يسعد مساك الجوريه البيضاء... انا انزل كل يوم جزئين ....وميما اقصد مياسه ..بتشوف الحزن كثر الفرح ...بس الي خلقها ماينساها ... دمتي بود حبوبتي ....يسعد مساك الجوريه البيضاء... انا انزل كل يوم جزئين ....وميما اقصد مياسه ..بتشوف الحزن كثر...
البارت الرابع والعشرين من ادعي علي بالموت ولا سمني بس لا تفارقني ... طلع فارس وردة له ابتسامته وروحه وانفاسه ..صار يشوف الدنيا بافضل حال عكس نظرته لها قبل كم ساعه .. يمكن تستغربون هالحب من فارس.. بس اذا شخص كان فاقد كل شي مشغول بالشغل ومايشوف غير اوراق وارقام وحسابات . وجاه فجئه انسان عوضه عن الي راح كله صحي فجئه علي احلا ايام عمره ..علي احلا لحظات واسعدها.. يمكن اكثر سعاده من ام ترزق بطفل اكثر سعاده من مجاهدين منتصرين .. واكثر اكيد من ناس راجيعن لبلادهم بعد احتلال دام سنين .. شعور ما ينوصف وكانه سجين عايش من نعومة اظافره بين قضبان ومرت كل سنوات عمره بينهم محاصره الظلام والظلم وفجئه يشوف النور جاي والفرج من بعيد يناديه .. اكثر شعور من شخص كان اعمى وفتح .. ركب سيارته وهو خاطره الطريق يقصر عن كل مره ويخلص ويرجع لحنين باقرب وقت .. وهو ماشي في سيارته ..جاه اتصال . رد عليه كانت السكرتيره .. اخذ منها كل الاعمال وقفل الخط.. اشواق شافت فارس طالع من المستشفي وهو فرحان..وغير عن اي حالاته قبل كم يوم .. نزلت وراحت للدكتور .. عرفت ان حنين رجعت لوعيها ولصحتها ..انقهرت اكثر وتوعدت اكثر.. قررت تطلع وتروح لحنين لكن في شي بداخلها يرفض .. بس بشخصية اشواق قررت تروح لها وبتخلي الكلام يطلع من نفسه.. فارس وصل للبيت كان يدعي مايكون ابوه موجود ... وصل للباب وتردد يفتحه ..بس قرر يفتحه اخذ نفس ودخل.. امه مو موجده ارتاح ..التفت علي الصاله البيت هادي ..ارتاح مافي احد راح لميما وباسها ولعب معها لكن ميما حاسه بالي يدور حولها.. تمني ياخذها لامها بس خايف عليها كلها ايام وياخذها لها وتعيش معهم .. طمن يمامه علي حنين وطلع للغرفه .. وصل للغرفه كان كاره يدخلها بس مظطر .. دخل كان كل شي مرتب فيها .. دخل ياخذ له شور ويترتب بس هالمره هاذي مره حايس مع نفسه ..صاير يدور علي اغراضه في كل مكان ..تنهد وتذكر حنين كانت مسؤله عن كل اغراضه ماكان يشيل هم شي.. فتح الدولاب شم ريحتها بين اظرفه..بدا يدور لحنين ملابسها واخذ لها الي تحتاجه.. راح لدولابه فتحه واول ماشاف وطاحت عينه علي علبه مغلفه بشكل حلو ..كره العلبه قبل يشوفها ..تذكر اليوم المشؤوم الي انقلبت حياته فيه.. عرف ان حبيبته هي الي حاطتها له ..كان يتمني يرجع الوقت لورا وياخذها من يدها ويبوس يدها ..يحظنها ويحتويها .. يبوسها ويرسم بسمتها علي شفاتها ..ويمسك كل ملامحها ويحفظها عن ظهر قلب.. اخذ العلبه وجلس علي السرير وفتحها ..شاف العطر ابتسم ..تعطر فارس منه واخذ الاغراض وطلع بس قبل شاف المدليه اخذها وشاف ابتسامتها باسها واخذها .. فارس ركب سيارته ومشي ..مر علي محل ورد قرر ياخذ لحنين .. نزل وشاف الورد كان يبي شي مميز ... جلس يفكر ويفكر خطرت في باله حركه طلب 50 حبه ورد احمر جوري وطلع .. من ركب سيارته اتصل علي محل صاحبه حق مجوهرات .. طلب منه خاتم مميز و يحفر عليه كلمة.. حبيبتي .. وصل للمحل اخذها وطار لحنين وقلبه سابقه لها .. كان يحسد انفاسها الي ماسرع ماترجع لها يحسد عيونها علي جفونها الي ماسرع ماتفترق واسرع ماتضم بعضها .. في المستشفي حنين جالسه تنتظر عند الشباك وصول فارس علي احر من الجمر افتقدت وجوده حولها .. وبنفس الوقت تفكر في ميما الي اشتاقت لها تتمني تشوفها او حتي تسمع صوتها..