دخيييييييييييييييلكم يابنات قولوا لي مين الصح فينا؟؟

مـــــــــــــــــــــادري

أختي العزيزه حاولي أنك تشوفين حل للبنت هذي مثلا تشوفين الاخصائية اللي بالمدرسه تشوف حالتها والله يعينك عليها ويصبرك..أنا دايم ادعي ان الله يوفقني واتوظف وما ادري وشلون اتحمل اذا شفت نوعيه مثل كذا ما تحترم المعلمة!!

السلام عليكم،
اذا عندج تلميذة انا عندي ابن زوجي من طليقته>>> نفس الحالة المشاغبة الي هو فيها ترفع الضغط وتنرفز
وانا ماقدر اتحمله بس اطنشه والله مايقرب مني ولا يكلمني غير بالاحترام>>> ماقول انه يسمع كلامي بس مايقرب مني لانه يخاف موت من ابوه
وامه راميته صارلها 4 سنين تقريبا على اهل زوجي وحتى تلفون ماعادت تكلمه
واكيد هالشي مأثر علىالولد ومبين انه بيلفت الاهتمام وكذلك الحالة الي عندج
نصيحة انتي مو غلطان بشي والاحترام من حقج وواجب عليها
بس لاعاد تهتميلها واستخدمي اسلوب التطنيش
انتي ماغلطتي عليها لا تفكرين وايد بالموضوع

فاقد الشيئ لا يعطيه يعني هي فاقدة الحب والحنان كيف تعرف تعطيه للناس وهي ما جربته
البنت يبالها اتحس بالحب وأهم شي إذا ما حصلته من أهلها باتحصله من مدرساتها حسسيها بحبك وحاولي اتعاملينها معاملة خاصة شوي يعني حاولي تمدحينها ولو في البداية بينج وبينها يعني قوليلها انت انسانه فيج بذرة خير لا اتضيعينها ولازم الانسان يحترم غيره على أساس الناس اتحبه وبعدين حاولي اذا سوت شي فيه الخير تمدحينها جدام زميلاتها وحاولوا اتشاركونها في النشاطات المدرسية وكلفوها ببعض الأشياء البسيطة اللي ممكن اتنفذها على الأقل تشغل وقت فراغها واتحسن تعاملها مع الناس

كلام قوي
واكيد البنات فهموا انها هي المقصودة

وهي على كلامكك انها فهمتك
حتى انتي

هم شيء قصدك سليم وانك توجهينها ما كلن قصدك تعايرينها او تبينين للبنات ان هذا نقص فيها
ولو جات بتعتذر
اقبلي عذرها بعد ماتوعدك انها بتبطل حركات الهبال

وخليها تجلس قدام ولا تخلين البنات يجلسون جنبها الا بنت هاديه ومؤدبه
وطنشي يعني اذا سوت حركات مالها داعي تجاهلي

وعمليها معامله خاصه

ادخلي على الفصل واساليهم مثلا عن الهوايات وشوفي ميولها
اذا كلن رسم - شعر ---- وحاولي انك تنمينها
واكسبي فيها اجر
وحسسيها انك خايفه على مصلحتها

والله يوفقكم

^^^^^^
حبيبتي اتمنى ان ماكنت قاسيه معك
والتدريس صعب لانك تتعاملين مع بنات تفكيرهم وتربيتهم واعواطفهم تختلف
.
.
.