سفينه الاحلام :

قصه حلووووه يعطيك العافيه متابعه بشغف

قصه حلووووه يعطيك العافيه متابعه بشغف

عايشة بمجد ابوها :

البارت السادس والعشرين من ادعي علي بالموت ولا سمني بس لا تفارقني..... مر اسبوع وفارس كل ليله ينام عندها وماتخلا عنها ابدا رغم انها تظغفط عليه يروح لكن هو رافض.. وين يروح اذا ابوه مايبي يشوفه في البيت وصارت حياته برا المستشفي ضايعه ومن يدخل عند حنين يحصل حياته الي هاربه منه.. اشواق مشت حياتها عادي رغم ان روح الانتقام بداخلها .. مريم ..تنتظر عدتها تخلص وتتفرغ لحياتها.. فارس صحى بدري او بالاصح ماجاه النوم كان يفكر في موضوع واحد شاغله ومطير النوم عنه ..يفكر في ميما اشتاق لها واشتاق لطفولتها ..كان ينتظر الصباح متي يجي ويشوف حل .. قام من علي الكنب وباس حنين وودعها ومشي.. حنين نايمه .. طلع فارس وركب سيارته شغلها ..اخذ جواله واتصل علي المحامي.. المحامي :هلا والله استاذ فارس . فارس :اهلين هلا والله صباح الخير. المحامي :صباح النور وينك يارجال اخبارك . فارس :والله مشغول تعرف مشاغل. المحامي :والله ادري عسي ماشر من شفت مسجك البارح وانشغلت . فارس تنهد :شا اقول انت ادرا بالحال الي انا وصلت لها بس ابي اقابلك ونتفاهم علي كل شي. المحامي :اوكيه المكان الي يريحك تبي تجي لمكتبي. فارس :خلاص دقايق وانا ان شا لله واصل عندك . المحامي:انتظرك .. كلها دقايق وفارس موقف سيارته ونازل للمحامي .. دخل وسلم عليه وجلس .. المحامي :هاه ايش تشرب . فارس :ياليت قهوه من البارح وانا مو نايم . اخذ فارس الاوراق الي معاه وحطها علي الطاوله اخذها المحامي وجلس يقراها ويفهم القصه من فارس,, فارس :اهم شي البنت تجي واخذ وصايتها . المحامي :بس انت تقول ان ابوها معاه اوراق العلاج . فارس حس بالموضوع صعب:تصرف الله ييلخك شوف اي شي مستعد ادفع له فلوس اسوي اي شي لو اظطرت ابيع كل شي بس تجي ميما عندي وتحت وصاتي. المحامي :عطني الين بكره اشوف الموضوع واتاكد من كل شي زين واراسل المستشفي الي تعالج فيه واشوف بس ربي يكتب الي فيه الخير بس ارجوك لا تامل علي شي ولا تقول لامها بس بغيت اوراق تثبت حالة امها الصحيه والتقارير عنها كامله .. فارس :خلاص ارسلها لك ان شا لله اليوم فاكس لو ماقدرت اشوفك . المحامي :خلاص بينا اتصال .. وقبل يطلع فارس:الا خلصت الاوراق الي عندك .. المحامي :ايه ذكرتني خلصتها بس انتظر اصدقها من المحكمه واعطيك اياها مره وحده . استئذن فارس المحامي وطلع وهم كبير طاح عنه تفائل بالخير والامل بس مايدري ..سلم امره للي اخلقه ومشي بسيارته .. قطع شروده اتصال جواله ومن سمع النغمه عرف انها حنين صحت. الو .. حنين وصوتها فيه النوم :صباح الخير .. فارس انشرح صدره :صباح النور حياتي لا تخافين انا جاي الحين بس كانت عندي شغله وخلصتها وجاي.. حنين .ليه ماصحيتني قبل تطلع .. فارس :ماابغي ازعجك حياتي تبين اجيبلك شي من برا.. حنين :لا ابي سلامتك . فارس :يالله انا جاي اشوفك علي خير. حنين قبل تقفل :فااارس .. فارس :عيونه . حنين :انتبه لنفسك .. فارس :اوكيه حياتي يالله مع السلامه . قفلت حنين الخط وحاولت تقوم وتاخذ لها شور وتلبس قبل فارس يوصل..كانت متحمسه علي شغلها.. طلعت حنين ولابسه بجامتها..تبي تطلع للحديقه ملت من الجلسه ..الا علي جيت فارس شافها واقفه .. فارس سلم عليها :علي وين يااعسل. حنين بدلع :مليت وبطلع للحديقه ..