هلا بنت الكويت
بالنسبة لصديقتي تقولي ان الرجيم هذا غيرلها نظام حياتها كامل هي تركته من شهرين ولازال وزنها بينزل مشاء الله عليها كيلو بالشهر بتوزن كل اسبوع وهي نازلة نص كيلو
صديقتي الغالية كان سبب سمنتها المعجنات كانت تاكل بالهبل يعني تشتري بيتزا هت اكبر مقاس وتاكلها لحالها ماحد يشاركها فيها الله يعطيها العافية وهذا المغرب يعني ماهي وجبة وطبعا الحلويات تشيز كيك وشوكلاتات اما اللحوم والفواكه وغيرها نادر ماتكلها يعني بالمناسبات ويدوب
وحاليا تحس ان شهيتها للمعجنات اقل بكثير يعني بتاكل معجنات وحلى مو اكثر من ثلاث مرات
بالاسبوع وكميات اقل اقل من السابق بكثير يعني البيتزا الي ككانت تاكل اكبر مقاس الله يعطيها العافية ان شاء الله سارت بالقوة تاكل شريحة وحدة منها والتشيز كيك هي تموت عليه لكن بتعملوا بالبيت بالزبادي قليل الدسم وسكر سبلاندا والجلو الخالي من السكر والكربوهيدرات
وكل هذا لانها كرهت شي اسمه حلى كثير ودسم تبع الكريمة
وكمان هي كان عندها اضطراب بنسبة السكر بالدم وحاليا اتعدل وسار تمام ماشاء الله عليها :)
هذي باختصار حكاية اعز صديقاتي مع رجيم البروتين وهي زي ماقلت بالسابق مالتزمت فيه حرفيا كانت بتدخل كل اسبوعين يوم فواكه لتكسر رغبتها بالحلو وجلست المرحلة الاولى شهر ونص والثانية كذلك والثالثة شهر
علشان كده انا اتشجعت وقلت لازم اجربه لو شهر واشوف ايش بيسير
وعلى فكرة اختي بنت الكويت هي قالت انها كانت تشكو من ثبات الوزن بعض الاسابيع وتفكر بترك الرجيم ولكن حلمها بالرشاقة مايخليها فتستمر او تاكل ليوم واحد فواكه طوال اليوم وبعد اسبوع او اسبوعيت تلاقي نفسها فقدت كيلوات متازة ان شاء الله تتشجعي وتكملي حتى مع ثبات وزنك لمدة بسيطة :)
ان شاء الله كلنا ننحف يصحة وعافية:)
سوري طولت عليكم بس حبييت نتشجع بتجربة صديقتي

هلا والله اخواتي

لا شووووووو هالمفاجئات هذي بنوتتنا ليش كذا

امولة اشصاير فيكم ليش جذيه ؟!!!!!!!!!!

العب عليكم ؟؟

قولوا لي ليش ؟

قلتوا ليييييييي

الحين اقولكم


امس كان يوم راحة بعد انقضاء شهرين كاملين

واكلت فيهم الحقيقة فطاير ورز وكيك

اول ما خلصت العشا حسيت اني لا يعة جبدي وكأني بارجع بس شربت شوي شاي اخضر

وصرت احسن .

كل اللي هناك يلاحظون الفرق اسبوع ورا اسبوع .

بنووووووووتة
--------------


بالرغم اني مسجلة في المسابقة اليديدة وزني كان 123 و700 جم

ويوم ثاني بدل ما ينزل زاد الى 124و 100 جم وكنت مو ماكلة شي من الظهر وماشية نص ساعة ( اول مرة امشي هالوقت )

كنت اتوقع اني رح انزل على الأقل نص كيلو

وجاني احباط واكتئاب

وما قادرة احاجي زوجي

حتى هو قال كله من هالميزان بتشوفين لو ما اكسره عشان ترتاحين .

المهم الإثنين والثلاثاء على نفس القضية .

وصاير نفسي مسدودة

آكل غصب عشان انزل .

امس اللي مواعدة نفسي على اليوم الإجازة لقيت وزني صاير 123 كيلو 300 جم يعني تقريباً

نزل وزني 700 جم عن اليوم اللي قبله .

وكنت خلاص رح اهون مارح اخذ اجازة من الفرحة

لكن زوجي اصر اني اكل رقي ( قصتي انا والرقي مثل قصة ليلى والذيب )

ورحت بيت اهلي واكلت اللي قلت لكم عليه .

بس مازال نفسي في خبز , وعندي شوكلاتات من المولد خاشتهم عشان يوم الإجازة .

بس ما امدى آكلهم شكلي باشوف تاريخ انتهاء الصلاحية اذا ما يخلصون للشهر الياي رح

اخليهم للإجازة الياية .

اليوم وزنت لقيت وزني زايد نص كيلو

طبعاً بحكم الإمساك فزين النص كيلو



شخباركم ياحلوات

بنت الكويت

لا تزعلين كلنا في الهوا سوا اللي مع سابق اصرار وترصد زي حالتي , و اللي موقصده زيج .

لكن المسابقة جاية ورح انرد في تحدي بمشيئة الله .


امولة
-------

الحمدلله على ردتج بالسلامة

يالله المهم انج ترجعين وبإصرار

بس اشسالفة ان الجسم يحتاج للخميرة .

هو يحتاج لفيتامين B كومبلاكس اللي في الخميرة مو للخميرة نفسها

وهذي ممكن تلاقينها في الفيتامينات اللي تاخذينها


اوشال

سلامتج حبيبتي

وبالنسبة لريحة الفم زي ما قلتي سببها قلة الأكل بالإضافة الى ان ريجيم البروتينات

يطلع كيتونات تطله مع التنفس ومع البول ( اعزكم الله ) وهو اللي يكون الريحة وهذا دليل

حيوية للريجيم مو شيء سيء

بس الله يعين اللي جدامنا عاد .


كلي امل
---------

شخبارك حبيبتي

ان شاء الله تستمرين معانا ونكون مشجعين لبعضنا

ونوصل للي وصلته زميلتك .



هالة لبنان
-----------

وينك اختي اسبوع واكثر ما شفناج

عسى ماشر

والله قلبي قارصني عليك

كل يوم ادخل اقول ان شاء الله اشوف رد لهالة

خبرينا عنك

ليش هالغيبة ؟؟ ان شاء الله خير





وعشان كذا لقيت الجماعة كلهم مخالفين

ما ادري يا بنات أيش صار فينا كل وحدة تخربط في الأكل هاليومين
الظاهر أن عييييييييييييييييييييييييييييييييييييين ما صلت عالنبي
يا بنات خنتبخر اليوم المغرب بشبة وسويدة ونقراعلى عمرنا ونبدا من اول وجديد وبس هالمرة بجدية اكثر
ترى صج يمكن اللي يشوفنا من ربعنا واهلنا يشوف الفرق الواضح بشكل الجسم بس المشكلة في الميزان اللي ما قاعد يتحرك ولا غرام
عموما خنكون يد وحدة ونشجع بعض من جديد

هلا والله نوارة قلبي

شخبارك حبيبتي

انا اقول لك

الميزة في هذا الريجيم انه يخفض الحجم مو الوزن ؟

وهو المطلوب

يعني شيفيدني الله وكيلج اني انحف عشرة كيلو

وجسمي ينقص مقاسه سانتي

اكيد ما رح استفيد لكن لما ينقص الشحم

الكل يشهق ويقول ويش امسوية

واضح جداً الفرق

ويش يكون شعورج

والا اللي يقول اتصدقين اني ما عرفتج اول ما شفتج فكرتج فلانة .

اشلون يكون شعورج

يالله بنات

احنا لو نتفق ناخذ المقاسات بالسنتسمتر مو احسن .

وش رايك بالفكرة .

بدل ما نكتب الوزن نكتب المقاسات اسبوعياً وبجذيه نفتك من سالفة ركبة الميزان اللي تحبط

السلام عليكم

شلونكم يا احلى بنات ؟

انا الحمدالله رجعت للرجيم اليوم
وزنت ووزني مازاد لان كل الي كليته كاكاو وبفك :)

وماراح اوزن الا بعد 10 ايام عند الدكتور

** كلي امل **
:26:

شجعتيني استمر بالنظام
ماشاءالله عليها صديقتك 35 كيلو ب 4 شهور انجاز
عسى الله يتمم عليها قولي آآآمين


joy1
:26:

هلا حبيبتي شخبارج ولهنا عليح
وبالعافيه اليوم المفتوح وانا بتحداج بالمسابقه :icon28:
أنا أكمل الشهرين1_6 ويارب اكون نازله


نوارة القلوب
:26:

وانتي الصاجه عين ماصلت على النبي
بس ان شاءالله مانخربط مره ثانيه


هالة لبنان
:26:

وييييييييييييييييينك :icon33: