فطاير ورد طايفي روووووووووعة

السلام عليكم ورحمة الله وبركاته ..

عزيزاتي اليوم عاملتلكم فطاير بقوالب الكب كيك بصراحة لذييييذة ولكن

تنبيه هااااااام

(( لا تصلح للي يتبعون ريجيم )) إلا في حالة اذا أكلت حبة وحدة فقططط :icon31:

لأنها دسمة وهذا بيكون واضح من مقاديرها , وندخل الآن في الموضوع ..

بسم الله نبدأ

مقادير العجينة

* كوب ونص دقيق أبيض ( أي نوع فاخر فينو أو غيرها بس يكون أبيض )
* نص فنجال شاهي ( زيت )
* ملعقة صغيرة باكينج باودر
* ملعقة صغيرة سكر
* ربع ملعقة صغيرة ملح
* ملعقة ونص ( أكل ) حليب بودرة
* موية للعجن
** ( تعجن لين يصير قوامها خفيف زي الكريب )

وهذي صورة العجينة لاحظوا قوامها



مقادير الحشوة

* 3 بيضات كاملة
* خمسة ملاعق مايونيز
* خمسة ملاعق جبنة سايلة
* زيتون مقطع
* فلفل رومي مقطع صغير
* جزر مبشور
* شوية بقدونس مفروم
* جبنة كرافت مبشورة
* بهارات حسب الرغبة
(( ملاحظة : لا يضاف لها ملح ابدا ملوحة الجبنة كفايه ))
** توضع الجبنة والمايونيز مع البيض وتخلط جيدا ثم تضاف بقية المقادير

وهذي صورة توضيحية للمقادير



وهذي صورة الحشوة



** الطريقة **

* ندهن القوالب بشوية زيت ( مسحة فقط )

* نضع في كل قالب كمية من العجينة ثم كمية من الحشوة وتكون الكميات متساوية

او ثلثين من العجينة وثلث من الحشوة حسب الرغبة ولكن انتبهوا لاتملون القالب

لأن العجينة راح تنتفخ مع الخبز طبيعي ..

وهذي صورة الفطاير قبل الخبز ..



* ثم نضعها في الفرن ونشغله من تحت فقط لين تستوي ثم نشغله من

فوق لين تحمر قليلا ثم نخرجها ..

وهذي صورتها بعد الخبز ..



نتركها تبرد قليلا ثم نقدمها وهذي صورة جماعية للفطاير بجميع أشكالها ..



** ( ملاحظة : لونها راح يكون افتح حسب المقادير اللي أنا حاطتها , لكن

في الصورة أنا أضفت حبة بيضة لمقادير الحشوة شفتها بقيت لحالها

وحزنت عليها قمت حطيتها مع أخواتها :30:

عشان كذا طلعت أغمق شويه

وهذي صورتها من الداخل ..

وصفات الخيرو البركة الله يعطيها العااااااااافية
http://forum.hawaaworld.com/showthread.php?t=569532

هذا الرابط فيه كل وصفات ملفها الرااائع

معجنات أميرة الشوق الله يسعدها

http://forum.hawaaworld.com/showthread.php?t=418183

اسياخ الدونات لأموااج

بالأصح هي ((أعواد الدونااااااااااات ))

السلام عليم اخواتي الغاليات

اقتبست فكرة هذي الدونات من احد المخابز (ما بقول من اختراعي لان الكذب خييبة))

شفت طريقة التقديم في احد المخابز فقلت ليش ما اجرب أكيد طريقتها سهله

وان شا الله اتكون جديدة في المنتدى .....

الطريقة :

اعجني عجينة للدونات

وانا طبقت فيها عجينة العشر دقايق (عجنت نص المكونات لان تطلع كمية كبيرة)

وبعدين تكورين من العجينة كرات صغييييييرة أصغر من كرات خلية النحل

((ملاحظة كلما كانت أصغر شكلها أحلى ))

وهذي الصورة



وبعدين اتشكينهم في أسياخ وترصينهم جنب بعض

واقليهم بزيت حااااار وانتبهي عن لا تحترق



وأخيرا رشي عليها سكر بودرة او أي تلبيسه تحبينها وقدميها

((على فكرة عيالي يتحسبونها تكة من بعيييييييييد خخخخخخخخ))

وهذا شكلها عند التقديم

الفطاير الملونة للغالية شايله جروحها بروحها





اممممم شكلها لذيذه صح

ولكم الطريقه وكل الالوان الموجوده طبيعيه

الاخضر بقدونس او كزبره

الاصفر كركم

الاحمر سماق

ولكم الطريقه حلووووووووه وسهله

تفضلوا

المقادير :
في الخلاط .:
2 بيضة
2كوب ماء
2ملعقة كبيرة حليب بودرة
رشة ملح
رشة بهار
ملعقة صغييييرة ثوم بودرة
سوي هالخلطة ثلاث مرات
الاولى اضيفي لها ملعقة كركم ليكون لونها اصفر
الثانية كبشة بقدونس او شبت اوكزبرة واضربيها فيى الخلاط
الىان يظهر لون ااخضر
الثالثة ملعقة ك سماق للون الاحمر أو اللفت الاحمر
الطازج (البنجر) اضربيهافي الخلاط
في نهاية كل مرة اضيفي كوب وثلاث ارباع او( كوبين)
طحين ليعطي خلطة اخف من خلطة الكيك ...
بعد ذلك اخبزيها في صينية البانكيك (المصابيب) الكهربائية .
واحشيها اللي ترغبين ممكن تونة متسبكة بالبصل والثوم للصفرا
او دجاج مفروم
لبنة بالزيتون للحمراء
جبن فيتا بالبصل الاخضر للخضراء
عند الحشو الصقيها بمسحة جبن ..

تقدرين تسوينها على شكل رولات

ملاحظة : الكمية تكفي 15 شخص


سمبوسة القلم الوردي اللذيذة


هذي سمبوستنا المفضلة مع الشاهي

الحشوة عبارة عن

جبن البقرات الثلاث مخلوط معها بقدوونس

الشرائح ليست من سويتز او لوزين..لالا

من النوع العادي العجين

تحشى السمبوسة بالحشوة ثم تغمس باللبن ثم تقلب في الدقيق الأبيض
ثم تقلى بالزيت

راح يكون شكلها كأنها بروستد منتفخة وهشه ولذييييذة

ملاحظة ::

ممكن تجميدها بدون اللبن والدقيق يعني تلفيها وتجمديها ولما تبغي تقليها تطلعيها ولما تفك تغمسيها باللبن والدقيق وتقليها وبالهنااااااا

بيتزا همسة الشوق

السلام عليكم ورحمة الله وبركاتة


[


هنيه بحطلكم تطبيقي لعجينة البيتزا لمنال العالم (اللي حطّتها الأخت أم العلاء الله يعطيها العافية)والصراحه بدون مبالعة أحلى عجينة بيتزا سويتها رووووووووووووعه وخفيفه يعني مب دسمة وايد..واحين كلة اسوي بيتزا منها

أول شي بحطلكم صلصة البيتزا اللي سويتها (طبعا أنا خذتها من عالم حواء من زماااااااااان بس هاي أول مرة أجربها وطلعت حلللللللللوة مثل صلصلة البيتزا اللي نشتريها جاهزة)ومقاديرها:

1 علبة معجون طماطم(135غ)
4 فصوص ثوم مهروسه
2 م ك زيت
2 م ك جبن كاسات(مثل كرافت أو بوك)
1 م ك أوريغانو
1 ك ماء
ملح وفلفل أسود حسب الرغبة

الطريقة:


- يشوح الثوم مع الزيت في مقلى كبير حتى يحمر قليلا.
- يضاف إلية معجون الطماطم والملح والفلفل الأسود والأوريغانو ويحرك على نار هادئة.
- يتم إضافه الماء حتى الغليان.
- ثم يتم إضافة الجبن مع استمرارية التقليب.
- تترك على النار الهادئة 3-5 دقائق وتصبح جاهزة.
وهاي صورة الصلصة..



