وقال ... :
نتيجة التصويت ... هاه من تقولون .. هاه .. ما اسمع . صوووت .. صوووت ( يسمع باسلوب التشويق )
والعالم تقول اخلص علينا عطلتونا ..
النتيجه هي : اهل الرجااااااااااااااااااااااااااااااااااااااال بنسبة 51% مقابل 49% لاهل الزوجه ..
هييييييييييييييييييه وجلسوا الناس يطامرون واللي يخم قريبه واللي يسجد
واللي ماقدر يمسك دموعه .. وناس خانقتها العبره ..
واللي يسوي حركة ياسر .. بعد الهدف
هيصه وزمبليطه .. وابوها واخوانها يقولون تزوووووووووير تزوووووووووير ..
*****************

ومرت ايام الصيفية بسرعة البرق .. شهرين احلى منها مافيش ..
وكونت يارا علاقه قويه بفت فت وعنيات .. عشانهم معها في البيت
وصاروا مثل الاخوات .. بس فرق في الشكل .. لمصلحة يارا طبعاً ..
وكنت مادخل عليهم الا وهم ضحك وسوالف ووناسه ..
لدرجة ان يارا رفضت تروح عند اهلها الخميس ..
وفضلت تجلس عندنا لما يجتمعون خواتي .. وصارت تروح الجمعه ..
وامي مبسوطه .. وابوي مبسوط ..
حتى " سفالات " مبسوطه ..!!
وقربت تنتهي الصيفيه .. ونرجع دواماتنا وتجي الدراسه ..

اول يوم في الدراسه ..
صحتني يارا .. : سلطان .. حبيبي سلطان . يلا ياقلبي .. يلا يابطل
اعرف انك تعبان ياروحي ونمت متأخر بس يلا عشاني اصحى ..
يلا ياقلبي يمديك توديني العياده وتودي خواتك ..
ولما افتح عيوني .. تقول يازييييينه يادلبوووووو حبيبي يلا جهزت
السطل وعبيته مويه ( بدون ماطلب منها مثل فت فت ) ..
صراحه صرت اقوم ونفسي مفتوحه .. فرق فرق .. بين السما والارض ..
<------ يتذكر فت فت ..

نزلت ولقيت " سفالات " مشغله السياره تحميها ..
طبعاً انا ادخل السياره البيت ..
وكنت اعطي سفالات 100 ريال فوق راتبها عشان تغسل السياره
كل يوم .. وتنظف المراتب مرتين في الاسبوع .. ومعطيها مفتاح سبير
تشغل لي السياره قبل انزل عشان تحتمي ..
نزلت قبل يارا .. وحصلت فت فت مشخصه قدام ؟
قلت هييييه خير خير ؟
قالت مكاني ؟
قلت اييييييييييييييييه هذاك اول.. راحت عليك ..
انزلي انزلي انرزعي مع اختك ورى لا اشوتك ..
قالت منيب نازله .. انا حالته قبل ..!!
قلت يرحم والديك البنت بتنزل الحين عيب .. لاتفشليني ؟..
قالت هات ميتين .. وانزل
ابتزاااااااااااااز يعني .. طيب طيب ..
انزلي وبسحب لك وانا راجع من الدوام ..
قالت لا الحين ..!
واعطيها ميه وثلاثين في مخباتي قلت سبعين ريال وانا راجع اعطيك ..
طبعاً عنايات كانت لاهيه ورى تفتش السياره ..
لها زمان ماركبت معي ..
شمت ريحة فلوس وجت تركب قدام .. وقالت عطني مثلها
وشتها برجلي .. وتكرفعت على البلاط ..
وجت يارا .. وركبت قدام .. ومشينا ..
وحنا راجعين مريت يارا قبل .. وبعدين مرينا فت فت ..
يوم ركبت ورى .. واطالعها .. واسوي
وقالت بيدها .. هين هين ..
في الليل ... ناديت سفالات ..
وقلت لين غسلتي السياره .. شغليها وقفليها .. قبل تركب فت فت ..
قالت طيب ..
نزلت الصباح ..
وحصلت فت فت راكبه قدام ....!!
واطالع سفالات ؟؟؟ خيررررررر ؟؟ ليش ماقفلتي ؟؟
قالت جيب خمسين ريال زياده ..
قلت عما ؟ خمسين زياده عشان تقفلين السياره ؟؟؟
قالت ايوه .. فت فت يعطي انا خمسين ريال عشان ما اقفل سياره ..
آآآآآه ياسافله .. بعتيني بخمسين ريال ياسفالات.. هين هين ..
وصارت فت فت تبتزني ..
واتفقنا اعطيها كل اسبوع 300 ريال ..

