عايشة بمجد ابوها :

يعجبني حماسكم لروااايه .... بس الاحداث غير وتمنياتكم ياليت تتحقق .... بس تجري الرياح بما لا تشتهي السفن .... عموما مابقي الا القليل علي النهايه ...وراح تكونون قريبين منها ومن احداثها الي راح تغير مجري اشخاااااص كثير ..... دمتم بود ولكم مني اجمل التحايا ..... علمتني الحياة ان اكون انا مهما كانت النتائج ....ابي علمتني الحياه ان الكذب يعيش والصدق يموت .... ابي علمتني الحياة ان لا اقف مكاني وانت بعيد عني ....وعلمتني ان اخطو خطاي ثابته بعد فشلي ....

يعجبني حماسكم لروااايه .... بس الاحداث غير وتمنياتكم ياليت تتحقق .... بس تجري الرياح بما لا...

عايشة بمجد ابوها :

البارت السابع والثلاثين من ادعلي علي بالموت ولا سمني بس لا تفارقني ... حياة الاعمام مشت مثل أي حياة ينقصها الحب والتواصل ..تفرقو وابتعدو العيال عن ابائهم ..صارو مثل الشجر الي ماتثمر .. او ثمرها ماله أي فايده غير التعب والشقي الي اخذوه من ورا العادات والتقاليد ومن القرارات الي اخذوها بوقت غلط .. حنين تحملت وصبرت ونالت ..نالت وجود فارس عندها وبجنبها وبنتها قبالها ..وتحلم بوجود اخ لها يساندها ويراعيها ويكون لها الاخ لا بغته والاب لحست بالوحده والحنان.. بعد وصول طلال واستقبله راشد في المطار اخذهم شوقهم لبعض وطول الغيبه والفتره الي قضاها طلال بعيد عنهم ..غيرته كثير .. ركبو السياره اخذ طلال يسولف ومن بين سوالفه قاله عن خبر خطبته وملكته الي ماراح تصير الا بحضور فارس وراشد وحنين ..راشد من داخله كان وده يقوله عن الاوضاع الي مرو فيها والظروف الي احكمت حياتهم وخلتها محصوره .. لكن مابغي يخرب فرحته بالخطبه ورجعته ... وصلو وخبرو فارس وجا قابلهم عند باب بيت ابو طلال ...سلم عليه وتحمد له بالسلامه.. دخل طلال لابوه وامه يسلم عليهم ..طارو فرح برجعته واستقراره ..وخطبته الي كانو مخططين لها من قبل يجي وراسمين ادق تفاصيلها .. طلال بعد ماسلم عليهم وشاف اشواق وسلم عليها واستئذن اهله يطلع مع عيال عمه .. لكن ماقال لابوه لانه عارف بالمشاكل الي صارت وكره ابوه لعيال عنه ابراهيم فقرر يسكت ويطلع ويتحجج بطلعته مع اصدقاه الي وحشوه .. من طلع اتصل براشد ... جا راشد ياخذه ويطلعون سوا .. ركبو بالسياره ثلاثتهم ...احتارو وين يروحون بس بالاخر قررو يرحون لكل مكان قضو فيه احلا اوقات حياتهم .. ساعات اليوم مرت بسرعه من بين ضحك وذكريات ..ومواقف اجمعتهم ... طلال من عرف ان حنين حامل ..قرر يتسوق لها وياخذ للبيبي شي ..هديه ما يبي يدخل بيتهم من غير هديه لميما ولحنين ... قررو اخيرا يروحون لسوق .. دخلوه ونظرات الاعجاب تحوطهم ثلاث شباب في اوسم حالتهم واجمل لحظاتهم واحلا اعمار... كان الضحك والفرح في ملامحهم اخذ مكانه ..وطيبتهم وحرصهم علي بعض يبين من تصرفاتهم ... يعتبرون انفسهم اخوان من بطن واحد ..عمرهم ما شالو علي بعض رغم ان طلال مجروح بس كان يشوف فارس مثاله الاعلا في كل شي وقدوته .. سفرته وجلسته بالغربه رتبت اخيرا حياته وعلمتة كيف يتحمل ويصبر وينسي ... فارس من عرف بخطبة طلال وملكته فرح له من قلب وباركلة.. عرف واكتشف قد ايش طلال يحبهم ومتعلق فيهم رغم الي صار وطلبه ولزومه علي حضور ملكتة.. فارس حاول يقنع طلال ان ما يقدر ياخذ حنين للملكه لكنه كان رافض حتي النقاش في الموضوع ...