عايشة بمجد ابوها :

البارت الثالث والثلاثين..من ادعي علي بالموت ولا سمني بس لا تفارقني... نرجع لكم سنه زمااان.... ابو حنين (عبد العزيز ) في الفتره الاخيره عرف نوايا اخوانه وحب يامن مستقبل بنته قبل أي شي يسويه ..صحيح قدر يكتب كل شي لها لكن طمع اعمامها سلب منها كل شي ..واستغنت عنه وتخلت بس لانها تبي تعيش سعيده ... ابو حنين سلم يمامه الظرف الي كان عباره عن اوراق ومستندات تثبت ان لحنين حساب في سويسرا بملغ خيالي وكان يزيد بين فتره والثانيه ..غير العقارات الي باسم ولد يمامه ..وكاتب فيها تنازل لفارس ولحنين .. ومانسي يحط لحنين بعد محل لكن باسم ولد يمامه وموقع تنازل لحنين عشان ما احد يقدر ياخذه .. يمامه عرفت متي تعطيه حنين وقدرت الوقت صح بعد ما استئمنها ابو حنين علي الاوراق وكيف ما يامنها وهي الي مربيه بنته معاه .. طبعا مانساها ولا نسي ولدها .. عبد العزيز ما كان حاسب حساب زواج حنين من فارس لكن بسبب تعامل فارس معاه والشغل الي كان بينهم وبالمساعده الي قدمها عبد العزيز لفارس مانساها .. ما انرزق بولد لكن كان يشوف في فارس وراشد عياله ..وعارف انهم غير عن ابوهم واعمامهم ... عبد العزيز طول عمره عاش باسم ابو حنين كان يفتخر فيها ويرفض أي شخص يناديه باسم ابو فهد..الي كان متداول بين مجتمعنا (الرجال لازم يكون ابو فلان حتي لو ما انرزق بولد ) سبحان الله صلاوات حنين ودعاه ماضاع وربي يجازي بالخير دايم .. وماينسي الي خلقهم .. ومن صباح اليوم الثاني ..اخذ فارس الاوارق وطلع ياكدها ويمشي فيها ..قدرت حنين بدلعها وبقلبها تقنع فارس ..مع ان فارس ما يقبل ياخذ أي شي من احد حتي لو كان في امس الحاجه.. بس كل شي من حنين غير حتي هو مايبي يعتبر الي اخذها مساعده لكن دعوات حنين لربها ماضاعت .. حنين صحت بفارس وهي تعبانه وتقاوم :حبيبي .. التفت فارس عيلها كان يلبس ملابسه :صحيتي حبيبتي جا عندها علي السرير وباسها .. فارس حس انها تعبانه بس عارف اذا كلمها بتعاند:امري حبيبتي بغيتي شي .. حنين :ماراح تروح لمكان وانت ماافطرت .؟ فارس:حبيبي شربت قهوه قبل شوي .. حنين :قهوه علي الصباح ... فارس :حبيبتي عندك شي بتقولينه صح .. حنين ابتسمت وعدلت جلستها :ما ابي احد يدري بالي صاير ابيك تفاجئ الكل بقوتك ورجوعك علي السوق ..طيب حبيبي فارس :بس انا ابي الكل يدري انك انتي وعمي الله يرحمه الي قدرتي ترجعين لي كل شي ... حنين قاطعت كلامه :لاااا الله يخليك ابيك مثل ما انا اشوفك انت حياتي والروح والحب كله..عشان خاطري لا تقول لاحد خلهم يتفاجئون فيك صحيح كله بفضل ابوي الله يرحمه بس عبد العزيز مات والحين انت الي موجود . ... فارس مايدري وش تفكير حنين او ايش وراه,, فارس بجديه:اليوم راح تروحين معاي لدكتور حالك مو عاجبني.. باسها وقام من السرير... حنين ماتبي تروح وقد ماحاولت ماقدرت تخبي علي فارس تعباها.. مر اليوم كله وفارس برا البيت بس كان يتصل فيها من فتره لفتره ...ويشوف اخبارها ويتطمن عليها ... حنين احمدت ربها ان فارس رجع مثل اول واحسن بعد .. وقدرت تقنعه بكل شي.. حنين التعب بدا يزيد عليها والالم كل ماله ويزيد...نبضات قلبها تسمعها وانفاسها تضيق ... الم معدتها ذبحها ماتقدر تستحمل.. اخذت الجوال فكرت تتصل بفارس بس ترددت بالاخير.. قررت تستحمل واكيد بيخف.. بس حنين صارت تتلوا علي السرير والالم بيموتها ... علا صراخها ..كانت تحاول تاخذ انفاسها بس ماتقدر مكتومه ... ومن طلعت يمامه الدرج الا علي دخلت فارس للبيت سمع الصوت وقف مكانه يبي يميزه..بس عرف انها حنين طلع عندها وهو يركض.. شافها كيف تتعذب قدامه وانفاسها ماتقدر تاخذها شفايفها بدت تزرق... راح عندها جا بيشيلها لكن حنين تالمت اكثر.. فارس وهو يصاارخ :اتصلي بالدكتور بسرررررعه .. راحت يمامه تركض تتصل.. ميما وواقفه عند الباب تتابع الي قدامها بخوف وهي تبكي ... فارس خلا ظهر حنين علي صدره .. فارس بخوف:حنين تنفسي مثلي تقدرين .. حنين تغيب عن الوعي وترجع تصحي تحاول بس ماتقدر.. فارس صبره مانفذ ويطلبها مره واثنين وثلاثه ... كان ماسك يدها .. قدرت حنين بالاخر تاخذ انفاسها بس كانت مظطربه ..