وفي يوم من الايام .. حسيت اني تعبت من روحه وجيه كل صبح وظهر ..
صاروا الحين ثلاث بنات ..
وحده مدرسه والثانيه كليه والثالثه عياده وانا دوام .. وصرت اتأخر
وكثرت استئذاناتي .. وبديت استحي من المدير ..
كان التفكير في البدايه بيني وبين نفسي .. كنت احاول الاقي حل ..
لإن ابوي مايقدر يوديهم ثنتينهم .. ولا راح اخليه يعاني في زحمة العالم الصباح
عشان يودي فت فت الجامعه .. خاصه وانه متقاعد ويعاني من آلام الظهر ..
مايقدر يسوق فترات طويله ..
لما عجزت الاقي حل .. رحت لـ فت فت .. اسولف معاها شوي ..
قلت : فت فت .. لو .. يعني لو هاه .. لو يعني .. ترى لو .. اوك .. لو
لو قلت لك تروحين وترجعين في الباص حق الكليه .. او ادبر لك باص نقل مدرسي ..
عادي ؟ ..
( تغير وجهها شوي .. حسيت ان هالكلام ماكانت تتوقعه ابداً ابداً خاصه انها آخر سنه ) ..
نزلت راسها شوي .. وفكرت ثواني .. بعدين قالت ..
اوك ماعندي مشكله ..
صراحه حسيت اني نجس وشرير ( بس مهوب مره ) .. لكن وش اسوي ؟ ..
ماقدر انصف كل شخص في عمله بما فيهم انا ..
صار واحد مننا لازم يتأخر ويعاني كل يوم ..
بعد ماقالت اوك ماعندي مشكله ..
طلعت من عندها .. ورحت غرفتي ..
شافتني يارا متكدر .. قالت شفيك مافيك .. صراحه ماحب اتكلم لاحسيت اني مسوي شي مارتحت له ..
قلت مافيني شي .. بس مصدع وودي انام ..
ونمت شوي .. وصحيت صلاة المغرب طلعت انا وابوي .. وكلمته واحنا راجعين ..
قلت يبه ..
مثل ماتعرف انا الحين زاد عندي يارا اوديها دوامها واجيبها .. وانا ابي اطلبك تغير رايك في
مسألة السواق .. ابي نجيب سواق اما يودي زوجتي وانا اودي خواتي او العكس ..
قال ياولدي انت عارف رايي في السواق ..
مستحيل يدخل بيتي سواق او يودي بناتي وانا موجود ..
خواتك انا اوديهن واجيبهن وانت تودي زوجتك .. انحلت وش تبي بعد ..!
قلت يايبه همسات عندها سواق طيب ..
قال هي متزوجه وزوجها حر يجيب لها سواق يجيب لها عشره .. مالي شغل فيهم ..
دوري ينتهي لين زوجتهم ..!
وانت لاطلعت في بيت لحالك تبي تجيب سواق .. الله يقويك ..

ورجعت للحيره .. صعبه اخلي ابوي يودي ويجيب .. مستحيل
يارا اساساً كان عندها سواقهم يوديها ويجيبها .. لكن متردد اقولها هالحل ..!
وانا في مرحلة الحيره .. جلست اسبوع تقريباً ..
لاحظت خلال هالاسبوع .. فت فت تغيرت .. مهيب اختي اللي اعرف ..؟!
وعنيات نفس الشي ..
اذا دخلت انا او يارا وهم موجودين عند امي .. يجلسون ثواني ويقومون ..
في البدايه ماكنت ملاحظ ..
لكن تكررت اكثر من مره ..
ولاحظت يارا هالشي برضو وسألتني ..؟!
قلت لاتاخذين في بالك يمكن شايلين هم دراستهم ..
***************

