بالتوفيق لكم في الريجيم الكيميائي وان شاء الله الكل يوصل للي يطمح فيه،،

والحمدلله على السلامه الغالية الكيكة،،وافتقدناج وايد،،وما يستحي السايت لما ما يبطل عندج،،حرمنا من خبرتج..وان شاء الله نشوفج على طول ويانا،،وتشجيعج دافع كبير للكل..

اختي قلايد،،الحمدلله كل شي تمام،،انتي شو مسويه،،بالنسبة للامساك الاخت الكيكه ناصحتني بشاي رويال وطلعت نتايجه حلوة،،لون العلبة بيضا في النص بريق بنفسجي واعشاب فيهن ورد بنفسجي بعد،،وتقدرين تاخذينه من اي سوبر ماركت،،ما اعرف انتي من وين عشان احدد لج من وين تقدرين تاخذينه..

حبيبتي الغالية الكيكة
يا مية اهلا فيج
انا سعيده جدا انك رديتي عليا
واريد ابشركم بشي
انا في اليوم الثالث من الاسبوع الثاني ورحت اقيس ثيابي اللي ما لبستها قبل الريجيم لقيت نفسي ناقصه خصوصا من عند البطن
الحمدلله
وبدات انتظم على الرياضة اخيرا مشي نص ساعة وتمارين شد وادعو لي
اختي الكيكة
انا اليوم ما قدرت اتعشى بيض ولا البرتقال اكلت لي قطعة حبحب
ايش رايك كارثة ولا ايش
قولي لي الله يوفقش
ومامه تقول لازم اشرب حبوب حديد عشان شكل وجهي تعبان مرة
خايفه علي عروووس
الله يخليكي لي
وتحياتي للغالية مسالة وقت والله يعينك فتومه وين واصلة
انتبهي وحاولي تعملي رياضة بتحسن نفسيتك كثير
باي

اختى الكيكة
انا بدأت الريجيم من 3 ايام و نزلت 1 كيلو و بوزن نفسى الصبح وجدته زاد هل هذا طبيعى انا حزينة:29:

السلام عليكم بنات

اشلووونكم ... مشكورين على الردود ما تتخيلون اشكثر استانس لما اقرا ان بنات نزل وزنهم
الف الف الف مبروك للي نزل وزنهم .. اعبالي .. ادعولي .. و نصيحه من اخت لكم استمروا على هالريجيم لما توصلون للوزن المطلوب ...

اول شي عروستنا بشهر 8 .. مايحتاج تاخذين حديد الريجيم متكامل .. و عادي كل الامهات يشوفون وجه بناتهم اصفر ( وسواس ) .. لا تاخذين شي بس حاولي اذا كان يومج خضار انج تكثرين الخضار الورقيه .. يعني سويلج سلطه و حطي فيها جرجير و خس و سبانخ و بقدونس وعودان بصل اخضر مقطع و حطي عليها شوية خل ابيض و فلفل اسود و فص ثوم صغير ... وايد لذيذه و زينه للدم .. يعني حاولي تعوضين يوم بيوم .. استفيدي من الاكل يوم الفواكه اكلي برتقال او تفاح ( شي مفيد للبشره و كله الياف ) ... مادري فمتي قصدي ولا لا؟

البيضا لا توزنين .. حبيبتي هذا اختلاف سوائل و هرمونات .. نصيحه مني لا توزنين الا عقب اسبوعين.. استمري و اذا ما نزلتي لج مني اللي تبين

قلايد .. حياج الله عزيزه و غاليه ...
مثل ماقالت اختنا مسألت وقت .. شاي ريجيم ماركة رويال و مثل ما اوصفته لج علبة بيضا و عليها ابريق شاي بنفسجي .. يمشي البطن .. اشربه بالليل قبل النوم .. تقومين الصبح للحمام عزكم الله و بعدين عادي تروحين الدوام مافيج الا العافيه ..
اما موضوع تركز السمنه تحت هذي مشكله معظم البنات .. المشي زين و البنات يمدحون جهاز اورب ترك .. و حتى خواتي يمدحونه وااااايد .. اذا تبين تشترين جهاز .. اشتري الاورب ترك فضيع للجسم كله .. بس متعب يبيلج وقت علشان تتعودين عليه بس يقولون نتايجه روووووووووووووووووعه

فطومه 98
الف مبروك انشالله تبشرينا بالعشرين

استمري دام جسمج تقبل الريجيم و بدا ينزل بالج توقفينه ... يمكن اذا وقفتيه و خربطتي بالريجيمات و رجعتيله ما تنزلين .. ما تدرين الاجسام تختلف و مرات ما تتقبل شي و الوزن يعاند.. فنصيييييييييييحه دام الوزن تحرك استمري لا تهدييييييينه لحد ما توصلين للوزن اللي في بالج

حبووبه
هلا بالحبوبه :) ... اي اختي الريجيم هو نفسه اللي بالصفحه الاولى .. اما النزول يعتمد على نوع الجسم ... لكن اخذيها مني .. الوزن نازل نازل سواء بالاسبوع الاول ولا الخير

و اخيييرا بقول لكم اخباري اللي اتكدر الخاطر ...
نوعت الريجيمات و كل يوم ريجيم و كل اسبوع ريجيم و كل ريجيم ما استمر عليه اكثر من اسبوع و النتيجه زاد الوزن .. ماراح اقول لكم جم صار .. بس نويت اليوم ابدي الكيميائي و هالمره مجبر اخاك لا بطل و غصبن علي بكمله و الله لو شيصير ماراح اخلي شي يردني .. ادعولي اكمله والله اني اموت على هالريجيم لكن عيون الاوادم عفستني ..

ادعولي اكمله و ينزل وزني للي في بالي ..

راح استمر معاكم اشجعكم و ترا هم انتوا اتشجعوني والله بردودكم لما تقولون وزنكم نزل

جني قلبتها فلم هندي .. يالله باي ..

:27:

أنا زهقانة مرة ... صار لي ثلاثة أسابيع ولا نزلت غير كيلو ونصف مع أني أمشي كل يوم ومتبعة الرجيم بحذافيرة ولا أدري ليش ملمحتارة أكمل ولا لا شو أسوي مع محبتي