ومرتبكه وهي تبكي ... ماتدري ليه حاسه انها بتموت .. تبي تكون مع فارس ولا تفارقه ابدا ..مسكت يده اكثر وهي تتالم .. وصل الدكتور وطلعته يمامه عند فارس.. دخل الدكتور وطلب من فارس يبعد عنها يفحصها ابتعد فارس وهو ماسك يدها .. ميما تبكي عند الباب حاولت يمامه تاخذها لكن رفضت ..جت تركض عند فارس ومتمسكه فيه ... حنين غابت عن الوعي تماما ... وصوت انفاسها وجرتهم ماتطمن وشفايفها مزرقه ... الدكتور رفع نظره لفارس:لازم ننقلها لمستشفي. فارس طارت عيونه :دكتور لا تخبي فيها شي .. الدكتور :مااقدر اقول شي الا لما اشوف ملفها وافحصها وونسوي التحاليل لها .. فارس ماتردد شال حنين ولفها بشرشف السرير وطلب من ميما تجلس عند يمامه ويجي ياخذها بعدين .. شايلها بين يدينه حاس بالذنب لانه تعبها خايف يصير فيها شي .. شالها وهو يدعي ربه تطلع الازمه علي خير... وصل للمستشفي بعد ماقطع الاشارات وسرعته عاليه .. نزلها اخذوها منه وافحصوها ..الدكتور كان متواجد عندها بالغرفه ,, دخل فارس عندهم وجلس يراقبهم ... فارس شاف كيف تنغرز الابره فيها وسحبو الدم منها ...حزن عليها وتوتر ما يبيها تتالم .. مع ان حنين غايبه عن الوعي... قلقان عليها يبي يتطمن باسرع وقت ... الدكتور رفع راسه وطالع بفارس ..لا تخاف ان شا لله مافيها شي شوية ارهاق .. بس انت تدري ان زوجتك موقفه الادويه.. فارس انصدم ويطالع بالدكتور وكانه يكذبه ... الدكتور :زوجتك موقفتها من زمان وهذا واضح بحالتها بس انا خايف من شي كلها ساعه ويطلع التحليل.. فارس هينا خاف زياده وطالع بالدكتور بنظرات ماتتفسر :انت خايف انها تكون حامل ,, الدكتور هز راسه بالايجاب... وانت تعرف اكيد ان هذا خطير عليها .. فارس :مستحيل تكون حامل ... جلس علي االكرسي وهو تعبان حده نزل راسه علي الارض ويدينه علي راسه يبعد شعره ... تنهد ... مستحيل حنين تسوي كيذا مستحيل... رجع يانب نفسه انا السبب في كل شي ..اهملتها الفتره الي راحت لحد ما تركت ادويتها ..كنت اناني وبظل اناني ... رفع نظراته يطالع بحنين شافها غافيه وبصعوبه تفتح عيونها .. طاحت نظراتها علي فارس .. لكن فارس ماتحرك كانه مربط ينتظر نتايج التحليل يبي يرتاح ومن داخله يدعي انها ماتكون حامل .. حنين ماتدري بالي يدور حولها تعبانه وتحس بنعس غريب .. الدكتور دق الباب ودخل وقلب فارس متعلق بالكلمه الي بيقوله .. يدعي ربه تكون النتيجه سلبيه .. في بيت ابو فارس المغرب.. راشد توه صاحي من نومه اخذ له شور ومن طلع ما حصل مكالمات من فارس استغرب ..اخذ جواله واتصل عليه ينتظره يرد لكن خاب انتظاره .. قرر يروح لبيته بس يخلص شغل ابوه ... نزل راشد الا وابوه وامه يطلبونه .. سلم عليهم وجلس .. ابو فارس:الحين انت مخلص ادراستك الي اخترتها بنفسك ..بقي عليك الزواج .. راشد فتح عيونه :من قال اني بتزوج. ابو فارس :انا الي اقوله والبنت جاهزه مايحتاج ندور او نتعب .. ام فارس :ما شا لله وابوك عرف يختارها ومابقي الا نكلمهم .. راشد عصب من كلام امه وابوه :لا تحسوبني مثل فارس زوجتوه غصب وبطلقونه غصب.. زواج ماراح اتزوج والي ابغاها انا الي بختارها .. ابو فارس عصب اكثر :جب ولا كلمه وبتتزوجها غصب عنك .. راشد وهو معصب :ومن الي اخترتوها ..طبعا احنا طالعين عن القرار بس علينا ننفذ.. ام فارس :وشفيها بنت عمك طلال اشواق ونعم البنت .. راشد من عصبيته قام يضحك :الحين قلو البنات اخذ اشواق . ابو فارس وهو معصب:راااااااشد ماتستحي علي وجهك انت هذا وانا واقف ..لا تنسي انها بنت عمك .. راشد وقف وبيمشي :انا قلت الي عندي وزواج من اشواق ما راح اتزوجها لو تنطبق السما علي الارض.. طلع وتركهم وهم مقهورين لكن بقراراة انفسهم انها وقت وبياخذها .. في عائلتهم لابد الرجال ياخذ بنت عمه وهذا شي لابد منه بالطيب بالغصب ويمكن هالعادات راحت من زمن لكن في مجتمعاتنا مازالت موجوده وراح تظل منقوشه علي الصخر لاخر ايام الحياة.. صحيح فيه ظلم لكل الطرفين لكن وش قيمة الحياة اذا حتي شريك حياتك ماتختاره فانت مجبور تاقلم نفسك معه وتحبه غصب عنك حتي لو ماكنا نحمل لهم أي مشاعر لابد تنولد مشاعر لو بالكذب.. ركب راشد سيارته يحس بالقهر علي الي صاير ..حس باحساس فارس قبل يحس بطعم الحسره ان القرار ينوخذ عنه ..تنهد واخذ جواله اتصل علي فارس مايرد عليه .. في المستشفي فارس مصدوم مابين مصدق ومكذب ..جا في باله كل شي تزاحمت الافكار والاحتمالات ....قلبه صار يدق بقوه مايدري كيف ممكن يتقبل الوضع وضع حبيبته كيف راح يكون ... نظراته حايره بين حنين وبين الدكتور مايقدر يفرح لانه عارف شي صعب علي حنين .. جلس علي الكرسي بدون مايعلق وانفاسه مرتبكه ..حنين خاطرها تفرح لكن من شافت فارس معصب ماقدرت تقول أي كلمه غير دموعها الي واستها ..حتي فرحتها مااقدرت تفرحها ... بعد دقيقتين قام فارس وبدون مايكلم حنين حتي ماطالع فيها يتهرب من نظراتها .. طلع من الغرفه وراح ورا الدكتور ووقفه في الممر.. فارس وهو خايف ::دكتور اجهضه مابيه .. الدكتور وهو متعجب من كلام فارس :بس انت تعرف ان زوجتك في الشهر الثاني يعني تقريبا مر ثمان اسابيع علي حملها .. فارس وهو مقهور :دكتور سو أي شي . الدكتور هز راسه بالرفض:العمليه خطر علي زوجتك لان الجنين بدا في النمو .. فارس حس بالانكسار وخاطره يسوي أي شي بس حنين ماتتاذا:طيب الحل ايش وقت الولاده ايش وضعها . الدكتور :ما اخبي عليك وضع زوجتك وحملها مره صعب وانا نبهت عليكم لكن زوجتك عرضت نفسه للخطر خالفت كل شي وادويتها مااذخذتها خاصة حبوب منع الحمل ..وعمرها صغير انها تتحمل وقلبها مر في ازمات وانت تعرف انه الحمل بعيد انها تحمل او مستحيل.. شوف ملزومه زوجتك تكمل الحمل لان اجهاضه اخطر بكثير من ولادتها.. وقتها فارس ضاع بين الناس وبين زحامهم ..مايبي يروح يشوف حنين علي السرير وتعبانه ..وبنفس الوقت ماله نفس لشي ..طلع برا المستشفي ينتظر الوقت يمر وياخذ حنين للبيت مره مكبوت وفيه حزن ماينوصف غريب حاله مافرح مثل أي ابو يفرح بحمل زوجته ويكون اب بعد انتظار طال ... زواجهم ما كمل اربع سنوات وحنين بالعمر صغيره وقدامها عمر تعيشه .. مشي الوقت وما حس فيه مابين فكره تاخذه وتبعد فيه بعيد .. حنين بالغرفه تبكي ماتدري ليه فارس زعلان حست بالمهانه وللحظه رجع لها كل شي تخبي وطوت صفحته ..تذكرت كيف احداث وظروف زواجها من فارس صارت تحلل ..ونتايجها تحاول تكذبها مستحيل فارس مايبي منها عيال او مايبها تحمل منه .. بس بين افكارها رجعها لواقعها الم معدتها .. كتب لهم الدكتور خروج مع مراقبه تامه ومستمره واي شي يتطور لازم يجون .. اخذ فارس حنين وساعدها تقوم لكن كان ساكت وماتكلم معها ..جلسها علي العربيه واخذها لسياره .. ساعدها وركبت وركب فارس. حنين بنظره خاطفه تبي تشوف فارس بس ملامحه كانت قاسيه واول مره تشوفها فيها شي غريب ماعرفت تفسره كان وجه مسود لابعد الحدود وماتكلم معها بشي .. فارس جواله يدق..صار يدوره شافه علي الارض طايح اخذه شاف راشد يتصل .. فارس :الو راشد وصوته طفشان :وينك من اليوم وانا اتصل .. فارس صوته العصبيه واضحه فيه:معليش كنت ناسي جوالي في السياره .. راشد :ابي اجي عندك في البيت في موضوع ابي اكلمك فيه .. فارس ماله خلق يتكلم او يشوف احد لكن هذا راشد اخوه مايقدر يتركه ويمكن اذا جا يخفف عنه مصيبته .. حنين ناسيه الالم وتطالع بفارس الي ما اعطاها أي اهتمام. وصلو للبيت واستقبلتهم يمامه من عند الباب ...ومعها ميما الي اخذها فارس من شافها وشالها عنده..وترك المهمه ليمامه تساعد حنين .. كان يتقطع وده يشيلها ويشيل عنها كل الم لكن مو قادر من خوفه عليها صار خايف يقرب منها ويمكن يبي يحسسها بالذنب.. حنين حز بخاطرها تخلي فارس عنها طالعت فيه وكانها تبي تاخذ استعطاف منه ويرحمها ويكون جبنها .. بس بالاخير سلمت نفسها ليمامه وطلعت الدرج وحطتها علي السرير وهي تبكي حكت ليمامه كل الي صار معهم ... طبعا يمامه خافت علي حنين اكثر من فارس لانها تحبها مثل بنتها واكثر ربتها من هي صغيره وشافتها وهي تكبر قدامها يوم عن يوم.. في الصاله كان راشد وفارس جالسين اشتكو لبعض ..