وهنا المارجريتا

وهنا بالتونة وماحطيتش عليها خضار

وهنا بالدجاج بعد خروجها من الفرن


وهنا المارجريتا

لو عايزة اعمل اكتر من صينية اضاعف الكمية وانا هنا عملت في اطباق فويل علشان اوريكم كل الحشوات وفرزنت منها قبل السوا ولما نعوز نعملها نطلعها من الفريزر نسيبها تفك علي مانسخن الفرن ونسويها
وبالف صحة وعافية

الزلابيا
المقاديرللشربات:2كوب سكر -كوب وربع مية - عصير نص ليمونة ونص ملعقة صغيرة فانيليا
اعمل الشربات قبل اي حاجة علشان لازم يكون بارد خالص عند الاستعمال واللا مش حتكون مقرمشة
احط السكر والمية واقلبهم مرة واحدة علي النار واول لما يغلي اضيف الليمون والفانيليا واطفي بعد دقيقتين تقريبا
ملحوظة مهمة : لو عاملة كمية كبيرة استخدم الشربات علي دفعات يعني اخد جزء احط فيه الزلابيا ولما يخلص احط الباقي واستخدمه علشان كتر وضع الزلابيا الساخنة في الشربات يخليه يسكر
اعمل العجينة :
2كوب دقيق -كوب وربع مية -ملعقة كبيرة ممسوحة خميرة -ذرة ملح ودي تنضاف الاخر بعد العجن
اعجن لحد لما تديني عجينة مطاطية زي دي


اغطيها واسيبها تخمر حوالي ساعة او لحد لما الاقي فقاعات والحجم يتضاعف

احضر كوب صغير فيه زيت وملعقة صغيرة

اغلي زيت غزير علي نار متوسطة يعني مش اعلي حاجة واللا حتكون طريه ولو النار هادية اوي حتشرب زيت
وابدا بالتشكيل : احط الطبق بجانب يدي الشمال واخد بقبضة يدي كمية من العجين وانا يدي فوق طبق العجين واضغط حتتطلع كمية من بين الابهام والسبابة القطها بالملعقة اللي في الزيت وده الغرض منه علشان العجينة ماتلزق في الملعقة وتبوظ الشكل الدائري واحط في الزيت واحطك الملعقة تاني في الزيت واكبش عجينة تاني والقط وهكذا لحد لما املا القلاية بس مش كلها علشان لما تخمر حتكبر
وهنا الصورة توضح التقطيع

اقلب بالمصوصة المخرمة بمجرد لما تعوم علي الزيت وكل دقيقتين اقلب لحد لما تبقي دهبية اللون


اطلع واحط في الشربات علي طول واقلبها فيه كويس وانشلها بمصوصة تانية واحطها في صينية بشرط مايكونوش فوق بعض علشات السخونة ممكن تطريها واثناء ماهي في الشربات اوطي النار علي لما اطلعها علشان الزيت مايتحرق ولما اشكل الباقي مايحرق اليد لا سمح الله
وبعد لما تبرد تقدم



وبالف صحة وعافية

بسم الله الرحمن الرحيم
والصلاة والسلام علي اشرف الخلق سيدنا محمد بن عبد الله
صباح الخير والبركة عليكوا

القطايف:
المقادير:3كوب دقيق -3كوب ماء-ملعقة كبير خميرة-نص ملعقة صغيرة ملح -نص ملعقة كبيرة نشا-ملعقة كبيرة سكر
ادوب الخميرة والسكرفي كوب من المية واضيفها للدقيق ثم اضيف ال2كوب الباقيين واعجن كل المقادير واضربهم كويس والملح اخر حاجة واغطي العجينة حوالي ساعة او لحد لما اشوف فقاعات كتير