لزم عليهم ووافقو اخيرا انهم يرحون ويساندون اخوهم في احلا يوم له .. بس ما كان احد يعرف ان ملكة طلال وخطبته ما كان مبسوط فيها مثل ما هم متوقعين منه ..كان يتظاهر بالسعاده مايبي يحسسهم بالذنب او تانيب الضمير.. ما خلو شي للبيبي الا شرووه مفاجئه لحنين ... لكن فارس فجر المفاجئه الي عنده وخبرهم ان الي حنين راح تجيبه اثنثن مو واحد ..الكل فتح عيونه علي كبرها وفرحتهم ما سعتها الارض .. مو متخيلين كيف يكون عندهم توام ...ومن فارس وحنين .. افرحو زياده وكانو متوقعين في انفسهم انه الاخبار الحلوه الي يسمعونها هي اخر احزان يعيشونها ..وان الحياة بدت تطلع الالوان الي خبتها عنهم ... صارت الافراح دربهم ... والحزن والمشاكل ودعوها ... حبو يعيشون كل الايام مع بعض بفرحها ومرها .. صار يشترون بدل القطعه اثنين وبدل الفرحه فرحتين .. اخذهم الوقت ونشوة سعادتهم ونسو الدنيا ..ضاعو بين الاطفال وملابسهم واغراضهم .. بس اذان العشا ذكرهم ورجعهم لواقعهم ..تذكرو الاشغال الي عليهم .. فارس ما نسي يشتري لحنين احلا فستان لملكة طلال ..اختاره لها ابيض وفيه من الكرستالا والالماس وقصاته وشرايطه باللون الاحمر الي يعكس اللون الابيض ..كان متعوب عليه ومن مصمم معروف ... وما نسي يشتري لها بعد طقم الماس ... واشترا لميما بعد فستان لونه بنك وابيض ... طلال ما خلا بنفسه شي شرا لميما كم لعبه ...وماقصر بحق التوام .. حتي راشد .. فارس كان متحمس يرجع للبيت ...ويشوف حنين بالفستان الي شراه لها ... وبفنس الوقت بيشوف ردة فعلها واهم يجهزون للاطفال غرفتهم واغراضهم .. فارس كان يطالع اخوه وولد عمه بنظره كلها حب صدق الدنيا اعطتني اغلا هدايا ...راشد وطلال ...كانو اكثر من انهم اهل او اخو وولد عم ... في يوم ...الملكه ..الكل كان متجهز علي اهب الاستعداد ام طلال كانت مرتبه كل شي اول فرحتها وولدها الوحيد تبي تفرح فيه اكثر من أي ام بالدنيا ...جهزت له الشبكه والمهر ..واهتمت بادق التفاصيل حتي لبسه ... اشواق تكلفت باللبس بما انه ملكة اخوها ..وطبعها بعد ... اسيل وهند وهيفا بعد لبسو فساتينهم الي صمموها في لبنان ...وام حمد وام فارس بعد كانو جاهزين ... مشت السيارات والكل متجهز وفرحان ..ماعدا طلال ما كان يحس بفرحتهم ..كان موكل امره لربه وان كل الي قاعد يسويه يحسه واجب عليه ...كان خاطره يكون بافضل احوال من اليوم بس خلاص كل شي انتهي والحين بيرتبط مع سديم الي اختارتها امه له.. في بيت فارس ..يالله حنون تاخرنا علي الرجال يبغانا معاه.. حنين وهي تلبس الحلق ...يالله خلصت الحين انزل .. حنين شعرها كان ويفي ..بف ناعم وعليه شريطه بيضا وبطنها كانت بشهرها السادس ... مكياجه مره ناعم والي يشوفها يستغرب انها ام لطفله وحامل بتوأم .. فارس ما كان وده حنين تروح لانه عارف اهله ونظرتهم وحمد لكن مايبي يكسر خاطر طلال .. لبسو ولبست ميما وطلعو بالسياره .. راشد كان سابقهم ورايح مع طلال وكان الشاهد الثاني علي الملكة.. في بيت ابو سديم الكل متجمع .. ومن وصل فارس نزل ونزلت حنين كانت متردده خايفه من المواجه ...