وفي يوم جمعه .. كنت مودي يارا لاهلها ...
و ماشفت فت فت .. لا على الغدا ..
ولا شفتها العصر .. ولا المغرب .. وبعد العشا قبل اطلع.. قلت امر عليها اشوف شفيها ..
دخلت الغرفه .. حصلتها ............. تبكي ..
شفيك ؟؟؟؟؟ ليش تبكين ؟؟؟؟ وجتني صدمه .. اول مره اشوفها تبكي بهالشكل ..
وماردت علي ..
وحاولت اخليها تتكلم .. ماقدرت ..
رحت لعنيات .. وحصلتها برضو حزينه .. وفيها عبره ..
شفيكم ياناس ؟؟ وش صاير ؟؟
ورحت لأمي .. وقلت شفيهم يمه ؟؟
قالت مافيهم شي .. ابوك كلمهم انه بيوديهم ويجيبهم ..
وقالوا انت تبعان بنروح في الباص .. وزعل وعصب عليهم ..
قلت من متى ؟؟ قالت من اسبوع ..
حسيت الدنيا دارت بي .. وابوي حاقها .. وخربط الشغله .. وانا خلاص فكرت وهونت عن الفكره من اساسها ..
ورحت ادوره .. حصلته برا يسقي الجونينه ( نخله وحولها شوي ثييل ) ..
قلت يبه وراك قلت لهم هالكلام ؟؟؟
قال مالك شغل فيهم خلاص انت انتبه لنفسك وزوجتك ..
وحبيت راسه وقلت والله يبه لو اوديهم على رجليني ماتوديهم انت .. ( لحظه عاطفيه )..
قال بكيفك ( خرب اللحظه ) ..
لكن وانا ابوك .. اختك مابقى لها الا سنه .. خلني انا اوديها واجيبها .. ودي اطلع واشوف
هالعالم .. من تقاعدت معاد صرت اروح واجي وتعودت الجلوس لين مليت ..
وكانك تبي تسوي فيني خير خلني انا اوديها ..
وانت خلك في زوجتك والله يعينك ..
قلت لا مستحيل يبه.. انا بدبر نفسي ..
ورحت لفت فت .. وقلت لها خلاص كلمت ابوي ماراح يوديكم انا بوديكم واجيبكم ..
وليتني ماقلت لك هالشي ... قلبتيها غم الله يهديك ..
قالت مابي اروح معك ..
وعنايات كانت فيه .. وقالت حتى انا بعد مابي اروح معك ..
اهاااااااااااااااا .. متفقين علي ؟؟
ولا احد رد ..
قلت المهم انا بوديكم وكثر كلام مابي ..
وقالت فت فت : والله ماروح معك واللي بتسويه سوه ..
( باقي الحقنه عنيات ماحلفت ) ..
قلت تتكملين جد يعني ؟
قالت ايه .. وخلك مع .... زوجتك ..
****************