لكن فارس كان مره متضايق ..حاول راشد قد مايقدر يطلعه من الي هو فيه .. لكن ماينلام حنين حالتها يوم عن يوم بتصعب وحملها مره مو وقته لكن مابيدهم حيله غير يوكل امره لربه .. راح راشد وهو حالف انه ماياخذ اشواق ومستعد يوقف قدام الكل .. ويبيع كل شي مثل ما سوا فارس واستقل بنفسه وبعد عن تحكمهم بكل صغير وكبير... فارس اخذ نفسه وتمدد علي الكنب ..راحت عليه نومه وغفي من غير شعور منه ..كان مرهق يشتغل من الصباح.. بس بعد ساعتين تقريبا صحي من نومه المكان مو مريح وتاكد ان حنين الحين نايمه طلع الدرج بثقل وصل للغرفه . حنين نايمه علي السرير.. وماجهزت لفارس بجامته كا العاده ولا ملابس الدوام ولا شي استغرب وانحاس وهو يدور اغراضه ويرتبها مو متعود حنين كانت مسؤله عن كل شي يخصه ومهتمه باصغر تفاصيله .. غير ملابسه ووصل لسرير حط راسه علي المخده وهو معطي حنين ظهره .. حنين حست فيه كان خاطرها تكلمه وتسمع صوته بس هو زعلان عليها .. ودها تراضيه ويضمها وتنام بس فارس مايبيها زعلان عليها اكرهت كل شي..حتي نفسها اكرهتها نزلت دموعها حاولت تمسحها وتكتم غصاتها .. بس امال بداخلها تحثها تكلم فارس تستعطفه تشوف حاله ..التفت حنين علي فارس وهو معطيها ظهره.. مدت يدها علي كتفه تبي يلتفت عليها لكن فارس ماترحك ولا عطاها وجهه.. حنين وهي تكتم بكاها : ذنبي اني ابي منك عيال اشوفهم واشم ريحتك منهم .. تجر شهقاتها :ذنبي اني ابي اخ لميما يساندها ويكنون لبعض .. انا ابي منك عيالي ما ابي من غيرك فارس حرااام عليك الي تسويه فيني رد علي ..و صارت تبكي .. وين كلامك وين حبك او انت تكذب.. عيشتني بوهم طول الفتره الي راحت ... فارس بالجهه الثانيه قلبه يتقطع وده يذبح نفسه ولا يشوفها تبكي وتترجاه ..بس كان يكابر عمره ما كان كيذا معها .. غمض عيونه بقوه ومسك نفسه وهو يكتم كل شي بخاطره.. حنين شافت ان فارس ماعطاها أي اهتمام لفت وجهها :بكره مستعده اجهضه اذا يريحك ويريضيك .. فارس من سمعها تشك وتطعنه بكلماتها وتكذب مشاعره ماقدر يداري نفسه ... لف علي طول عليها وضمها له صار صدره علي ظهرها ..وشفايفه كانت تهمس لها همس.... انا ابيك انتي ما ابي أي شي ثاني ...انتي وبس .. وحملك خطر عليك عشان كيذا مستعد اتخلي عن حلمي وامنيتي لخاطر عيونك ومستعد اعيش العمر كله بدون اطفال بس انتي الي معاي ..لاني عارف ومتاكد انك راح تعوضيني عنهم ... حنين ما استحملت كلام فارس وصارت تبكي مثل الاطفال .. فارس حزن عليه وكسرت خاطره حس انه هو الي وصلها انها تبكي .. مسح بيدينه دموعها وبصوته الدافي:حب حياتي ما ابي اشوف دموعك ترها غاليه علي .. حنين تغتصب البسمه لفت وجهها ورمت نفسها بحظنه .. تبي تخفف من الي بداخلها .. فارس يكمل: حبيبتي والله اسف لا تزعلين علي قسيت عليك اليوم بس والله مو من قلبي واوعدك اعوضك ..بس ما ابي اشوف دموعك مره ثانيه .. فارس جلس سهران يفكر ويمسح علي راسها ويلعب بخصلات شعرها حتي نامت .. راح الوقت فز من غفوته علي اذان الفجر قام من مكانه وراح يوضي ويصلي .. بس قبل لا ينام ويهدا لازم يشوف ميما نايمه ومرتاحه بمكانها وماهي محتاجه شي.. الي من كان الهامي ..الي من علمني كيف اعيش ..الي من علمني كيف اشتاق له ..وكيف اكتب له ليس لغيره ... ابي الي جنة الخلد .....اهدي لك كل نجاحاتي ..الي من علمني كيف اعيش بمجده ......

البارت الثالث والثلاثين..من ادعي علي بالموت ولا سمني بس لا تفارقني... نرجع لكم سنه...

سفينه الاحلام :

ماشاء الله اسلوبك رائع حمستينا مح انااام الين اقراء الاجزاء ان شاء الله تكون النهايات حلوه بالتوفيق ياقمر

ماشاء الله اسلوبك رائع حمستينا مح انااام الين اقراء الاجزاء ان شاء الله تكون النهايات حلوه...

عايشة بمجد ابوها :

البارت الخامس والثلاثين من ادعي علي بالموت ولا سمني بس لا تفارقني ... في بيت ابو طلال .. اخذ جواله واتصل علي ابو فارس .. ابو فارس :هلا اخوي .. ابو طلال :ايش رايك تجي تتعشي عندي اليوم نبي نجلس جلسات اول .. ابو فارس تنهد :خلاص ماعندي مانع كلمت ابو حمد بيجي.. ابو طلال :الحين بكلمه يالله سلام .. ابو فارس من قفل الخط قام يلبس ويتجهز وطلب من اسيل تتجهز عشان تروح معه عند اشواق .. ابو طلال رجع واتصل علي ابو حمد وطلب منه يجي عنده ويتعشي معه ... ما ممر من الوقت ساعه الا ابو حمد وابو فارس واسيل متواجدين .. طبعا اسيل واشواق طلعو في الصاله وجلسو يسلفون مع ان اسيل مره متضايقه من الي هي فيه كان ودها تقول لاشواق عن الي بداخلها لكن خايفه .. ام طلال جلست بالمطبخ تساعد الشغالات بالتجهزيات ... الاعمام كانو في المجلس ..والقهوه والشاهي عندهم ... ابو طلال :اموت اعرف الخساير الي قاعده تصير من ايش.. ابو فارس :المشكله الارقام الي تنسحب كبيره وبين فترات قريبه .. ابو حمد :انتم لاحظتو ان نسبة البضايع الي كنا نبيعها اول ونوصلها صارت اقل من الان ومتكدسه بالمخازن ... جلسو يتناقشون بالموضوع الي شتتهم مع ان طول حياتهم كانت سوالفهم عن الشغل... رن جوال ابو حمد .. ابو حمد :الو هلا والله .. ايه احنا عند عمك فيصل.. يالله تعال.. ابو طلال :نايف ابو حمد هز راسه بالايجاب .. يقول عنده موضوع بس ما ادري ايش الله يستر بس.. كلها دقايق الا ونايف دخل عليهم ومعاه جريده .. سلم علي اعمامه وابوه وجلس .. شفتو الجرايد ايش فيها ... ابو فارس : وش بيكون فيها غير الاخبار الشينه .. نايف :والله صدقت ياعمي اخبار شينه ... ابو طلال :هات اشوف .. نايف :مايحتاج تشوف العالم الي برا كلها داري .. ابو حمد بعصبيه شوي :أيش صاير... نايف كان يطالع في عمه ابو فارس وترجع نظراته لعمه ابو طلال.. فارس ولد عمي ابراهيم ... ابو فارس يسمع بكل حرص... يشتغل وبراس مال كبير ... وواضح ان الي موله واثق فيه تمام الثقه ومسلمه الشغل بكل شي... ابو حمد انصدم من الي يسمعه .. ابو طلال :ولدك هذا ماينخاف عليه في كل مره يطلع بشي اكبر.. ابو حمد :يعني كل الي بننيناه بيورح .. نايف كمل كلامه :المشكله يبون يسون معاه مقال في اقرب وقت .. واتصال الصحافه ماوقف علي الشركه ... ويبون ياخذون معلومات ...بس الكل متكتم بسريه . ابو فارس صفق يدينه ببعض :لا حول ولا قوة الا بالله يعني انفضحنا قدام الناس.. ابو فارس ردة فعله غير عن أي ابو ممكن يفرح بنجاح ولده ... كانت غريبه .. ابو طلال :طيب ماقالو مين الي موله .. ابو حمد :حتي لو دريت ايش ممكن تسوي.. ابو طلال :نروح نكلمه ونقوله أي شي يخليه يهز ثقته فيه .. نايف وبكل ثقه :طيب ليه ما تقلون ان كل الاختلاسات الي بالشركه من فارس .. الكل انصدم وبدا الكلام الشك يتحول الي صدق .. ابو حمد :صح كيف غاب عنا هذا كله ...ليه مو فارس ورا خسايرنا وطلع بالارباح .. ابو طلال:اذكرو الله ياجماعه فارس مستحيل يختلس شي ... ابو حمد عصب :اجل ايش تفسر شغله وبالوقت هذا بالذات .. ابو طلال: مو لان فارس رفض يخضع لكلامنا وتحدانا يعني انه ممكن يسرقنا ويخسرنا كل شي ومثل ما لنا له ..ولا تنسون هو الي له الفضل بعد الله باسم شركتنا ... ابو فارس عصب علي اخوه وولده :مافي دليل ان فارس هو السارق وما اسمح لاي واحد يشك في تربيتي له ..صحيح خابت كل توقعاتنا فيه لكن مو فارس الي يختلس... ابو طلال :هد بالك يابو فارس مومصدقين ان فارس يسوي كيذا بس هذا كله احتمالات .. ابو حمد سكت وحس بكلامه كبير علي اخوه ... نايف قام من مكانه بعد ماعمه ابو طلال غمز له ..وباس راس عمة ابوفارس.. نايف :انا اسف عمي مو قصدي شي ... هدا ابو فارس وسرح بافكاره ..مو متخيل ان عياله في يوم بيتخلون عنه وبيوقف قدام اخوانه موطي الراس...من صغره وهو يحلم ينرزق بولد يشيل اسمه ويفتخر فيه واول ما صرخ اول ولد له وسمع صوته فرح وحس بان ربه حقق له امانيه ..بس ما طولت هالفرحه وانهدمت قريب ..وفر لفارس وراشد كل سبل الراحه من صغرهم لكن كانت اصغر واكبر قراراتهم وخياراتهم هو الناطق فيها ..