شوي . فارس يتعجب بملامحه وحط يده علي كتفها وحوطها ونزل راسه وعيونه عليها :بالجو هذا لااااا حنين :فرووسي والله مليت .. فارس كلها كم يوم وتطلعين من هينا مره وحده وان شا لله ماراح ترجعين هينا قولي امين .. حنين خاطرها تطلع لكن فارس رافض .. دخلها للغرفه ودخلت بدون ماتقول شي وجلست علي الكنب .. فارس :هاه وين تصميمك تراني مستعجلين فيه.. حنين تحمست صح خلصته.. فارس تحمس اكثر :يالله وريني اياها . اخذت حنين الاوراق وعطتها فارس يشوفها كان يتعجب وملامحه تعبر تشوف بسماته وتعبيراته.. فارس :طيب انا بصير زبون عسر ..وبقولك شغلك ماعجبني ساعتها ش بتسوين ..؟ حنين طالعت في فارس بس نظراتها ماتتفسر :بقولك خذ اوراقك وروح لغيري... فارس:هههههههههههههه بالباساطه هذي.. حنين :مثل ماشفت تصميمي بسيط.. فارس اخذ الاوراق منها وحطها علي جنب.. حبيبتي انتي في داخلك اشياء حلوه وكل يوم اكتشفها .انتي اعجوبه ..ااحبك يااناس اموت فيها لا احد يلومني.. فارس :طيب ايش رايك خاطرك تطلعين صح .. حنين بكل لهفه :ايه فارس :امممممممم انا بستئذن الدكتور اخذك علي المحلات الي تبغينها عشان التصميم بس بشرط مانطول عشان صحتك اوكيه . حنين بفرح:الله اخيراااااا . فارس قام وراح يكلم الدكتور علي الطلعه وحاول يقنعه انه ممكن تستجيب للعلاج وتقصر المده .. بالعافيه الدكتور قبل وعطاهم وقت لروحه وحدده لهم عشان صحتها ماتدهور وقلبها لا يتعب . افرحت حنين بالروحه ومو مصدقه ..البست ملابسها واخذها فارس بين احظانه لفها بشالها عشان ماتمرض وركبها سيارته وركب وهو مبسوط وعيونه ماشلها عنها .. استحت حنين وصارت تطالع بكل لهفه لكل شي حولها .. فارس مانسي انه ياخذها تفطر ويعيد ايام اول ويرجعون شي من الي فاتهم .. افطرو واخذها للمحلات راح الوقت وهم يدرون ويختارون ..ويكنسلون من الاثاث.. ويجربون الالوان ويناقشون .. وفارس من يدخل اي محل يطلب لها كرسي تجلس عليه ويطلب كل شي يجي لحدها .. دلعها بما تعنيه الكلمه .. بس حنين رغم هذا كله ظهر عليها التعب وقرر فارس ياخذها للمستشفي رغم انهم انجزو نص الشغل الي اتفقو عليه ..كان كله اختيار حنين ومن افكارها وانجازها.. طلعو من المحل وركبو السياره وسنتد حنين راسها وباين فيها التعب ..حاول فارس يخفف عنها لكن حنين كانت مبسوطه بالي سوته .. في الشركه الكل مجتمع الاعمام وبينهم اجتماع كبير..الي بينهم مايطمن . ابو حمد :لازم نحط وضع للي قاعد يصير ولدك ركب راسه ورافض طلاقه من حنين حتي واحنا ماخذين بنتها منها رافضه .. ابو طلال :هذا واحنا ظاغطين عليها لكن مافي الا نسوي الي كنا متفقين عليه .. ابو فارس:انتم ماخليتو لي خيار اختاره وحياة فارس صارت جحيم من دخلت بنت عبد العزيز علينا زواج وزوجته علي اساس يطلقها من يرجع حمد من السجن لكن اللعبه اخذت مجري ثاني ..وماقدامي الا اني احطه قدام الامر الواقع بس اخلص الاجرائات مع المحامي والشركه .. الاعمام موتهم يشوفون احد يرفض لهم طلب ..فما بالكم بفارس الي طردهم وقلل من قيمتهم وكسر كلامهم ..ومانفذ اي اي شي هم يبونه ..نزع اخيرا لابس الخوف وصار يقول رائيه من غير مايخاف ومن غير مايخاف من عواقبه دام واثق من نفسه وماوصل للحال هذي الا لان حنين معاه تعطيه من دفعات الامل وهي ماتدري .. جاته القوه الي تخليه يوقف قدام اعمامه ويصرخ بعالي الصوت ..وياكد انه رجال يعتمد عليه وراعي مسؤليه ومايفرط بالي وصله بسهوله.. اثبت انه قد كلمته الي قالها ومارجع فيها .. نرجع لكندا عند راشد بالتحديد ..