وطلعت .. من عندهم رحت اجيب يارا من بيت اهلها ..
وانا في الطريق .. استوعبت كلمة فت فت ..
خلك مع ...... زوجتك ..!!
قلت لايكون فاكرين انها هي اللي قالت لي الموضوع او اقتراحها او لها علاقه ؟؟
وجلست استرجع المواقف ...
كل مادخلت يقومون ؟ ولا عاد يتكلمون معها مثل اول ... شكلهم اكيد يحسبون ان لها يد في الموضوع ..
قلت زين لما ارجع اشوف وش السالفه واتأكد ..
رجعت وبعد ماغيرت ملابسي قلت ليارا بروح لفت فت شوي ابيها وبجي ..
ورحت لها .. قلت وش قصدك بخلك مع زوجتك ؟؟ وتقولينها باستهزاء ؟
قالت : اللي هذا اولها .. ينعاف تاليها ..!
قلت يؤ يؤ يؤ .. شفيك على بنت الناس ؟؟ والله مالها دخل والكلام كله من راسي انا ..؟!
قالت : والله انا خذت قرار وماضن برجع فيه .. لو اجلس بدون جامعه منيب رايحه معك ..
صراحه انصدمت فيها .. ماتوقعتها عنيده لهالدرجه ؟؟؟
ورجعت الغرفه وجهي متقلب كالعاده .. وسألت يارا شفيك ..
قلت السالفه من اولها لآخرها ..
قالت نعم نعم نعم .. لايكون مفتكره اني قايله لك شي ؟؟
وانا اشوف تصرفاتها متغيره هي وعنيات .. اثاريهم يحسبوني مخربه اخوهم عليهم ..
والله لا روح احاكيها الحين ..
قلت لا لا لا .. وامسك الباب .. قلت والله ماتروحين .. خلاص خلينا نهدي الموضوع
اليوم انا تعبااااااااااااان معاد اقدر افكر ..
ولما هدت " يارا " .. حلفتها ماتقول شي .. وانا مابي امي وابوي يعرفون بالسالفه ..
امي ماراح ترضى وابوي اخاف يعصب عليهم ويزيد الموضوع تعقيد ..
وصبرت انا ويارا اسبوع على الوضع المتأزم ..
*****************

وجا يوم الخميس ..
طبعاً الاتصالات مشتغله لها اسبوع بين فت فت وبراهيم وهمسات ..
ونزلنا كالعاده قبل الغدا ..
وسلام بارد .. من براهيم وهمسات ..
ونظرات غريبه من فت فت ..
وعنيات لاهيه تفتش في الحافظات والصياني اللي جايبينها معهم ..
( براهيم جايبه حافظه فيها مطبق ) .. الظهر ..
قلت آهاااا .. الدعوه صارت فزعه ..
واحس يارا جالسه على اعصابها .. تحس انها شخص غير مرغوب فيه ..
وكانت امي الوحيده اللي تسولف معها وتضحك معها ..
وقال ابوي حطوا غدانا ..
ورحت اتغدا مع ابوي وزوج همسات ( كل خميس عندنا هاللزقه ) ..
ولما صلينا العصر وطلعت فوق .. حصلت يارا تصيح ..
لحوووووووووووووووووول .. شفيك ؟
وانفتح الموال .. خواتك مطنشيني .. ويرمون كلام .. و ... و ... و ... الخ
قلت خلاص الخميس تروحين عند اهلك ..
وفي نفس اليوم .. كان السبت تبدأ اجازة اسبوع الدراسه ..
قال ابوي .. بروح مع امك ناخذ عمره ..
ونجلس عند عمك " عبدالعزيز " في مكه ..
قلت اروح معكم ؟ قال لا اجلس عند خواتك ..
عبدالله ولد عمك بيستقبلنا هناك بس ودنا المطار بكره الظهر ..
قلت زين عمره مقبوله مقدماً ..
وراح ابوي الجمعه ..
وكانت جنايات وبنتها وهمسات جايين ينامون عندنا
مثل كل مره يسافر ابوي مع امي لمكه عند عمي ..
ويجلسون لحد مايجون امي وابوي ..
وانا راجع من المطار .. بعد ماودعت امي وابوي ..
اتصلت يارا ..
قالت الحقنييييييييييييييييييييييييي وااااااااااااااااااااااااااااااء
قلت بس .. كلتها براهيم ..
شفيك ؟؟ .. قالت خوووووواتك طردووووووووووني ..
قلت انتي في الشارع ؟؟
قالت لا وش شارعه . انا في غرفتي ..
ويوم وصلت رقيت على طول .. شفيك شصاير ؟؟
قالت خواتك نزلت عندهم وهم يسولفون وسكتوا ..
وجلست معهم شوي وقاموا ينطلون حكي ..
وشوي قاموا وتركوني ورقوا غرفة فت فت فووووق ..
ويوم جيت بدخل قالوا معليش كلام خوات مانبي غريب ...!!!!
قلت بس .. فتفت بتطبخ خطه .. الله يستر من هالخطه ..
مايخالف يابنت الحلال .. حسبتهم طاردينك في الشارع ..
خلي هاليومين تعدي على خير .. اصبري وكان تبين
تروحين لاهلك لين يجون امي وابوي ..
ويرجعون خواتي لبيوتهم وديتك الحين ..
قالت لا ( لزقه ) .. قلت كفو .. ( متوهق ) ..
وشوي الا نسمع صوت احد يطق علينا الجناح .. !!
طلعت .. مافيه احد ..؟!
قلت تعالي طيب ننزل نتغدا ..

ونزلنا وشوي الا جايتني .. قالت مافيه غدا ؟؟
قلت ليه وين " سفالات " ..
قالت سفالات : انا مايطبخ اليوم مزاج مافيه كويس ..!
قلت مزاج يالخايسه .. ولا قايلين لك لاتطبخين اليوم..
لكن مهيب مشكله .. اروح اجيب غدا ..
وارقى للبنات .. اشوف وش يبون غدا .. <-- طيوب انا
الا جالسين يتغدون ..
وانزل لسفالات .. قلت من صلح غداهم ؟؟
قالت انا .. قلت ليش تقولين ماصلحت غدا اليوم ؟؟
قالت فت فت هي كلام قولي كيدا ..
قلت طيب طيب .. يبونها معركه .. اذاً فلتكن معركه --- سلطيين الاسد
*****************

وطلبت غدا .. وتغدينا ..
اليوم الثاني السبت كنت انا في الدوام ويارا في عيادتها ..
واحنا راجعين الظهر .. قلت شرايك ناخذ غدا ..
اخاف ماطبخت سفالات مثل امس ؟
قالت لو ماطبخت انا بطبخ .. مانبي نعطيهم وجه ..
قلت حلو .. كفك يابطله ..
ورحنا .. مالقينا غدا .. " توهقنا " ..
وطبخت يارا الساعه 3 ونص حطت الغدا ..
وانا اتغدا كانت يارا تسألني .. شرايك حبيبي ( اول مره تطبخ ) ..
قلت الللللللله ... تسلم هاليدين اللي طبخت .. اول مره اكل مثل هالاكل .. ياروحي
وهي لقمتين .. والثالثه ( رحت اطرش ) ..
ونمت .. لما صحيت قبل المغرب .. رحت المطبخ واحصل " صابرين " ..
شغالة براهيم ..
قلت صابرين .. تذكرين يوم اوديك المملكه ؟؟ قالت ايوه بابا
قلت تكفين اطبخي بكره غداي انا ويارا ..
انا فيه دوام ومدام دوام ويجي تعبان مايحصل غدا .. اطبخي تكفين تكفين هه هه ..
قالت لا بابا معليس .. يبغى فلوس انا يعطي فلوس .. لكن طبخ مسكله
قلت ليه ؟؟ قالت ماما جنايات كلام مايجيب كاس مويه ليارا وانتا
كيف يبغى طبخ ؟؟ بعدين انا موت .. مدام جنايات مجرم ..
قلت أي والله .. مجرم .. راعية المطبق ..
يوم الأحد بدا تكتيك جديد .. وشكل خطة فت فت استوت ..
من الفجر والاصوات العاليه والضحك والازعاج ماتوقف ..
صحيت مانمت زين .. ولا هي نامت زين ..
****************

