واكلمها .. وبعد السلام ..
ياعمتي مايصير مانشوفك ولا عشان ابوي راح مكه
مالنا خاطر عندك ..
قالت تعالوا انتم ؟ قلت وين حنا ياعمتي سته وانتي وحده ..
تعالي تكفين ( شوي واصيح ) تكفين تعالي واحشتنا ..
يرحم والدي والديك تعالي .. قالت طيب طيب ان شالله
بجيكم بعد العشا اتعتم عندكم ..
قلت يسسسسسسسسسسسسسسسسسسسس ..
وجت عمتي .. ونزلنا لها كلنا وجلسنا معها في الصاله ..
ونطالع البنات انا ويارا مبسوطين
وبعد ماسلمنا وسولفنا معها شوي ..
قلت لـ يارا روحي المطبخ وضفي أي شي فيه وارقي به ..
وجت بتقوم .. وتقوم معها فت فت ..
ورجعت تجلس ..
وكل ماجت تقوم .. قامت معها ..
قلت خلاص شكلها خربت ..
وعمتي تسولف مع همسات .. وجنايات وفت فت
كانت عنيات تراقبنا ..
وشوي يطالعوني انا ويارا وشوي ياكلونا .. ويحركون حواجبهم ..
وكل ماجينا نقوم .. قاموا معنا ..
وان قامت يارا .. قامت فتفت ..
وان قمت انا قامت براهيم ..
قلت خلاص بس .. الحين بيحطون العشا لعمتي
بناكل معها ..
وشوي الا جابوا العشا .. حق نفر واحد وبطوفريه صغيره ؟؟
وحطوه عند عمتي ..!!
عشان مانجلس معها ..
قالت عمتي وراكم وين عشاكم ؟؟
قالوا والله اليوم الاثنين ياعمتي وصايمين كلنا حتى سليطين وزوجته ومفطرين المغرب جميع ؟؟؟
قلت نصابين ماصاموا ؟؟
قسم بالله ياعمتي ماصاموا ..
انا ماصمت قسم
قالت عمتي وراهم بيكذبون علي عاد ياسليطين ؟؟ اكيد صايمين الله يتقبل منهم ..
وتطالعني فت فت ..
قلت ليارا مادام عمتي فيه .. خلك عندها وانا بروح اجيب عشا ..
وطلعت اجيب عشا ..
وانا انتظر الطلب .. الا اتصال يارا .. الحقنييييييييييييييييييييييي
شفيييييييييك ؟؟
عمتك بتروح لابسه عبايتها ..
واجي طايررررررررررررررررررررر
والقاها واقفه بتمشي ..
قلت عمتي تكفين اجلسي نامي عندنا اليوم بس تكفين .
قالت ماقدر ياولدي ماتعودت والله انوم برا بيتي انت تعرف ..
قلت تكفين .. ( ونا خانقتني العبره ) ..
قالت هاوووووووووه ياسليطين مقدر اخلي ابو محمد ..
واتمسك ببشتها .. وتتمسك يارا ببشتها ..
وتمشي وحنا نسحبها .. تكفين لاتروحين ..
وراحت ..
والبنات مبسوطين ..
ورقينا ..
*****************

جا يو م الثلاثا ..
وكنت ناوي اطلع اجيب غدا ..
والقى واحد من كفرات سيارتي مبنشر ..
اكيد " جنايات " .. لإنها كانت تبنشر كفرات سيارة زوجها ..
لين بغته يجلس في البيت ..
وانادي سفالات تغير الاستبنه ..( احلل الخمسين الزياده اللي لطشتها مني ) ..
وتوها بتبدا .. الا جايه فت فت .. تناديها
قالت تعالي نظفي الغرفه ..
قلت اصبري لين تغير الكفر ؟؟
قالت غيره انت .. وراحت سفالات ..
وغيرت الكفر وطلعت .. وكنت قايل ليارا اقفلي باب جناحنا ولاتطلعين ابد ابد ابد ..
لما جيت راجع .. فتحت الباب بالريموت بدخل السياره ..
لقيتهم فارشين برا " محل موقف السياره " ومطلعين التلفزيون
وكل شي .. وجالسين ينتظرون غداهم يجهز .. ( في هالقايله ) ؟ ..
صراحه جاني تفكير شيطاني ..
قلت ادعسهم ؟؟ بس من ابدا به .. ودي ببراهيم لو ماسوت شي ..
وتعوذت من بليس ووقفت في الشارع .. ودخلت ..
وقلت اشوى اني جايب معي خبز ونواشف للعشا ..
وجلسنا محبوسين في جناحنا ..
اخاف نطلع يسوون شي في الغرف او يطلعون اغراضنا
برا البيت .. يسوونها مجرمين ..
*******************
وحنا نسولف وسهرانين انا ويارا ..
والساعه تقريباً 3 فجر الإربعاء .. جت في بالي فكره ..
قلت شرايك .. عندي خطه .. ان نجحت زين
وان مانجحت ماتضر ..