بدا يسوي اوراقه بيرجع لبلاده وحياته ..بيرجع ويدخل تحت حكم الاعمام والعادات والتقاليد بس راشد ماينخاف عليه ..صار اقوا من فارس والغربه علمته اشياء كثيره .. صحيح رجال العائله تعبو بتريية عيالها وطلعو رجال بس ماتوقعو انهم بيتمردون عليهم ويكرهون حكمهم .. طلعو من تحت سيطرتهم وارضخو الي متطلبات الوقت والزمن الي عايشين فيه.. ام فارس سلمت امرها ..وكرهت فارس الي هو ولدها ليش سوا كيذا وخرب حياتهم كلهم والمشكله ان هذي النظره الكل يشوفها مايدرون انه يعيش اجمل فترات حياته .. صحيح ان الانسان مايفرح لفرح اخوه ..ولا يشاركه فرحته بل العكس همهم الوحيد تعاسته .. خلق ربي الانسان وكرمه وعطاه من العقل لكن بالطبع البشري والنفس الاماره بالسوء والشر ماتترك احد بحاله والشيطان قدر يلعب عليهم والكره عمي عيونهم عن اشياء كثيره ..خلو العادات تحكمهم والتقاليد زمام امورهم ..سلموها لكيف هم عاشو في الماضي ويبون الكل يسلك نهجهم مع ان الوقت والزمن صار يحكم غير كيذا في كل زمن يتلطب اشياء اعطاء اكثر وتضحيات اكثر واكبر من الزمن الي قبله .. ويمكن مايكون الزمن بالاصل الانسان الي يتغير ويحتاج هذا كله ... نرجع لفارس وحنين .. قربت طلعتها من المستشفي والحمد لله حالتها تحسنت وصار الوقت انها تطلع وتواجه البشر الي تخبت عنهم وهربت عنهم بعيد وانزوت في غرف من غرف المستشفي وسلمت جسدها للمرض.. الحين صارت تقدر تطلع وترفع راسها وتتمسك بيد فارس ويبدون حياة جديده مثل ماقدر فارس يقنعها فيها .. جهزت كل اغراضها ..وحملت نفسها واعطت اخر نظره للمكان ..تنفست وهي مبسوطه اخذها فارس من يدها خايف يضيعها مره ثانيه .. ومن وصلت لباب المستشفي خافت شوي وبين هذا بملامحها حست بانها غريبه عنهم ..ترددت تمشي او تتقدم خطوه.. صارت تنتفض لكن فارس بطيبته عطاها نظره امل ومسك يدها ..وقربها له .. طول ما انا ماسك يدك لا تخافين . حنين ارتاحت بكلام فارس واخذت نفسها ومشت ..ورمت وراها كل احزنها وتركتها حبيسة بين جدران المكان الي هربت فيه .. ركبت السياره ومالتفت لورا ماتبي تشوف ماضيها الي عاشته تبي تنساه ومن اللحظه هذي وتعيش حياتها بكل ماعطاها ربي.. بقرب اعز مخاليق الارض.. ركب فارس وهو مبتسم والتفت عليها .. فارس وعيونه عليها :مو مصدق انك معاي وان اليوم هذا جا واخذتك .. حنين ابتسمت لكن الخوف واضح عليها ..مسك يدها عشان يتاكد ان الي يصير واقع .. مشي بالسياره لكن حنين ماتدري وين بيروح ..اخذ يغنيلها .. انتي اغلا شي عندي وانتي في عمري امل.. وانتي قلبي وانتي روحي وانتي كل الامنيات .. انتي الحاجه الوحيده الي منها ما امل.. باختصار انتي بصفاتك جامعه كل الصفات ..(اغنيه لراشد) حنين ابتسمت واستحت من كلام فارس وصوته وهو يغنيلها يلعب بمشاعرها .. فارس اخذ كل اغاني الحب وصار يغنيها لها كان خايف عليها خايف يفقدها وفرحان فيها وفرحان بفرحته ..مايعرف يوصف مشاعره او احساسه ... رفع يدها وباسها وشمها وغمضت عينه.. فارس صار يمشي بشوارع حنين ماتعرفها واستغربت بس اسرع مافارقها استغرابها الي تعجب اكثر واكثر.. وقف فارس عند باب كبير.. التفت حنين له وتدور بملامحه جواب..لكن فارس ابتسم لها .. فتح باب البايكه ودخل السياره داخل البيت ... حنين جلست مبلمه بالي حولها شي غريب ..ومفتحه عيونها .. فارس نزل وفتح الباب لحنين ومسك يدها ينزلها من السياره.. وهو مبتسم وكل ملامح الفرح بوجه .. حنين تمشي وهي مبهوره ..