المتزوجات ...حسرة على ازواجنا اللي قاعد انضيع شبابهم من لوعة الجبد ..من
مناظرنا طبعا ومن منظر الكرش المتدلي ..شكلنا صراحة الواحد ما يعرف احنا جايين
ولارايحيين لأن ماكو تقاطيع كلشي سايح على بعضة.... المهم بدل الحسرة لابد من وقفة .....وهي القضاء على اكبر قدر من الكرشة ....يعني اذا ما نقدر نذوبها كلها ...نذوب نصها ربعها اي شي بس ما نخليها مثل ماهي .......وانا اتكلم عن عزم وعندي خطة خطيرة الا وهي:
اولا: اتبعي رجيم غذائي ( اي واحد يعجبج ) واذا ماتبين رجيم قطعي المشروبات الغازية لأنها العدو اللدود للبطن المشفوط... حتى الدايت لأنه نفس المو دايت في تخريب البطن و بروزها، وخففي النشويات وخاصة الأرز والمكرونة...وأعتمدي علي الفواكه والخضروات الورقية...والخبز البر.
ثانيا: شرب الأعشاب والخلطات اللي تحبينها من المنتدى والخلطات وايد مع كاس من خل التفاح مع الماء لأنة خطيييير على الكرش و العدو اللدود لها....
ثالثا: عمل تمارين خاصة للبطن حتى لو 20 دقيقة في اليوم كافية
رابعا: محاولة شفط البطن طول اليوم على حسب القدرة
خامسا: وهي اهم خطوة ............وضع خلطة الفكس او اي خلطة تعرفينها تذيب الشحم وعمل تدليك للكرش وتفريص للكرش ولغير الخليجيات اللي مايعرفون شنو يعني تفريص ما عرف كلمة ثانية بالعربي ولكن بالأنجليزي pinch
لأن هذي الطريقة تستعملها جنفر لوبيز وهي طريقة رائعة لتذويب الشحم
تابع خامسا: لف البطن بحزام البطن او اي قماش... لف مظبوط وقعدي فيه طول اليوم عند النوم فقط شيليه واذا تقدرين حتى في النوم عليه انصح انج تخلينه عليج.
سادسا: الأحسن يوميا واذا ماتقدرين يوميا حاولي على قدر المستطاع انك تاخذي حمام ساخن ويفضل قبل جلسة التدليك واللف....طريقة الحمام هو تركيز الماء الحار على الكرشة لما تتحول لحمة حمرة هبرة ههههه... ثم تدليكها بالكف او الأفضل كف خاص بالتدليك وهو متوفر في كل مكان....التدليك يكون دائريا ولا تتهورين لأن داخل البطن فيه أجهزة احنا محتاجينها .....وعند التدليك اذا تطيحينلج على صابونة تخسيس جيدة فهو المطلوب......
أنا متأكدة بأذن الله انة بنقضي على الكرشة حتى لو نصها وطبعا بنكون في نفسية احسن...وانا اقولكم ان الكرشة بتروح مع اتباع هذي الخطوات أكيد...أكيد....أكيد
سوري اني طولت عليكم لاكن مستحيل ابخل عليكم بخطتي لل2006
وانشالله كل عام وانتوا من غير كروش باي

rayooma2000 @rayooma2000
عضوة فعالة
يلزم عليك تسجيل الدخول أولًا لكتابة تعليق.

om_nowaf
•
يعطيكي العافية اختي وماقصرتي.


ربي يسعدك ريومة
وكلامك صحيح مية مية وأنا أقرأه لاشعوريا شفطت بطني
مشكووووووووووووورة ياعسل
وكلامك صحيح مية مية وأنا أقرأه لاشعوريا شفطت بطني
مشكووووووووووووورة ياعسل

مشكورة حبيبتي والله أنا كارهة نفسي من هالمسألة وأنا أءيدك بكل إللي قلتيه بس بعرف شنو التفريص ليش حتي بالenglish ماعرفتها وبالنسبة للبس الحزام وقت النوم ترى موزين علشان حركة الدم بالجسم والله يوفق الجميع
:)
:)

الصفحة الأخيرة