وان مانجحت ماتضر ..
قالت وشي .. قلت اصبري شوي وارجع اقولك ..
ونزلت ربع ساعه ورسمت الخطه ودرستها من كافة الجوانب ( منتب عاقل يافت فت الغفله ) ..
وطلعت فوق للغرفه .. وتوي بشرح الخطه ليارا ..
الا اسمع صوت فت فت وهي تصارخ ..
حرااااااااااامي يمه حراااااااااااااااامي ..
ويطلعون كلهم من غرفهم يشوفون وش بلاها تصرخ ..
ويصارخون معها حراااااااااامي حرااااااااااااااااااااامي ...
ويوم طلعت وينشبون فيني ويتمسكون بي ..
وشفيه مافيه .. قالت حرامي وجلسوا يصارخون كلهم
وجلسوا يصيحون تكفى تكفى سليطين تكفىىىىىىىىىىى
تكفى سليطين تكفى لاتخلينا لاتدخل جناحك خلك معنا ..
قلت وش السالفه طيب ؟؟؟ من شاف الحرامي ووين راح ؟؟
واللي تقول كلم الدوريات واللي تقول كلم الشرطه
( مع ان الدوريات هي نفسها الشرطه ) ..
قلت طيب احكوا وش صار ؟؟
وهو يصيحون وخايفين ..قالت فت فت .. شفت حرامي
فتح علي الغرفه بيدخل وصرخت وانحاش ..
قلت طيب وش لابس ؟؟ قالت لابس بجامه مثل اللي شريتها
لسفالات .. ياربيييييه خاف انه ذبحها وامتلت ملابسه دم
ولبس ملابسها .. انزل شفتها تكفى سليطيييييييين وااااااااااا اهئ اهئ ..
ويصيحون ؟ وكل يخم الثاني ... خايفين
قلت طيب احد ينزل معي ؟؟
تعالي براهيم ..
وتوزت ورى بنتها ..
قلت طيب طيب ادخلوا غرفكم وقفلوا الابواب
انا بنزل بس ان تأخرت لحد ينزل معي
كلموا الدوريات .. لاتكلمون الحين لين اتأخر عشر دقايق
بنزل غرفة الشغاله وبروح اشيك برا في الملاحق والشارع ..
ونزلت خذت لفه وسفالات نايمه وتشخر مع صابرين مافيهم الا العافيه ..
واشيك على كل شي ومافيه أثر ؟؟ الباب مقفل مثل ماهو ..
يا اما انه داخل البيت لالحين او انها تتوهم ؟؟ شلون دخل الحرامي ؟؟
*****************

ورقيت لهم ..
قلت خلاص شكله خاف وراح ( مابي اخوفهم ) .. بس شلون دخل ؟؟ انتم
تاركين الباب الداخلي مفتوح ؟؟ يمكن نسته الشغاله ماقفلته ..
قالوا لا مقفل ومتأكدين انه مقفل ..
قلت خلاص ناموا الحين انا بجلس منيب نايم ..
قالوا مهوب جاينا نوم شلون بنام ؟؟ بنصبر لين يطلع النهار ..
وصرت اسمع كلام زين ..
الله يخليك ياخوي .. الله يوفقك ياخوي .. مالنا غنى عنك ياخوي ..
وعلى هالحال لين طلع النور .. وهم يكبرون في راسي
قلت خلاص عاد ؟ ادخلوا ناموا .. طلع الصباح خلاص مافيه الا الخير ..
بنزل تحت انام في الصاله لين يصحون الشغالات ..
ودخلوا غرفهم .... ونزلت يارا معي ..
قالت منيب مخليتك لحالك .. اللي يجيك يجيني ( ياعيني ع التضحيه ) ..
*****************