كبرو وكبرت معهم مشاكلهم بس من كبرو تمردو وعرفو يختارون الصح من الغلط ..صارت لهم كلمه ورئي ..صار لهم مستقبل وكثير يحسدونه عليهم ..الا هو كان رافض التمرد ...خسرهم وراح كل تعبه ادراج الريح ..وكل زرعه واهتمامه جناه الحين بس جناه متاخر بعد ماتلف وصار حصاد ماله أي فايده غير الخساره والحسره بنظره ... خلصت سهرتهم لكن ماخلصت مؤامراتهم وماخلص هم ابو فارس الي في كل لحظه يزيد ويكبر ..مهما كان قلبه حجر وتفكيره صعب واقناعه اصعب يظل ابو يحس ويفقد عزوته حوله ..يكفي سؤال الناس عنهم يكسر ظهره لكن في الطريق الي اسلكه واختاره بنفسه مافيه خط رجعه او ندم لان كل الي مشاه انهدم بعد مايخطي الخطوه الي بعدها ..ماحسب احساب لرجعته...... نرجع لاجواء اللعب والضحك ... راشد اخذ ميما من يدها وراحو يختارون لهم لعبه ... لكن حنين اكتفت وجلست علي اقرب طاوله في كفي ..جلست تطالع بالي رايح والي جاي ...تشوف الضحكه كيف مرسومه علي كل الموجودين وضحكهم وصراخهم معبي المكان ..تمنت من داخلها تلعب مثلهم لكن وضعها ابدا مايسمح ... فارس من وراها :القمر في ايش مسرح .. حنين التفت علي فارس بسرعه وهي تضحك :في الالعاب ... جا فارس قبالها وسحب كرسي وعيونه عليها :لا تلمحين انك بتلعبين .. حنين :ههههههههههههههههههههه ادري مستحيل .. فارس :انتي قومي لي بالسلامه واوعدك ما اخلي شي بخاطرك ... فارس كان شاك بالكلام الي قاله خايف عليها بس مايبي يبين لها ..مع ان حنين حاسه بالتعب والعذاب الي راح تسببه لفارس مستقبلا.. في الطاوله المقابله لهم جو شلة بنات وجلسو وعيونهم علي فارس.. يضحكون بصوت عالي .. حنين من داخلها اتنرفزت ..وبدت الافكار تلعب في راسها ..صارت نظراتها لفارس غريب تفسيرها..صارت تطالع فيهم وترجع لفارس .. فارس من داخله عارف ان حالة حنين النفسيه مع الحمل بالحظيظ ومتاكد من كيذا وعارف انها تكابر وتخبي قدر ماتقدر ... البنات بدو يضحكون بصوت عالي ويتكلمون علي فارس ... حنين فاضت من داخلها ... فارس قطع عليها افكارها من مسك يدينها:حبيبتي ايش رايك نطلع.. كان ماسك يدينها الثنتين وباسهم قدام انظار البنات ....وعيونه متعلقه فيها.. حنين هدت من داخلها ارتاحت وتنفست فارس الي الان يحبها ومستحيل يكرها ..لامت نفسها علي افكارها الجنونيه ... جت ميما تركض من بعيد وبصوت عالي: دااااادي... مااااامي.... حنين وفارس التفتو علي جهة الصوت ... البنات صارو يطالعون في فارس ووجه الشبه بينه وبين ميما لكن مافي أي شبه ...ولا حتي صله ... تقدمت وحده منهم وبكل ثقه :هذي بنتك ... فارس رفع راسه لصوت :عفوا تساليني .. البنت هزت راسها:ايه فارس :ايه بنتي وهذي زوجتي وبتجيبلي الطفل الثاني ان شا لله .. حنين استغربت جرائه فارس بس كان يبي يرد لها اعتبارها ويثبت لها كيف يفتخر فيها قدام الكل .. البنت انحرجت من اسلوب فارس وبنفس الوقت اتنرفزت ان مافي ولا وحده من البنات الفتت انتبهه.. مع ان جمال حنين طفولي (بيبي فيس)عكس جمالهم الي ملفت ... بس كان يشوف حنين بعيونه الجمال كله .. قام فارس من مكانه .. راشد وهو جاي وانفاسه تروح وتجي :الحين انا الي جبت ميما وناسيها .. ماادري يعني ايش فاهمين بالظبط .. حنين فارس هههههههههههههههههههه فارس نزل لمستوا ميما :يالشيطانه ايش سويتي لعمو.. ميما وهي ميته ضحك وتدلع واصابعها بشعرها:هههههههههههههههه راشد التفت علي صوت البنات وتنرفز منهم .. ايش مجلسكم عند المصخره حنين :لا بنمشي الحين بس قصر صوتك لا يسمعونك .. راشد وهو شبه معصب:وانا صادق بنات مايستحون ايش هالاسلوب والجلسه والاصوات العاليه والله عيب عليهم .. فارس شال ميما ووقف :يالله مشينا .. مشي راشد ومشت حنين ..فارس نزل ميما تركض قدامهم ..قرب من حنين وحوط يده علي كتفها وقربها له .. وصلو لسياره فتح فارس لحنين ولميما الباب وركبت ميما وهي مبسوطه فارس ساعد حنين تركب لان السياره عاليه عليها .. فارس :مادري كيف نسيت نطلع بسياره الثانيه ... ماتقدرين عليها ...اسف حبي.. حنين :لا عااادي اقدر توني ماثقلت .. بعد ماركبت حنين قفل الباب وركب السياره راشد كان راكب قدام ..وحنين ورا فارس بالظبط ..