كان خاطرها يكون فارس بجنبها مثل ما عودها دايم في المواقف هذي لكن لازم تكون اليوم بلحالها ..وكلت امرها لربها ووقبل لا تمشي فارس ناداها ... حنين :هلا فارس :انتبهي لنفسك واذا حسيتي باي تعب دقي علي ..واذا احد ضايقك لا تظغطين علي نفسك دقي علي نطلع . حنين بكل حزن :وطلال فارس :لا تخافين طلال بيقدر الموقف.. دخلت حنين وهي خايفه ومن استقبلتها ام طلال من الباب ورحبت فيها ضمتها لها وباستها .. ام طلال كانت مشتاقه تشوف حنين وشافتها بعد وهي حامل افرحت لها ..عكس ام فارس الي اعبست اول ما شافتها وتفاجئت انها حامل .. انقهرت من داخلها لكن سلمت عليها بكل برود .. حنين جلست با قرب طاوله ومعها ميما الي جلست معها .. كانت تشوف بنات عمها كيف يطالعون عليها بنظرات غريبه بس ما اعطتهم أي اهتمام .. حاولت تكون مع ام طلال بالمناسبه هذي بالذات تحاول ترد لها شي من جمايلها وبما انها تحبها .. عند الرجال جا ابو سديم وطلب من الرجال يدخلون مع طلال يلبسون العروس شبكتها .. دخل طلال وطلب من راشد وفارس يكونون حوله .. دخل فيصل مع ولده والاعمام طبعا ... راشد من دخل كان مبتسم وبجنب طلال علي ياليمين وابوه علي يساره .. فارس كان ماشي ورا الاعمام .. كانت عيونه بالصاله علي حنين يبي يشوفها بين الحظور ..الكل يطالع طلال وفارس بنظرات الاعجاب ...علي اجسامهم وعلي وسامتهم ..وحظورهم ونظراتهم الي تذبح .. ومن لبس طلال العروس الشبكه ادمعت عين امه ..طلعو الاعمام وجلسو العيال .. طبعا ابو طلال طلب من فارس وراشد انهم يطلعون لكن نظرات طلال لهم ..ماخلتهم يطلعون وجلسو بجنب ولد عمهم بيوم فرحته .. طلعت ام طلال ترقص وبيدها حنين الي كانت تمشي .. لكن فارس من شاف حنين طار عقله علي باله انها بترقص..راح فز من مكانه لها علي طول ..ومسكها من يدها ودنق لها ..مجنونه انتي بترقصين .. حنين ابتسمت:ومن قالك اني برقص .. فارس :ايه بعد حسبت وهو يطالعها بنظرات ضحك .. اشواق ومعها صديقاتها وبنات خالها .. ماتنلامين اذا هذا الي حبيتيه ... البنات اخذو يسلفون عن فارس ووسامته ويحسدون حنين عليه ..علي راشد ووقفته ورزته .. انتهي العشا حنين ما تعشت ..لانها مو مشتهيه ...باركت لطلال قبل تمشي وطلعت ..وهي تمشي طالعه لفارس الا وقفها شخص ومن ارفعت عينها الا وتحصله حمد .. كل هالجمال وانا ماكنت اشوفه .. حنين انقهرت من كلامه حاولت تمشي ولا تعطيه أي وجه ..ومن افتكت منه الا فارس كان قبالها ..لكن ما شاف حمد لان حنين حاولت تسحب فارس من يده وتوصله السياره عارفه انه راح يسوي مشكله وبيوم مثل كيذا لان حمد ما عنده ادني احترام لاحد ... ركبت السياره وهي هلكانه من الوقفه ... فارس :ياحليله طلال .. حنين :......... فارس وهو يسوق اخذ نظره خاطفه علي حنين .. كانت مغمضه عيونها ...