# مقادير العجينة:


2/1-2 ك طحين(أنا أضفت2 م ط لأنها كانت لينة)
1 م ك خميرة
1 م ص ملح
1 م ك سكر
4/1 ك زيت زيتون
1 ك ماء دافئ

# الطريقة :



1- يوضع في العجانة 2 كوب طحين فقط في البداية ثم الخميرة و السكر و الملح و تخلط
2- يضاف الماء الدافئ و الزيت زيتون و يخلط ثم يضاف باقي الطحين تدريجيا حتى تتكون العجينة
3- تكور و تترك تخمر
4- يرش سطح طحين و ترش العجينة بالطحين و تفرد بالنشابة على حجم صينية البيتزا
5- و تترك ترتاح حوالي 15 دقيقة
8- تدخل الفرن في حرارة 190 من 15 : 20 دقيقة حتى تأخذ لون ذهبي
9- تنقل على طبق التقديم..


نبدا بالنوع الأول ..

بيتزا بالدجاج محشية بالجبن..(هاي روووووووووووعه كل مرة أسويها تخلص بسرعه)..
1) بعد ما خمرت العجينة نرقها على السطح وبعدين نحطها في صينية البيتزا لتأخذ شكلها ونرفعها من الجوانب مثل الصورة عشان نحشيها جبن ونعمل بالشوكة ثقوب على السطح عشان تطلع البيتزا متساويه بعد الخبز ونتابع بالصور.


2) نحشيها بالجبن..أنا حشيتها بجبن حلوم..ممكن تحشونها بأي نوع جبن..


3) بعد ما نحشيها نسكر الجوانب اللي فيها الجبن مثل الصورة..


4) نمسح الوجة بالصلصة اللي سويناها..لاحظوا الجوانب المحشية ما نمسحها بالصلصة..


5) نضع قطع الدجاج فوق الصلصة وطريقتة(أول شي تحمسون البصل مع الزيت حتى يذبل بعدين تضيفون قطع الدجاج المقطعة قطع صغيرة جداً وتضيفون الملح والفلفل الأسود وتحمسون لين ما يسوي الدجاج)..


6) تضيفون جبن موزاريلا مبشور فوق الدجاج..


7) ادخلونها الفرن حتى نتضج وهاي صورتها بعد ما طلعتها من الفرن روووووووووووعه..


يتبع النوع الثاني والثالث..

نتابع النوع الثاني..

بيتزا بالخضار..

1) نرق العجينة على قياس الصينية ونعمل الثقوب بالشوكة .. ونسمحها بالصلصة..


2) نضع الخضروات عليها أنا بس حطيت زيتون أسود وطماط..


3) نضع الجبن موزاريلا فوق الخضروات..


4) ندخلها الفرن حتى تنضج.. وهنية صورتها مع بيتزا الدجاج..


النوع الثالث والأخير..

بقى عندي صلصة ودجاج زيادة وسويت منه فطاير بيتزا بالدجاج..

1) ترقون العجينة على شكل بيضاوي.. أو دائري..


2) تمسحون بالصلصة بس على جانب واحد مثل الصورة..وتحطون فوق الصلصة قطع الدجاج.


3) بعدين نيبون الطرف اللي غير محشي وتسكرونة على الحشوة..وترصون بالشوكة على الأطراف عشان ما تنفتح بعد الخبز..


4) تحطون الفطاير في صينية الخبز وتدهنون الوجه بالبيض المخلوط مع الحليب وترشون شوي سمسم (حسب الرغبة)..


5) تدخلون الصينية الفرن حتى تنضج الفطاير..بعدين تقطعونها قطع صغيرة بالعرض مثل الصورة..شوفو كيف شكل الحشوة من داخل..


وبالعاااااااااااااااااااافية:)

((منطوق قلبي اسمي في منتدى ثاني))
ترى سويت العجينة(x2) وهاي الكمية اللي شفتوها كلة مرة وحدة سويتها بهاي العجينة..