مو متخيله كيف ممكن تكون حياتها من غير ضحكتها الي تشوفها فيها .. اشواق عند الباب متردده تدخل او بالاصح تبي تاخذ نفسها وتدخل ..جرائتها راح تخليها تسوي اشياء عمرها ماتخطر في بال احد .. تبي تخرب بيت حنين بالطيب بالغصب .. دقت الباب ودخلت .. ماكانت تنتظر اذن الدخول بس اسم انها دقت الباب.. حنين التفت بسرعه والبسمه علي وجهها تستقبله..بس تغيرت ملامحها بلحظه انصدمت من شافت اشواق .. اشواق ادخلت للغرفه وهي تتلفت يمين ويسار وفوق وتحت .. اشواق:الله الله حتي بالمستشفي ماخذ لك غرفه خاصه .. حنين :......مصدومه اشواق بنظره كبرياء:انا مادري فارس ايش يبي بوحده مجنونه مثلك .. حنين عيونها تغرق من الدموع مع انها واثقه في حب فارس لها بس مكسوره.. اشواق بدت تكمل كلامها :وزود علي كيذا متمسكه فيه وذاله عمرها عنده عشان مايطلقها ..اصحي من الي انتي فيه ترا فارس مصيره يطلقك لكن هو راحمك الحين بس تشفين ومااظن انك في يوم بتشفين واتوقع مكانك ان شا لله مستشفي الامراض العقليه ساعتها بتشوفين انك وحده ماتسوين تكونين زوجة فارس ..يا المجنونه .. فارس وصل للمستشفي وراح للغرفه ومعاه الورد يبي يفاجئ حنين فيها .. من فتح الباب شاف اشواق قباله ..وسمع اخر كلمه من الي قالتها .. فقد اعصابه وراح لها وسحبها من يدها ولفها عليه.. اشوقا انصدمت من تصرف فارس.. بس كملت كلامها : قولها انك ماراح تخلي وحده مجنونه علي ذمتك .. فارس رفع يده من غير وعي منه وعطاها كف وسحبها من يدها .. فارس وبصوت عالي:مو كافي الي سواه ابوك ..اطلعي برا.. انتي انسانه حقيره والمجنونه انتي والي مو عاجبتك هذي اشوف فيها الدنيا وما فيها .. اشواق فكت يد فارس بقوه لكن فارس ماخلاها بحالها وسحبها لبرا الغرفه .. رجع لحنين بسرعه شافها واقفه مفجوعه وعيونها تدمع ومفزوعه وملامحها ماتتفسر واقفه لكن وقفتها فيها من العذاب دهر.. تقدم منها كان خايف تنفعل وتسوي شي او ترجع لحالتها ..بس كانت تنتظر جيته .. من وصل عندها حست حنين بتعب شل كل مافيها .. تسارع فارس ومسكها من يدها سندها وصلها للسرير انفاسها بصعوبه تردها وعيونها ماوقفت دموع كانت تتالم من داخلها لخارجها ..ارفعت راسها له وبكل ملامح الحزن .. فارس انا صدق مجنونه ..تقولها وصوتها يروح ويرجع من التعب .. فارس انقهر من اشواق اكثر وحقد عليها وبداخله يدعي عليها .. حياتي انتي وكل مافيها ..اشوف العالم كلهم مجانين وانتي الصاحيه فيهم.. اشوف العالم كلهم ضعفاء وانتي اقواهم بنظري.. حياتي احبك وربي احبك ويكفيني وجودك ..لا تصدقين كلام احد ..وغلات من تحبين .. حنين ترتجف وانفاسها ماتقدر تاخذه مسكت يد فارس وكانها تترجاها يسوي لها شي.. فارس بسرعه اخذها وحط صدره علي ظهرها ويترجها تتنفس مثله .. حنين تحاول تاخذ انفاسها وترتبها علي انفاس فارس فارس وبصوت خوف وقلق:تنفسي مثلي تقدرين تسوينها تنفسي لا تخافين انا معاك .. ..في هالاثناء فارس كان ينادي الممرضات يجون .. وصل الدكتور والممرضات وبدو يسعفون حنين ابتعد فارس عنها وترك المهمه لهم .. كان يتابع نظرات حنين وملامحه يبي يشوف اذا تحس بشي او لا .. قدرت حنين ترجع لحالتها الطبيعيه .. طلع الدكتور من عندها ولحقه فارس .. فارس :دكتور كيفها الحين . الدكتور :الازمه الي جتها خفيفه لكن قدرت تتخطاها بمساعدتك لها .. فارس انبسط من داخله والفرح مو سايعه.. راح عندها .. حصلها متمدده علي السرير وتعبانه .. بحكم ضعف جسمها وحالتها الصحيه بالفتره الي راحت صار ماتقدر تتحمل اي شي.. شافها فارس انقهر عليها ..