وتتالم .. فارس خاف عليها ووقف السياره .. التفت عليها :حنين فيك شي .. حنين :تغتصب الكلام :لا مافيني شي بس تعبت من الوقفه ظهري يعورني بس .. فارس :طيب اوديك المستشفي . حنين وهي تحاول تظبط نفسها :الالم عادي لا تاخذ في بالك قتلك كله من الوقفه ... وصلو للبيت ونزلت حنين ومعها ميما الي كانت نعسااانه ممممررره اخذتها لغرفتها غيرت لها ملابسها .. حنين وهي تكلمها :يابختك من قدك تصورتي مع عمو طلال .. ميما وهي تهز راسها وتبتسم .. مر شهرين عاديه مافيها شي جديد غير ان فارس كان مصمم باقرب وقت يروح لاعمامه وابوه وينفي كل الكلام الي طالع عنه والاختلاسات الي هو سببها ..كان وده يروح اليوم قبل بكره لكن فضل يسكت ويكبر تجارته اكبر عشان يزيد الشك فيهم اكثر .. قلبها عليهم حرب اعصاب وترهم ... كان وده يرد اعتباره باتفه شي اهم شي نفسه... في بيت فارس الساعه 1 صحى راشد من نومه عطشان شاف ثلاجة غرفته مافيها ماء فقرر ينزل للمطبخ... ميما طلعت من غرفتها وهي تتعبر ودموعها علي خدها ويدها تفرك عيونها... راشد طلع الدرج وشاف ميما وهي تبكي وتفرك بعيونها كان شكلها يقطع القلب وينرحم ..نزل في مستواها وشربها من الكاس الي معاه ومسح دموعها .. وهو يكلمها :ليه حبيبي تبكين من زعلك اروح ازعله .. ميما صارت تطالع في راشد ومسكت يده كانها خايفه من شي .. شالها راشد واخذها معاه للغرفه .. في مكتب فارس .. فارس جالس علي الورق يقلب فيه ويكتب كان منهمك بالعمل .. حنين علي السرير تتقلب من الالم فيها شي بس ما تدري ايش هو تعبانه حدها ..وضايقه .. قامت من سريرها تركض للحمام..صارت ترجع وترجع وتتالم .. فارس صحي من غفلته وقام من مكانه رايح للحمام .. حنين طلعت وملامح التعب عليها ..سندت نفسها علي الجدار واخذت تنزل للارض وهي تبكي ... خلاااااص تعبت ما اقدر اتحمل والله تعبت ... فارس رحم ضعفها وتعبها حاس فيها ..راح لها مسك يدها وهو يسندها تقوم لكن حنين ما هي قادره حتي تتنفس زين حاسه الارض تلف فيها ...غثيان جاها فجئه .. ساعدها فارس للحمام اخذ يغسل لها وجهها ..قومها من انها تطيح علي الارض .. طلعها من الحمام وهو ماسكها ..اخذها لسرير حاولت حنين تتمدد وهي تبكي .. حنين :فارس ارحمني الله يخليك والله تعبت .. ما اقدر اتحمل ..تشاهق وتاخذ انفاسها ..تعبت والله تعبت ..ودموعها تنزل .. فارس جلس بجنبها ويمسح دموعها .. والله ادري انك تعبانه والحمل مو سهل بس عدا راح الكثير وما بقي غير القليل..وتقوميلي بالسلامه ان شا لله يارب .. لا تشدين اعصابك ريحي بالك ... حنين وكان الالم بدا يرجع لها مره ثانيه والغثيان .. اخذ فارس يقرا عليها قران ويمسح علي شعرها ... حنين تشوف في فارس نظرة الحنان والخوف فيه كان يسوي قد ما يقدر بس ما تحس بالم .. فارس بقولك قصه ايش رايك .. حنين حطت راسها في حظن فارس وتبي تسمع القصه ... فارس اخذ يتكلم وحنين تسمع وتبتسم كانت القصه كلها استهبال.. فارس :وهذا الشاب الوسيم زوجته اسمها حنين ..بس هو قرر يتزوج السكرتيره الي عنده في المكتب .. هينا حنين ارفعت عيونها والغيره بتطلع منها ..ما ابي اسمع القصه .. فارس :هههههههههههه تغارين ياغياره ... حنين وهي تجر انفاسها :وهذا سؤال فارس :خلاص بغير هو ما قرر يتزوجها بس كان ناوي ياخذها علي زوجته ..