لسلام عليكم ورحمة الله وبركاته
كيف حالكم يا رشيقات المستقبل ؟ :bkh:
اكره المقدمات الطويله بس رجيم النقاط يجبر الوحده تكتب فيه معلقات كنز جزيره ذاااا
القصه سلمكم الله بيوم من الايام وبالتحديد في المستشفى قست وزني وصعقت 93 !!!!!
جتني الصيحه وبغيت استنزل عندهم من الروعه بس ربي طامني بأسمه وكرهت النيرس اللي قاست لي وزني :ohplease:
و وانا راجعه في الطريق احس الهموم كلها تجمعت في وجهي احس وجهي حااار ومع اللواهيب ودي انفجر عاد دبا وحر يعني الوضع مزري هههههه
طبعا مانيب لم احد لدرجة ابوي يكلمني وكل ردودي هااااه ؟ وشووو ؟ لين ما قال الشرهه على اللي يسولف عليتس خخخخخ
الزبده واقولبها في راسي اقول لا حمل لا ولاده و93 ! اجل ان جبتي ذرّ وش بتصيرين ؟ وقعدت اتخيل ان وزني يصير فوق الميه وانا قصيره يعني بصير كارثه وتعوذت من الشيطان وقررت تاريخ 28 \ 5 \ 2013 اني ابدأ رجيم النقاط لاني قاريه عنه ومقتنعه فيه فوق ما تتصورون
توكلت على اللي ما تنام عينه وبديت واجمل مافيه اني اكل كل شي اشتهيه بس احسب نقاطي
كنت اكل اندومي بيتزا تشبسات خضار فواكه رز قرصان معجنات نودلز شكولاتات متخيلين ؟ بس وشو ؟ موب مثل اول يعني بكميات بسيطه ومعقولة بس اهم شي ما أحرم نفسي اببببدا
وبوسط هالمعمعه وبعد 15 يوم من الدايت قلت لازم اشجع بنات معي ويشجعوني وسويت قروب مسج مي واجتمعنا على التشجيع وكان القروب ممتاز الله يقوينا وشجعنا بعض كثير
الأجمل من كل اللي حكيته فوق وشو ؟ اني نزلت كم ؟
نزلت 5 كيلو ونص ما شاء الله تبارك الله بظرف شهر وبدون حرمان
ووزني صار 87.5
يعني ودعت عالم التسعين ودخلت في الثمانين وفي العيد بحول الله وقوته انا اغااااازل السبعين ❤❤❤❤❤❤
الأهم والاهم والاهم اني أعلمكم واحذركم من الرجيمات القاسيه انتبهوا يا بنات
ياما كنت مهبوله و واطيتن على عقلي وأركض ورآهم بس ما منها فايده
مره نزلت على هالخرابيط 15 كيلو وبعد كذا زدت 15 وفوقها 5 زياده
فكروا فيها انحف على مهلي وصحتي زينه واحافظ على وزني والا انزل بسرعه واطلعها بسرعه ؟
لكم الاختيار طبعا
طالبه كل من تقرأ موضوعي تدعي لي ان الله يوصلني الوزن اللي أتمناه بصحه وعافيه
وان الله يطول بعمري وعمر والديني وإخواني وأخواتي وأحفادنا وحبايبنا بالطاعات
الشهر عليكم مبارك والله يجعلنا من صوامه وقوامه ❤