اجيب صاجة مفرودة ومش فيها اي ميل خالص او جريل المفرودة ولو مافيش يبقي اجيب طاسة تيفال بس في الحالة دي اعمل كل واحدة علي حدة
اسخن الجريل عالي قوي واملا كبشة او اقل علي حسب حجم القطايف اللي عايزينها واصب كبشة واسيب مسافة واصب كبشة تانية وهكذا
انا بصب بالالة الخاصة بالزلابيا علشان ماينقطش علي الجريل
[/COLOR

حنلاحظ حتطلع فقاعات والوش ابيض واول لما يبقي شفاف اشيلها واحطها علي قماشة نظيفة وماحطش واحدة فوق التانية طول ماهي سخنة
ملحوظة :لو ماكانتش الجريل سخنة كويس حتلزق القطايف

احضر الحشوة مكسرات او فول سوداني مجروش مع جوز هند واحشي علي طول بمجرد لما تبرد

هنا بعد الحشو لو حابة افرزن قبل رمضان افرزنها محشية وارصها في طبق واغطيها بالبلاستيك زي الصورة وعند الاستخدام اطلعها تفك

وابدا في القلي في زيت غزير واكون محضرة الشربات او الشيرة زي شربات الزلابيا ويكون بارد
اول لماتاخد اللون الدهبي انشيلها واصفيها كويس وعلي الشربات علي طول واقلبها واطلعها علي السيرفيس


بالف هنا وشفا

القطايف الحادق:
اعصج لحم مفروم :احمص بصلة في ملعقة سمن واضيف لها المفروم وملح وفلفل واقلب لحد لما تستوي
احضر المفروم من بدري علشان احشي بيها باردة لانها لو سخنة القطايف مش حتتقفل


اهم حاجة في القطايف تقفيلها كويس اما باليد او بالالة الخاصة


وممكن يتفرزن برضه بس نصيحة نكتب ورقة ونلزقها علي البلاستيك نحدد نوع القطايف علشان مايحصل دربكة بين الحلو والحادق

عند التحضير يحمر في كميتين متساويتين زيت مع سمن

وننقله علي ورق مطبخ وناكل احلي صنف جانبي وينفع في العزائم

وبالف صحة وعافية

بسم الله الرحمن الرحيم
والصلاة والسلام علي اشرف الخلق سيدنا محمد صلي الله عليه وسلم
صباحكم معطر بالورد والفل والياسمين
البقلاوة:
10ورقات جلاش -سمن سايح -فول سوداني او مكسرات حسب الرغبة
فيه طريقة للبقلاوة ادهن كل ورقة بالسمن وعليها التانية لحد لما اخلص نص الكمية وعليها الحشوة ثم احط النص التاني بنفس الطريقة ونقطعها وندخلها الفرن
لكن حنعمل ان شاء الله طريقة تانية اسهل وبتخليه مقرمش

1-احط ورق الجلاش واحط عليه الصينية علشان اقطع الورق مقاس الصينية
احط الحشوة في كيس بلاستيك وادق اكسرها لاني لو كسرتها بالمطحنة حتبقي ناعمة قوي

احط الحشوة في طبق وعليها ملعقة سكر

3-افرد الورقه واغطي الباقي بفوطة نضيفة علشان ماينشفش


ادهن ورقة الجلاش بالسمن واحط الحشوة علي حرف ورقة الجلاش وابرم ومانخليهاش مرتخية واجيب الصينية اللي اخدت مقاسها وادهنها سمن وارص الاصابع المبرومة


بعد لماارصهم ادهنهم سمن

اقطع مسافات متساوية بس مش للاخر يعني انزل بالسكين من غير ماافصلهم وادخل الفرن علي حرارة متوسطة او اقل شوية واكون محضرة الشربات هو نفسه شربات الزلابيا

بمجرد لما تطلع من الفرن اسقيها بالشربات البارد

بعد لما تبرد اصفي الشربات الزايد واكمل التقطيع وافصل الوحدات وارصهم في طبق التقديم

وبالف صحة وعافية