حديقه كبيره مزروعه بالورد وفيها نافوره صغيره بوسطها فيها كراسي ومرجيحه ..وقبالها مسبح كبير ..وبالوسط فيه بيت كبير نوعا ما .. من وصلت لباب البيت فارس مسك يد الباب وهو مو مصدق ان حنين بتحط رجلها فيه.. فارس يطالعها :افتح .. حنين مبهوره وهزت راسها بالايجاب.. من انفتح الباب انصدمت حنين من الي تشوفه .. المدخل عباره عن حجر اسود مرصوف بالارض والجدران وشكله مره حلو والاضائه لاعبه دور فيه وبالوسط كان مدخل من الرخام ومرايه وعليها بعض الورود ..وعلي يسار المدخل كانت صاله كبيره والوانها متدرجه بين البيج والبني والاحمر..كانت خيال فيها الكنب علي حسب طلب حنين ومصنوع من اغلي الاقمشه ومحشي بريش نعام .. الصاله عباره عن طقمين من الكنب قبال بعض وشاشه بلازما كبيره والشباك كان قزاز كبير مطل علي الحديقه ..غير التحف الي مصففه بطريقه حلو ودريكوراتها مثل ماحنين رسمتها .. وفي ركن الصاله كان طاولة طعام لست اشخاص .. وفيه ركن ثاني من الصاله جدار مصبوغ باللون الاسود ومرسوم عليه ورد بالوان متدرجه بين الاحمر والعنابي والابيض وفيه صوفا كبيره بلون العنابي واطرافها بالابيض .... حنين بتصميمها مانست تحط مدفئه وحولها مخدات كبيره . كان كل شي بالبيت من ديكورات حنين الي رسمتها فارس حب يخيلها لها مفاجئه .. كانت من تمشي تتفاجئ اكثر واكثر.. وفي اخر الصاله باب يودي الي قسمين باب خارجي للخدم وباب للمطبخ .. وفي الطرف كان الدرج مبني بطريقه وديكور متعوب عليه ..ومبتكر وعلي كل عتبه اضائه خافته ..وغير اللوحات الي معلقه علي الجدران وكانت بعد من اختيار حنين .. ومن طلعت فوق كانت صاله تتوسط المكان وفيها شرفه تطل علي المسبح والحديقه وفيها كنب مريح للجلسه كانت الجدران مصبوغه بالنفسجي الغامق وديكورات من الفضي والاسود .. فيها ابتكار وتاثيث الاثاث بعد مبتكر .. علي يمين الدرج كان فيه غرف نوم واول غرفه كانت غرفة ميما .. هينا من فتحت حنين الباب حزنت .. من شافت فارس كيف تكلف بتاثيث غرفتها والالوان الي مصبوغه ومرسومه كلها طفوليه وبالوان الوردي والبنفسجي الفاتح والابيض .. وقبالها غرفتين اضافيات وفيها ديكورات روعه .. اما غرفة حنين وفارس فكانت يسار الدرج من وصلت لها حنين جت بتفتحها .. الا فارس وقف قبالها ..وفتح لها الباب .. من شافتها حنين طار عقلها ومو صدقه الي تشوفه صارت دموعها تنزل من غير وعي منها .. كانت الوانها بين الاحمرالداكن والذهبي الملكي ..السرير تصميم روماني واعمده ..وفي الغرفه جلسه قبال الشرفه ..وفيه غرفه لمكتب فارس غير غرفة الملابس والحمام اكرمكم الله فيه شور ومغطس .. الشموع معبيه المكان وريحة العطور تفوح في ارجاء البيت .. السرير منثور عليه الورد ..حتي تسريحة عطورها مرتبه من كل شي وملابسها جابها ورتبها لها بالدولاب ..وقفت مبهوره.. فارس اخذها ووغمض عيونها وطلعها لشرفه .. مستعده تشوفين .. حنين اخذت نفس عميق:ايه . من فتح عيونها كانت تطل علي احلا منظر ..عمرها ماتوقعت تشوف المنظر هذا كل يوم كان البيت يطل علي البحر ..انهبلت علي المنظر وعلي البحر وعلي هوا البحر..طاير عقلها . دموعها صارت تنساب من غير وعي منها صارت تشوف كل شي حلو ..ماتدري اي شعور ممكن توصفه ..حبها لفارس ..ثقتها فيه فرحتها الي رجعت حياتها الي بتصير احسن .. التفت علي فارس وارتمت بحظنه تبكي من فرحتها .. فارس رفع راسها له وشاف دموعها ومسحها لها بيدها .. بس الي الان مانتهت المفاجئه .. حنين بصوت متقطع:بس كافي اكثر من كيذا بنجن. فارس :بسم الله عليك تعالي معاي مسكها مع يدها واخذها معاه لمكتبه ودخل.. دخلت حنين معاه اخذها وجلسها علي الكنب.. فارس راح لمكتبه وطلع من الدرج ارواق وحطها بين يدين حنين .. حنين تطالع فيه ماتدري ايش الي معاها .. نزلت عيونها تقراها تفاجئت ..افزعت من الي تقراه وتشوفه.. اخذت الاوراق ورمتها علي الطاوله وغطت وجهها بيدينها وصارت تبكي .. ومن بين بكاها .. حراااااااااااام والله حرررررررررررام الي تسويه ... المحامي في مكتبه يطلع علي الاوراق الي قباله ..كان يحس بان القضيه الي بيده صعبه ومعقده ..بس مصمم يحلها ويطلع حقهم ..يشوف بين الاسطر حروف تثبتله ان الحق معه ويقدر يربحها ..بس من شاف التقارير حقت العلاج تخص حنين ..شاف السر الي ممكن يقدر يفك فيها شفرات القضيه عند القاضي ويخلص الموضوع لكن اوراق حمد بعد فيها شك وخايف منها وخايف تكون اقوا من الي عنده وحججه راح تكن اقوا .. حدد وقت لرفع القضيه بعد مافارس وكله وفوضه يمشي بالقضيه .. الي من كان الهامي ..الي من علمني كيف اعيش ..الي من علمني كيف اشتاق له ..وكيف اكتب له ليس لغيره ... ابي الي جنة الخلد .....اهدي لك كل نجاحاتي ..الي من علمني كيف اعيش بمجده ......

البارت السادس والعشرين من ادعي علي بالموت ولا سمني بس لا تفارقني..... مر اسبوع وفارس كل ليله...

عايشة بمجد ابوها :

البارت السابع والعشرين من ادعي علي بالموت ولا سمني بس لا تفارقني في الشركه ابو فارس طلب المحامي وقسم المحاسبه .. وطلب عقد اجتماع ..ومن دخل عليهم ..كان الكل ينتظر اوامر في الشغل بس انصعقو يوم عرفو ان الاوامر بتظر شخص وبتظرهم بعد .. استغربو ردة الفعل الي كان ابو فارس فيها .. كان يطلب ويبي التنفيذ من غير اي نقاش.. طلب من المحامي يمشي باوراق تحديد نصيب فارس واسهمه بالشركه .. وطلب من المحاسبه تشوف الارباح والاسهم وراس الاموال الي دخلها فارس .. طول الاجتماع وتدخل فيه ابو حمد .. اخذ يتناقش مع ابو فارس الموضوع الي شاغلهم ومبعد عنهم النوم .. طلب ابو حمد ان تنحصر الارباح وتنفصل عن اسم فارس .. ويطلع من الشركه باسرع وقت ممكن او تتوقف صلاحياته .. لكن المحاسبه والمحامي اكدو بان الاجرائات تاخذ وقت وخصوصا حصر الورث والارباح والاسهم والاموال وفيها دخول محاكم ومواعيد المحاكم تاخذ وقت . ابو فارس وابو حمد كانو مستعدين لاي شي ويبون يمشون الموضوع باسرع وقت .. وحمد كان مؤيد كل شي يمكن بالطريقه هذي فارس يحس بالي سواه غلط يوم يشوف تعب سنينه يروح منه ويتراجع في قراره .. مع ان الكل عارف ان فارس اذا اخذ كلمه مستحيل يرجع فيها وخاصتا اذا كان مقتنع فيها تمام القناعه .. نرجع لصدمة حنين واقعها الي عايشه فيه .. فارس خاف عليها ومن ردة فعلها .. قام من مكانه وراح لها .. حبيبتي :ايش فيك هذا قليل بحقك.. حنين وصوتها بالبكا مليان :بس انت تعرف يعني ايش تكتب البيت باسمي فارس انت تضحي بكل شي عشاني.. فارس اخذها من يدها وجلسها بجنبه وضمها له .. انتي لو تدرين ان اعمامي وابوي يخططون لشي كبير ومتوقع هالشي عشان كيذا ابي اضمن لك مستقبل تعيشين فيه .. التفت عليها ورفعت راسها له بفزع .. حنين بتكلم معك بكل واقعيه تعرفين حمد ممكن يسوي اي شي ويمكن توصل لدم .. انا ماابي اذا صار لي شي انتي بعد تتعذبين من بعدي.. هينا حنين اشهقت مو متخيله كيف ممكن تكمل حياتها من غير فارس .. فااااارس (وتشااهق )خلاااص لا تقول هالكلاام الله يخليك بسم الله عليك الله يخليك لي.. وحظنته لها .. فارس اخنقته العبره ماكان وده يتعبها كيذا بس لازم يقولها .. حنين تبكي وهي ضامه فارس خايفه عليه والود ودها تذبح نفسها وتريحه من الي هو فيه .. فارس مااستحمل يشوف حياته ذايبه من الخوف بين ايدينه ويتركها .. اخذها وضمها له ومسح علي راسها وهو يغتصب الضحكه . الحين بنخرب فرحتنا في البيت الجديد بالبكي يالله عاد مسحي دموعك خلينا نحتفل.. حنين مسحت دموعها بسرعه بيدينها وابتسمت .. حتي وجها ومليان دموع فيه البرائه والجمال الساحر.. ملامحها من يشوفها يرتاح وهمومه ينساها .. فارس :بروح اجيب الاغراض من تحت وانتي خذي راحتك في بيتك .. حنين ابتسمت :بيتك قبل يكون بيتي مو انا وانت واحد .. فارس قرب منها وبين فارق الطول وعيونه عليها :اكيد حياتي واحد .. ذابت حنين من الحيا من نظراته وابتسمت .. خايفه يكون الي هي فيه حلم خايفه تصحي منه .. ودها احد ياكد لها انه صدق والي يصير حقيقه وواقع مو كذب وخيال.. حنين صارت تمشي بالغرفه وهي تتفرج واصابعها تتلمس كل شي موجود فيها .. كل شي مثل مارسمته مثل ماتخيلته مثل ماخططت له .. تمشي وتمسح دمعاتها الي تفر كل لحظه والثانيه .. شافت صور فارس وهو صغير وصورها وصورة لميما .. وقفت تتاملها وتشوفها وتسالها عن حالها .. بس للاسف الصوره ماترد عليها .. فارس كان واقف عند الباب يشوفها وهي واقفه ويتامل كل حركاتها .. حنين ارفعت صورة فارس لها وباستها وضمتها لصدرها .. حركاتها كانت كلها عفويه وحبها صادق .. قرب فارس من وراها وضمها له..حنين ارتبكت من حست بفارس.. فاارس :وربي احبك حنين ابتسمت من داخلها لخارجها كل شي فيها يضحك وفرحان .. حبيبتي جهزي عمرك وتعالي تحت انتظرك .. حنين :ان شا لله حبيبي . نزل فارس للمطبخ بيجهز شي ياكلونه ويكمل باقي الليله بحظن حبيبته الي فقدهها شهور.. يبي يعيش بالحياة الي هو اختارها مو الي انفرضت عليه .. نزلت له حنين باحلا ما عطاها ربي من جمال ..لابسه له قميص لون اسود قصير حد الركبه شكلها للاول مره مايعطي الطفوله تغيرت عن اول ..من شافها فارس طار عقله فيها .. صار يطالع كل خطواتها وهي تنزل وكلها دلع ونظراتها الي تذبح فارس لصميم .. ضحكت حنين لفارس وهي مستحيه منه .. سحب لها كرسي وجلسها وقبالها شمعه وحده ووردتين ..والاكل مرتب علي الاخر .. كانت الجلسه معطره بفوحات الحب وفيها من نسمات الشوق .. فارس جلس قبالها ..وماشال نظراته الرجوليه ورومنسيه بنفس الوقت .. يطالعها وبلهفه .. صار ياكلها بيده ويبوس يدها بين فتره والثانيه.. وحنين كانت ضايعه مع الاجواء بالحيا ودبت فيها الحياه من اول وجديد ونست كل ماضيها وحياتها السابقه .. رجعت لافاق ضحكتها ..واحلامها .. خلصو من العشا اخذها فارس وشالها مايبيبها تمشي وتتبعب خاطره يريحها طول عمرها .. اخذها للغرفه وهي تحس بدقات قلب فارس تتسارع مثل ماقلبها تحسه ان الكل يسمعه.. ومن حطها علي السرير غاب عنها الكل وصارت ماتشوف ولا تذكر ولا تعرف غير فارسها الي قبالها .. مر الليل كله وهم يتبادلون احلا همسات الحب نامت وهي بحظنه وبين انفاسه وبين دقات قلبه.. حست بان الامان منحصر بين ايدينه الي حوطها عن الكل ..خايف عليها من انفاسه تجرحها . كل فتره تصحي وتفتح عيونها تبي تتاكد انها بحظنه .. فارس غمض عيونه وخايف يفتحها ويختفي العسل الي عايش فيه.. حنين وبكل صدق :مااتخيل في يوم مااحصل نفسي بين يدينك وعيوني تشوف عيونك ..