catty
بعد عمري خطاكم السو .. الف الحمد لله على سلامتكم انتي و اختج
اسفة على التاخير بالرد والله اني ما كنت بالديره و مادشيت المنتدى صار لي جم يوم
و اكيد وزنج ثابت علشان الدوره .. انا كنت ازيد كيلوين عليها..
الله يسهل و توصلين للوزن اللي في بالج على صحه و عافيه
بالنسبة لاخباري .. مستمره بالريجيم الكيميائي و انشالله اذا خلصته بقول جم صار وزني

أخواتي القائمات على الريجيم الكيميائي

أشكر لكم اهتمامكم بالرد على المشاركات ... جعله الله في ميزان حسناتكم

بالنسبة لي يا أختي الكيكة ... أنا حاولت الريجيم أربعة مرات خلال السنتين الماضيتين ولكن انقطعت عنه في نهاية الأسبوع الثاني

والأن صار لي أكثر من سبعة أشهر ما جربت مرة ثانية .... وعندي الرغبة في إعادته

بس خايفة أتعب لمدة شهر كامل وما يجيب نتيجة ويكون جسمي تعود عليه

بما إنك كررتي الريجيم أكثر من مرة ... هل تعتقدي أنه ممكن يجيب معاي نتيجة حتى لو عشرة كيلو ؟؟؟؟

على فكرة كأنك بتحكي عن حالتي ... لأني ما زلت ألبس من أيفانز وقدامي حوالي خمسة وعشرين كيلو علشان أوصل للوزن القريب للمثالي

أرجو سرعة الرد والتشجيع

أم شدوني
توكلي على الله يا اختي و اللي فيه الخير ربي يكتبه ... صدقيني مافيه شي اسمه جسمي تعود عليه ... من تجربتي مع الريجيم الكيميائي ان كل ماكان الوزن زايد كثير و الشحم بالجسم اكثر .. بينزل الوزن اكثر .. يعني انا يوم سويته و وزني 118 نزل اكثر من يوم سويته و وزني 85 ....مو علشان جسمي تعود عليه .. لا بالعكس ما تعود .. بس السبب قلت لك ان الشحم قل بجسمي ...
و لان الكل يقول لي خلاص حرام عليج ليش الريجيم و انتي مافيج الا عظام .. و انا بيني و بين نفسي اقول ان وزني المثالي على طولي المفروض يكون بالستينات ....فرحت السنه اللي فاتت سويت فحص بالكمبيوتر علشان اعرف اشكثر نسبة الشحم في جسمي طلع ان وزني المثالي المفروض يكون بين ال 75 و 77

وبصراحه انا صار لي مده تقريبا سنتين جربت فيها كل انواع الريجيم و ضيعت وقتي عالفاضي لان وزني حتى لو ينزل 5 كيلو .. يرجعهم لما اخلص الريجيم .... فتوكلت على الله و بديت بالريجيم الكيميائي و ناويه تكون اخر مره انشاء الله لاني خلاص باقي كم كيلو للوصول للوزن المثالي و انشالله اتمنى خلال هالشهر ان وزني ينزل اكثر من ال 75...خير و بركه

و ناويه انشالله اروح مصح في التشيك بالصيف .. ... حابه اعيش هالتجربه بنفسي و مثل ما قلت كل ما نزل الوزن اكثر خير و بركه .. ومو بس الوزن ... بصراحه انا حابه تقل القياسات بالسنتي و يشد الجسم اكثر

و اذا الله كتب لي و رحت انشالله .. ارجع لكم بالغنايم و انزل موضوع بالمنتدى عن رحلتي
:26:

احنا في انتظارك ياحلى كيكه

وعلى فكره انا نفسي اجرب ريجيمك بس احسه صعب للي طلعاتها

كثيره مثل اختك:22:

خاصه بعد ماسمعت قصتك

هلا بناات شلوونكم؟؟والله خلصيييت الريجيم بس ما نقص وزني زوود عن ااخر مرة مثل ما قالت الكيكة يمكن من الدورة زايد..بس اليووم كان عندي يووم الراحة و كلييت اللي خاطري فيييه:27: مجبوووس و بيزا و كاكاو..يعني اافكر اابدا بكرة بالريجييم اليديييد..مع اني مقررة كانيت ااعطي نفسي راحة يوميين..و الماما موب راضية اابدا بكرة ريجييم يديييد..ههههههههههه تقول لي خلاص ارتاحي اسبووع صرتي رشيقة...ااااه ما تدري بهم الكيلووااات الزااايدة..ادعو لي يا بناااات و بالتوفييييج للي بعدهم ما كملوووو انشااااااللله تنزلووون كل الوزن الزااايد و ترتاحوون و لا تيييكم الدورة الشهرية و توقف فرحتكم مثلي..............

مشكورريين و الشر ما اييكم للي باركو لي عمري اليديييد...:26:

اختكم
catty

:26: