..آآآآه وش أوقول بس!!

البنات اللي معاي بالجامعه يأكلوا وأنا ما اقدر أكل شئ ولا أحس بطعم الحياه لأني محاسبه على اللقمة اللي راح أكلها

آسفة على الاطاله بس مضايقه وحبيت افضفض ..

ألف شكر حبيبتي جزيرة الكنز على الموضوع الروعه اللي يشجع بقوووووووة

وأخيرا وصلت للصفحة الأخيرة من الموضوع
صارلي يومين فاتحه على نفس الموضوع وقلت مابسكر جهازي لحد ما أخلص قرايته كله وارد عليه بعد

الله يسلمكم انا بعد من لما كنت صغيره وانا متينه بس مادري كم كان وزني
واخس شي كان التعليقات والمقارنات واني الوحيده اللي ما القى مقاسي من بين بنات العايلة
وصلت للجامعة وانا على نفس الحال
كان وزني تقريبا 85 او اكثر وانخطبت وانا بعدني على نفس الوزن او اكثر
وقررت اني اغير من حياتي لأني كنت اتضايق من نفسي بالرغم انه خطيبي كان يشوفني حلوة
ومربربة على قولته
المهم خلال فترة الملجة ولمدة اقل من اربع شهور دخلت نادي ورحت عند اخصائية تغذية
ونزلت بالتخفيف والرياضة ووصلت 73 كيلو وكان مناسب وبعدني مربربة خخخخخخخخخخخخخ

وتزوجت وحملت ويبت اول ولد لي والحين وزني 94 ): بموت من القهر من نفسي
وانا مب طويله ذاك الزود عشان ما يبين المتن فيني
والحين بيني وبين زوجي تحدي اني انزل من وزني واصير رشيقة لين الصيف يعني عندي 3 شهور ونص تقريبا
واذا سويت هالشي لي اللي اطلبه واول شي اني افصل فستان لعرس ولد خالي
عند مصممة هندية موجوده هنيه في بريطانيا دشيت مشغلها بالغلط وكنت احس بالغصة
وانا اطالع موديلاتها وزوجي يطالعني ويشجعني يحليله

والحين التحدي قائم بيني وبينه وهو يشجعني بكل معنى الكلمة
واحسن شي اني فالغربة وبعيد عن الناس اللي يعرفوني واعرفهم
لكن مصيبتي الككاو متى ينقرض من الدنيا ونفتك منه
ادماااااااااااان ما يمر يوم ما اكل منه
لا ولما ييت بريطانيا لقيت اشكال وانواع تخلي اللي ما يحب ياكله ياكله غصب اووووففف منه

الله يعين وياريت لو نتشارك بالدعاوي والنصايح وان شاء الله نوصل للي في بالنا

يارب يا كريم يارحمن يا رحيم يا ذا العرش المجيد انك قادر على كل شي فأنت القدير العليم
يارب ازرع في نفسي قوة الإرادة والتحمل يارب الهمني الصبر والجلد لإنزال وزني والوصول
إلى هدفي بأتم الصحة والعافية
اللهم آمييييييييييييييييين يارب العالمين