وقلبي يشاركك نبضاته.. فارس اخذ نفس :حبيبتي انا دايم بجنبك وقبالك علي طول ..لا تخافين طول ما اتنفس هوا الدنيا بكون لك كل شي ..مستعد ابيع كل شي بس تكونين انتي هينا ..معي .. باسها علي شفايفها مايبغها تتكلم اكثر مايبيها تعيش الالم ولو للحظه بعد اليوم.. باسها وختم ليلته باحلا واجمل وارق لحظات عاشها .. اليلل كان شاهد علي كل لحظات عاشوها ..وكل ساعات النهار تشهد وتشاركهم ادق تفاصيل حياتهم .. كل مكان في البيت يعبر عن الي بينهم .. حنين تفننت في خدمة فارس وتوفير له كل شي يطلبه صارت الاخت وقت الفزعه والام وقت الدمعه .. والزوجه وقت الحب .. والحبيبه اذا تخلو كل الناس عنه .. صارت له الهوا والما الي يحتاجهم .. صارت تاخذ من نفسها وتعطيه .. فارس مايقدر يكمل ساعه من نهاره من غير مايشوفها .. مايقدر يبدا يومه من غير كلمة صباح الخير منها .. يشتاق لها لو غابت لحظه حبها عشقها شافها الحياه والموت .. صارت وكانت له السند والاهل يوم باعوه.. عوضته عن اي شي ممكن يحتاجه في يوم .. فارس صار مثل الطفل الي ماينام الا بحظن امه ويشم ريحتها ويتطمن بوجودها .. وحنين مثله ,,ماتحس بالامان الا وهي بين احظان فارس ويدينه.. مر الاسبوع الاول والثاني ..وكل يوم يتعلقون في بعض اكثر ..حتي جدران البيت صارت تحسدهم علي الحب الي هم فيه ..والتضحيات .. فارس صار مثل الضايع لا طلع من البيت روحه معلقه بحنين ..ينتظر بس متي ينتهي اليوم ويرجع لعشه .. مرت الايام والهدوء مخيم علي الكل ..ماعدا المحامي كان مشغول في ارواق مياسه .. حب البنت قبل يشوفها واشتاق يشوفها بين احضان امها .. بدا بالمحكام ..وكان اول طريقه اصعب من نهايته واكيد ماراح يكون اسهل من وسطه.. في بيت ابو حمد .. يمامه اخذت جوالها وركض تخبت عن الكل وهي مخنوقه والدنيا مو سايعتها من شافت ميما بين يدينها وغايبه عن الوعي من التعب .. ودمعوعها ما وقفت ... فارس:الو .. يمامه وهي تبكي :فاارس الله يخليك ميما مااتقدر تكمل تعيش كيذا .. يوم عن يوم تتردا حالتها .. فارس عدل جلسته من سمع السالفه فيها ميما وهو مفزوع :ايش صاااير ميما فيها شي. يمامه :ايش الي مو فيها مارحمها حتي من الضرب الله يخليك تعال خذها .. فارس مصدوم ومتعذب بنفس الوقت :تقدرين تطلعينها من البيت .. يمامه :امها احق فيها خليها تجي تشوفها .. فارس وهو خايف :لا لا امها مااقدر اجيبها ان جبتها وشافت ميما بيتعلقون في بعض وقتها بيتاثرون كلهم وخاصتا ميما ما اقدر ارجع انا في طريق ماله رجعه وان شا لله المحامي بياخذ لنا حقنا انتي خليك معها ما اوصيك. يمامه :لا تخاف يا وليدي ميما عيوني الي اشوفها فيها بس انتبه لامها .. فارس تنرفز من الحقير حمد :يمامه تكفين حنين لاتدري بالوضع . يمامه وهي تتنهد :ان شا لله ارقد وامن .. فارس وهو بسيارته تنهد وتنرفز ضرب الدركسون بيده وهو معصب..وبدون أي تفكير منه غير مسار طريقه ... حمد في البيت نايم بالملحق الخارجي ولا داري بالي يصير حوله نومه مره ثقيل.. وصل فارس لبيت عمه ابو حمد ونزل بدون أي تردد كان الوقت صباح ..وعارف انه مافي احد موجود غير يمامه وميما .. دخل ولا فكر في احد كل شي يشوفه الحين ميما .. من دخل صار ينادي باقوا صوته يمامه ويدور في البيت نسي حرمته ونسي الاحترام الي ممكن يكون في موجود.. يمامه من سمعت صوت فارس كذبت الصوت طلعت من الغرفه وهي مرعوبه وتتمي الي تسمعه صدق. من شافت فارس نزلت دموعها من غير وعي منها .. فارس وعيونه فيها الشرار كله وبنفس الوقت الحنيه الي غالبه عليه. ميما وينها .. يمامه رحمة فارس ورحمة خوفه .. راحت تمشي وفارس وراها ..