ويوم طلع النهار .. وصحوا الشغالات .. ورقينا ننام ..
ولما صحينا الظهر .. قالت بنزل اطبخ ...
قلت لا وين تطبخين تلاقينهم الحين مزبطين الغدا
عقب الكلام الزين اللي الصباح ..
وبينادونا الحين ..
وتأخروا ماجانا احد .. ونزلنا ..
مالقينا احد .. كلهم فوق خايفين لالحين ..
جيت بدخل المطبخ اشوف الشغاله طابخه أو لا ..
لقيت المطبخ مقفول ؟؟
قلت وين المفتاح ياسفالات ..
قالت فت فت من شوي نزلت قفلت المطبخ وخذت المفتاح ؟؟؟
ماينفع فيهم هالعالم ؟؟؟ وش اسوي فيهم
وارقى معصب .. لفت فت ..
شفيك قافله المطبخ ؟ وين المفتاح ؟؟؟؟؟؟؟
مامداكم ترجعون بكلامكم ؟؟؟
قالت طيب ناد يارا وتعال ..
واناديها وننزل وحنا خايفين ..
وتفتح المطبخ .. وش صار فيه جوا ..
وش لقيت ....... ياإلــــــــــهـــــــــي ..
جنايات لابسه المريله وتدهر . وعنيات تصف الاطباق على الطاوله ..
وتولع الشموع ؟؟؟
وهمسات تضع آخر اللمسات على الحلا ..
وشربات تحت الطاوله مدري وش سارقه وتاكل ..

وقالوا دقيقه ويجهز غداكم ياحلوين .. ؟!
وجلسنا بعد هالدقيقه انا ويارا .. على الطاوله ..
قلت طيب اجلسوا ؟؟
قالوا بصوت واحد " مـــــــعصــــــي " ياخوي .. حنا نخدم عليك بس ..
قلت كفوووووووووووووووووووو ياعيال ..
نطت برهيم لحالها من بدهم : عيال بعينك ..
سبحان الله .. اللي على راسه بطحا ..
***************

وجلسنا بعد الغدا في الصاله مع بعض نسولف و" نتغشمر " ..
يوم جا العصر ..
قلت بما انه اليوم ربوع .. ومرينا باسبوع حافل بالطقاق والهواش
شرايكم نطلع كلنا نتمشى ونروح الثمامه ..
قالوا هيييييييييييييييه يلا يلا .. وراحوا لغرفهم يتجهزون ..
وشغلت الصالون حق البيت .. ورقيت البس انا ويارا ..
والشغالات يزينون الشاهي والزمزميات والعده ..
يوم نزلت بركب السياره انا ويارا .. والقاهم كلهم راكبين بشغالاتهم ..
والقى جنايات راكبه قدام هي وبنتها ..؟!
قلت خير ان شالله ؟؟
قالت حليته قبل ..
قلت حلتس بطنتس .. قولي آمين .. انزلي ولا جبت الحرامي ..
وهم سمعوا كلمة حرامي ولا ماسمعوا ..
وينزلون من الصالون يصارخون ويوطون بعض
وماشوف الا غبرتهم ..
كل وحده زبنت في غرفه وقفلتها ..
وانا وسفالات نضحك ..
ويارا تطالعنا وطايره بوهتها ..
اثاريني نسيت اقول .. ليارا الخطه ..

وطلعت فوق للغرفه .. وتوي بشرح الخطه ليارا ..
الا اسمع صوت فت فت وهي تصارخ ..
حرااااااااااامي يمه حراااااااااااااااامي ..
كنت نازل اطبخ الخطه مع سفالات
كنت نازل اطبخ الخطه مع سفالات
سفالات .. هي الحرامي ..
صدق المية ريال تسوي الهوايل .. ياسفالات ..؟!

وجا يوم الخميس وطلعنا كلنا نستقبل امي وابوي ..
ولا كأن شي صار هالاسبوع ..
ورجعنا مثل اول .. وافضل ..
وتحملت الثلاث شهور الباقيه لفت فت اوديها واجيبها ..
وتخرجت فت فت وانخطبت .. وزواجها الصيف نفس موعد
زواجي قبل سنه .. من حبها لأخوها ..
وعنيات تخرجت من الثانويه .. وحلف ابوي مايوديها ويجيبها الا هو ..



اكيد اللي وصل هنا انهد حيله وهو يقرا وماسك خط

بحفظ الرحمممممممممممممممن

انتههههههت

اااستغفر اللله