ورحنا دواماتنا ..
واستأذنت من الدوام وطلعت للبيت قلت لازم اكلمهم ..
واحصلهم نايمين .. واصحيهم كلهم .. طبعاً همسات في الدوام
كل يوم سواقها يوديها ويجيبها ..
قلت اسمعوا ياجماعة الخير .. وش مزعلكم وانا ارضيكم ..
لكن هالطريقه ماتصلح .. حنا اخوان ومانستغني عن بعض ..
وتذكروا ان كل وحده منكم لها يد في زواجي ..
وكلكم ساعدتوني ارتبط بهالانسانه ..
مايصير تقلبون عليها وعلي عشان شي تافه ..؟!
وتراجعت عنه بعد .. وماراح يتغير شي
و" اوجه كلامي لبراهيم " .. قلت :
براهيم تدرين اني اثق فيك " وانا التفت اطلع لساني "
وتدرين انك محل امي بعد عمر طويل " الله لايجيب هاليوم "
ابيك تكلمين خواتك وتقنعينهم ان اللي يسوونه خطا ..
وفركت عيونها براهيم .. وقالت : اطلعوا من البيت ..
قلت نعم نعم نعم ؟؟؟ لايكون بيتك وانا مدري ؟؟؟
بعدين وش دخلك في السالفه انتي ؟؟؟ وش علاقتك بالموضوع من الاساس ..
لايكون مصدقه كلامي من شوي ؟.. تراي كذاب
جايه من بيتكم تخربين بيوت ؟؟؟
قالت فت فت .. هي صادقه .. اطلعوا ياخي
قلت طييييييييييب طيب .. خلي ابوي يجي وانا اقوله ..
تامرون وتنهون في بيته وهو حي ؟؟؟
قالت قلللللللللللللللللللللله الحين بالتلفون لو تبي ..
قلت افااااااااا .. شكلك راسمه الخطه صح يافت فت ..
وطلعت .. وانا في الطريق راجع للدوام ..
كلمت همسات .. ياهمسات انتي اكثر وحده تعرفين يارا
وكنتي صديقتها .. شلون توافقينهم في اللي يسوونه فيها ..
قالت انا ماني معهم وانا من جيت حاولت اصلح بينهم
لكن ماقدرت .. واسأل يارا ..
قلت طيب تصرفي شوفي حل .. مهوب حكي هذا ..!!
قالت طيب طيب لما ارجع اجرب اشوف ..
ورجعنا من الدوام كالعاده .. ومافيه غدا ..
قالت بطبخ .. قلت لااااااااااا لالالا .. مابي اتعبك ياروحي .. بطلب بطلب .. ( مافيني حيل تطريش ) ..
*****************

وناديت همسات العصر وكلمتها ..
قالت انا كلمتهم .. ومارضوا ..
وش السوات ..؟!
بعد صلاة العشا .. طلعت الاستراحه
وجاني اتصااااال من يارا .. الحقننيييييييييييييييييييييييي
وجيت مسرررررع .. رقيت .. شفيك ؟؟؟؟؟؟؟
قالت : نزلت بسوي العشا قبل تجي ودخلوا علي المطبخ وطردونيييييييييييييي
وسمعوني كلام جرحنيييييييييي .. يقولون ماتعرفين تطبخين ولا تسوين
شي وزوجك ماياكل اكلك كله يرجع مثل ماهو .. وكلام جااااارح ..
" سفالات " السافله قالت لهم انها ماتعرف تطبخ ..
كانت تشوفها وهي تطبخ وماساعدتها .. وشافت حواقها
حقيره " سفالات " .. بس طباخه صح ..
واروح لهم معصب .. ادورهم .. واحصلهم مجتمعين في غرفة العمليات " عند فت فت " ..
قلت هييييييييييييييييييييييييه انتي وياها .. تراها طالت وشمخت ..
قسم يافت فت انتي وخواتك لو ماترسونها على بر لا اسوطكم بالعقال سوط ..
وقامت تصيح براهيم ؟؟ آييييييييييييييي آييييييييييييييي .. شفتوه شفتوه وهو يطقنيييييييييييي
آآآآآييييييييييي يايمه آآآيييييييييييي .. يلعن بليسها النصابه ؟؟؟
حسيت اني توهقت ..
ورحت لايطقوني هم ..
*****************