ومن دخل وشاف كيف نايمه وبالمكان الي هي فيه .. الغرفه مره قديمه والفرش بعد .. ميما نايمه علي الارض ..انصدم من الي يشوفه .. حالتها الضرب الي عليها ..شعرها الي قل بشكل رهيب لدرجه انه مقصص بمقص ..وبشكل غير مرتب .. شاف كيف حمد مارس عليها ابشع طريق التعذيب النفسي صار يقص شعرها عشان ينتقم.. ما استحمل وجودها بالمكان هذا ولا بالوضع الي هي فيه صار يقارن كيف كانت عايشه اول ووين كانت تنام وكيف ضحكتها ماتفارقها ..حتي ملابسها والعابها مو متهنيه فيها .. تقدم لها وشالها من الارض .. تمني موته ولا يشوف ميما الي اعتبرها اكثر من بنته تتعامل بالطريقه هذي ومن مين من ابوها .. اخذها وضمها له حراراتها مرتفعه ووجها احمر غير الكدمات الي بجسمها وبوجها من الضرب .. وغير صغر حجمها الرهيب.. من غير أي وعي منه شالها ودموعه واقفه في عيونه .. خاف ياذيها من يشيلها بس قرر ياخذها ويبيع الي بقي له.. يمامه علي السريع رتبت اغراضها وطلعت مع فارس بسرعه .. .. فارس رفض يعطيها يمامه بالسياره حطها بحظنه وهو يسوق ..اخذ جواله وطلب من يمامه تقفله .. كل تفكيره علي الي بحظنه ايش ذنبها تتعذب وتشيل هم نفسها وغلطة كبار مايرحمون لا ابوها ولا جدها .. ايش ذنبها تتحمل طمع وجشع ابوها. تنهد ومن شاف المستشفي وقف عنده ونزل وهو مو متندم علي أي شي سواه ولا راح يتندم.. في بيت فارس.. حنين صحت من نومها وصارت ترتب البيت بيدها مع انه فيه شغاله جابها فارس لها ..بس تحب تكون كل شغله بيدها ومنها هي.. حنين اخذت لها كوب قهوه ورايحه تجلس في الحديقه ..حست بدوخه خفيفه..وفقدت توازنها لدقايق ..حاولت تتمسك بشي بس كان كل شي بعيد عنها ..نفسها بدا يضيق ..كوب القهوه طاح من يدها .. الشغاله جت تركض علي الصوت وعلي انفاس حنين ..ومن وصلت حصلتهاعند باب البيت تحاول تقوم لكن الدوخه زادت عليها وانفاسها بدت تضيق. حنين من داخلها حست بالتعب ماتبي يصير لها شي وهي بعيده عن فارس حاولت تتحمل وتاخذ انفاسها ... صارت تعرق بشكل مو طبيعي ..خافت زياده وتحس بنبضات قلبها تزيد .. حاولت تاخذ انفاااسها وساعدتها الشغاله تعدل جلستها زين ..افتحت الباب يمكن يدخل الهوا ويساعد حنين علي التنفس ..قدرت اخيرا حنين تاخذ انفاسها ورجعت لطبيعتها .... حاولت تساعدها الشغاله وطلبت حنين تطلعها للحديقه .. ومن طلعت وجلست علي عتبت البيت وتاخذ انفاسها سندت راسها علي الجدار ..وغمضت عيونها .. رجع كل شي طبيعي استغربت الحاله الي هي فيها .. بس كلها دقايق واخذت عافيتها .. صارت تحلل وتتوقع انه من قل الاكل ولانها ماافطرت اليوم .. طلبت جوالها من الشغاله .. اخذت الجوال اتصلت علي فارس كان جواله مقفل ... استغربت ..اتصلت مره ثانيه تبي تتاكد بس الجهاز مقفل.. عورها قلبها ...قررت تتصل علي الشركه وتسال عنه .. بس صلاة الظهر وقفت كل افكارها وراحت تتجدد وتصلي وتدعي ربها .. يحفظ لها كل الي تحبهم .. الي من كان الهامي ..الي من علمني كيف اعيش ..الي من علمني كيف اشتاق له ..وكيف اكتب له ليس لغيره ... ابي الي جنة الخلد .....اهدي لك كل نجاحاتي ..الي من علمني كيف اعيش بمجده ......

البارت السابع والعشرين من ادعي علي بالموت ولا سمني بس لا تفارقني في الشركه ابو فارس طلب...