عاد انتي وشطارتك لازم تغيرين رائي.. حنين اغتصبت الابتسامه وعيونها ذابله من التعب .. فارس لا تخليني .. فارس :ههههههههههه اوف صدقتي القصه .. حاول فارس قد ما يقدر يضحك حنين وينسيها تعبها والمها ..ونجح بانه خفف عنها ..اخذ يلمس بطنها .. يابختكم جالسين بوسط حبيبتي ..وتاخذون من انفاسها ...متي تجون وتصير حبيبتي لي ما احد يشاركني فيها .. حنين :انت تغار من عيالك لااحد يسمعك بس .. فارس :ايه اغار ويحقلي بعد .. اصلا انتي كنتي لي انا وهم دخلو علينا فجئه .. حنين :هههههههههههههه فروسي وش هالكلام .. فارس :تسلملي الضحكه وراعيتها الله يخليك لي .. اخذ فارس يغني لحنين ويلمس خصلات شعره ويرتبها بعد ما كانت مبعثره... مو علي كيفك حبيبي تبتعد وتخون وعدك والله لو حبيت غيري لقتلك واموت بعدك .. ما اعيش الدنيا بدونك دنيا مافيها عيونك دام ميت ميت اصلا يابعد عمري في بعدك.. قلي من ياخذك مني او يدايو بك جروحه الي اخذ روحي مني والله لاخذ روحه منه.. قلبي حبك ياحبيبي ومستحيل يحب ثاني انت ملكي انا وحدي وقلبي في حبك اناني.. (اغنية ماجد المهندس) حنين تغير مزاجها ونست تعبها الي دمرها ... وتحملت واصبرت عشان فارس ..كان عنده قدره عجيبه بانه يسعد الي حوله .. نامت حنين اخيرا علي صوت حبيبها .. .جلس فارس بجنبها قرر ينام بعد ما شافها مرتاحه .. يوم السبت .. صحى فارس من نومه علي المنبه ..يحاول يسحب يده من تحت حنين عشان ما تحس يبغاها تنام ..طول ليله سهر علي تعبها .. قدر يسحب يده من غير ما تحس لكن بالاخير حست فيه وفتحت عيونها بثقل ... لا تروح الله يخليك ..اجلس معاي اليوم . فارس قرب منها :حبيبتي وراي شغله ضروريه اخلصها وارجع علي طول .. حنين بدلع شوي :عشان خاطري اجلس .. فارس:تحسين بتعب .. حنين :امممم اذا قتلك ايه بتجلس . فارس عيونه تدور في المكان وشبه مبتسم:ويهون عليك اصير متكاسل بشغلي واطلع كذاب عند التجار... حنين :تاخذ نفس بصعوبه وتحاول تواسي جلستها:لا طبعا.. فارس :ارتاحي حياتي انا بطلع مستعجل وارجع ان شا لله بدري .. حنين :ما عندك نيه تغير رائيك ... فارس :اسف قلبي . حنين تتنفس بثقل .. طلع فارس بعد ما ودع ميما وباسها وراحت للروضه مع راشد .. ركب كل واحد سيارته بعد ما تواعدو عند شركة الاعمام يتلاقون .. في الشركه الكل مجتمع يشربون قهوة الصبح ..العاده هذي عندهم من فتحو الشركه .. يتقابلون الاخوان ويشربون القهوه ويتناقشون في امور تخصهم ... عند الروضه انزلت ميما بعد ما تحايل عليها راشد وكلمتها حنين بالجوال تقنعها تنزل ... نزلت وكان الدمعه بعيونها واقفه ..بس قدر راشد يفرحها ووعدها ياخذها لمحل الالعاب اذا استمرت تروح لروضه ... باست راشد ونزلت .. في البيت عند حنين ..استئذنت يمامه والشغاله يقضون اغراض البيت الناقصه .. علمتني الحياة ان اكون انا مهما كانت النتائج ....ابي علمتني الحياه ان الكذب يعيش والصدق يموت .... ابي علمتني الحياة ان لا اقف مكاني وانت بعيد عني ....وعلمتني ان اخطو خطاي ثابته بعد فشلي ....

البارت السابع والثلاثين من ادعلي علي بالموت ولا سمني بس لا تفارقني ... حياة الاعمام مشت مثل...