جلس بجنبها وهو يمسك يدينها ويبوسها .. جلس يمسح علي راسها .. حنين بعد فتره صحت وتحسنت حالتها .. شافت الورد الي جايبه فارس ..ابتسمت ..فهم فارس وعرف ان نظراتها علي الورد .. فارس :حبيبتي فيك حيل تشوفين مفاجئتي.. حنين بكل حماس:ايه اكيد .. قرب فارس منها باقت الورد وحطها بين ايدينها .. فارس:ابيك تحلين اللغز الي فيها .. حنين بملاح الاستغراب.. فارس في كل ورده فيها رساله .. حنين تعجبت اكثر.. صارت تاخذ ورده ورده وتفككها وتشوف ايش بداخلها بس كل وحده تفتحها ماتحصل فيها شي.. تتحمس لثانيه .. فارس متحمس يشوف ملامحها وضحكها .. الي حد ماوصلت الي الورده 49 ..فتحتها وهي فاقده الامل .. التفت علي فارس وابتسمت .. فارس :كملي ماخلص اللغز الي الان . حنين اخذت اخر ورده وبدت تفتحها ببطء.. من وصلت للاخير حست بوجود شي داخلها .. اسرعت وفتحتها .. ابتسمت ورفعت راسها لفارس ماتدري كيف تشكره .. اخذ فارس الخاتم من يدها كان من الالماس ومصنوع لها هي بالذات ..لبسها وباس يدها .. حنين من شافته بيدينها وشافت يدين فارس بيدينها ارتمت بحظنه ..وكلها فرح كل يوم تحبه اكثر من قبل.. اشواق من طلعت من المستشفي والدموع علي خدودها جلست تحلف تنتقم من فارس وحنين باي طريقه باعت حبها لفارس بلحظه .. ماتبي تذل عمرها اكثر له ماتبي تفقد كرامتها عشانه.. من وصلت للبيت مسحت دموعها وارتاحت بسيارتها ونزلت . وصلت لصاله وابوها كان موجود .. من دخلت عليه راحت عنده. قالت له ان حنين تحسنت ورجعت لحالتها وعايشه بصحتها .. ابو طلال ارتاح وقرر يتصل لاخوه ابو حمد ويتقابلون في بيته مع حمد . وينسقون للموضوع .. طلع ابو طلال من البيت .. وحست اشواق باحساس المنتصر بمعركه واول مخططاتها راح تنجح وتشوف الذل بعين فارس وحنين .. راحت لغرفتها وفي اول يوم بتنام بدون ماتنقهر علي شي كانت فرحانه لدرجه مو جايها النوم خاطرها تسبق الايام بسرعه وتشوف ايش راح يحصل .. وصل ابو طلال لبيت ابو حمد ونزل ووصل للمجلس وجلس ينتظر وصول ابو حمد .. بعد نص ساعه جا ابو حمد ومعه حمد .. جلسو الاخوان في نفس الموضوع ..في موضوع فيه حياة وموت شخص.. ليه يصعب علي الناس يشفون الناس مبسوطين ..ليه يصعب عليهم يرسمون لهم دربهم باللون الاخضر.. ليه حياة الاشخاص تحت يدهم يرسمون لها مصيرهم ويقررون وياخذون فيها بانفسهم .. صحيح العادات لها دور كبير في معظم امور حياتنا ..لكن ماتدخل بقراراتهم.. بس في الوضع الي وصل له فارس كان طمع ..مو عادات .. سبحان الله في لحظه كان البنت لازم تاخذ ولد عمها ..والحين تغير الوضع لازم تطلق من ولد عمها ..لان ثروتها تقدر بالمليارات .. كانت جلست اعمامه ماتبشر ولا حتي تطمن كل مطلبهم طلاقها من فارس وترجع لحمد ليستغل كل ثروتها وبحكم انه ابو بنتها ومصيرها معلق معاه .. تناقشو الاعمام بالموضع وانتهي عندحد معين ..والكل راح ينفذ من غير اي رفض او ابداء رئي..الا اذا كانت هناك معجزه.. نرجع لفارس وحنين .. حنين :فارس ساعدني بروح اتروش واغير ملابسي .. فارس شك بكلام حنين وخاف تسوي شي بنفسها خاطره يرفض بس مايبي يحسسها انه مو واثق فيها. خاف يجرح مشاعرها ويحسسها بكلام اشواق صدق ..