قلت اباخذ اجازه ثلاث ايام " الاثنين ، الثلاثا ، الاربعاء " واشوف وش ناوين عليه ..
جا الاثنين الظهر وصحينا ..
ونزلت تسوي غداي .. وشوي الا اسمع صراخ ..
ونزلت مسرع .. والا هم يتطاقون " جنايات وفت فت " .. مع يارا .. في المطبخ
هذي تقول اطلعي عن مطبخنا وهذي تقول مهوب بيتك وشبت بينهم ..
والشغالات يفكونهم ..
وعنيات مطوله لسانها ؟؟؟ وتتكلم على يارا ..
وهمسات " جالسه تكلم زوجها وتسولف " .. قايلكم في جو ثاني هالبنت ..
واجي افكهم ويطولون لسانهم علي ؟؟؟؟ ياللي فيك مافيك انت مع زوجتك اللي لاعبه عليك
ومخربتك على خواتك ؟؟؟
وتمشي وراها مثل الـ ... ؟؟
ياهووووووووووه وش هاللي انقلبوا علي ؟؟
وابعدهم بالقوه عنها .. ومع الطق والطقيق دخلت المطبخ انا ويارا وصكينا علينا ..
وسفالات وصابرين معنا في المطبخ ..
والبنات يخبطون الباب يبون يطقون " يارا " ؟؟
ويارا تسفل فيهم " من ورى الباب " .. وانا اسكتها وامسك فهما بيدي لاننطق كلنا ..
صراحه حومت تسبدي بغيت اطلعها عليهم .. تبي توهقنا هالبنت ..
وقالوا غدانا لاتلمسه ولا تجيه ..
قلت غدا ؟؟ فيه غدا .. هيييييييييه .. فيه غدا
طابخته " سفالات " .. في الفرن عشان مانشوفه ..
وتطالعني سفالات خانقتها العبره .. بابا انا مسكين ..
قلت حطي الغدا بس لي وللمدام .. شغلك بعدين ..
وجلسنا على طاولة المطبخ ..
وجنايات تقول طلع شغالتي .. طلع شغالتي ..
وتنادي بصوتها " صابرين " ياويلك ان لمستي شي ولا عطيتيهم شي ..
ياووووووووووووويلك ياوووووووووووووويلك ..
طلعوا شغالتي ماخذين رهينه حرام عليك .. يامجرم ياسفاحين يا ارهابيين ..
وتنادي شغالتها .. صابرررررررين كانه حاط السكين على رقبتك
تشهدي تشهدي انتي شهيدة الحق ياصابرين ؟؟
اصبري وصابري ياصابرين النصر لنا .. النصر لنا ..
وصابرين متنحه ؟؟
قالت بابا ممكن ينقل كفاله .. انا يبغا انت ومدام .. ماما جنايات مجنونه ويجنن انا ..
قلت ساعدي سفالات بس وحطي الغدا ..
وقالت فت فت : ياوليكم لو كلتوا الغدا والله ان اطلعه من بطونكم ..
قلت تعوذي من بليس .. ونتغدا كلنا مع بعض ..
قالت والله ماتاكلون منه ولا لقمه ؟؟
عيب يابنات وش هالكلام ؟؟
قلت طيب طيب .. شرايكم نتفق ؟
قالوا خيرررررررررررر قل وش عندك ..
قلت ( الغداء مقابل السلام ) ؟؟..
بعطيكم غداكم بس نطلع بسلام .. ماتلمسون يارا ولا تقربونها ..
قالوا اصبر نفكر ..
*****************

وعقدوا اجتماع طارئ ..
ووافقوا كلهم .. همسات قالت جوعانه موافقه " وهي تكلم زوجها تسولف " .. وفت فت وبراهيم وافقوا ..
وباقي عنايات .. قلت وعنيات ؟؟ قالوا مدري وينها بس موافقه خلاص اطلعوا ..
قلت رحنا فيها .. عنايات مهيب فيه اكيد راحت تفتش غرفتنا ..
خذي حطي هالقدر على راسك ..
واحط قدر على راسي ..
واعطيها ملاس وانا معي مقلاة ..
ونفتح الباب .. ونحط رجليناااااااااا لفوق ...
وندخل غرفتنا ونصك الباب ..
وشلون بناكل الحين .. لانقدر نطلع ولا نقدر نطلب ..
قلت بسسسسس .. شرايك تكلمين امتس تجي ..
اكيد بيستحون منها وبنسوي أي شي نبي ..
قالت لاااااااا .. اخاف يطردونها او يفشلوني عندها ..
قلت صح .. طيب طيب
بكلم خالتي "شبكات "
ولا اقولك .. ماتصلح بتساعدهم .. خالتي شرانيه اعرفها ..
خليني اكلم عمتي " عطيات " ..
هي اللي يخافون ويستحون منها .. تعطيهم الساخن .. لو سوو شي ..