خواتي بما ان المسابقه بكرة تعالو نتناقش بموضوع مصيري .. عنوان الحلقه الإرادة !

والله كلامك صحيح كل مابديت اخفف الاكل واتحرك وبدا وزني يقل اصير باطير من الفرحه والبش واكشخ واتحرك اكثر واكثر وبعدين تجي فتره واخربها ويزيد وزني اكثر من قبل وتلقيني نفسي مره شينه ولاابغى اكلم احد وكل ماشفت واحده جسمها حلو تجيني الحسره واقول ليش ماعندي اراده يكون جسمي مثلها والبس اللي ابغى مااجلس الف السوق لين تتكسر رجولي ولاالقى شي لكن المره ذي نويت ان شاء الله اني اشترك في المسابقه وينقص وزني ان شاء الله ثم بمساعده البنات وتشجعينا لبعض

اي والله صادقه يااختي... المشكله انا الي عندنا ضعف قدام الاكل.. مع انا لو فكرنا زين بنشوف ان الاكل مااراح يطير. لكن وش تقولين

والقهر الاكبر بعد لما تجين تسوين رجيم وتنحفين وتردين ترجعين ككككل الي نحفتيه بشهر.. من جد قهر

المفروض يصير عندنا كنترول على اجسامنا وشهيتنا للاكل.. يععني مايمنع انا ناكل حلاو وكيك ووجبات سريعه لكن بانتظام وبعقل

لكن تحكين مع مين ولا مين انا الي قاعده احكي لك واتفلسف ماعرفت اضبط نفسي

لكن الشكوى لله

والله كلامكم صحيح...وكانكم تشرحون حالتي بالضبط
آآآه والله متحسرة ومتضاايقه..على اللي فات وضيعته...وباجر دوام ومالي خلق اروح لان وزني زاد وكارهه حالي من جد.......

بس تدرون لاااااااازم نوااجه الضعف اللي فينااااااا ولازن نقوي ارادتنا ليه متى واحنا جذي
انا احمد الله اني خبصت بالايام اللي فاتت..لان المستقبل اهم.......وصار عندي هدف الحين وعظه وعبرررره من اللي فات
عندنا عروس وملتقيات واستقبالات ومناسبات كثييييييرة ماشاء الله جايه بالطريق...والعييييد بعد...
لازم نطلع بشكل احلى وارقى وارشق لازم نلبس لبس.........ماكنا نتوقع انا نلبسه ايام المتن والشحووووووم......
ونرجع لعمرنااااااااا اللي كبرتنا عنه الشحووووووم...ونرجع اصغر واحلى واجمل.......

خلونا نحط ايدينا بايدين بعض ونشجع بعض
مو بس عشان ننزل من اوزنا..... وبعد عشان نحافظ على اللي ينزل وما يرد مررررره ثااااانيه

واهم شي لازم نسويه
نتبع حميه تصلح عاداتنا..مو بس تنزل وزنا وبعدين تصيبنا هالشراااااهه اللي ترد الاولي والتالي
بنات والله انا ما صابتني هالشراهه الا بعد ما صرت اتنقل من رجيم سريع للثاني فصرت انزل بسررررررررعه وارجع اسرع بشراهه غريبه واحباط وانفجاااااع.......
وندمت اني خربت جسمي وشهيتي ونفسيتي بهالرجيماتت التجاريه...


وثاني شي لازم نكون على تواصل..يعني اذا جعتي تعالي كلمي اخواتج دردشي وفضفضي معاهم وراح تلاقين انه الكل من حالتج جايع وصامد... فتزداد عزيمتج وارادتج...

وانا اذا حسيت انه معاي احد بالطريق افضفض له واستشيره واسمع منه...يزيد حماسي ويقوى هدفي.........

فمن هاللحظه لااازم نعلن الحرب ونعد العده..........ونحط الهدف اللي ماراح نستغني عنه.....الرشاااااااااااااقه.......

انا بالمجموعه الاولى منو معاااااااي؟؟؟؟؟

الله يرزقنا الاراده يارب ...

نفس حالتكم تماما لما التزم بالريجيم الدنيا تصير شحلاتها بعيني و بس اخرب الريجيم ياويلي مااقدر اوصف حالتي بس المسابقه بدأت و متفائله خير مع ان وزني زاد