مع انه واثق فيها اكثر من نفسه .. فارس:حبيتي بساعدك .. حنين :لا تخاف وشيل الي في بالك انا مافيني شي .. فارس :هههههههه طيب بعدلك لين العشرين.. حنين اغتصبت الضحكه.. قامت حنين للحمام (وانتم بكرامه)تتروش .. فارس تذكر راشد من زمان ماكلمه وطمنه علي حنين .. اخذ جواله واتصل جلس ينتظر رد راشد .... اتصل مره ثانيه ..واخيرا جا صوت راشد.. راشد بدون اي سلام:صاير شي.. فارس :هههههههههههههه يقطع بليسك مو صاير شي بس مادري ايش يخططون له اعمامك وابوك . راشد :لا ياشيخ كانهم مو اعمامك ولا ابوك هههههههههههه فارس:اخبااارك. راشد :والله بخير انت اخبارك واخبار حنين طمني علي حالكم من كلمتني نعنبو بليسك سحبت علي. فارس:معليش والله نسيتك.. راشد :مو تركتني علي نار وقفلت جوالك مالت عليك .. فارس:هههههههههههههههههههههههه اسف والله اسف بس انشغلت مع مريم .. ماتدري اني طلقتها .. راشد شهق :طلقتهاااااا.. فارس وبكل قوه :ايه . راشد :وش هالتطور والله اخوي وصار قوي وقوا قلبه . فارس :مو انت زوجتني حنين وعلقتني فيها وحبيتها وصرت اشوف الدنيا كلها حنين .. مااقدر اصحي ومااسمع صوتها بجنبي.. راشد فرح:الله يسعدك انت وياها .بس كيفها الحين . فارس : الحمد لله تحسنت احسن من اول بشي كثير. حنين طلعت من الحمام وهي تمشي ببطء وقفها كلام فارس .. فارس وهو يكلم راشد :راشد انا خايف بعد ماحبيتها وتعلقت فيها ومااقدر اكون بدونها ولو بلحظه واعمامك يساموني عليها ..ليه ياراشد خليتني احبها ليه خليتني مااشوف الا هي.. ليه اعمامي يبون ياخذونها مني ليه انا بالذات في كل شي ..تعبت وربي تعبت .. احس كل يوم اختنق اكثر واكثر انا الحين علي البر ومابي ابحر في مكان مجهول .. مستعد اخسر كل شي الا حنين وميما مااخسرهم ..ساومتهم ومستعد اعطيهم كل شي بس يتركوني بحالي ..عرضو علي مبلغ واطلقها دبلت المبلغ لهم عشان بس يتركوني ...بس الظاهر مافي امل. راشد وهو قلقان وبنفس الوقت واثق بقوة اخوه :فارس انت قدها وقدود وماوصلت هينا الا لانك قادر وعندك قدره ...لا تخلي شي يكسر مجاديفك .. فارس:ارقد وامن ياراشد انا ان شا لله ناوي علي الخير.. حنين تسمع كلام فارس ودموعها تطيح علي الارض من غير وعي لهدرجه انا ظلمت فارس وظلمت نفسي.. ماراح اسامح نفسي لاني بلحظه فكرت بفارس تفكير سيئ..ظلمته ياربي قد ايش كنت ظاالمه وماستاهل حبه .. فارس خاف علي حنين تاخرت ..قام يشوفها ومن التفت حصلها واقفه مكانه تطالع فيه .. تقدم منها .. حنين وهي تحاول تكون صامده قدامه وماتخور وتبكي:فارس انا اسفه اني ظلمتك في تفكيري.. فارس قرب منها :حبيبتي ماقتلك لا تتاسفين لي والي راح صفحه واطويها .. اخذها علي الكنب.. حنين الي انتي ماتعرفينه انك ضحكتي الي اضحكها انتي فرحتي الي اشوفها .. انتي حياتي الي اعيشها .. انتي مستقبلي الي بعيشه ,,ضمها لصدره وباسها ومن هذي اللحظه اجسادهم وقلوبهم عاهدت انها ماتتفارق لاخر يوم بحياتهم .. بيظلون مع بعض بالحلوه والمره .. الي من كان الهامي ..الي من علمني كيف اعيش ..الي من علمني كيف اشتاق له ..وكيف اكتب له ليس لغيره ... ابي الي جنة الخلد .....اهدي لك كل نجاحاتي ..الي من علمني كيف اعيش بمجده ......البارت الرابع والعشرين من ادعي علي بالموت ولا سمني بس لا تفارقني ... طلع فارس وردة له ابتسامته...
انا انزل كل يوم جزئين ....وميما اقصد مياسه ..بتشوف الحزن كثر الفرح ...بس الي خلقها ماينساها ...
دمتي بود حبوبتي ....