وميما تحوس بالسياره لكن فارس ثبتها بالكرسي المخصص للاطفال ..بس بالاخر رضت بواقعها وجلست فيه .. راشد :يالله الحين علي وين ... التفت علي فارس :ان قلت ملاهي مره ثانيه والله لا اذبحك .. حنين وفارس ههههههههههههههههه وراشد هههههههههه فارس وهو يحاول يمسك نفسه عن الضحك :لالا بنروح الحين لاحلا مطعم لعيونك .. راشد :ايه ولا بعد ناوين غير كيذا .. حنين :معليش تعبتك ميما انا كنت متوقعه فارس بيلعبها .. فارس :الله واكبر ايش عنده خليه يلعبها لا شغل ولا مشغله .. راشد :لا والله وانت ايش عندك .. فارس :عندي الزين كله صار يطالع علي حنين بالمرايه .. في لبنان ... ام فارس حايسه تدور علي جواله له ساعه وهو يرن ... ام فارس:الو .. ابو فارس وبعصبيه :وينك ..لي ساعه وانا اتصل... ام فارس :والله توني احصله من اليوم وانا حايسه مع الاغراض تونا واصلين .. ابو فارس بعصبيه اكثر:ومتي ان شا لله الرجعه ....؟؟ ام فارس :بسم الله وش فيك هدلي نفسك صاير شي.. ابو فارس:بكره اول طياره وانتي راجعه .. ام فارس :ااااايش ايش يرجعني بكره اقولك تونا واصلين بعدين مقررين نجلس اسبوع علي الاقل.. ابو فارس عصب وزادت عصبية ام فارس... بدا نقاشهم ياخذ مجرا ثاني من الصراخ والعصبيه .. ام حمد كانت تشوف الي يحصل قدامها واخذت الجوال من ام فارس خافت تزيد الطين بله مع زوجها .. ام حمد من اخذت السماعه وابو فارس شاب صراخ .. ام حمد :يا بو فارس انا ام حمد اذكر الله يارجال ايش صاير .. ابو فارس .تقولين للي عندك بكره وانتم راجعين .. ام حمد :ان شا لله بس ايش الي صاير شغلت لنا بالنا .. ام فارس كانت منقهره ومتوتره حدها وواقفه تطالع في ام حمد تبي تاخذ من ملامحها أي تفسير... ابو فارس :ارجعو وانتهينا ... ام حمد ان شا لله كلها كم يوم وراجعين ..اول مانلقي حجز راجعين .. ام فارس تعلي صوتها تبي ابو فارس يسمع :قولي له مافي حجز . ابو فارس :بكره انا بحصلكم حجز اول ما اتصل تطلعون للمطار.. ام فارس كانت معصبه وخافت زياده ان صدق تكون مصيبه كبيره لان مو عادت زوجها يرجعهم وهو معصب وحالته حاله .. في المطعم . حنين جلست قبال فارس وراشد جلس بجنب حنين وميما جلست بجنب فارس علي اليسار .. فارس :انا صراااحه ميت جوع ايش تقترحون ...؟ راشد :شي طبيعي نطلب الاكل... فارس :ها حبيبي ايش تطلبين .. حنين :امممم الي انت تطلبه راشد اخذ المنيو وجلس يطلب له علي ذوقه ..وفارس بعد طلب له وطلب لحنين وميما معاه .. جلسو يسلفون ولا علي بالهم شي والي يشوفهم يقول ما مرو بمشاكل تهد جبال ...فارس كان طالع وسيم ومرتاح حتي راشد لكن حنين تعب الحمل هو الي متعبها لكن تضحك وتسولف وتلعب ميما ... كانت طلعتهم اجوائها عائليه ... جاهم الطلب وجلسو ياكلون طبعا ميما وفارس جلسو ياكلون ويحطون اطراف المكرونه كل طرف بفم الثاني ويقعدون ياكلونها الين يوصلون لنهايتها ...ولين يوصل فم ميما الي فم فارس ويبوسها .. كانت حركاتهم كلها عفويه طبعا ما نسي ياكل حنين بيده ..راشد ما كان سائل باحد كان ياكل ولا عليه بالي حوله .. خلصو الاكل وطلبو الحلا ... فارس اهدا لحنين كذا اغنيه غنوها في المطعم ...كان خاطره يرقصها بس خايف عليها ... انتهي يومهم باسعد اجواء... راح الكل وهم في بالهم اليوم هذا ماينسي بكل مافيه ..كل ذكراه انحفرت بعقولهم وبانفسهم .. في بيت ابو حمد ما جاه نوم يتقلب بين كل فكره وفكره تجيه اكبر من الثانيه ..كيف قدر فارس يجمع الثروه ويطلع فيها الا اذا كان هو المختلس ..وليه مايكون هو ..الشيطان بدا يوسوس له ..هذا اذا ما كان هو الشيطان بكبره ... حمد تدخل في الموضوع وجلسو يتناقشون ...وكل شي يخططون له اكبر من الي قبل ..بس كان فيه سؤال محيرهم ...كيف قدر يقوم ويبني شركته ويرفع اسمه بالسرعه هذي.. نايف كان له نصيب في افكارهم ...قدر وبدون مايدري يشب فتنه وشراره راح تكبر مع الايام ... في بيت ابو فارس ... في الصاله كان ابو فارس جالس ومعاه كوب القهوه يشرب منه ويحاول يلاقي حل للي حاصل ... فارس قدر يكبر وفلوسه كبرت واسمه علا لكن .. من وين جاب كل هذا وقدر يبني نفسه .. ... ابو طلال في البيت يحاول يتصل علي ابراهيم لكن مايرد عليه يبي يشوف متي يقابلون فارس ويفهمون منه ايش الي حاصل... ويمكن يقدرون منه يعرفون الاختلاسات الي قاعده تصير بين فتره والثانيه ...بس فقد الامل بان اخوه يرد عليه ... في بيت فارس .. نزل فارس شال ميما كانت نايمه .. حنين :حبيبي عطيني ميما اخذها .. فارس وهو متهجم وجه :صاحيه انتي والي في بطنك لا لا ما ارضاها ..انا بطلع كتكوتي .. وباسها علي خدها .. راشد سبقهم ودخل للبيت ... تنهد واخذ نفس وجلس علي اقرب كرسي صادفه بالصاله واخذ الريموت وشغل التلفزيون .. فارس وهو طالع الدرج :شوف جلس علي طول يلعن ام الميانه .. راشد من تحت ههههههههههه +حنين هههههههههههههه راحت حنين للمطبخ تجهز لميما حليب ... وهي بالمطبخ وبين افكارها اختل توازنها بس اسرع ما تلاحقت عمرها ومسكت نفسها .. بعد ماتماسكت وطلت علي راشد من باب المطبخ :راشد تبغي شاهي قهوه عصير ايس كريم ...قبل ما يقفل المطعم ههههههههههه راشد :هههههههههههه زين فاتحين الي الان .. حنين وهي تضحك:ترا بنقفل العرض ما يجي مرتين .. راشد :لا ادل المطبخ لو بغيت شي البيت بيتي .. حنين :ههههههههههههههههه ياربي علي الثقه . طلعت حنين الدرج وهي تدعي ربها يسهل لها الحمل.. فارس في غرفة ميما ..كانت علي السرير متمدده جالس يغير لها ملابسها .. دخلت حنين وشافته وهي ميته ضحك .. حنين اسرعت بخطواتها ومتحمسه :فروووسي ايش قاعد تسوي خليها عنك انا البسها .. فارس طالع فيها :لو سمحتي بنتي يعني ما البسها ..او انتي تشوفين غير كيذا . حنين بكل دلع :فروسي مو قصدي وميما ماراح تحصل ابو مثلك بس لا تعب نفسك انا اغير لها ... فارس:لا لا تحاولين يالله انتي روحي غيري ملابسك وارتاحي تعبتي اليوم شوفي شكلك كيف ارحمي نفسك شوي... حنين طالعت في فارس وفي عيونها حب ماينوصف :لهدرجه تخاف علي .. فارس بادلها نفس النظرات واكثر:وانا اقدر اعيش من غيرك ..!!! قامت حنين بعد ما باست فارس من خده وراحت للغرفه ومانست تبوس ميما . من طلعت راحت علي طول للغرفه ..جهزت ملابسها تاخذ لها شور وجهزت لفارس ملابسه الي بيلبسها لدوام ... لبست قميصها ..وراحت علي السرير وهي تعبانه ونعسانه حدها ...حاولت تنتظر فارس لكن تاخر عليها ... غلبها النوم وغمضت عيونها علي احلا امل عاشته بحياتها ..واسعد لحظات ماكانت تحلم تعيشها ..نامت واحلامها انسجت بحياة اكثر سعاده .. في غرفة ميما ..فارس بعد ما نوم ميما علي يده شالها وحطها علي سريرها ...وودعها ربي غطاها بفراشها ..وطلع من عندها ..سمع صوت راشد يكلم في الجوال قرر ينزل عنده ويكمل سهرته معه بس بعد ما يتطمن علي حبيبته ..وصل للغرفه فتح الباب بكل هدوء .. شاف حنين كيف نايمه كانها ملاك وبطنها بدت تكبر طالع شكلها جنان ولابسه قميصها الاسود..وشعرها مبعثر حولها .. في ملامحها ابتسامه بسيطه تاكد سعادتها حتي باحلامها ... غطاها زين وتاملها لثواني وطفي الاضائه وطلع ... نزل فارس عند راشد في الصاله ... راشد جالس علي الكنب ووجه علي التلفزيون والاضائه مره خافته.. جا فارس وجلس علي الكنبه المقابله له .. راشد :وين حنين نامت .. فارس :ايه .. راشد وبكل جديه :فارس انت حبيت حنين او كل الي اشوفه عطف.. فارس عدل جلسته وبكل عنفوان الرجوله: لو اجمع لك كل وصف في الدنيا يوصفلك كيف احبها ماراح يكفي ..حنين روحي .. راشد: وربي اني احمد ربي ليل نهار علي زواجكم وظروفه الي جت لحسابك انت وياها ..وين اعمامي وابوي يشفون كيف عايشين وكيف حياتكم الي يفكرون يهدمونها ..يمكن يغيرون رائيهم ..اه بس .. فارس ما كان وده يتذكر أي شي من الفتره الي راحت ومايبي حتي يتذكر ظروف زواجه يبي يتناسى الفتره تماما ويعيش للايام الي جايه.. اخذتهم السوالف ونسو ان فيه ناس تكن لهم كل الحقد والغيره من أي شي يسوونه ...ما كانو عايشين بالواقع الي الناس عايشته ..كانت كل حياتهم عباره عن ضحكه ما يغيرها الا ضحكه ثانية. الي من كان الهامي ..الي من علمني كيف اعيش ..الي من علمني كيف اشتاق له ..وكيف اكتب له ليس لغيره ... ابي الي جنة الخلد .....اهدي لك كل نجاحاتي ..الي من علمني كيف اعيش بمجده ......

البارت الخامس والثلاثين من ادعي علي بالموت ولا سمني بس لا تفارقني ... في بيت ابو طلال .. اخذ...